პოლიციელის ფიცის დამტკიცების თაობაზე

პოლიციელის ფიცის დამტკიცების თაობაზე საქართველოს შინაგან საქმეთა მინისტრის ბრძანება №1010 2013 წლის 31 დეკემბერი ქ. თბილისი პოლიციელის ფიცის დამტკიცების თაობაზე „პოლიციის შესახებ“ საქართველოს კანონის გარდამავალი დებულებების მე-2 პუნქტის „გ“ ქვეპუნქტისა და „საქართველოს შინაგან საქმეთა სამინისტროს დებულების დამტკიცების შესახებ“ საქართველოს მთავრობის 2013 წლის 13 დეკემბრის  №337 დადგენილების მე-5 მუხლის მე-2 პუნქტის „ა“ და „ნ“ ქვეპუნქტების საფუძველზე, ვბრძანებ: მუხლი 1🔗 დამტკიცდეს პოლიციელის ფიცი თანდართული დანართის შესაბამისად. მუხლი 2🔗 ბრძანება ამოქმედდეს გამოქვეყნებისთანავე.შინაგან საქმეთა მინისტრიალექსანდრე ჭიკაიძე დანართი პოლიციელის ფიცი მე, საქართველოს მოქალაქე, შევდივარ რა საქართველოს შინაგან საქმეთა ორგანოების სამსახურში, ვფიცავ: -     ვიყო ერთგული და ღირსეული,  დავიცვა ჩემი სამშობლო საქართველო და ვემსახურო საზოგადოებას; -    დავიცვა საქართველოს კონსტიტუცია და კანონები, სამსახურებრივი და სამხედრო წესდებები, ბრძანებები; -    მტკიცედ დავიცვა სახელმწიფო და სამსახურებრივი საიდუმლოება; -    დავიცვა ადამიანის უფლებები და თავისუფლებები, პოლიტიკური ნეიტრალიტეტი, კანონიერების პრინციპები და თანაზომიერება, არ დავუშვა ნებისმიერი სახის დისკრიმინაცია; -    ვიყო გამბედავი, დამნაშავეობასთან შეურიგებელი და დისციპლინებული თანამშრომელი; -   კეთილსინდისიერად შევასრულო ჩემზე დაკისრებული მოვალეობანი; - არ დავიშურო ძალა, საჭიროების შემთხვევაში საკუთარი სიცოცხლეც კი, საქართველოს კონსტიტუციური წყობილების, საკუთრებისა და მართლწესრიგის დაცვისათვის. ხელმოწერა ___________________                                                                          ___________________