აჟარის (ზემო აფხაზეთის) მუნიციპალიტეტის ადგილობრივი თვითმმართველობის მოხელეთა დამატებითი საკვალიფიკაციო მოთხოვნების დამტკიცების შესახებ

აჟარის (ზემო აფხაზეთის) მუნიციპალიტეტის ადგილობრივი თვითმმართველობის მოხელეთა დამატებითი საკვალიფიკაციო მოთხოვნების დამტკიცების შესახებ აჟარის (ზემო აფხაზეთის) მუნიციპალიტეტის საკრებულოს დადგენილება №8 2013 წლის 20 ნოემბერი ქ. თბილისი აჟარის (ზემო აფხაზეთის) მუნიციპალიტეტის ადგილობრივი თვითმმართველობის მოხელეთა დამატებითი საკვალიფიკაციო მოთხოვნების დამტკიცების შესახებ ,,საჯარო სამსახურის შესახებ“ საქართველოს კანონის მე-19 მუხლის პირველი და მე-3 პუნქტების საფუძველზე, აჟარის (ზემო აფხაზეთის) მუნიციპალიტეტის საკრებულო ადგენს: მუხლი 1🔗 დამტკიცდეს აჟარის (ზემო აფხაზეთის) მუნიციპალიტეტის ადგილობრივი თვითმმართველობის მოხელეთა შემდეგი დამატებითი საკვალიფიკაციო მოთხოვნები: ა) საკრებულოს მოხელეთათვის, გამგებლის, გამგებლის მოადგილის და სამსახურის უფროსის თანამდებობის დასაკავებლად, ადგილობრივი თვითმმართველობის ორგანოებში მუშაობის  3 წლიანი სამუშაო გამოცდილება, თვითმმართველი ერთეულის ტერიტორიული ორგანოს ხელმძღვანელისათვის – თვითმმართველი ერთეულის რწმუნებულისათვის და მთავარი სპეციალისტებისათვის  ადგილობრივი თვითმმართველობის ორგანოებში მუშაობის 1-წლიანი სამუშაო გამოცდილება,  წამყვანი სპეციალისტებისათვის და სპეციალისტებისათვის  ადგილობრივი თვითმმართველობის ორგანოებში მუშაობის 6 თვიანი  სამუშაო გამოცდილება; ბ) საკრებულოს მოხელეთათვის, გამგებლის, გამგებლის მოადგილის და სამსახურის უფროსისათვის იძულებით გადაადგილებულ პირებთან − დევნილებთან სამსახურებრივი ურთიერთობის არანაკლებ 3-წლიანი სამუშაო გამოცდილება, თვითმმართველი ერთეულის ტერიტორიული ორგანოს ხელმძღვანელისათვის – თვითმმართველი ერთეულის რწმუნებულისათვის და მთავარი სპეციალისტებისათვის იძულებით გადაადგილებულ პირებთან − დევნილებთან სამსახურებრივი ურთიერთობის არანაკლებ 1-წლიანი სამუშაო გამოცდილება, წამყვანი სპეციალისტებისათვის და სპეციალისტებისათვის  იძულებით გადაადგილებულ პირებთან − დევნილებთან სამსახურებრივი ურთიერთობის არანაკლებ 6 თვიანი სამუშაო გამოცდილება. გ) შემდეგი სამართლებრივი აქტების ცოდნა: გ.ა) საქართველოს კონსტიტუცია; გ.ბ) ,,ადგილობრივი თვითმმართველობის შესახებ” საქართველოს ორგანული კანონი;  გ.გ) „საჯარო სამსახურის შესახებ“ საქართველოს კანონი; გ.დ) საქართველოს ზოგადი ადმინისტრაციული კოდექსი (I, II, III და IV თავები); მუხლი 2🔗 გამგეობის მოხელეთათვის, გარდა ამ დადგენილების პირველი მუხლით დადგენილი მოთხოვნებისა, სავალდებულოა ,,აჟარის (ზემო აფხაზეთის) მუნიციპალიტეტის გამგეობის დებულების დამტკიცების შესახებ” აჟარის (ზემო აფხაზეთის) მუნიციპალიტეტის საკრებულოს 2010 წლის 17 დეკემბრის №6 დადგენილების ცოდნა. მუხლი 3🔗 საკრებულოს მოხელეთათვის, გარდა ამ დადგენილების პირველი მუხლით დადგენილი მოთხოვნებისა, სავალდებულოა ,,აჟარის (ზემო აფხაზეთის) მუნიციპალიტეტის საკრებულოს დებულების (რეგლამენტის) დამტკიცების შესახებ“ აჟარის (ზემო აფხაზეთის) მუნიციპალიტეტის საკრებულოს 2010 წლის 17 დეკემბრის №3 დადგენილების ცოდნა. მუხლი 4🔗 გამგებლის,  გამგებლის მოადგილის და სამსახურის უფროსის თანამდებობის დასაკავებლად, გარდა ამ დადგენილების პირველი მუხლით დადგენილი მოთხოვნებისა, სავალდებულოა  საოფისე კომპიუტერული პროგრამების ცოდნა და ინტერნეტის მოხმარების უნარი. მუხლი 5🔗 გამგებლის და  გამგებლის მოადგილის თანამდებობის დასაკავებლად, გარდა ამ დადგენილების პირველი მუხლით დადგენილი მოთხოვნებისა, სავალდებულოა მაგისტრის ან მასთან გათანაბრებული აკადემიური ხარისხი.  მუხლი 6🔗 სამსახურის უფროსის თანამდებობის დასაკავებლად, გარდა ამ დადგენილების პირველი მუხლით დადგენილი მოთხოვნებისა, სავალდებულოა ბაკალავრის  აკადემიური ხარისხი. მუხლი 7🔗 საკრებულოს აპარატის უფროსის თანამდებობის დასაკავებლად, გარდა ამ დადგენილების პირველი მუხლით დადგენილი მოთხოვნებისა, სავალდებულოა ტექნიკური განათლება. მუხლი 8🔗 გამგეობის სახანძრო დაცვის სამსახურის უფროსისათვის და მოხელეთათვის სავალდებულოა მეხანძრე-მაშველის სერტიფიკატი. მუხლი 9🔗 ეს დადგენილება ძალაშია გამოქვეყნებისთანავე. აჟარის (ზემო აფხაზეთის) მუნიციპალიტეტის საკრებულოს თავმჯდომარესპარტაკ გურჩიანი