იძულებით გადაადგილებულ პირთა – დევნილთა მიმართ 2009-2012 წლებში სახელმწიფო სტრატეგიის განხორციელების სამოქმედო გეგმის დამტკიცების შესახებ

საქართველოს მთავრობის

განკარგულება №403

2009 წლის 28 მაისი

ქ. თბილისი

იძულებით გადაადგილებულ პირთა – დევნილთა მიმართ 2009-2012 წლებში სახელმწიფო სტრატეგიის განხორციელების სამოქმედო გეგმის დამტკიცების შესახებ

1. დამტკიცდეს თანდართული იძულებით გადაადგილე­ბულ პირთა – დევ­ნილთა მიმართ 2009-2012 წლებში სახელ­მწიფო სტრა­ტე­გიის განხორ­ციელების სამოქმედო გეგმა (და­ნარ­­თი № 1) და იძულებით გადაადგილებულ პირთა – დევ­ნილ­თა მი­მართ 2009-2012 წლებში სახელმწიფო სტრა­ტეგიის სა­მოქ­მედო გეგმის განხორციელებისათვის საჭირო რესურ­სების სა­ერ­თო შეფასება (დანართი № 2).

2. საქართველოს ლტოლვილთა და განსახლების მი­ნის­ტრ­მა დონორი და საერთაშორისო ორგანიზაციების მო­ნა­წი­ლეობით სამეთვალყურეო საბჭოს შექმნისა და მისი საქ­მია­ნობის რეგულირების მიზნით ერთი თვის ვადაში განახორ­ციე­ლოს სათანადო ღო­ნის­­ძიებები.

 

  პრემიერ-მინისტრი                     ნიკა გილაური

 

 დანართი №1

იძულებით გადაადგილებულ პირთა – დევნილთა მიმართ

2009-2012 წლებში სახელმწიფო სტრატეგიის განხორციელების

სამოქმედო გეგმა

1. შესავალი       

1.1. 90-იანი წლების კონფლიქტების შედეგად იძუ­ლებით გადაადგილებულ პირთა – დევნილთა პრობლემების გრძელ­ვადი­ანი, მდგრადი და საჭიროებას მორგებული ფორმით გა­და­წყვეტის მიზნით `იძულებით გადაადგილებულ პირთა – დევ­ნილთა მიმართ სახელმწიფო სტრატეგიის დამტკიცების შესახებ~ საქართველოს მთავრობის 2007 წლის 2 თებერვ­ლის №47 განკარგულებით ძალაში შევიდა დევნილთა მი­მართ სახელმწიფო სტრატეგია. სახელმწიფო სტრატეგიის დამა­ტებამ, რომელიც მიღებულ იქნა „იძუ­ლებით გადაადგი­ლებულ პირთა – დევნილთა მიმართ სახელმწიფო სტრა­ტე­გიის დამ­ტკიცების შესახებ” საქარ­თველოს მთავრობის 2007 წლის 2 თებერვლის №47 განკარგულებაში დამატებების შე­ტა­ნის თაო­ბაზე~ საქართველოს მთავრობის 2008 წლის 4 დე­კემბრის №854 განკარგულებით, 2008 წლის აგვისტოში რუ­სეთის ფედერაციის აგრესიის შედეგად წარმოშობილი დევ­ნილები მოაქცია დევნილთა მიმართ სახელმწიფო სტრა­ტეგიის ფარგლებში. გარდა აღნიშნული დოკუმენ­ტე­ბისა, სა­მოქმედო გეგმა ასევე ეფუძნება გაეროსა და მსო­ფლიო ბანკის ერთობლივ საჭი­როებათა ანალიზის შედე­გად, ასევე, ფართომასშტაბიანი კონსულტაციების გზით გა­მო­კ­ვეთილ საჭიროებებს.

 1.2. დამტკიცების შემდგომ, სამოქმედო გეგმა ყოველ­კვარ­ტა­ლურად გადაიხედება და, საჭიროების შემთხვევაში, გა­ნახლ­­დება დამოუკიდებელი შუალედური შეფასების საფუძველზე. ორივე მექანიზმი ინიცირებული იქნება საქართველოს ლტოლ­ვილთა და გან­სახლების სამინისტროს მიერ ყველა სხვა პარტ­ნიორთან კონ­სულტაციის გზით. სამოქმედო გეგმაში ცვლი­ლე­ბების პრო­ექტი, საჭიროების შემთხვევაში, შემუშავ­დება სამეთვალყურეო საბჭოს მიერ, საქართველოს ლტოლ­ვილთა და განსახლების სამინისტროს უშუალო ხელმძღვანე­ლობით, რო­მელსაც საქარ­თველოს კანონმდებლობის შესაბა­მისად დაამ­ტკიცებს საქარ­თველოს მთავრობა.

 1.3. დევნილთა მიმართ სახელმწიფო სტრატეგიის მთავარი მიზანია დევნილთა სოციალურ-ეკონომიკური ინტეგრაციის ხელ­შეწყობა და მათი საცხოვრებელი პირობების გაუმჯობე­სება. მოცემული მიზნის მისაღწევად სამოქმედო გეგმა ითვა­ლის­წინებს დევნილთა საცხოვრებელი პირობების გრძელვა­დიან გადაწყვეტას, სახელმწიფოზე მათი დამოკიდებულების შემ­ცირებასა და დაუცველი დევნილების ერთიან სოციალურ პროგრამებში ინტეგრირებას საერთო კრიტერიუმების სა­ფუძ­ველზე მანამ, სანამ შესაძლებელი გახდება მათი დაბ­რუნება.

 1.4. ზემოთ აღნიშნულიMმიზნის მისაღწევად სტრატეგია ით­ვა­ლისწინებს განსახლებისა და ინტეგრაციის ხელშემწყობ სხვა­დასხვა ღონისძიებებს. კონცეფცია ეფუძნება სახელმწიფო სტრატეგიის დამატებას და განხორციელდება სამ ეტაპად.

 1.5. სახელმწიფო სტრატეგიაში ასახული სახელმწიფო სტრა­­ტე­გიის გატარების ყველა მთავარი პრინციპი (თავი VI) სრუ­ლად იქნება დაცული სამოქმედო გეგმის განხორციელების პრო­ცესში. განსაკუთრებული ყურადღება მიექცევა დევნილთა მიერ ნებაყოფლობითი და ინფორმირებული გადაწყვეტი­ლე­ბების მიღებას და თავისუფალ არჩევანს, დიალოგს დევნი­ლებ­თან და მათ მონაწილეობას გადაწყვეტილებების მიღების პრო­ცესში, გენდერულ თანასწორობას, ბავშვთა უფლებების დაც­ვასა და ადამიანის სხვა აღიარებული უფლებების დაცვას. ყო­ვე­­ლივე ეს უზრუნველყოფილი იქნება იურიდიული კონსულ­ტაციისა და საინფორმაციო კამპანიის გზით. სამოქმედო გეგმა განხორციელდება ობიექტური და გამჭვირვალე კრიტერიუ­მე­ბის საფუძველზე და უზრუნველყოფს დევნილთა სრულ ჩართულობას დაგეგმვის პროცესში და მათი მხრიდან კარგად ინფორმირებული და გააზრებული არჩევანის გაკეთებას ყველა იმ გადაწყვეტილებასთან მიმართებაში, რომლებიც მათ ეხე­ბათ.

 1.6. საქართველოს ლტოლვილთა და განსახლების სამინის­ტრო შეიმუშავებს და განახორციელებს ყოვლისმომცველ სა­ინფორმაციო კამპანიას, რომლის მეშვეობითაც დევნილები რეგულარულად მიიღებენ ინფორმაციას სამოქმედო გეგმის ყველა ასპექტთან დაკავშირებით, რაც მათ ინფორმირებული გადაწყვეტილების მიღებაში დაეხმარებათ.

 1.7. სამოქმედო გეგმის მიღებიდან სამი თვის ვადაში, სა­ქართველოს ლტოლვილთა და განსახლების სამინისტრო, დამ­ტკიცებული სამოქმედო გეგმიდან გამომდინარე, შეიმუშავებს დეტალურ სამუშაო გეგმას (2009 წლისთვის), რო­მელიც წარ­დგენილი და დამტკიცებული იქნება სამეთვალ­ყურეო საბჭოს მიერ.

 2. დევნილთა გრძელვადიანი საცხოვრებელი პირობებით უზ­რუნველყოფა

 2.1. პირველი ეტაპი

 2.1.1. რეაბილიტაცია და საკუთრებაში გადაცემა არის საქ­მია­ნობის დამოუკიდებელი მიმართულებები, რომელთა კოორ­დინირებას მოახდენს საქართველოს ლტოლვილთა და განსახ­ლების სამინისტრო.

პირველი ეტაპი ითვალისწინებს კოლექტიური ცენტრების რე­ა­­ბილიტაციას, სადაც ეს შესაძლებელია, და მათი დევნილი ოჯახებისათვის სიმბოლურ ფასად (ერთ ლარად) საკუთ­რებაში გადაცემას.

პირველ ეტაპზე არსებობს დევნილთათვის საკუთრებაში გადასაცემი ობიექტების ორი კატეგორია:

 ა) სახელმწიფო საკუთრებაში არსებული ცენტრები;

 ბ) ცენტრები, რომლებსაც სახელმწიფო შეისყიდის კერძო მესაკუთრეებისაგან და შესთავაზებს დევნილებს.

დევნილებს, რომელთაც ესაჭიროებათ მუდმივი საცხოვრე­ბელი და აკმაყოფილებენ შესაბამის პირობებს, მიეცემათ შესაძლებლობა მიიღონ ინფორმირებული გადაწყვეტილება და თანხმობა ან უარი განაცხადონ შეთავაზებაზე. კოლექტიურ ცენტრებში მცხოვრები დევნილების უფლება – იცხოვრონ კა­ნო­ნით დადგენილი წესით დაკავებულ ფართობებში, რჩება ხელშეუხებელი კოლექტიური ცენტრების პრივატიზებისა და რეაბილიტაციის მიუხედავად, ვიდრე დევნილი არ განაცხა­დებს თანხმობას 2.1.9. პუნქტით გათვალისწინებულ ერთ-ერთ ალტერ­ნა­ტიულ შეთავაზებაზე.

 2.1.2. კოლექტიური ცენტრების რეაბილიტაციისა და პრივა­ტიზების პროცესის გამჭვირვალობის მისაღწევად, საქარ­თველოს ლტოლ­ვილთა და განსახლების სამინისტრო სა­მოქმედო გეგმის მიღებიდან ორი თვის ვადაში გეგმავს კო­ლექტიური ცენტრების სიის დადგენას (რომლებიც სამიზნეს წარმოადგენენ 2009 წლისათვის), სადაც მითითებული იქნება, თუ რომელი ობიექტის რეაბილიტაცია და საკუთრებაში გადაცემაა დაგეგმილი. ის ასევე დაადგენს კოლექტიური ცენ­ტრების იდენტიფიცირების პროცესში გამოყენებულ კრი­ტე­რიუმებს. სამეთვალყურეო საბჭოს მიერ აღნიშნული დო­კუმენტის მიღების შემდეგ იგი გახდება ხელმისაწვდომი საზო­გადოებისა და დევნილთათვის. ამ დოკუმენტმა შესაძლებლობა უნდა მისცეს დევნილებს მიიღონ ინფორმირებული გადაწ­ყვეტილება იმის თაობაზე, დაელოდონ თუ არა რეაბილი­ტაციის პროცესის დასრულებას და შემდეგ მოახდინონ ფართობის საკუთრებაში მიღება, თუ მოახდინონ პრივატიზება დაუყოვნებლივ, ვინაიდან, ადგილი არ ექნება მათ მიერ დაკა­ვებული კოლექტიური ცენტრების რეაბილიტაციას. საპრივა­ტი­ზაციო შეთავაზების მიღება შესაძლებელი იქნება ზემოთ აღნიშნული დოკუმენტის გამოქვეყნების შემდეგ, რეაბილი­ტაციის პროცესის დასრულებიდან 6 თვის ვადაში. დევნილებს წერილობით ეცნობებათ მათი კოლექტიური ცენტრის რეაბი­ლიტაციის დასრულების შესახებ.

2.1.3. ქონების საკუთრებაში გადაცემის პროცესი მოი­ცავს შემდეგ საფეხურებს:

ა) სახელმწიფოს საკუთრებაში არსებული იმ კომპაქტური ჩასახლების ობიექტების შერჩევა, რომლებიც რეაბილიტაციის შემდეგ საცხოვრებლად ვარგისი იქნება;

ბ) შერჩეული კომპაქტური ჩასახლების ობიექტებში რეა­ლუ­რად მცხოვრები დევნილების დადგენა სსიპ – სამოქალაქო რეეს­ტრის სააგენტოს მიერ დევნილთა ჩასახლებებში ჩატარე­ბული რეგისტრაციის შედეგად. სსიპ – სამოქალაქო რეესტრის სააგენტომ შესაბამისი დავა­ლება მიიღო „იძულებით გადაად­გი­­ლებულ პირთა – დევნილთა მიმართ სახელმწიფო სტრა­ტე­გიიდან გამომდინარე განსა­ხორ­ციელებელ ღონისძიებათა პრო­გ­რამის დამტკიცების შესა­ხებ” საქართველოს მთავრობის 2009 წლის 12 იანვრის №4 გან­კარგულებით;

გ) შიდა აზომვითი სამუშაოების წარმართვა;

დ) დევნილთათვის კონკრეტული შეთავაზებების გა­კე­თე­ბა;

ე) დევნილთა სურვილის დაფიქსირება, საკუთრებაში გა­დაე­ცეთ დაკავებული ფართობი, და საკუთრებაში გადა­ცემის თაობაზე ხელშეკრულების დადება დევნილსა და სა­ხელმწიფოს შორის;

ვ) საბოლოო ეტაპზე, ამ შეთანხმების საფუძველზე, სსიპ – საჯარო რეესტრის ეროვნული სააგენტო ქონებას დაა­რეგისტრირებს, როგორც დევ­­ნილის პირად საკუთრებას, და გასცემს საკუთრების და­მადასტურებელ დოკუმენტს კანონ­მდებლობით დადგენილი წესით.

2.1.4. უძრავ ნივთზე საკუთრების უფლების რეგისტრა­ციასთან დაკავშირებული ხარჯები დაიფარება სახელმწიფო ბიუჯეტიდან, „იძულებით გადაადგილებულ პირთათვის – დევ­ნილთათვისა და რუსეთის ფედერაციის აგრესიის შედეგად დაზარალებული მოსახლეობისათვის უძრავ ნივთზე უფლების რეგისტრაციასთან დაკავშირებული ხარჯების ანაზღაურების შესახებ” საქართველოს მთავრობის 2009 წლის 30 იანვრის №41 განკარგულების შესაბამისად.

2.1.5. რეაბილიტაციის პროცესს სახელმწიფო ბიუჯეტის ფარგლებში წარმართავს სსიპ – საქართველოს მუნიციპალუ­რი განვითარების ფონდი და კოორდინაციას უწევს საქარ­თველოს ლტოლვილთა და განსახლების სამინისტრო. რეაბი­ლიტაცია მოიცავს შენობების გადახურვას, სანიტარიული პი­რო­ბების გაუმჯობესებას, წყალმომარაგებისა და, სადაც ტექ­ნი­კუ­რად შესაძლებელია – გაზმომარაგებით უზრუნველყოფას.

2.1.6. რეაბილიტაციის ნათელი სტანდარტებისა და კრიტე­რიუმების ჩამოყალიბების პროცესი, მინიმალური კრიტერიუ­მების ჩათვლით, უნდა დასრულდეს 2009 წლის მაისში, რო­მელიც დამტკიცდება სამეთვალ­ყურეო საბჭოს მიერ. დეტა­ლური სტანდარტების შექმნაზე მუშაობისას მხედველობაში იქნება მიღებული სსიპ – სა­ქართველოს მუნიციპალური გან­ვითარების ფონდის მიერ გამოყენებული სტანდარტი, რომ­ლის მიხედვითაც საცხოვ­რებელი ფართობის სიდიდე საშუა­ლოდ შეადგენს 40 კვად­რატულ მეტრს საშუალო ოჯახზე (3-4 ადამიანი). როგორც წესი, ყოველ ოჯახს ექნება საკუთარი სანიტარიული კვანძი, ხოლო იმ შემთხვევაში, სადაც ფარ­თობი არ იძლევა სტან­დარტის დაკმაყოფილების საშუალებას, სავა­რა­უდოდ, ორ ან მეტ ოჯახს ექნება საერთო სველი წერ­ტილი.

       2.1.7. გადაწყვეტილებები რეაბილიტაციის პროცესის თაო­ბაზე მიღებულ იქნება დევნილთა ინტერესების მაქსიმალური გათვალისწინებით, და სადაც შესაძლებელია, დაინტერე­სე­ბული დევნილების მონაწილეობით. ამასთან, დაცული იქნება გენდერული თანასწორობა.

2.1.8. თანხები ძირითადად აკუმულირებულ იქნება სსიპ – საქართველოს მუნიციპალური განვითარების ფონდში, რომე­ლიც გამოაცხადებს ტენდერებს და გააფორმებს სათანადო სახელმწიფო შესყიდვების ხელშეკრულებებს. პირველადი შეფასებით, 2009 წელს დევნილებს საკუთრებაში გადაეცემათ დაახლოებით 400 კოლექტიური ცენტრი, რომლებიც 50,000-ზე მეტ დევნილს დააკმაყოფილებს. 2010-2011 წლებში მოხდება და­მატებითი კოლექტიური ცენტრების იდენტიფიცირება დევნილთათვის საკუთრებაში გადაცემის მიზნით. ის კოლექტიური ცენტრები, რომლებიც არ იქნება არც პრივატიზებული და არც რეაბილიტირებული, დაიხურება მას შემდეგ, რაც დევ­ნილებს შეეთავაზებათ ალტერნატივები, რომლებსაც ისინი მიიღებენ (პრიორიტეტი მიენიჭებათ განსაკუთრებით დაუცველ დევნილებს).

2.1.9. დამატებით, დევნილთა საჭიროებაზე მორგებული განსახლების პროექტები შემუშავებული და განხორციე­ლებული იქნება თითოეული ეტაპის განმავლობაში. დევნილთა საცხოვრებელი საჭიროებები დაკმაყოფილებულად ჩაითვლება მათთვის შეთავაზებული ვარიანტებიდან მათ მიერ ერთ-ერთის არჩევის შემთხვევაში.

2.1.9.1. ამგვარი ალტერნატივები მოიცავს კერძო ინვესტო­რების მიერ კომპაქტური ჩასახლების ობიექტების პრივა­ტიზებას, რომლებიც დევნილებს შესთავაზებენ ალტერნატიულ საცხოვ­რებელ ფართობებს კერძო საკუთრებაში ან ფულადი დახ­მარების გაწევას საცხოვრებლის შესაძენად. ამ შემთხვე­ვაში პროცესი განხორციელდება `იძულებით გადაადგილებულ პირთა – დევნილთა შესახებ~ საქართველოს კანონის სრული დაც­­ვით და საქართველოს ლტოლვილთა და განსახლების სამინისტროს სრული ჩართულობით, რათა დევნილები და­ცული იყვნენ უკანონო გამოსახლებისაგან და უზრუნველ­ყო­ფილ იქნეს მათ მიერ ადეკვატური კომპენსაციის მიღება მო­მავალი კერძო მესაკუთრისაგან.

2.1.9.2. `იძულებით გადაადგილებულ პირთა – დევნილთა მიმართ სახელმწიფო სტრატეგიიდან გამომდინარე განსახორ­ციე­ლებელ ღონისძიებათა პროგრამის დამტკიცების შესახებ~ საქართველოს მთავრობის 2009 წლის 12 იანვრის №4 განკარგულება ითვალისწინებს იმ დევნილების გამოვლენას, რომ­­ლებიც განსაკუთრებულად დაუცველი არიან და აქვთ განსა­კუთ­რებული საჭიროებები. მათთვის შემუშავებული და შეთა­ვა­ზებული იქნება საჭიროებებზე მორგებული განსახლების პროგრამები სოციალური ზრუნვის კომპონენტით.

2.1.10. კომპაქტური ჩასახლების ობიექტების ნაწილი, რომ­ლებიც კერძო საკუთრებაშია და გამოდგება საცხოვ­რებლად, მესაკუთრის თანხმობის შემთხვევაში გონივ­რულ ფასად (ფასი არ იქნება უფრო მაღალი, ვიდრე სამოქმედო გეგმით გათვა­ლისწინებული ალტერნატიული განსახლების ღირებულება) შესყიდული იქნება სახელმწიფოს მიერ და დევნილებს გადაე­ცემათ საკუთრებაში.

2.1.11. საცხოვრებელი ფართობების საკუთრებაში გადა­ცემა საშუალებას აძლევს დევნილებს ჩამოაყალიბონ ამხანა­გობები (სადაც დაცული იქნება გენდერული თანასწორობა), რომლებიც იქნებიან მუნიციპალური პროგრამების ბენეფიცია­რები და მიიღებენ დახმარებას სხვადასხვა საყოფაცხოვრებო პრობლემების მოგვარებაში: სახურავის შეკეთება, სისუფთავის დაცვა და საერთო სარგებლობის ფართობის (სადარბაზო, ლიფტი) მოწესრიგება, ნარჩენების გატანა, უწყვეტი წყალ­მომარაგების უზრუნველყოფა და სხვ.

2.1.12. ასევე განხორციელდება „იძულებით გადაადგილე­ბულ პირთა – დევნილთა მიმართ სახელმწიფო სტრატეგიიდან გამომდინარე განსახორციელებელ ღონისძიებათა პროგრამის დამტკიცების შესახებ” საქართველოს მთავრობის 2009 წლის 12 იანვრის №4 განკარგულებით დამტკიცებული სპეციალური გამოკვლევა კერძოდ ჩასახლებულ დევნილებთან მიმართებაში. გამოკვლევის შედეგებზე დაყრდნობით, მომზადდება კერძოდ ჩასახლებული დევნილების მონაცემთა ბაზა, რომელიც ხელს შეუწყობს მათ საჭიროებებზე მორგებული განსახლების პროექტების განხორციელებას. დღეისათვის მწირი ინფორმა­ცია და სტატისტიკა არსებობს დევნილთა ამ კატეგორიის შე­სახებ. გამოკვლევა ხელს შეუწყობს დაგეგმარებასა და ბიუ­ჯეტის გაანგარიშებას.

2.1.13. გამოკვლევის სამუშაოს აღწერილობა, მისი მოცუ­ლობა და მეთოდოლოგია შემუშავდება ყველა დაინტე­რე­სებულ მხარეს შორის კონსულტაციების შედეგად და დამტკიცდება სამეთვალყურეო საბჭოს მიერ.

2.2. მეორე ეტაპი

2.2.1. მეორე ეტაპი მოიცავს ღონისძიებებს, რომლებიც განხორციელდება 2010 წლიდან. ამ პროექტების უკეთესი და­გეგმარების მიზნით საჭიროა დამატებითი ფინანსური სახსრების აკუმულირება და სათანადო საინფორმაციო ბაზის შექმნა, რომელიც დაეფუძნება სპეციალური გამოკვლევის შე­დე­გებს.

2.2.2. მეორე ეტაპი მოიცავს შემდეგ ღონისძიებებს:

ა) იმ დევნილთა საცხოვრებელი პირობების გაუმჯო­ბესება, რომლებიც უარს იტყვიან კომპაქტური ჩასახლების ობიექტებში არსებული ფართობების საკუთრებაში მიღებაზე;

ბ) იმ დევნილების დახმარება, რომლებიც ცხოვრობენ ე.წ. კერძო სექტორში;

       გ) სახელმწიფო საკუთრებაში არსებული და გამოუყე­ნებელი შენობების იდენტიფიცირება და რეაბილიტაცია;

დ) საქართველოს სხვადასხვა რეგიონში ახალი საცხოვ­რებელი სახლების აშენება. პრიორიტეტი მიენიჭება იმ მუნი­ციპალიტეტებს, სადაც დევნილები უკვე ცხოვრობენ და შესა­ბა­მისად ინტეგრირებული არიან;

ე) ახალი საცხოვრებლების მშენებლობა არ განხორ­ცი­ელ­­დება ქ.თბილისში.

2.2.3. იდენტიფიცირება მოხდება იმ დევნილი ოჯახების, რომლებსაც არ სურთ საცხოვრებელი ფართობის მიღება, ვინაიდან მათ გააჩნიათ სათანადო შემოსავალი და სურვილი აქვთ თავად შეიძინონ საცხოვრებელი ფართობი. ცალკეულ შემ­თხვევებში შესაძლებელი იქნება გარკვეული ფინანსური დახმარების გაწევა საცხოვრებელი ფართობის შეთავაზების სანაცვლოდ. ასეთ შემთხვევებში, ფულადი თანხა ნაკლები იქნება მშენებლობისთვის საჭირო თანხაზე. ფულადი დახმა­რების გაცემაზე გადაწყვეტილების მიღების შემთხვევაში, მისი განხორციელება დაიწყება მესამე ეტაპზე.

2.3. მესამე ეტაპი

2.3.1. მესამე ეტაპი მოიცავს 2010-2011 წლებს. ამ ეტაპზე განხორციელდება იმ დევნილთათვის დახმარების გაწევა, რომლებიც არ საჭიროებენ განსახლებას.

       2.3.2. დევნილ ოჯახებს, რომლებიც არ საჭიროებენ გან­სახლებას (მაგ. გააჩნიათ საკუთრება), გაეწევათ ერთჯერადი ფულადი დახმარება; განისაზღვრება ფულადი დახმარების ოდენობა.

 2.3.3. მას შემდეგ, რაც განხორციელდება დევნილთა ინ­ტეგ­რაციის მხარდამჭერი ღონისძიებები, მოხდება დევნილთა მიმართ სოციალური დახმარების სისტემის ტრანსფორმირება სტატუსიდან საჭიროებაზე. დევნილთა მხრიდან დახმარების მიღების მიზანშეწონილობა დაეფუძნება რაციონალურ, ნათელ და გამჭვირვალე კრიტერიუმებს. არა სოციალური ხასიათის, არამედ დევნილის სტატუსზე დამყარებული დახმარება უზრუნ­ველ­ყოფილი იქნება გამონაკლის შემთხვევებში, განსაკუთ­რებით სოციალურად დაუცველი პირებისათვის.

 3. სოციალურ-ეკონომიკური ხასიათის ღონისძიებები

3.1. 2008 წლის დეკემბერში განახლებული სახელმწიფო სტრატეგია მიზნად ისახავს დევნილების სოციალურ ინტეგ­რაციას, სახელმწიფოზე მათი დამოკიდებულების შემცირებას, სახელმწიფო დახმარების საჭიროებებზე მიმართვას, დაუც­ველი დევნილების მიზნობრივი სოციალური დახმარების პროგ­რამებში ჩაბმას. როგორც საჭიროებათა ერთობლივმა და გლობალურმა ანალიზმა აჩვენა, სოცია­ლური ინტეგრა­ციისა და თვითკმარობის შესაძლებლო­ბების შექმნის ღონის­ძიებები მჭიდრო ურთიერთკავშირშია, და მხოლოდ მრავალ­სექტორიანი სტრატეგიული რეაგირებითაა შესაძლებელი ამ პრობლემების ეფექტიანი და გრძელვადიანი გადაწყვეტა.

3.2. სოციალურ-ეკონომიკური ინტეგრაციის ელემენტები მოიცავს, მაგრამ არ შემოიფარგლება მხოლოდ შემდეგით: ინფრასტრუქტურის რეაბილიტაცია, ჯანდაცვის ხელმისაწვ­დომობა, მიზნობრივი სოციალური დახმარება, განათლება. მოძიებული იქნება მხარდაჭერა საერთაშორისო თანამეგობრო­ბისაგან, რათა ხელი შეეწყოს ისეთი პროექტების განვითარე­ბასა და განხორციელებას, რომლებიც მიზანმიმართული იქნე­ბა დევნილთა სოციალურ-ეკონომიკური ინტეგრაციისაკენ.

3.3. დევნილთა სახელმწიფო დახმარებაზე დამოკიდებუ­ლების შემცირება მოიცავს რიგ ღონისძიებებს, რომელთა შედეგად გაიზრდება როგორც ქალაქად, ისე სოფლად მცხოვ­რები დევნილების დასაქმების დონე ეკონომიკური საქ­მია­­ნობის საშუალებით. აღნიშნული ღონისძიებების მიზანია გაიზარ­დოს დევნილთა თვითკმარობის დონე.

4. სამოქმედო გეგმის ფინანსური გათვლა და უზრუნველ­ყოფა

       4.1. განკარგულებას თანდართულ იძულებით გადაად­გილებულ პირთა – დევნილთა მიმართ სახელმწიფო სტრატე­გიის განხორციელების სამოქმედო გეგმის რეალიზებისათვის საჭირო რესურსების საერთო შეფასებაში მოცე­მულია საქარ­თველოს მთავრობის მიერ აღებული ვალდებუ­ლებები და დამა­ტებითი რესურსების მობილიზების საჭიროე­ბა.

4.2. გადაწყვეტილება განსახლების სხვადასხვა პროგრა­მებში მონაწილეობის შესახებ, დევნილთა მიერ არის მისა­ღები, რაც შეუძლებელს ხდის სამოქმედო გეგმის წინასწარ ფინანსურ გათვლებს. დანართის მიზანია სამოქმედო გეგმით გათვალისწინებულ ღონისძიებათა განხორციელებისათვის ფუ­ლა­დი სახსრების წინასწარი მობილიზება, ხოლო უფრო დე­ტალური მონაცემები მზად იქნება სამოქმედო გეგმის განხორ­ციელების დროს.

4.3. სამოქმედო გეგმა ითვალისწინებს დონორ ორგანიზა­ციებთან საქართველოს მთავრობის აქტიურ თანამშრომლობას. საჭირო ფინანსური და ადმინისტრაციული რესურსების მობი­ლიზებას ადგილი უნდა ჰქონდეს თითოეულ ეტაპზე.

5. მართვა და კოორდინაცია

5.1. საერთო კოორდინაციას განახორციელებს სამეთვალ­ყურეო საბჭო. სამეთვალყურეო საბჭო, რომელსაც ხელმძღვა­ნელობს საქართველოს ლტოლვილთა და განსახლების სამინისტრო, იღებს გადაწყვეტილებებს საქართველოს მთავრობისა და საერთაშორისო ორგანიზაციების მხრიდან საერთო მოქმე­დების კოორდინაციის მიზნით, რათა მოხდეს დევნილთა მი­მართ სახელმწიფო სტრატეგიისა და სამოქმედო გეგმის რეა­ლიზება და განხორციელება. სამეთვალყურეო საბჭოს წევ­რები არიან: საქართველოს ლტოლვილთა და განსახლების სამინის­ტრო, საქართველოს შრომის, ჯანმრთელობისა და სოციალუ­რი დაცვის სამინისტრო, საქართველოს იუსტიციის სამინის­ტრო, საქართველოს ფინანსთა სამინისტრო, სსიპ – სა­ქარ­თველოს მუნიციპალური გან­ვი­თარების ფონდი, ევროკო­მისია, შვეიცარიის განვითარებისა და თანამშრომლობის საა­გენტო, გაეროს ლტოლვილთა საქმეების უმაღლესი კომისა­რი­ატი, გაერთიანებული ერების მუდმივი კოორდინატორი საქარ­თველოში, აშშ-ს საერთაშორისო განვითარების საა­გენტო, მსო­ფ­ლიო ბანკი, ასევე არასამთავრობო სექტორის ორი წარ­მომადგენელი (ერთი ადგილობრივი, ერთი საერთაშორისო). სხვა ორგანიზაციების წარმომადგენლები შესაძლოა მოწვეუ­ლ იქნენ სამეთვალყურეო საბჭოს მიერ სპეციფიკური საკითხების განსახილველად. სამეთვალყურეო საბჭო განიხილავს გეგმებს და აყალიბებს პრიორიტეტულ მიმართულებებს. სამეთვალყუ­რეო საბჭოს მიერ მიღებული გადაწყვეტილებები იქნება კონკ­რეტული და დროში გაწერილი. სამეთვალყურეო საბჭოს დის­კუსიები და გადაწყვეტილებები ეფუძნება კომპეტენტურ ტექ­ნიკურ ექსპერტიზას, მონაცემებსა და რჩევებს. სამეთვალ­ყუ­რეო საბჭოს მიერ გაკეთებული რეკომენდაციები და მიღე­ბული გადაწყვეტილებები მიეწოდება საქართველოს პრემიერ-მი­ნისტრს, საქართველოს მთავრობის წევრებსა და საქარ­თვე­ლოში აკრედიტებულ დიპლომატიურ კორპუსს. სამე­თვალ­ყურეო საბჭოს მიერ ექსპერტ ჯგუფებს დაევალება ტექ­ნიკური დახმარების აღმოჩენა და დროში გათვლილი ისეთი სპეცი­ფიკური დავალებების შესრულება, რომლებიც აუცილე­ბელია სამოქმედო გეგმის განხორციელებისათვის (მაგ. სტან­დარ­ტების შემუშავება, სამართლებრივი საკითხები და სხვ.). სამე­თვალ­ყურეო საბჭო მუშაობს მიღებული სამუშაო აღწე­რილო­ბის ფარგლებში და იკრიბება თვეში ერთხელ მაინც.  

5.2. სამეთვალყურეო საბჭო პასუხისმგებელი იქნება გან­ხორ­ციელებული ღონისძიებების გამჭვირვალობისათვის. სა­ქარ­­თველოს ლტოლ­­­­ვილთა და განსახლების სამინისტრო განა­ხორციელებს პრო­ექ­ტების მონიტორინგს. სხვადასხვა სამთავ­რობო, საერთა­შო­რისო და არასამთავრობო ორგანიზაციები ფარ­თოდ იქნე­ბიან ჩაბმული ფინანსური და ტექნიკური მხარ­დაჭერის აღმო­ჩენასა და ამ პროგრამების განხორციელებაში.

 

 

 

 

 

 

 

 

 

 

 

 

 

 

 

 

 

 

დანართი №2

იძულებით გადაადგილებულ პირთა – დევნილთა მიმართ 2009-2012 წლებში სახელმწიფო სტრატეგიის სამოქმედო გეგმის განხორციელებისათვის საჭირო რესურსების საერთო შეფასება