სახელმწიფო საკუთრებაში არსებული სასოფლო-სამეურნეო დანიშნულების მიწის ფაქტობრივად შეჩერებული განკარგვის პროცესის განახლების თაობაზე საქართველოს ეკონომიკისა და მდგრადი განვითარების სამინისტროს სისტემაში შემავალი სსიპ სახელმწიფო ქონების ეროვნული სააგენტოს ინფორმაციის მოწონების თაობაზე

საქართველოს მთავრობის

განკარგულება №1788

2013 წლის 29 ნოემბერი

ქ. თბილისი

სახელმწიფო საკუთრებაში არსებული სასოფლო - სამეურნეო დანიშნულების მიწ ის  ფაქტობრივად შეჩერებული განკარგვის პროცესის განახლების თაობაზე საქართველოს ეკონომიკისა და მდგრადი განვითარების სამინისტროს სისტემაში შემავალი სსიპ – სახელმწიფო ქონების ეროვნული სააგენტოს ინფორმაციის მოწონების თაობაზე

   „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“საქართველოს კანონის მე -5 მუხლის „ა“, „ი“ და „კ“ქვეპუნქტების შესაბამისად, მოწონებულ იქნეს საქართველოს ეკონომიკისა და მდგრადი განვითარების სამინისტროს სისტემაში შემავალი სსიპ – სახელმწიფო ქონების ეროვნული სააგენტოს თანდართული ინფორმაცია , მის მიერ სახელმწიფო საკუთრებაში არსებული სასოფლო-სამეურნეო დანიშნულების მიწასთან დაკავშირებით ერთიანი სახელმწიფო პოლიტიკის შემუშავების პროცესში 2012 წლის ოქტომბრიდან ფაქტობრივად შეჩერებული სახელმწიფო საკუთრებაში არსებული სასოფლო-სამეურნეო დანიშნულების მიწ ის განკარგვის 2013 წლის დეკემბრიდან კანონმდებლობით დადგენილი წესით განახლების თაობაზე.

პრემიერ-მინისტრი                                                         ირაკლი ღარიბაშვილი                                             

 

დანართი

 

საქართველოს ეკონომიკისა და მდგრადი განვითარების სამინისტროს სისტემაში შემავალი სსიპ – სახელმწიფო ქონების ეროვნული სააგენტოს

ი ნ ფ ო რ მ ა ც ი ა

სახელმწიფო საკუთრებაში არსებული სასოფლო - სამეურნეო დანიშნულების მიწ ის  ფაქტობრივად შეჩერებული განკარგვის პროცესის განახლების თაობაზე

 

დღეის მდგომარეობით, დასახული ამოცანების შესაბამისად, სასოფლო-სამეურნეო დანიშნულების მიწის რაციონალურ განკარგვასთან დაკავშირებით ერთიანი პოლიტიკის შემუშავების მიზნით, საქართველოს მთავრობის მიერ გადადგმულია განსაზღვრული ნაბიჯები. კერძოდ, მიღებულია „სასოფლო-სამეურნეო დანიშნულების მიწის პრივატიზებასა და სარგებლობის უფლებით გადაცემასთან დაკავშირებული საკითხების შემსწავლელი უწყებათაშორისი საბჭოს შექმნის შესახებ“ საქართველოს მთავრობის 2013 წლის 2 ოქტომბრის №251 და „საქართველოში მიწის მართვის განვითარების სამართლებრივი უზრუნველყოფის უწყებათაშო რისი საკოორდინაციო საბჭოს შექმნისა და მისი დებულების დამტკიცე ბის შესახებ “ საქართველოს მთავრობის 2013 წლის 2 ოქტომბრის №253 დადგენილებები.

საქართველოს ეკონომიკისა და მდგრადი განვითარების სამინისტროს სისტემაში  შემავალი საჯარო სამართლის იურიდიული პირი - სახელმწიფო ქონების ეროვნული სააგენტო ახორციელებს ქონების მმართველის უფლებამოსილებას „სახელმწიფო ქონების შესახებ“ საქართველოს კანონის შესაბამისად. სააგენტო თავისი საქმიანობისას ხელმძღვანელობს საქართველოს კანონმდებლობით, უპირველეს ყოვლისა კი –  საქართველოს კონსტიტუციით, რაც, თავის მხრივ, გულისხმობს ძირითადი უფლებების და კონსტიტუციური პრინციპების დაცვას.

აღნიშნულის გათვალისწინებით და სამოქალაქო ბრუნვის სტაბილურობისა და სახელმწიფო ქონების ეფექტურად განკარგვის უზრუნველსაყოფად, სსიპ  – სახელმწიფო ქონების ეროვნული სააგენტო მიზანშეწონილად მიიჩნევს, 2012 წლის ოქტომბრიდან ფაქტობრივად შეჩერებული სახელმწიფო საკუთრებაში არსებული სასოფლო-სამეურნეო დანიშნულების მიწის განკარგვის პროცესი განახლებულ იქნეს 2013 წლის დეკემბრიდან და  წარიმართოს შეუფერხებლად, არსებული რეგულაციების ფარგლებში, „სახელმწიფო ქონების შესახებ“ საქართველოს კანონით დადგენილი პროცედურების შესაბამისად.