ზუგდიდის მუნიციპალიტეტის ადგილობრივი თვითმმართველობის მოხელის თანამდებობათა დასაკავებლად კონკურსის ჩატარების ინსტრუქციის“ დამტკიცების შესახებ

ზუგდიდის მუნიციპალიტეტის ადგილობრივი თვითმმართველობის მოხელის თანამდებობათა დასაკავებლად კონკურსის ჩატარების ინსტრუქციის“ დამტკიცების შესახებ ზუგდიდის მუნიციპალიტეტის საკრებულოს დადგენილება №28 2013 წლის 21  ნოემბერი ქ. ზუგდიდი ზუგდიდის მუნიციპალიტეტის ადგილობრივი თვითმმართველობის მოხელის თანამდებობათა დასაკავებლად კონკურსის ჩატარების ინსტრუქციის“ დამტკიცების შესახებ „ადგილობრივი თვითმმართველობის შესახებ“ საქართველოს ორგანული კანონის, „ნორმატიული აქტების  შესახებ“ საქართველოს კანონის,  „საჯარო სამსახურის შესახებ“ საქართველოს კანონის, ,,საჯარო თანამდებობათა დასაკავებელი კონკურსის ჩატარების წესის დამტკიცების შესახებ“ საქართველოს  პრეზიდენტის 2009 წლის 5 თებერვლის №46 ბრძანებულების შესაბამისად ზუგდიდის მუნიციპალიტეტის საკრებულო ადგენს: მუხლი 1🔗 დამტკიცდეს ზუგდიდის მუნიციპალიტეტის ადგილობრივი თვითმმართველობის მოხელის თანამდებობათა დასაკავებლად კონკურსის ჩატარების ინსტრუქცია“ თანდართული სახით (დანართი №1). მუხლი 2🔗 დამტკიცდეს ზუგდიდის მუნიციპალიტეტის ადგილობრივი თვითმმართველობის მოხელის თანამდებობათა დასაკავებლად  კანდიდატის განაცხადის ფორმა თანდართული სახით (დანართი №2). მუხლი 3🔗 დადგენილება ძალაშია საქართველოს კანონმდებლობით დადგენილი წესით გამოქვეყნებისთანავე.ზუგდიდის მუნიციპალიტეტის საკრებულოს თავმჯდომარელევან კონჯარია დანართი №1 ზუგდიდის  მუნიციპალიტეტის ადგილობრივი თვითმმართველობის მოხელის თანამდებობათა დასაკავებლად კონკურსის ჩატარების ინსტრუქცია ინსტრუქცია, „საჯარო სამსახურის შესახებ“ საქართველოს კანონის, „საჯარო თანამდებობათა დასაკავებელი კონკურსის ჩატარების წესის დამტკიცების შესახებ“ საქართველოს პრეზიდენტის 2009 წლის 5 თებერვლის N46 ბრძანებულების შესრულების მიზნით განსაზღვრავს ზუგდიდის მუნიციპალიტეტის ადგილობრივი თვითმმართველობის მოხელეთა თანამდებობის დასაკავებლად კონკურსის გამოცხადებისა და ჩატარების პროცედურებს. თავი I ზოგადი დებულებები მუხლი 1🔗. საკონკურსო-საატესტაციო კომისია 1. ადგილობრივი თვითმმართველობის მოხელეთა კონკურსსა და ატესტაციის ჩატარებას უზრუნველყოფს თვითმმართველი ერთეულის მუდმივმოქმედი საკონკურსო-საატესტაციო კომისია. 2. საკონკურსო-საატესტაციო კომისიის თავმჯდომარეს, განკარგულებით ნიშნავს საკრებულო, საკუთარი უფლებამოსილების ვადით. 3. საკონკურსო-სატესტაციო კომისიის თავმჯდომარის კანდიდატურის დასახელების უფლება აქვს საკრებულოს წევრს. საკრებულოს წევრს უფლება აქვს საკონკურსო-საატესტაციო კომისიის თავმჯდომარის კანდიდატად წამოაყენოს საკრებულოს თავმჯდომარის, საკრებულოს თავმჯდომარის მოადგილის ან გამგებლის კანდიდატურა, კანდიდატის თანხმობით. კომისიის თავმჯდომარის კანდიდატურების დასახელების შემდეგ საკრებულოს სხდომის თავმჯდომარე აცხადებს კანდიდატთა სიას და ითხოვს მათ თანხმობას, კენჭი იყარონ საკონკურსო-სატესტაციო კომისიის თავმჯდომარის თანამდებობაზე. სხდომის თავმჯდომარე კენჭისყრისათვის ადგენს კანდიდატთა ერთიან სიას მათი წარდგენის რიგითობის მიხედვით. საკონკურსო-სატესტაციო კომისიის თავმჯდომარედ დანიშნულად ჩაითვლება კანდიდატი, რომელსაც მხარი დაუჭირა საკრებულოს სხდომაზე დამსწრე წევრთა უმრავლესობამ, მაგრამ არა ნაკლებ საკრებულოს წევრთა სიითი შემადგენლობის ერთმა მესამედმა. 4. საკონკურსო-საატესტაციო კომისიის თავმჯდომარე ვადამდე შეიძლება იქნეს განთავისუფლებული პირადი განცხადებით და/ან საკრებულოს განკარგულებით. საკონკურსო-საატესტაციო კომისიის თავმჯდომარის თანამდებობიდან განთავისუფლების საკითხის დასმის უფლება აქვს საკრებულოს წევრს. გადაწყვეტილება მიიღება საკრებულოს მიერ საკრებულოს წევრთა სიითი შემადგენლობის უმრავლესობით. 5. საკონკურსო-საატესტაციო კომისიის თავმჯდომარე დანიშვნიდან ერთი კვირის ვადაში, ჩასატარებელი კონკურსის მოცულობისა და სპეციფიკის გათვალისწინებით განსაზღვრავს კომისიის წევრთა რაოდენობას და კომისიის წევრთა კანდიდატებს. კომისიის წევრთა რაოდენობა, კომისიის თავმჯდომარის ჩათვლით, უნდა იყოს კენტი. კომისია უნდა შედგებოდეს არა ნაკლებ 5 და არა უმეტეს 11 წევრისაგან.“; 6. კომისიის შემადგენლობაში მონაწილეობენ ადგილობრივი თვითმმართველობის მოხელეები (გარდა იმ შემთხვევისა, როდესაც კონკურსი გამოცხადებულია ამ თანამდებობაზე და/ან კომისიამ უნდა მოხდინოს მისი ატესტაცია), მოხელეთა პროფესიული კავშირების წევრები, დამოუკიდებელი სპეციალისტები, საკრებულოს წევრ(ებ)ი. კომისიის შემადგენლობაში შეიძლება შედიოდნენ არასამთავრობო ორგანიზაციებისა და სხვა საზოგადოებრივი ორგანიზაციების წარმომადგენლები. 7. კომისიის წევრებს ნიშნავს კომისიის თავმჯდომარე მათი თანხმობით (კომისიის თავმჯდომარის გადაწყვეტილებით).    კომისიის    წევრი    კომისიის    თავმჯდომარის    გადაწყვეტილებით    კომისიის წევრობიდან შეიძლება განთავისუფლდეს ნებისმიერ დროს პირადი განცხადების, კომისიის სხდომაზე ზედიზედ 3-ჯერ გამოუცხადებლობის და/ან დაკისრებული მოვალეობის შეუსრულებლობის გამო. კომისიის განთავისუფლებული წევრის შეცვლა ხდება კომისიის თავმჯდომარის მიერ. მუხლი 2🔗. კომისიის თავმჯდომარე და  თავმჯდომარის მოადგილე 1. საკონკურსო–საატესტაციო კომისიის თავმჯდომარე: ა) იწვევს და თავმჯდომარეობს კომისიის სხდომებს; ბ) ანაწილებს ფუნქციებს კომისიის წევრთა შორის; გ) კომისიის შემადგენლობიდან ნიშნავს და ათავისუფლებს კომისიის თავმჯდომარის მოადგილეს; დ) საჭიროების შემთხვევაში ქმნის საკონკურსო-საატესტაციო კომისიის სპეციალიზირებულ შემადგენლობას და ნიშნავს მის თავმჯდომარეს; ე) კომისიის წევრებთან შეთანხმებით განსაზღვრავს საკითხთა განხილვის თანმიმდევრობას; ვ) ხელს აწერს კომისიის და კომისიის თავმჯდომარის გადაწყვეტილებებს, სხდომის ოქმებს;“; ზ) საკონკურსო კომისიის წევრებს შორის ხმების თანაბრად გაყოფის შემთხვევაში აქვს უპირატესი ხმის უფლება; თ) ახორციელებს საქართველოს კანონმდებლობით გათვალისწინებულ სხვა უფლებამოსილებებს. 2. საკონკურსო-საატესტაციო კომისიის თავმჯდომარის მოადგილეს ნიშნავს კომისიის თავმჯდომარე კომისიის წევრთაგან. კომისიის თავმჯდომარის მოადგილე ასრულებს საკონკურსო-საატესტაციო კომისიის თავმჯდომარის უფლება-მოვალეობებს თავმჯდომარის არ ყოფნის შემთხვევებში. მუხლი 3🔗. საპრეტენზიო კომისია 1. კონკურსის პროცედურებსა და შედეგებთან დაკავშირებული პრეტენზიების განხილვის მიზნით, საკრებულოს თავმჯდომარის ბრძანებით იქმნება საპრეტენზიო კომისია. 2. საპრეტენზიო კომისიის წევრთა რაოდენობასა და შემადგენლობას განსაზღვრავს საკრებულოს თავმჯდომარე. პირი არ შეიძლება ერთდროულად იყოს საპრეტენზიო და საკონკურსო-საატესტაციო კომისიის შემადგენლობაში. 3. საპრეტენზიო კომისია თავის შემადგენლობიდან ირჩევს კომისიის თავმჯდომარეს და თავმჯდომარის მოადგილეს. საპრეტენზიო კომისიის თავმჯდომარე და საკონკურსო-სატესტაციო კომისიის თავმჯდომარე არ შეიძლება იყვნენ სამსახურეობრივად ურთიერთდაქვემდებარებულნი. 4. საპრეტენზიო კომისიის თავმჯდომარის არყოფნის შემთხვევაში მის მოვალეობას ასრულებს თავმჯდომარის მოადგილე. 5. საპრეტენზიო კომისიის სხდომა უფლებამოსილია, თუ მას ესწრება წევრთა ნახევარზე მეტი. კომისიის თითოეულ წევრს აქვს ერთი ხმის უფლება. 6. საპრეტენზიო კომისიის გადაწყვეტილება მიიღება დამსწრე კომისიის წევრთა ხმების უბრალო უმრავლესობით. ხმების თანაბრად გაყოფის შემთხვე­ვაში გადამწყვეტად ითვლება თავმჯდომარის ხმა. 7. საპრეტენზიო კომისიის გადაწყვეტილება ფორმდება ოქმით, რომელ­საც ხელს აწერენ საპრეტენზიო კომისიის სხდომის თავმჯდომარე და დამსწრე კომისიის წევრები. 8. საპრეტენზიო კომისიის წევრს უფლება აქვს თავისი განსხვავებული აზრი დაურთოს ოქმს, რის შესახებაც ოქმში კეთდება შესაბამისი ჩანაწერი. 9. პირს საპრეტენზიო კომისიისადმი მიმართვის უფლება აქვს კონკურსის თითოეული ეტაპის შედეგების გამოცხადებიდან/საატესტაციო ფურცლის გაცნობიდან არა უგვიანეს 2 დღისა. საპრეტენზიო კომისიის სახელზე შეტანილი განცხადება განიხილება არა უმეტეს 3 დღეში. მიღებული გადაწყვეტილების თანახმად შედგება ოქმი გამოვლენილი ხარვეზის შესახებ და საბოლოო გადაწყვეტილების მისაღებად წარედგინება საკონკურსო-საატესტაციო კომისიას. 10. საბოლოო გადაწყვეტილებას იღებს საკონკურსო-საატესტაციო კომისია საპრეტენზიო კომისიის გადაწყვეტილების გათვალისწინებით. საკონკურსო-საატესტაციო კომისიას უფლება აქვს, საჭიროების შემთხვევაში, მოიწვიოს გაფართოებული სხდომა საპრეტენზიო კომისიის წევრთა მონაწილეობით. მუხლი 4🔗. საკონკურსო-საატესტაციო კომისიის სამდივნო 1. საკონკურსო-საატესტაციო კომისიის მუშაობის ორგანიზებას უზრუნველყოფს კომისიის სამდივნო. სამდივნო შედგება საკრებულოს აპარატის და/ან გამგეობის ადმინისტრაციული სამსახურის იმ თანამშრომლებისაგან, რომლებიც არ მონაწილეობენ კონკურსში/ატესტაციაში. სამდივნოს თანმაშრომლებს საკრებულოს თავმჯდომარესთან შეთანხმებით ნიშნავს საკონკურსო-საატესტაციო კომისიის თავმჯდომარე (კომისიის თავმჯდომარის გადაწყვეტილებით). სამდივნოს მიმდინარე საქმიანობას უძღვება მდივანი, რომელსაც სამდივნოს შემადგენლობიდან ნიშნავს საკონკურსო-საატესტაციო კომისიის თავმჯდომარე. 2. სამდივნო: ა) უზრუნველყოფს საკონკურსო დოკუმენტაციის მიღებას, რეგისტრაციას და ,,ადგილობრივი თვითმმართველობის მოხელეთა წერითი დავალების, ტესტირების და გასაუბრების გავლის წესით”  დადგენილი ფორმით მათ დამუშავებას; ბ) ამოწმებს საკონკურსო დოკუმენტაციის სისრულეს და მის შესაბამისობას საკონკურსო მოთხოვნებთან, ახდენს მიღებული დოკუმენტაციის სისწორის შემოწმებასა და გადამოწმებას; ამზადებს კომისიის გადაწყვეტილების პროექტებს საკონკურსო დოკუმენტაციასთან დაკავშირებით; გ) უზრუნველყოფს კომისიის წევრთა გაფრთხილებას კომისიის სხდომის ჩატარების ადგილისა და დროის შესახებ; ორგანიზებას უწევს კომისიის სხდომის დარბაზის მოწყობას, მასალების გამრავლებასა და დარიგებას, კომისიის სხდომის ოქმის შედგენას; დ) ახდენს კონკურსანტთა რეგისტრაციას; ე) საკონკურსო-საატესტაციო კომისიის მიერ დამტკიცებული ,,ადგილობრივი თვითმმართველობის მოხელეთა წერითი დავალების, ტესტირების და გასაუბრების გავლის წესის” შესაბამისად უზრუნველყოფს წერითი დავალების, ტესტირებისა და გასაუბრების გავლის ორგანიზებას და ამ წესით განსაზღვრულ სამუშაოთა შესრულებას; ვ) ასრულებას ამ ინსტრუქციით, კომისიის გადაწყვეტილებითა და კომისიის თავმჯდომარის გადაწყვეტილებით განსაზღვრულ დავალებებს. მუხლი 5🔗. საკონკურსო-საატესტაციო კომისიის სხდომა 1. საკონკურსო-საატესტაციო კომისიის სხდომა უფლებამოსილია, თუ მას ესწრება წევრთა ნახევარზე მეტი. კომისიის თითოეულ წევრს აქვს ერთი ხმის უფლება. 2. კომისიის გადაწყვეტილება მიიღება ღია კენჭისყრით, დამსწრე კომისიის წევრ­თა ხმების უბრალო უმრავლესობით. ხმების თანაბრად გაყოფის შემთხვევაში, გადამწყვეტია სხდომის თავმჯდომარის ხმა. 3. კომისიის სხდომა ფორმდება ოქმით, რომელსაც ხელს აწერენ სხდომის თავმჯდომარე და დამსწრე კომისიის წევრები. კომისიის წევრს უფლება აქვს თავისი განსხვავებული აზრი დაურთოს ოქმს, რის შესახებაც ოქმში კეთდება შესაბამისი ჩანაწერი. 4. კომისიის სხდომას კომისიის წევრების გარდა სხვა პირი შეიძლება ესწრებოდეს მხოლოდ კომისიის თავმჯდომარის თანხმობით. კომისიის გადაწყვეტილებით შეიძლება ჩატარდეს კომისიის საჯარო სხდომა. მუხლი 6🔗. კონკურსისა და ატესტაციის ჩატარების ფინანსური და ორგანიზაციული უზრუნველყოფა 1. კონკურსისა და ატესტაციის ჩატარებისათვის გათვალისწინებული ხარჯები, მათ შორის კომისიის მოწვეულ წევრთა შრომის ანაზღაურება, ხორციელდება თვითმმართველი ერთეულის ბიუჯეტიდან. 2. კომისიის მოწვეულ წევრს (არა საჯარო მოსამსახურეს) კომისიაში მუშაობის დროის გათვალისწინებით, საკრებულოს გადაწყვეტილებით ეძლევა კომპენსაცია განაცდურისათვის (პირის დღიური სამუშაო ხელფასის შესაბამისად, ხოლო თუ პირი არ მუშაობს, საჯარო მოხელისათვის მივლინების პერიოდში დადგენილი დღიური ნორმის შესაბამისად). 3. მოქალაქეები კონკურსში მონაწილეობისათვის გაღებულ ხარჯებს (მგზავრობა, საცხოვრებელი ადგილის დაქირავება, დოკუმენტების გამრავლება – დაგზავნა და ა.შ.) ფარავენ პირადი სახსრებით. 4. კონკურსის ჩატარების ორგანიზაციული უზრუნველყოფისათვის იქმნება საკონკურსო-საატესტაციო კომისიის სამდივნო საკრებულოს აპარატის და/ან გამგეობის (მერიის) ადმინისტრაციული სამსახურის იმ თანამშრომელთა შემადგენლობით, რომლებიც არ ღებულობენ კონკურსში მონაწილეობას. სამდივნოს პერსონალურ შემადგენლობას საკრებულოს თავმჯდომარესთან შეთანხმებით განსაზღვრავს საკონკურსო-საატესტაციო კომისიის თავმჯდომარე. 5. კომისიას აქვს შტამპი, კომისიის და კომისიის თავმჯდომარის გადაწყვეტილებების ბლანკები, კომისიის ბლანკი (მიმართვებისთვის)ზუგდიდის მუნიციპალიტეტის გერბის გამოსახულებით, რომელთა ფორმებსა და აღწერილობას ამტკიცებს კომისიის თავმჯდომარე – კომისიის თავმჯდომარის გადაწყვეტილებით.“; მუხლი 7🔗. კონკურსისა და ატესტაციის ჩატარების ენა კონკურსი (კონკურსში მონაწილეობის შესახებ განცხადების წარდგენა, კონკურსით გათვალისწინებული პროცედურები (წერითი დავალება, ტესტირება და გასაუბრება)) და ატესტაცია ტარდება სახელმწიფო ენაზე. თავი II კონკურსი მუხლი 8🔗. კონკურსის ცნება 1. კონკურსი წარმოადგენს საქართველოს კანონმდებლობით დადგენილი წესით საჯარო მოხელის ვაკანტურ თანამდებობის დასაკავებლად კანდიდატთა შერჩევის წესს, კანდიდატების ვაკანტურ თანამდებობასთან გამოცხადებულ მოთხოვნებთან შესაბამისობის დადგენის და მათ შორის საუკეთესოს გამოვლენის მიზნით. 2. კონკურსი სავალდებულოა გამოცხადდეს ადგილობრივი თვითმმართველობის ორგანოში შტატით გათვალისწინებული მოხელის ვაკანტური თანამდებობის დასაკავებლად. კონკურსი შესაძლებელია გამოცხადდეს ადგილობრივი თვითმმართველობის შტატგარეშე საჯარო მოსამსახურის მისაღებადაც. 3. ვაკანტურ თანამდებობად მიიჩნევა საჯარო დაწესებულების შტატით გათვალისწინებული ის დანიშვნითი თანამდებობა, რომელიც არ არის დაკავებული მოხელის მიერ. მუხლი 9🔗. კონკურსის მიზნები და ამოცანები 1. კონკურსის მიზნებია: ა) საქართველოს მოქალაქეთა კონსტიტუციური უფლების უზრუნველყოფა დაიკავოს ნებისმიერი საჯარო თანამდებობა, თუ იგი აკმაყოფილებს კანონმდებლობით დადგენილ მოთხოვნებს; ბ) ვაკანტური თანამდებობის მოთხოვნათა გათვალისწინებით შესაბამისი და საუკეთესო კანდიდატის შერჩევა; გ) მაღალპროფესიული საკადრო კორპუსის ფორმირება. 2. კონკურსის ამოცანებია: ა) კანდიდატის კვალიფიკაციის, პროფესიული დონის, შესაძლებ­ლობებისა და პიროვნული თვისებების შეფასება; ბ) კანდიდატის პროფესიული ჩვევების, კვალიფიკაციის, შესაძლებლო­ბე­ბისა და პიროვნული თვისებების დასაკავებელი თანამდებობის მოთხოვნებ­თან შესაბამისობის დონის განსაზღვრა. მუხლი 10🔗. კონკურსის პრინციპები კონკურსის პრინციპებია: ა) ობიექტურობა - კონკურსის პროცედურები უნდა იყოს არადისკრიმი­ნაციული და მაქსიმალურად გამოირიცხოს სუბიექტური გადაწყვეტილების მიღების შესაძლებლობა; კონკურსის შედეგები უნდა დაეფუძნოს ისეთ ინფორმაციას, რომელიც ექვემდებარება გაზომვას, შემოწმებასა და გადამოწმებას; ბ) გამჭვირვალობა - გამოყენებული პროცედურები, მეთოდები და შეფასების კრიტერიუმები უნდა იყოს ნათლად ფორმულირებული, გასაგები და აღქმადი ყველა კანდიდატისათვის; კანდიდატს, რომელიც არ ეთანხმება კონკურსის შედეგს, უფლება აქვს მოითხოვოს ამ შედეგების გადამოწმება და მიიღოს შესაბამისი განმარტება; გ) თანასწორობა - კონკურსის ჩატარება უნდა ეფუძნებოდეს მოქალაქეთა თანასწორობას განურჩევლად რასის, სქესის, რელიგიის, პოლიტიკური და სხვა შეხედულებებისა, საზოგადოებაში მათი მდგომარეობის, ეროვნული, ეთნიკური და სოციალუ­რი კუთვნილებისა, წარმოშობისა, ქონებრივი და წოდებრივი მდგომარეობისა, საცხოვრებელი ადგილისა; დ) საჯაროობა - კონკურსის პროცედურასთან დაკავშირებული სამართლებრივი აქტები, საკონკურსო-საატესტაციო კომისიის სხდომის ოქმები და კონკურსის შედეგები ხელმი­საწვდომი უნდა იყოს ყველა დაინტერესებული პირისათვის; ე) კოლეგიურობა - კონკურსის ეტაპები უნდა ჩაატარდეს და შედეგები უნდა დამტკი­ცდეს საკონკურსო-საატესტაციო კომისიის მიერ კენჭისყრის საშუალებით; ვ) კორექტულობა - კონკურსის ჩატარების ფორმები და მეთოდები, დასმული შეკითხვები უნდა იყოს კორექტული, საკონკურსო-საატესტაციო კომისია უნდა იყოს კეთილ­განწყობილი და არ ახდენდეს კანდიდატზე ფსიქოლოგიურ ზეწოლას.  მუხლი 11🔗. კონკურსის ჩატარების ეტაპები 1. კონკურსი შედგება სამი ეტაპისაგან: ა) მოსამზადებელი ეტაპი; ბ) ძირითადი ეტაპი; გ) დასკვნითი ეტაპი. 2. კონკურსის მოსამზადებელი ეტაპი მოიცავს: ა) საკონკურსო-საატესტაციო კომისიის თავმჯდომარის დანიშვნას და საკონკურსო-საატესტაციო კომისიის ფორმირებას (თუ კომისია არ არის შექმნილი); ბ) საპრეტენზიო კომისიის ფორმირებას (თუ კომისია არ არის შექმნილი); გ) საკონკურსო-საატესტაციო კომისიის სამდივნოს შექმნას; დ) ,,საჯარო სამსახურის შესახებ” საქართველოს კანონის მე-19 მუხლის შესაბამისად თვითმმართველობის მოხელეთა დამატებითი საკვალიფიკაციო მოთხოვნების დადგენას (თუ ეს მოთხოვნები არ არის საკრებულოს დადგენილებით უკვე განსაზღვრული); ე) ვაკანტური თანამდებობის შესაბამისი საკონკურსო მოთხოვნების მომზადებას; ვ) კონკურსის ჩატარების ფორმების განსაზღვრას და გამოქვეყნებას; ზ) კონკურსის ჩატარების გრაფიკის დადგენას და გამოქვეყნებას; თ) ვაკანტური თანამდებობების მიხედვით საკონკურსო პროგრამის მომზადებასა და გამოქვეყნებას; ი) „ადგილობრივი თვითმმართველობის მოხელეთა ტესტირების და გასაუბრების წესის“ მომზადებასა და გამოქვეყნებას; კ) საკვალიფიკაციო მოთხოვნებიდან გამომდინარე ტესტების მომზადებასა და მათ შესაძლო გამოქვეყნებას; ლ) წერითი დავალების თემატიკის განსაზღვრას; მ) კონკურსის გამოცხადებას. 3. კონკურსის ძირითადი ეტაპი იწყება კონკურსზე განცხადებების მიღების ვადის დამთავრებით და გულისხმობს: ა) საკონკურსო-საატესტაციო კომისიის მიერ კონკურსზე შემოტანილი განცხადებების და თანდართული მასალების განხილვას, შემოწმებას, დაზუსტებას და გადაწყვეტილების მიღებას პირის კონკურსში კანდიდატად ჩართვის ან უარის თქმის შესახებ; ბ) კანდიდატთა ცოდნის დონისა და უნარ-ჩვევების შემოწმებას წერითი დავალების, ტესტირების, გასაუბრების ფორმების გამოყენებით. 4. კონკურსის დასკვნითი ეტაპი მოიცავს საკონკურსო-საატესტაციო კომისიის მიერ კონკურსის შედეგების შეჯამებას, საპრეტენზიო კომისიისაგან მიღებული წინადადებების განხილვას, გადაწყვეტილების მიღებას საუკეთესო კანდიდატის გამოვლენისა და თანამდებობაზე დასანიშნად წარდგენის ან კონკურსის ჩაშლილად გამოცხადების შესახებ. მუხლი 12🔗. თვითმმართველობის მოხელეთა სამუშაოთა აღწერილობა 1. თვითმმართველობის მოხელეთა სამუშაოთა აღწერილობა დგება ,,სახაზინო (საბიუჯეტო) დაწესებულებებში ადამიანური რესურსების მართვის ავტომატიზებული სისტემის მინიმალური სტანდარტის დამტკიცების შესახებ” საქართველოს მთავრობის 2012 წლის 20 თებერვლის N57 დადგენილებით განსაზღვრული ფორმით. 2. თვითმმართველობის მოხელის სამუშაოთა აღწერილობის შედგენას უზრუნველყოფს საკადრო (ადამიანური რესურსების მართვის) სამსახური/სპეციალისტი შესაბამისი მოხელის უშუალო ხელმძღვანელთან ერთად. საკრებულოს აპარატის საჯარო მოხელეთა სამუშაოთა აღწერილობას (თანამდებობრივ ინსტრუქციას) აპარატის უფროსის წარდგინებით ამტკიცებს საკრებულოს თავმჯდომარე. გამგეობის საჯარო მოხელის სამუშაოთა აღწერილობას (თანამდებობრივ ინსტრუქციას) გამგებლის წარდგინებით ამტკიცებს საკრებულოს თავმჯდომარე. მუხლი 13🔗. თვითმმართველობის მოხელეთა დამატებითი საკვალიფიკაციო მოთხოვნების დადგენა 1. თვითმმართველობის მოხელეთა დამატებითი საკვალიფიკაციო მოთხოვნები, ,,საჯარო სამსახურის შესახებ” საქართველოს კანონის მე-19 მუხლის შესაბამისად, განისაზღვრება საკრებულოს დადგენილებით.  2. თვითმმართველობის მოხელის დამატებითი საკვალიფიკაციო მოთხოვნები მოიცავს: ა) პროფესიული ცოდნის მოთხოვნებს; ბ) ზოგადი უნარების მოთხოვნებს; გ) პროფესიული უნარების მოთხოვნებს. 3. თვითმმართველობის მოხელეთა დამატებითი საკვალიფიკაციო მოთხოვნები იყოფა ორ ჯგუფად: ა) მინიმალური (საერთო) საკვალიფიკაციო მოთხოვნები, რომელიც საერთოა თვითმმართველობის ყველა მოხელისათვის; ბ) სპეციალური საკვალიფიკაციო მოთხოვნები, რომელიც დგინდება მოხელეთა თანამდებობრივი რანგებისა და სამუშაოთა აღწერილობების შესაბამისად. მუხლი 14🔗. საკონკურსო მოთხოვნების მომზადება 1. საკონკურსო-საატესტაციო კომისია უზრუნველყოფს ვაკანტური თანამდებობის შესაბამისი საკონკურსო მოთხოვნების მომზადებას ,,საჯარო სამსახურის შესახებ” საქართველოს კანონით დადგენილი მოხელის ძირითადი მოთხოვნებისა და საკრებულოს დადგენილებით განსაზღვრული დამატებითი საკვალიფიკაციო მოთხოვნების შესაბამისად. 2. საკონკურსო მოთხოვნები აისახება და ქვეყნდება კონკურსის შესახებ განცხადებაში. მუხლი 15🔗. კონკურსის ჩატარების ფორმები 1. კონკურსის ჩატარების ფორმებია: ა) წერითი დავალება; ბ) ტესტირება; გ) გასაუბრება. 2. წერითი დავალება გულისხმობს კონკურსანტის მიერ წერითი ნამუშევრის შესრულებას, წარდგენასა და დაცვას საკონკურსო-საატესტაციო კომისიის მიერ განსაზღვრულ თემაზე. წერითი დავალება ძირითადად გამოიყენება თვითმმართველობის ხელმძღვანელ თანამდებობაზე გამოცხადებულ კონკურსის ჩატარებისას. 3. ტესტირება წარმოადგენს კონკურსანტთა პროფესიული ცოდნის დონისა და უნარების  შემოწმებას ტესტების მეშვეობით. 4. გასაუბრება წარმოადგენს კონკურსანტის ზეპირ გამოცდას, რომელიც ტარდება კომისიის მიერ კონკურსანტის პირადი და პრაქტიკული უნარჩვევების დადგენის მიზნით. 5. საკონკურსო-საატესტაციო კომისია, საკრებულოს თავმჯდომარესთან შეთანხმებით და ვაკანტური თანამდებობის სპეციფიკიდან გამომდინარე, განსაზღვრავს ამ თანამდებობის დასაკავებლად გამოცხადებული კონკურსის ჩატარების ფორმას. 6. კონკურსის ჩატარებისას შეიძლება გამოყენებული იქნეს როგორც ერთი, ისე რამდენიმე ან ყველა ფორმა. მუხლი 16🔗. კონკურსის ჩატარების გრაფიკი 1. კონკურსის ჩატარების გრაფიკში მიეთითება: ა) საკონკურსო-საატესტაციო კომისიის სხდომების დრო; ბ) კონკურსთან დაკავშირებული ღონისძიებების ვადები და თანმიმდევრობა; გ) კონკურსის თითოეული ეტაპის ჩატარების დრო. 2. კონკურსის ჩატარების გრაფიკი უნდა გამოქვეყნდეს კონკურსის ძირითადი ეტაპის დაწყებამდე ერთი კვირით ადრე მაინც.  მუხლი 17🔗. ვაკანტური თანამდებობების მიხედვით საკონკურსო პროგრამის მომზადება 1. საკონკურსო-საატესტაციო კომისია ვაკანტური თანამდებობის დამატებითი საკვალიფიკაციო მოთხოვნებიდან გამომდინარე ამზადებს და აქვეყნებს საკონკურსო პროგრამას. 2. საკონკურსო პროგრამით განისაზღვრება საკანონმდებლო და კანონქვემდებარე აქტებში მოცემული ის საკითხები, რომლის ცოდნაც მოეთხოვებათ კონკურსანტებს. 3. საკონკურსო პროგრამა უნდა გამოქვეყნდეს კონკურსის ძირითადი ეტაპის დაწყებამდე ერთი კვირით ადრე მაინც. მუხლი 18🔗. ადგილობრივი თვითმმართველობის მოხელეთა კონკურსში მონაწილე პირთა წერითი დავალების, ტესტირების და გასაუბრების გავლის წესის მომზადება და გამოქვეყნება 1. საკონკურსო-საატესტაციო კომისია კონკურსის ჩატარების ფორმებიდან გამომდინარე ამზადებს და აქვეყნებს ,,ადგილობრივი თვითმმართველობის მოხელეთა წერითი დავალების, ტესტირების და გასაუბრების გავლის წესს”. 2. „ადგილობრივი თვითმმართველობის მოხელეთა წერითი დავალების, ტესტირების და გასაუბრების გავლის წესი“ უნდა გამოქვეყნდეს კონკურსის ძირითადი ეტაპის დაწყებამდე ერთი კვირით ადრე მაინც. მუხლი 19🔗. ტესტების მომზადება და გამოქვეყნება 1. საკონკურსო-საატესტაციო კომისია ორგანიზებას უწევს საკონკურსო პროგრამიდან გამომდინარე ტესტების მომზადებას. 2. საკონკურსო-საატესტაციო კომისიის გადაწყვეტილებით ტესტები შეიძლება იქნეს გამოქვეყნებული (სწორი პასუხის ან სავარაუდო პასუხების მითითების გარეშე) თუ გამოქვეყნებულ ტესტებში მოცემული კითხვების რაოდენობა არანაკლებ 4-ჯერ მეტია კონკურსანტისათვის ტესტირებით გათვალისწინებულ კითხვათა რაოდენობაზე. 3. ტესტები, შესაბამისი გადაწყვეტილების მიღების შემთხვევაში, გამოქვეყნებული უნდა იქნეს კონკურსის ძირითადი ეტაპის დაწყებამდე ერთი კვირით ადრე მაინც. მუხლი 20🔗. წერითი დავალების თემატიკის განსაზღვრა 1. საკონკურსო-საატესტაციო კომისია ვაკანტური თანამდებობის სამუშაოთა აღწერილობიდან გამომდინარე განსაზღვრავს წერითი დავალების თემატიკას (კონკურსის ამ ფორმით ჩატარების შემთხვევაში). თემატიკა, როგორც წესი, უნდა ეხებოდეს ვაკანტური თანამდებობის უფლებამოსილებას განკუთვნილ პრობლემატიკის ანალიზს და ამ პრობლემათა გადაწყვეტის გზებს. 2. წერითი დავალების თემატიკა უნდა გამოქვეყნდეს კონკურსის ძირითადი ეტაპის დაწყებამდე ერთი კვირით ადრე მაინც. მუხლი 21🔗. კონკურსის გამოცხადება 1. კონკურსის მოსამზადებელი ეტაპი მთავრდება კონკურსის გამოცხადებით. 2. ზუგდიდის მუნიციპალიტეტის გამგებლის თანამდებობაზე ან საკრებულოს აპარატში ვაკანსიის არსებობის ან/და საშტატო ერთეულის დამატების საჭიროების შემთხვევაში, საკრებულოს თავმჯდომარე გამოსცემს ბრძანებას ვაკანსიის გამოცხადების შესახებ ან/და საკრებულოს აპარატში შტატის დამატების შესახებ და კომისიას წარუდგენს ინფორმაციას (არსებული ან/და დამატებული თანამდებობის სამუშაოს  აღწერით ვაკანსიის არსებობის შესახებ იმ ვაკანტურ თანამდებობაზე, რომელიც კონკურსის წესით უნდა შეივსოს. 3. ზუგდიდის მუნიციპალიტეტის გამგებელი ზუგდიდის მუნიციპალიტეტის გამგეობაში  ვაკანსიის არსებობის ან/და საშტატო ერთეულის დამატების საჭიროების შემთხვევაში, საკრებულოს თავმჯდომარეს წარუდგენს  წინადადებას, რომელსაც თან ერთვის არსებული ან/და დასამატებელი თანამდებობის საჭიროების დასაბუთება და  სამუშაოს  აღწერა. განხილვის შედეგად საკრებულოს თავმჯდომარე გამოსცემს შესაბამის ბრძანებას ვაკანსიის გამოცხადების შესახებ ან/და შტატის დამატების შესახებ და კომისიას წარუდგენს ინფორმაციას (არსებული ან/და დამატებული თანამდებობის სამუშაოს  აღწერით) ვაკანსიის არსებობის შესახებ იმ ვაკანტურ თანამდებობაზე, რომელიც კონკურსის წესით უნდა შეივსოს. 4. კონკურსის გამოცხადების შესახებ შეტყობინების მომზადებას და გამოქვეყნებას უზრუნველყოფს კომისია. 5. კონკურსს, მოხელის ვაკანტური თანამდებობის დასაკავებლად, კომისია აცხადებს საჯარო სამსახურის ბიუროს მიერ ადმინისტრირებული ვებგვერდის (hr.gov.ge) საშუალებით. 2014 წლის 1 იანვრამდე ადგილობრივი თვითმმართველობის მოხელის ვაკანტური თანამდებობის დასაკავებლად კონკურსი შესაძლებელია გამოაცხადდეს აგრეთვე ბეჭდვით ორგანოში. კონკურსის გამოცხადების დღედ ითვლება ბოლო გამოცხადების დღე. 6. კონკურსის შესახებ შეტყობინება უნდა შეიცავდეს შემდეგ მონაცემებს მაინც: ა) ადგილობრივი თვითმმართველობის ორგანოს და კონკურსის წესით შესავსები თანამდებობის დასახელებები; ბ) კანდიდატის მიმართ წაყენებული მოთხოვნები; გ) შესასრულებელი სამუშაო; დ) თანამდებობრივი სარგოს ოდენობა; ე) განცხადებისა და სხვა აუცილებელი დოკუმენტების ჩამონათვალი და წარდგენის ვადა; ვ) საკონკურსო-საატესტაციო კომისიის მისამართი. 7. კანდიდატს განცხადების წარსადგენად ეძლევა არანაკლებ 10-დღიანი ვადა კონკურსის გამოცხადების დღიდან. კონკურსის გამოცხადების დღედ ითვლება ბოლო გამოცხადების მომენტი. 8. განცხადებების წარდგენის ვადის გათვალისწინებით, საკონკურსო-საატესტაციო კომისიის სხდომა, რომელზედაც განიხილება კანდიდატის კონკურსში დაშვების საკითხი, კომისიის თავმჯდომარის გადაწყვეტილებით ტარდება კონკურსის გამოცხადების დღიდან არა უადრეს 10 დღისა. მუხლი 22🔗. კონკურსში მონაწილესადმი დადგენილი საერთო მოთხოვნები 1. ადგილობრივი თვითმმართველობის მოხელის თანამდებობის დასაკავებელ კონკურსში მონაწილეობის უფლება აქვს საქართველოს ყველა მოქალაქეს (მიუხედავად მის მიერ დაკავებული თანამდებობისა), რომელმაც მიაღწია 18 წლის ასაკს, აქვს საშუალო განათლება მაინც, ფლობს სახელმწიფო ენას და პასუხობს ვაკანტური თანამდებობის დასაკავებლად დადგენილ მოთხოვნებს. 2. „საჯარო სამსახურის შესახებ“ საქართველოს კანონის მე-17 მუხლის შესაბამისად კონკურსში მონაწილეობის მისაღებად არ დაიშვება პირი, რომელიც: ა) ნასამართლევია განზრახ ჩადენილი დანაშაულისათვის და მოხსნილი არა აქვს ნასამართლობა; ბ) იმყოფება გამოძიების ქვეშ ან პატიმრობაში; გ) სასამართლოს გადაწყვეტილებით ცნობილია ქმედუუნაროდ ან შეზღუდული ქმედუნარიანობის მქონედ; დ) სასამართლოს მიერ ჩამორთმეული აქვს შესაბამისი თანამდებობის დაკავების უფლება; ე) სამედიცინო დასკვნის თანახმად მისი ჯანმრთელობა არ აკმაყოფილებს მოცემული თანამდებობის დასაკავებლად აუცილებელ მოთხოვნებს; ვ) არის უცხო ქვეყნის მოქალაქეობის პრეტენდენტი კანონით ან საერთაშორისო ხელშეკრულებით გათვალისწინებული გამონაკლისის გარდა. მუხლი 23🔗. კონკურსში მონაწილეობისათვის წარსადგენი დოკუმენტები 1. მოქალაქე, რომელიც გამოთქვამს სურვილს მიიღოს მონაწილეობა თვითმმართველობის მოხელის ვაკანტურ თანამდებობის დასაკავებლად გამოცხადებულ კონკურსში, ვალდებულია კონკურსის დანიშვნის შესახებ განცხადების გამოქვეყნებიდან 10 დღის ვადაში საკონკურსო-საატესტაციო კომისიას წარუდგინოს შემდეგი დოკუმენტები: ა) კანდიდატის განაცხადის ფორმა (დანართი №2); ბ) Curriculum Vitae (CV); გ) საქართველოს მოქალაქის პირადობის მოწმობის ასლი; დ) განათლების ან შესაბამისი კვალიფიკაციის მოწმობის ასლი; ე) სამოტივაციო წერილი. 2. კონკურსში მონაწილეობისათვის განცხადების წარდგენა შეიძლება ელექტრონული ფორმით, საჯარო სამსახურის ბიუროს მიერ ადმინისტრირებული ვებგვერდის მეშვეობით, ხოლო 2014 წლის 1 იანვრამდე განცხადების წარდგენა შეიძლება აგრეთვე არაელექტრონული ფორმით, შესაბამისი საკონკურსო-საატესტაციო კომისიის მისამართზე. 3. მოქალაქის მიერ წარმოდგენილი დოკუმენტები ექვემდებარება გადამოწმებას საქართველოს კანონმდებლობით დადგენილი წესით. 4. კონკურსში მონაწილეობისათვის გათვალისწინებული დოკუმენტების დადგენილ ვადაში წარუდგენლობა არის კონკურსში მონაწილეობაზე პირისათვის უარის თქმის საფუძველი. 5. საკონკურსო-საატესტაციო კომისიის სამდივნო იღებს, ამოწმებს და აანალიზებს წარმოდგენილ დოკუმენტებს და საკონკურსო-საატესტაციო კომისიას წარუდგენს შესაბამის წინადადებებს. 6. კანდიდატის კონკურსში დაშვების შესახებ გადაწყვეტილებას იღებს საკონკურსო-საატესტაციო კომისია განცხადებების მიღების დამთავრებიდან 3 დღის ვადაში. 7. კომისიის გადაწყვეტილება და კონკურსანტთა (კონკურსში დაშვებულ პირთა) სია ქვეყნდება  განცხადებების მიღების დამთავრებიდან 5 დღის ვადაში. მუხლი 24🔗. განცხადებების წარდგენა 1. კანდიდატებს უფლება აქვთ კონკურსის გამოცხადების დღიდან კონკურსში მონაწილეობის მიზნით შეიტანონ განცხადება და შესაბამისი დოკუმენტები ელექტრონული ფორმით საჯარო სამსახურის ბიუროს მიერ ადმინისტრირებული ვებგვერდის მეშვეობით, ხოლო 2014 წლის 1 იანვრამდე   კონკურსში მონაწილეობისათვის განცხადების წარდგენა შეიძლება აგრეთვე არაელექტრონული ფორმით, შესაბამისი საკონკურსო-საატესტაციო კომისიის მისამართზე. 2. კონკურსის გამოცხადების დღედ, თუ კონკურსის გამოცხადება ხდება, როგორც  საჯარო სამსახურის ბიუროს მიერ ადმინისტრირებული ვებგვერდის, ასევე ბეჭვდით ორგანოს მეშვეობით, ითვლება ბოლო გამოცხადების დღე (თუ თავდაპირველად აიტვირთა საჯარო სამსახურის ბიუროს მიერ ადმინისტრირებულ ვებგვერდზე, ხოლო შემდეგ გამოქვეყნდა ბეჭვდით ორგანოში, ათვლა დაიწყება ბეჭვდით ორგანოში გამოქვეყნების დღიდან). 3. კანდიდატს კონკურსის გამოცხადების დღიდან ეძლევა არა ნაკლებ 10 დღე განცხადების წარსადგენად. 10 დღიან ვადაში არ ითვლება დასვენების და ,,საქართველოს შრომის კოდექსით” დადგენილი უქმე დღეები. მუხლი 25🔗. განცხადებების მიღება და რეგისტრაცია 1. განცხადებებს იღებს, კომისიის მიერ დადგენილი წესით რეგისტრაციაში ატარებს და ამ ინსტრუქციის 23-ე მუხლის პირველი პუნქტით განსაზღვრული დოკუმენტების არსებობას ამოწმებს საკონკურსო-საატესტაციო კომისიის სამდივნო. 2. სამდივნოს მიერ განცხადებების მიღება ხდება დილის 10 საათიდან, საღამოს 18 საათამდე. განცხადებების მიღების ბოლო დღეს 18 საათზე საკონკურსო-საატესტაციო კომისიის თავმჯდომარე კანდიდატთა ერთიან სიაზე ხელმოწერითა და ბეჭდის დასმით ადასტურებს განცხადებების მიღების დახურვას. ვადის გასვლის შემდეგ განცხადებების მიღება დაუშვებელია.  მუხლი 26🔗. განცხადებების განხილვა 1. განცხადებების მიღების დასრულების შემდეგ კომისიის სამდივნო ამოწმებს მიღებული საბუთების შესაბამისობას დადგენილ მოთხოვნებთან, საჭიროების შემთხვევაში ახდენს მათ გადამოწმებას და ამზადებს კომისიის გადაწყვეტილების პროექტს კანდიდატთა კონკურსში დაშვების ან კონკურსში დაშვებაზე უარის თქმის შესახებ. 2. საკონკურსო-საატესტაციო კომისია განიხილავს შემოსულ განცხადებებს, სამდივნოს მიერ მომზადებულ პროექტებს და კენჭისყრით იღებს გადაწყვეტილებას კანდიდატის კონკურსში დაშვების და კანდიდატის კონკურსში დაშვებაზე უარის თქმის შესახებ. მუხლი 27🔗. განცხადებებთან დაკავშირებით გადაწყვეტილების მიღება 1. იმ კანდიდატთა სია, რომლებიც დაშვებულნი იქნენ კონკურსში, ქვეყნდება განცხადებების მიღების დასრულებიდან 5 დღის ვადაში. ამავე ვადაში ყველა იმ კანდიდატს, რომელსაც უარი ეთქვა კონკურსში დაშვებაზე ეცნობება შესაბამისი მიზეზების მითითებით. 2. კანდიდატებს, რომელთაც უარი ეთქვათ კონკურსში დაშვებაზე, უფლება აქვთ, საკონკურსო-საატესტაციო კომისიის გადაწყვეტილება 2 დღის ვადაში გაასაჩივრონ საპრეტენზიო კომისიაში, რომელიც არა უგვიანეს 3 დღის ვადაში განიხილავს განცხადებას და თავის წინადადებებს საბოლოო გადაწყვეტილების მისაღებად წარუდგენს საკონკურსო-საატესტაციო კომისიას. საკონკურსო-საატესტაციო კომისია საბოლოო გადაწყვეტილებას იღებს წარდგენიდან 2 დღის ვადაში. კომისიათა მიერ განცხადებათა განხილვის ვადები შეიძლება იქნეს შემცირებული კონკურსის გრაფიკიდან გამომდინარე, რათა განცხადების დაკმაყოფილების შემთხვევაში კანდიდატს ქონდეს საშუალება მონაწილეობა მიიღოს გრაფიკით დადგენილ კონკურსის ეტაპების გავლაში. 3. თუ გამოცხადებულ თანამდებობაზე არც ერთი განცხადება არ იქნა შემოსული, კომისია იღებს გადაწყვეტილებას კონკურსის ჩაშლილად გამოცხადების შესახებ. მუხლი 28🔗. წერითი დავალება 1. კონკურსის ამ ფორმის გამოყენებისას, კონკურსანტს ვაკანტური თანამდებობით გათვალისწინებულ უფლებამოსილების შესრულებიდან გამომდინარე ეძლევა დავალება მოამზადოს არა უმეტეს 3 გვერდიანი ნაშრომი, რომელშიც გადმოცემული იქნება მისი ხედვა თანამდებობრივ მოვალეობათა შესრულებასთან დაკავშირებულ პრობლემებზე და მათ გადაწყვეტის შესაძლო გზებზე. წერითი დავალების ფორმა გამოიყენება თვითმმართველობის ხელმძღვანელი თანამდებობის პირების: გამგებელი, გამგებლის მოადგილე (მოადგილეები), ხოლო ცალკეულ შემთხვევაში ასევე საკრებულოს აპარატის უფროსის, საკრებულოს აპარატისა და გამგეობის სტრუქტურული ერთეულების ხელმძღვანელთა კონკურსის დროს. 2. კონკურსანტებს წერითი ნამუშევრის მოსამზადებლად ეძლევათ არა უმეტეს 2 დღე. დადგენილ ვადაში წერითი დავალების ჩაუბარებლობის შემთხვევაში კონკურსანტი იხსნება კონკურსიდან. 3. კონკურსანტის მიერ ჩაბარებულ ნაშრომს განიხილავს საკონკურსო-საატესტაციო კომისია ჩაბარებიდან 3 დღის ვადაში. წერითი დავალების განხილვისას კომისიამ შეიძლება მოიწვიოს შესაბამისი სფეროს ექსპერტები და სპეციალისტები. წერითი დავალების მისი წარდგენისგან (დაცვისგან) დამოუკიდებლად შეფასება არ ხდება. 4. წერითი დავალებების განხილვის შემდეგ, საკონკურსო-საატესტაციო კომისია ნიშნავს წერითი ნაშრომის წარდგენისა და დაცვის დღეს. თითოეულ კონკურსანტს ეძლევა არა უმეტეს 15 წუთი მომზადებული ნაშრომის პრეზენტაციისთვის. წერითი ნაშრომის დაცვისას კომისიაში მონაწილეობის მისაღებად მოიწვევა თვითმმართველობის ის თანამდებობის პირი, რომლის უშუალო დაქვემდებარებაში იმყოფება გამოცხადებული ვაკანტური თანამდებობა (თუ ეს პირი არ არის კომისიის შემადგენლობაში). პრეზენტაციის დასრულების შემდეგ კომისიის წევრებს და კომისიის მიერ მოწვეულ ექსპერტებს ეძლევათ უფლება დაუსვან შეკითხვები და მოითხოვონ კონკურსანტისგან წარმოდგენილი მოსაზრებების დასაბუთება. 5. ნაშრომის პრეზენტაციისა და დაცვის შეფასება ხდება კომისიის თითოეული წევრის მიერ ინდივიდუალურად, კომისიის მიერ დადგენილი ფორმით. 6. თითოეულ კონკურსანტის მიერ მიღებულ ქულათა რაოდენობას აჯამებს და ამტკიცებს კომისია. მიღებული შედეგები ქვეყნდება ყველა კონკურსანტის შედეგების დამტკიცებისთანავე. მუხლი 29🔗. ტესტირება 1. ტესტი არის კითხვა ოთხი სავარაუდო პასუხით. სავარაუდო პასუხებიდან ერთი პასუხი არის სწორი. 2. ტესტირება კომისიის გადაწყვეტილებით შეიძლება ჩატარდეს ელექტრონული ფორმით.“. 3.  კონკურსანტის ამოცანაა თითოეულ კითხვის ოთხი სავარაუდო პასუხიდან გამოიცნოს სწორი პასუხი და სათანადო აღნიშვნა გააკეთოს პასუხის ფურცელში. 4. ტესტის სწორი პასუხი ფასდება 1 ქულით, არასწორი პასუხი 0 ქულით. 5. პასუხის ფურცელში ტესტის პასუხის გადასწორება, თითოეულ კითხვაზე ერთზე მეტი პასუხის აღნიშვნა, პასუხის არ აღნიშვნა ფასდება 0 ქულით. 6. ტესტები დგება ადგილობრივ მოხელეთა საკონკურსო პროგრამის შესაბამისად. 7. ტესტირების გავლისათვის სავალდებულოა კონკურსანტმა სწორი პასუხი გასცეს: ა) ხელმძღვანელი თანამდებობის დასაკავებელ კონკურსზე – დასმული შეკითხვების არა ნაკლებ 70%; ბ) სხვა თანამდებობის დასაკავებელ კონკურსზე – დასმული შეკითხვების არანაკლებ 50%. 8. კონკურსანტი, რომელიც მიიღებს ამ მუხლის მე–6 პუნქტით გათვალისწინებულზე ნაკლებ ქულას, იხსნება კონკურსიდან. 9. ტესტირების ჩატარების პროცედურები განისაზღვრება საკონკურსო-საატესტაციო კომისიის მიერ მიღებული ,,ადგილობრივი თვითმმართველობის მოხელეთა წერითი დავალების, ტესტირების და გასაუბრების გავლის წესით”. მუხლი 30🔗. გასაუბრება 1. გასაუბრება წარმოადგენს კონკურსანტის ზეპირ გამოცდას, რომელიც ტარდება კომისიის მიერ კონკურსანტის პირადი და პრაქტიკული უნარ-ჩვევების დადგენის მიზნით. გასაუბრებისას კომისიაში მონაწილეობის მისაღებად მოიწვევა თვითმმართველობის ის თანამდებობის პირი, რომლის უშუალო დაქვემდებარებაში იმყოფება გამოცხადებული ვაკანტური თანამდებობა (თუ ეს პირი არ არის კომისიის შემადგენლობაში). 2. გასაუბრების ჩატარების პროცედურები განისაზღვრება საკონკურსო-საატესტაციო კომისიის მიერ მიღებული ,,ადგილობრივი თვითმმართველობის მოხელეთა წერითი დავალების, ტესტირების და გასაუბრების გავლის წესით“. 3. გასაუბრების შეფასება ხდება კომისიის თითოეული წევრის მიერ ინდივიდუალურად კომისიის მიერ დადგენილი ფორმით. მუხლი 31🔗. კონკურსის შედეგების შეჯამება 1. კონკურსის შედეგებს აჯამებს საკონკურსო საატესტაციო კომისია თითოეული კონკურსანტის მიერ მიღებული შედეგების შესაბამისად. 2. საუკეთესო კანდიდატის გამოსავლენად საკონკურსო-საატესტაციო კომისიის მიერ ჯამდება კონკურსგავლილი პირების (კონკურსანტები, რომლებმაც შეძლეს კონკურსის ყველა ეტაპის გავლა) მიერ წერითი დავალების, ტესტირების და გასაუბრებისას მიღებული ქულები. კონკურსანტთა მიერ ქულების თანაბარი რაოდენობის დაგროვების შემთხვევაში უპირატესობა ენიჭება კონკურსანტს, რომელსაც აქვს სპეციალობით მუშაობის უფრო მეტი სტაჟი (სტაჟი მრგვალდება წლის ფარგლებში), თანაბარი სტაჟის შემთხვევაში, უპირატესობა ენიჭება იმ კანდიდატს, რომელსაც აქვს განათლების უფრო მაღალი ხარისხი. თუ კანდიდატებს შორის ყველა მონაცემი თანაბარია გადაწყვეტილება მიიღება კომისიის მიერ კენჭისყრით. მუხლი 32🔗. კანდიდატის დასანიშნად წარდგენა 1. საკონკურსო კომისია უფლებამოსილია თითოეულ ვაკანტურ თანამდებობაზე დასანიშნად წარადგინოს მხოლოდ ერთი კანდიდატი ან უარი თქვას კანდიდატის წარდგენაზე. 2. საკონკურსო კომისიის გადაწყვეტილება გადაწყვეტილების მიღებიდან ორი დღის ვადაში ეცნობება თითოეულ კანდიდატს და ვაკანტურ თანამდებობაზე დანიშვნის უფლებამოსილ პირს. 3. კონკურსში გამარჯვებულად ცნობილი კანდიდატი ინიშნება ვაკანტურ თანამდებობაზე თუ იგი საკონკურსო-საატესტაციო კომისიის მიერ გადაწყვეტილების მიღებიდან ორი კვირის ვადაში თანამდებობაზე მისი დანიშვნის უფლებამოსილ პირს წარუდგენს „საჯარო სამსახურის შესახებ“ საქართველოს კანონის 25-ე მუხლის პირველი პუნქტით განსაზღვრულ დოკუმენტებს და საკონკურსო-საატესტაციო კომისიის გადაწყვეტილებას. 4. საკონკურსო კომისიის გადაწყვეტილება შეიძლება გასაჩივრებული იქნეს სასამართლოში საქართველოს კანონმდებლობით დადგენილი წესით. მუხლი 33🔗. კონკურსის ჩატარების საჯაროობა 1. კონკურსის პროცედურასთან დაკავშირებული სამართლებრივი აქტები, საკონკურსო-საატესტაციო კომისიის სხდომის ოქმები და კონკურსის შედეგები ხელმი­საწვდომი უნდა იყოს ყველა დაინტერესებული პირისათვის; 2. საკრებულოს ფრაქციის, საზოგადოებრივ ორგანიზაციათა (არასამეწარმეო (არაკომერციულ) იურიდიულ პირებს) და მასმედიის  არა უმეტეს თითო წარმომადგენელს უფლება აქვს დამკვირვებლის სტატუსით დაესწროს ნაშრომის დაცვის, ტესტირების და გასაუბრების პროცესს. 3. დამკვირვებლის უფლების მიღების მიზნით შესაბამისი საკრებულოს ფრაქცია, ორგანიზაციები კონკურსის ძირითადი ეტაპის დაწყებამდე 2 დღით ადრე წერილობით მიმართავენ საკონკურსო-საატესტაციო კომისიის სამდივნოს და ღებულობენ დამკვირვებლის საშვს. 4. დამკვირვებელი ვალდებულია კონკურსის ჩატარების დარბაზში დაიკავოს მხოლოდ მისთვის სპეციალურად გამოყოფილი ადგილი. დამკვირვებელს უფლება არ აქვს დასვას შეკითხვები, ჩაერიოს კონკურსის პროცესში, კონკურსის მიმდინარეობისას გადაადგილდეს, რაიმე ფორმით გამოხატოს თავის კმაყოფილება ან უკმაყოფილება და ხელი შეუშალოს კონკურსის მიმდინარეობას. დადგენილი წესების დარღვევის შემთხვევაში, საკონკურსო-საატესტაციო კომისიის თავმჯდომარე უფლებამოსილია დამკვირვებელს დაატოვებინოს დარბაზი, გაუუქმოს დამკვირვებლის საშვი და მიმართოს მის წარმდგენ ორგანიზაციას ამ პირის შეცვლის წინადადებით. მუხლი 34🔗. საკონკურსო დოკუმენტების გამოქვეყნების წესი 1. განცხადება კონკურსის გამოცხადების შესახებ უნდა გამოქვეყნდეს საჯარო სამსახურის ბიუროს მიერ ადმინისტრირებულ ვებგვერდზე. 2014 წლის 1 იანვრამდე ადგილობრივი თვითმმართველობის მოხელის ვაკანტური თანამდებობის დასაკავებლად კონკურსი ასევე უნდა გამოქვეყნდეს იმ ადგილობრივ ბეჭდვით ორგანოში, რომელიც გამოდის კვირაში ერთხელ მაინც და ვრცელდება თვითმმართველი ერთეულის მთელ ტერიტორიაზე. კონკურსი ასევე უნდა გამოცხადდეს ადგილობრივი რადიოს და ტელევიზიის მეშვეობით (ასეთის არსებობის შემთხვევაში). განცხადება კონკურსის გამოცხადების შესახებ აგრეთვე უნდა იქნეს განთავსებული ტესტირება კომისიის გადაწყვეტილებით შეიძლება ჩატარდეს ელექტრონული ფორმით.“.მუნიციპალიტეტის საკრებულოს ვებგვერდზე, ზუგდიდის მუნიციპალიტეტის საკრებულოსა და გამგეობის  ადმინისტრაციულ შენობებში (მათ შორის ზუგდიდის მუნიციპალიტეტის გამგეობის რწმუნებულების ადმინისტრაციულ შენობებში) და ზუგდიდის მუნიციპალიტეტში არსებულ საინფორმაციო დაფებზე. 2. კონკურსის პროცედურასთან დაკავშირებული სამართლებრივი აქტების, საკონკურსო-საატესტაციო კომისიის სხდომის ოქმების და კონკურსის შედეგების გამოქვეყნება ხდება საკონკურსო-საატესტაციო კომისიის სპეციალურ საინფორმაციო დაფაზე განთავსებით, აგრეთვე ზუგდიდის მუნიციპალიტეტის საკრებულოსა და გამგეობის ვებგვერდებზე. 3. თუ კონკურსის პროცედურასთან დაკავშირებული დოკუმენტები დიდი მოცულობისაა, საინფორმაციო დაფაზე განთავსდება მხოლოდ ამ დოკუმენტის სათაური, მოკლე აღწერილობა და მითითება თუ სად შეიძლება დოკუმენტის სრული ტექსტის გაცნობა. 4. საკონკურსო-საატესტაციო კომისიის საინფორმაციო დაფა განთავსებული უნდა იქნეს ზუგდიდის მუნიციპალიტეტის საკრებულოს ადმინისტრაციულ შენობაში ყველასათვის ხელმისაწვდომ ადგილზე. მუხლი 35🔗. კონკურსის შედეგების გასაჩივრება 1. კონკურსის მიმდინარეობისას პროცედურულ დარღვევასთან დაკავშირებით დაინტერესებული პირი მიმართავს საკონკურსო-საატესტაციო კომისიის თავმჯდომარეს, რომელიც დაუყოვნებლივ იღებს შესაბამის გადაწყვეტილებას. საკონკურსო-საატესტაციო კომისიის თავმჯდომარის ეს გადაწყვეტილება შეიძლება წერილობით გასაჩივრდეს იმავე დღეს საპრეტენზიო კომისიაში. საპრეტენზიო კომისია 1 დღის ვადაში განიხილავს და წერილობითი წინადადებით მიმართავს საკონკურსო-საატესტაციო კომისიას, რომელიც 2 დღის ვადაში იღებს გადაწყვეტილებას. საკონკურსო-საატესტაციო კომისიის გადაწყვეტილება შეიძლება იქნეს გასაჩივრებული სასამართლოში საქართველოს კანონმდებლობით დადგენილი წესით. 2. კონკურსის თითოეული ეტაპის შედეგების შესახებ საკონკურსო-საატესტაციო კომისიის გადაწყვეტილება დაინტერესებული მხარის მიერ შეიძლება გასაჩივრდეს საპრეტენზიო კომისიაში შედეგების გამოცხადებიდან არა უგვიანეს 2 დღისა. საპრეტენზიო კომისიის სახელზე შეტანილი განცხადება განიხილება არა უმეტეს 3 დღეში. მიღებული გადაწყვეტილების თანახმად შედგება ოქმი გამოვლენილი ხარვეზის შესახებ და საბოლოო გადაწყვეტილების მისაღებად წარედგინება საკონკურსო-საატესტაციო კომისიას. საბოლოო გადაწყვეტილებას იღებს საკონკურსო-საატესტაციო კომისია საპრეტენზიო კომისიის გადაწყვეტილების გათვალისწინებით. საკონკურსო-საატესტაციო კომისიას უფლება აქვს, საჭიროების შემთხვევაში, მოიწვიოს გაფართოებული სხდომა საპრეტენზიო კომისიის წევრთა მონაწილეობით. კომისიათა მიერ განცხადებათა განხილვის ვადები შეიძლება იქნეს შემცირებული კონკურსის გრაფიკიდან გამომდინარე, რათა განცხადების დაკმაყოფილების შემთხვევაში კანდიდატს ქონდეს საშუალება მონაწილეობა მიიღოს გრაფიკით დადგენილ კონკურსის შემდგომი ეტაპების გავლაში. 3. კონკურსის შედეგებთან დაკავშირებით საკონკურსო-საატესტაციო კომისიის საბოლოო გადაწყვეტილება შეიძლება იქნეს გასაჩივრებული სასამართლოში საქართველოს კანონმდებლობით დადგენილი წესით. დანართი №2 კანდიდატის განაცხადის ფორმა პირადი ინფორმაცია სახელი, გვარი დაბადების რიცხვი, თვე, წელი ტელეფონი (სახლის, მობილური) მისამართი (იურიდიული, ფაქტობრივი) ელ. ფოსტა პირადობის დამადასტურებელი დოკუმენტის №, პირადი № განათლება სასწავლებლის დასახელება სწავლის პერიოდი სპეციალობა კვალიფიკაცია საკვალიფიკაციო კურსები კურსის, ტრენინგის დასახელება კურსის, ტრენინგის ჩატარების ადგილი და პერიოდი სამუშაო გამოცდილება ორგანიზაციის დასახელება დაკავებული თანამდებობა მუშაობის პერიოდი ორგანიზაციის მისამართი უცხო ენების ცოდნა უცხო ენა საშუალოდ, კარგად, სრულყოფილად კომპიუტერული პროგრამების ცოდნა პროგრამა საშუალოდ, კარგად, სრულყოფილად დამატებითი ინფორმაცია თქვენ შესახებ