„საჯარო სამართლის იურიდიული პირის - საზოგადოებრივი კოლეჯის „გლდანის პროფესიული მომზადების ცენტრის ” დაფუძნებისა და მისი წესდების დამტკიცების თაობაზე” საქართველოს განათლებისა და მეცნიერების მინისტრის 2012 წლის 10 სექტემბრის №176/ნ ბრძანებაში ცვლილების შეტანის თაობაზე

საქართველოს განათლებისა და მეცნიერების მინისტრის

2013 წლის 28 ნოემბერი

ქ. თბილისი

1.  მე-2 მუხლის მე-2 პუნქტს დაემატოს შემდეგი შინაარსის ,,თ¹“ ქვეპუნქტი:

,,თ¹) ახორციელებს ტრენინგ-კურსებს, რომელსაც თან არ ახლავს კვალიფიკაციის დამადასტურებელი დოკუმენტის გაცემა.“;

2.  მე-20 მუხლი ჩამოყალიბდეს შემდეგი რედაქციით:

 ,,მუხლი 20. გარდამავალი დებულებანი

1. საზოგადოებრივი კოლეჯის სამეთვალყურეო საბჭოს პროფესიული სტუდენტის მშობელთა და პროფესიული განათლების მასწავლებელთა წარმომადგენლების პირველი  არჩევნების ჩატარება საზოგადოებრივი კოლეჯის დირექტორმა უზრუნველყოს 2013 წლის პირველ დეკემბრამდე.

2. საზოგადოებრივი კოლეჯის სამეთვალყურეო საბჭოს წევრად დამსაქმებლის, ადგილობრივი თვითმმართველობის ორგანოებისა და საზოგადოებრივი ორგანიზაციების მიერ წარმომადგენლის დანიშვნა სამინისტრომ უზრუნველყოს 2013 წლის პირველ დეკემბრამდე.“.