ქალაქ სამტრედიის ტერიტორიის გამოყენებისა და განაშენიანების რეგულირების წესის დამტკიცების შესახებ

ქალაქ სამტრედიის ტერიტორიის გამოყენებისა და განაშენიანების რეგულირების წესის დამტკიცების შესახებ      სამტრედიის მუნიციპალიტეტის საკრებულოს დადგენილება №21 2013 წლის 30 დეკემბერი ქ. სამტრედია ქალაქ სამტრედიის ტერიტორიის გამოყენებისა და განაშენიანების რეგულირების წესის დამტკიცების შესახებ     „ადგილობრივი თვითმმართველობის შესახებ“ საქართველოს ორგანული კანონის 22-ე მუხლის პირველი პუნქტის „ჟ“ ქვეპუნქტის, ,,სივრცითი მოწყობისა და ქალაქთმშენებლობის საფუძვლების შესახებ” საქართველოს კანონისა და 43-ე მუხლის მე-2 პუნქტის შესაბამისად, სამტრედიის მუნიციპალიტეტის საკრებულომ დ ა ა დ გ ი ნ ა: მუხლი 1🔗 დამტკიცდეს ქალაქ სამტრედიის ტერიტორიის გამოყენებისა და განაშენიანების რეგულირების წესი (დანართი №1). მუხლი 2🔗 დამტკიცდეს ქალაქმშენებლობითი ზონების ტერიტორიების გამოყენების დაშვებული სახეობების ჩამონათვალი (დანართი №2). მუხლი 3🔗 დადგენილება ამოქმედდეს გამოქვეყნებისთანავე.საკრებულოს თავმჯდომარეემზარ შუბლაძე დანართი №1 ქალაქ სამტრედიის ტერიტორიის გამოყენებისა და განაშენიანების რეგულირების წესები თავი I ზოგადი დებულებები მუხლი 1🔗. განაშენიანების წესებში გამოყენებული ძირითადი ცნებები 1. განაშენიანების გეგმარებითი სტრუქტურა-ტერიტორიებისა და მატერიალური გარემოს ჩამოყალიბებული და/ან ქალაქმშენებლობითი დოკუმენტაციით განსაზღვრული ურთიერთმიმართება. 2. განაშენიანების დაბალი, საშუალო, მაღალი ინტენსივობა - ამ წესებით განსაზღვრული განაშენიანების ინტენსივობის კოეფიციენტის მაჩვენებლით განპირობებული, ტერიტორიების  განაშენიანების ინტენსივობა. 3. განაშენიანებული მიწის ნაკვეთის გამოყენების სახეობა - მიწის ნაკვეთის არსებული ან ქალაქმშენებლობითი დუკუმენტაციით განსაზღვრული გამოყენების სახეობა. 4. დასახლებათა ტერიტორიების გამოყენებისა და განაშენიანების რეგულირების წესები – ადგილობრივი თვითმმართველობის ორგანოს მიერ მიღებული კანონქვემდებარე ნორმატიული აქტი, რომელიც კანონმდებლობის საფუძველზე არეგულირებს დასახლებათა ტერიტორიებზე უძრავი ნივთების განვითარების, გამოყენებისა და მათში ცვლილებების შეტანის პროცესებს. 5. დეტალური გეგმარების პროექტები - სახელმწიფო ნორმატივებით დადგენილი დეტალური გეგმარების ქალაქმშენებლობითი დოკუმენტაცია: დეტალური დაგეგმარების პროექტი და განაშენიანების პროექტი. 6. ზონირება გეგმარების შემზღუდავი პირობების საფუძველზე - ქალაქმშენებლობითი ზონირების ნაწილი, რომელიც ახდენს ქალაქის ტერიტორიების ინდენტიფიცირებას იმ ფაქტორების მოქმედებათააარეალის მიხედვით, რომლებიც ზღუდავენ უძრავი ობიექტების ქალაქმშენებლობითი განვითარების შესაძლებლობებს. 7. ინფრასტრუქტურა - საინჟინრო-ტექნიკური და სოციალური მომსახურების მოწყობილების, ნაგებობათა და საკომუნიკაციო ობიექტების კომპლექსი. 8. განაშენიანების რეგულირების ხაზები (წითელი ხაზები) – მიწის ნაკვეთისათვის (ნაკვეთებისათვის) ქალაქმშენებლობითი დოკუმენტით დადგენილი წარმოსახვითი მიჯნა, რომლის მიღმაც უნდა განთავსდეს შენობა-ნაგებობები; მიწის ნაკვეთისათვის (ნაკვეთებისათვის) შეიძლება დადგინდეს ერთი ან რამდენიმე წითელი ხაზი. 9. განაშენიანების სავალდებულო ხაზები (ლურჯი ხაზები) - მიწის ნაკვეთისათვის (ნაკვეთებისათვის) ქალაქმშენებლობითი დოკუმენტით დადგენილი წარმოსახვითი მიჯნა, რომელზეც უნდა განთავსდეს შენობა – ნაგებობები; მიწის ნაკვეთისათვის (ნაკვეთებისათვის) შეიძლება დადგინდეს ერთი ან რამდენიმე ლურჯი ხაზი. 10. მიწის ნაკვეთი – ელემენტარული საკადასტრო ერთეული, დადგენილი შესაბამისი კანონმდელობით, ოფიციალურად დადგენილი საზღვრებით (საკადასტრო საზღვარი) სარგებლობის, განკარგვისა და განვითარებისათვის. 11. მიწის ნაკვეთის გამწვანების კოეფიციენტი - მიწის ნაკვეთის გამწვანებული ზედაპირის ფართის შეფარდება მიწის ნაკვეთის ფართთან, მეათედის სიზუსტით. 12. მიწის ნაკვეთის განაშენიანების ფართობი - სახელმწიფო ნორმატივებისა და წესების შესაბამისად განსაზღვრული მიწის ნაკვეთის განაშენიანებული ნაწილის ფართი. 13. მიწის ნაკვეთის განაშენიანების კოეფიციენტი - მიწის ნაკვეთის განაშენიანებული  ზედაპირის ფართის შეფარდება მიწის ნაკვეთის ფართთან, მეათედის სიზუსტით. 14. მიწის ნაკვეთის განაშენიანების ინტენსივობის კოეფიციენტი - მიწის ნაკვეთზე განთავსებული კაპიტალური შენობა-ნაგებობების სართულების ჯამური ფართის შეფარდება მიწის ნაკვეთის ფართთან, მეათედის სიზუსტით. 15. მიწის ნაკვეთის ფართობი - ნაკვეთის საზღვრებით შემოფარგლული ტერიტორიის ორთოგონალური პროექციის ფართი. 16. მიწის ნაკვეთის ფრონტალური მხარე - მიწის ნაკვეთის ქუჩასთან მიმდებარე მხარე. 17. მრავალფუნქციური შენობა -შენობა, რომელშიც დომინირებულად არ არის გამოვლენილი მისი გამოყენების რომელიმე სახეობა. 18.       რეგლამენტები - მიწის ნაკვეთებისა და სხვა უძრავი ობიექტების გამოყენებისა და განაშენიანების, ამ წესებით დადგენილი სამართლებრივი და ნორმატიული პარამეტრები. 19.       საერთო საქალაქო ცენტრის ზონა - ქალაქმშენებლობითი ზონა, რომლისთვისაც განაშენიანების დომინირებულ სახეობას წარმოადგენს საზოგადო¬ებრივი დანიშნულების ობიექტები. 20. ერთბინიანი საცხოვრებელი სახლების ზონა - საცხოვრებელი ზონა, რომლისთვისაც განაშენიანების დომინირებულ სახეობას წარმოადგენს ერთბინიანი ინდივიდუალური საცხოვრებელი სახლები. 21. განაშენიანების დაბალი ინტენსივობის საცხოვრებელი ზონა - საცხოვრებელი ზონა, რომლისთვისაც დომინირებულ სახეობას წარმოადგენს განაშენიანების დაბალი ინტენსივობის მრავალბინიანი საცხოვრებელი სახლები; 22. განაშენიანების საშუალო ინტენსივობის საცხოვრებელი ზონა - საცხოვრებელი ზონა, რომლისთვისაც დომინირებულ სახეაობას წარმოადგენს განაშენიანების საშუალო ინტენსივობის მრავალბინიანი საცხოვრებელი სახლები; 23. განაშენიანების მაღალი ინტენსივობის საცხოვრებელი ზონა - საცხოვრებელი ზონა, რომლისთვისაც დომინირებულ სახეობას წარმოადგენს განაშენიანების მაღალი ინტენსივობის მრავალბინიანი საცხოვრებელი სახლები; 24. ტერიტორიულ-სტრუქტურული ზონირება - ქალაქმშენებლობითი ზონირების ნაწილი, რომელიც ახდენს ქალაქის ტერიტორიების ინდენტიფიცირებას ტერიტორიულ-სტრუქტურული ნიშნით (ქალაქის ცენტრალური ზონა და პერიფერიული ზონა.). 25. უფლებრივი ზონირება - საქართველოს კანონმდებლობით დადგენილი დასახლებათა ტერიტორიების ცალკეული ზონებისათვის სივრცით-ტერიტორიული განვითარების პირობების დადგენა. 26.       უფლებრივი ზონირების საშუალებით ტერიტორიების გამოყენებისა და განაშენიანების რეგულირების დანერგვის გარდამავალი პერიოდი - დროის მონაკვეთი, როდესაც ადგილობრივი თვითმმართველობის ორგანოები ამუშავებენ დოკუმენტაციას ამ წესების სრულფასოვნად გასახორციელებლად და როდესაც მოქმედებს ამ წესების განხორციელების დროებითი მექანიზმები. 27.       უფლებრივი ზონირების ქალაქრეგულირების დოკუმენტი - ამ წესებით განსაზღვრული პირობებით შემუშავებული და დამტკიცებული დოკუმენტები - უფლებრივი ზონირების რუკები, რომლებშიც ტექსტური და გრაფიკული სახით დაფიქსირებულია  ტერიტორიების გამოყენებისა და განაშენიანების რეგლამენტები. 28.       უძრავი ქონება (ობიექტები) ქალაქმშენებლობაში - საქართველოს სამოქალაქო კოდექსის 149-ე მუხლით განსაზღვრული ობიექტები, რომელთა მიმართ ხორციელდება ქალაქმშენებლობითი ღონისძიებები. 29.       უძრავი ქონების (ობიექტების) გამოყენების სახე - საქმიანობის, სარგებლობის სახე, რომლის განხორციელებისთვისაც განკუთვნილია, გამოყოფილია, დაკავებულია, გამოყენებულია მიწის ნაკვეთი და/ან უძრავი ობიექტები. 30.       უძრავი ქონების (ობიექტების) ამ კანონის მოთხოვნებთან შეუსაბამო გამოყენება - უძრავი ქონების გამოყენების სახეობა, რომელიც არ შედის მოცემული უფლებრივი ზონის დაშვებულ გამოყენებათა ჩამონათვალში. 31. უძრავი ქონების (ობიექტის) გამოყენების სპეციალური (ზონალური) შეთანხმებით ნებადართული  სახეობა - გამოყენების დაშვებული სახეობები, რომლებიც განსაზღვრულია ამ წესებით და უფლებრივი ზონირების რუკებით უძრავი ობიექტისათვის როგორც შესაბამისი და რომლებისთვისაც საჭიროა სპეციალური (ზონალური) ნებართვა. 32. უძრავი ქონების (ობიექტის) გამოყენების ძირითადი ნებადართული სახეობა - გამოყენების დაშვებული სახეობები, რომელებიც განსაზღვრულია ამ წესებითა და უფლებრივი ზონირების რუკებით უძრავი ობიექტისათვის, როგორც შესაბამისი და რომლებისთვისაც არ არის საჭირო სპეციალური (ზონალური) ნებართვა. 33. ფუნქციური ზონირება - ქალაქმშენებლობითი ზონირების ნაწილი, რომელიც ახდენს ქალაქის ტერიტორიების იდენტიფიცირებას მათი  გამოყენების დომინირებული სახეობის მიხედვით. 34.       ქალაქმშენებლობითი ზონირება - ქალაქმშენებლობითი დაგეგმარების დროს, მოქმედი ნორმატივებითა და ამ წესებით განსაზღვრული მახასიათებლებით დასახლების ტერიტორიების იდენტიფიცირება. 35. ქალაქმშენებლობითი ღირებულების მიხედვით ტერიტორიების ზონირება - ქალაქმშენებლობითი ზონირების ნაწილი, რომელიც ახდენს ტერიტორიების იდენტიფიცირებას ქალაქმშენებლობითი ღირებულების მიხედვით. 36.       ქალაქმშენებლობის რეგულირების სახელმწიფო სისტემა - ქალაქმშენებლობის სფეროში საქართველოს კანონმდებლობის, სახელმწიფო ნორმატივებისა და ქალაქმშენებლობითი დოკუმენტაციის ერთობლიობა. 37. ქალაქის ცენტრის ბირთვი -  ცენტრალურ ზონაში, ცენტრის ტერიტორიების ათვისების მაღალი ხარისხისა და საზოგადოებრივი დანიშნულების ობიექტების მაღალი კონცენტრაციის ნიშნით გამოყოფილი ტერიტორი-ული ელემენტი. 38. წესების შეუსაბამო მიწის ნაკვეთი - მიწის ნაკვეთი, რომლის გამოყენება, ფართობი ან ზომები არ შეესაბამება შესაბამისი უფლებრივი ზონის მოთხოვნებს. მუხლი 2🔗. ქალაქ სამტრედიის ქალაქმშენებლობითი განვითარების პრიორიტეტი 1. ქალაქ სამტრედიის ქალაქგანვითარების პრიორიტეტია: არსებული განაშენიანებული ტერიტორიების გამოყენების რაციონალიზაცია და ეფექტურობის გაზრდა. 2. გაუნაშენიანებელი ტერიტორიების ათვისება დაიშვება მხოლოდ განაშენიანებული ტერიტორიების ქალაქგანვითარების პოტენციალის ამოწურვის და/ან საზოგადოებრივი ინტერესებიდან გამომდინარე, მოქმედი საკანონმდებლო-ნორმატიული დოკუმენტებით განსაზღვრული პროცედურებით მიღებული ქალაქმშენებლობითი გადაწყვეტის შემთხვევაში. თავი II უფლებრივი ზონირება მუხლი 3🔗. უფლებრივი ზონირების არსი 1. უფლებრივი ზონირება არის, თავისუფალი ბაზრისა და ლიბერალური ეკონომიკის პირობებში, ქალაქმშენებლობითი დოკუმენტაციით განსაზღვრული ქალაქმშენებლობითი ზონების ტერიტორიების გამოყენებისა და განაშენიანების  რეგულირების იურიდიული ინსტრუმენტი, რომელიც უზრუნველყოფს, ქალაქმშენებლობის ადმინისტრირების სფეროში, სამართლებრივი რეგულირების პრინციპების დამკვიდრებას. 2. ამ წესების საფუძველზე, ქალაქ სამრედიის ტერიტორიის ქალაქმშენებლობით ზონებში, უძრავი ობიექტების გამოყენებისა და განაშენიანების ერთგვაროვანი პარამეტრების დადგენა წარმოადგენს უფლებრივი ზონირების განხორციელების საფუძველს. 3. უფლებრივი ზონირება უზრუნველყოფს: ა) უძრავი ქონების ობიექტებში ცვლილების შეტანის სამართლებრივ პირობებს; ბ) უძრავი ქონების ობიექტების თაობაზე მიღებულ ქალაქმშენებლობით  გადაწყვეტილებათა საჯაროობას; გ) უძრავი ქონების ობიექტებში ცვლილებების შეტანის შესახებ ნებართვის მიღების პროცედურის  გამარტივებას; დ) უძრავი ქონების ობიექტების მესაკუთრეთათვის, ინვესტორთათვის და პოტენციურ მყიდველთათვის, ამ ქონების განვითარების შესაძლებლობების შესახებ, სამართლებრივად გარანტირებული ინფორმაციის მიწოდებას. 4. უფლებრივი ზონირების, როგორც ქალაქგანვითარების გეგმების  რეალი-ზა¬ციის  მექანიზმის საფუძველს წარმოადგენს ქალაქმშენებლობითი დოკუმენტაციით განსაზღვრული ქალაქ ქუთაისის ტერიტორიის ზონირება. 5. ქალაქ სამტრედიის  ტერიტორიაზე  უფლებრივი ზონირებით სამართლებრივ სტატუსს იძენს: ა) ტერიტორიების გამოყენების ნაწილში: ქალაქმშენებლობითი ზონების შესაძლო სახეობები; ცალკეულ ზონებში ტერიტორიების გამოყენების  სახეობები. ბ) ტერიტორიების განაშენიანების ნაწილში: თითოეული ზონისათვის განაშენიანების (სამშენებლო განვითარების) ძირითადი პარამეტრები და მათი  მაქსიმალური და მინიმალური მაჩვენებლები. 6. უფლებრივი ზონირება ხორციელდება ამ  წესების მოთხოვნათა საფუძველზე შედგენილი უფლებრივი ზონირების დოკუმენტით - უფლებრივი  ზონირების რუკით. მუხლი 4🔗. უფლებრივი ზონირების რუკების შინაარსი და მათი ადგილი მოქმედი ქალაქმშენებლობითი დოკუმენტაციის სისტემაში 1. უფლებრივი ზონირების რუკებში ასახული ტერიტორიული ზონებისათვის, ამ წესების თანახმად, დამოუკიდებლად ან დეტალური გეგმარების პროექტების მოთხოვნების გათვალისწინებით დგინდება: ა) ზონების ტერიტორიებზე უძრავი ობიექტების გამოყენების დასაშვები სახეობების ჩამონათვალი; ბ) ზონების ტერიტორიებზე უძრავი ობიექტების განაშენიანების განვითარ-ების პარამეტრები და მათი დასაშვები მაჩვენებლები; 2. უძრავი ობიექტების გამოყენების დასაშვები სახეობების ჩამონათვალი მოიცავს: ა) უძრავი ობიექტების გამოყენების  ძირითად დასაშვებ  სახეობებს; ბ) უძრავი ობიექტების გამოყენების დასაშვებ სახეობებს, რომლებიც ამ წესებით განსაზღვრული პროცედურებით, საჭიროებს სპეციალურ (ზონალურ) შეთანხმებას. 3. უძრავი ობიექტების სამშენებლო განვითარების ძირითადი პარამეტრები უნდა მოიცავდეს: ა) მიწის ნაკვეთების მაქსიმალური განაშენიანების კოეფიციენტს; ბ) მიწის ნაკვეთების მაქსიმალური განაშენიანების ინტენსივობის კოეფი-ციენტს; გ) მაქსიმალურ მაჩვენებლებს განაშენიანების სართულიანობისა და/ან სიმაღლისათვის; დ) მიწის ნაკვეთების ფართობის მინიმალურ და მაქსიმალურ ზომებს, მათ შორის: ნაკვეთის სიგანისა (ქუჩის ფრონტი) და სიღრმისათვის; ე)  განაშენიანების რეგულირების ხაზებს (ლურჯ ხაზებს); ვ)  წითელ ხაზებს; ზ) მიწის ნაკვეთის განაშენიანების საზღვრებს; თ) ავტომანქანების სადგომი ადგილების რაოდენობას; ი) მიწის ნაკვეთის გამწვანების კოეფიციენტს; კ) განაშენიანების სივრცით-გეგმარებით წყობის სახეობას; ლ) სხვა პარამეტრებს,  რომელთა მნიშვნელობა და მაჩვენებელი დგინდება დეტალური გეგმარების პროექტებით, სხვა სამართლებრივ-ნორმატიული დოკუმენ-ტებით. 4. უფლებრივი ზონირების რუკები, როგორც წესი, წარმოადგენს ზოგადი (გენერალური გეგმა) და დეტალური (დეტალური დაგეგმარების პროექტი, განაშენიანების პროექტი) ქალაქშენებლობითი დოკუმენტაციის შემადგენელ ნაწილს. 5. იმ შემთხვევებში, როდესაც განაშენიანებული ტერიტორიებისათვის არ არსებობს დეტალური გეგმარების ქალაქმშენებლობითი დოკუმენტაცია, მათ მომზადებამდე, უფლებრივი ზონირების რუკები, დამოუკიდებელი დოკუმენტის სახით, ახორციელებს ამ ტერიტორიებზე ცალკეული უძრავი ობიექტების გამოყენებისა და განაშენიანების რეგულირებას. მუხლი 5🔗. უფლებრივი ზონირების განხორციელების ეტაპები და რუკების სახეობები 1. ქალაქ სამტრედიის ტერიტორიების უფლებრივი ზონირება, როგორც წესი, უნდა განხორციელდეს ორ ძირითად ეტაპად, რომლებიც აისახება უფლებრივი ზონირების შესაბამის რუკებში. 2. ზოგადი უფლებრივი ზონირების მოთხოვნები ისახება  უფლებრივი ზონირების ზოგად რუკაში (შემდგომში -ზოგად რუკაში). 3. ზოგადი რუკა შესაძლებელია წარმოდგენილ იქნეს, როგორც ერთი, ასევე რამდენიმე გრაფიკული ნახაზის ფორმით. 4. უფლებრივი ზონირების სავალდებულო რუკების შემუშავება ყოველთვის არ საჭიროებს უფლებრივი ზონირების ზოგადი რუკის არსებობას, განსაკუთრებით ჩამოყალიბებულ განაშენიანებაში, როდესაც სავალდებულო რუკები საკმარისია  ტერიტორიების განვითარების დასარეგულირებლად. მუხლი 6🔗. უფლებრივი ზონირების რუკების შემუშავება, განხილვა და დამტკიცება 1. გადაწყვეტილებას, უფლებრივი ზონირების რუკების შემუშავების ან კორექტირების თაობაზე, იღებს სამტრედიის მუნიციპალიტეტის საკრებულო. 2. უფლებრივი ზონირების რუკების შემუშავებაზე პასუხისმგებელია სამტრედიის მუნიციპალიტეტის გამგეობის ინფრასტრუქტურის სამსახური. 3. საავტორი უფლება, უფლებრივი ზონირების რუკებზე, წარმოადგენს სამტრედიის მუნიციპალიტეტის საკუთრებას. 4. უფლებრივი ზონირების რუკები მტკიცდება სამტრედიის მუნიციპალიტეტის საკრებულოს სამართლებრივი აქტით. 5. უფლებრივი ზონირების რუკების დამოუკიდებელი დოკუმენტების სახით შემუშავებისას, ისინი შეთანხმებულ უნდა იქნეს არსებული წესით. 6. უფლებრივი ზონირების რუკები, კანონმდებლობითა და ამ წესებით განსაზღვრული პროცედურებით, ექვემდებარება საზოგადოებრივ განხილვას. 7. უფლებრივი ზონირების რუკების, დამტკიცების შემდგომ იგი ექსპონირებულ უნდა იქნეს სამტრედიის მუნიციპალიტეტის გამგეობის ინფრასტრუქტურის სამსახურში. თავი III ტერიტორიების გამოყენებისა და განაშენიანების რეგულირების საფუძვლები და პარამეტრები მუხლი 7🔗. ტერიტორიის ქალაქმშენებლობითი ზონირების სახეობები და ზონების საზღვრები ტერიტორიული ზონების საზღვრების  დადგენისას, როგორც წესი გამოყენებულ უნდა იქნეს: ა) ტერიტორიის ადმინისტრაციული საზღვრები; ბ) ბუნებრივი საზღვრები და ხელოვნური საზღვრები. მუხლი 8🔗. უფლებრივი ზონირება უფლებრივი ზონირების განხორციელების მიზნით, ქალაქ სამტრედიის ტერიტორია იყოფა: ცენტრალურ და პერიფერიულ ზონებად. მუხლი 9🔗. უძრავი ობიექტების განაშენიანების პარამეტრები 1. ამ წესების მუხლი მე-4 მუხლის მე-3 პუნქტში აღნიშნული უძრავი ობიექტების განაშენიანების ძირითადი პარამეტრებიდან წინამდებარე წესებით ცალკეული ტერიტორიალური ზონებისათვის განსაზღვრულია: ა) მიწის ნაკვეთების განაშენიანების კოეფიციენტის – (კ-1) მაქსიმალური მაჩვენე-ბლები; ბ) მიწის ნაკვეთების განაშენიანების ინტენსივობის კოეფიციენტის (კ-2) მაქსი-მალური მაჩვენებლები; გ)   მიწის ნაკვეთების გამწვანების კოეფიციენტის (კ-3) მინიმალური მაჩვენებ-ელი. 2. უძრავი ობიექტების განაშენიანების რეგულირების მიზნით ეს წესები აგრეთვე ადგენს: ა) საცხოვრებელ ზონებში სატრანსპორტო საშუალებების შენახვის პირობებს; ბ) შენობათა მაქსიმალური დასაშვები  სიმაღლისა და  ქუჩების (გზების)  სიგანეთა სარეკომენდაციო ურთიერთმიმართებას; გ)  ტერიტორიების განაშენიანების სივრცით გეგმარებით პირობებს. მუხლი 10🔗. მიწის ნაკვეთის განაშენიანების კოეფიციენტი კ-1 1. მიწის ნაკვეთის განაშენიანების კოეფიციენტი კ-1 განსაზღვრავს, თუ ცალკეულ ზონაში განაშენიანების რამდენი კვადრატული მეტრია დასაშვები შესაბამისი ტერიტორიის ყოველ კვადრატულ მეტრზე. 2. მიწის ნაკვეთის განაშენიანების კოეფიციენტით გამოთვლილი ტერიტორიის ფართობი წარმოადგენს შესაბამისი ტერიტორიის იმ ნაწილს, რომელიც შეიძლება იყოს დაკავებული  შენობა-ნაგებობებით. 3. მიწის ნაკვეთის განაშენიანების კოეფიციენტით განსაზღვრული განაშენიანების ფართი, ძირითადი ნაგებობების გარდა მოიცავს: ა) გარაჟების   განაშენიანების ფართს;  ბ) დამხმარე ნაგებობების განაშენიანების ფართს. 4. მიწის ნაკვეთის განაშენიანების კოეფიციენტით განსაზღვრულ ფართში არ შედის ამ ტერიტორიებზე გათვალისწინებული მიწისქვეშა ავტოსადგომებისა და დამხმარე სათავსების ფართი. ამავე დროს, ეს ობიექტები არ შეიძლება იკავებდნენ შესაბამისი ტერიტორიების 80%-ზე მეტს. მუხლი 11🔗. მიწის ნაკვეთის განაშენიანების ინტენსივობის კოეფიციენტი კ-2 1. მიწის ნაკვეთის განაშენიანების ინტენსივობის კოეფიციენტი განსაზღვრავს, თუ შენობა-ნაგებობების სრული სართულების ჯამური ფართის რა ოდე-ნობა არის დასაშვები შესაბამისი ტერიტორიების თვითოეულ კვადრატულ მეტრზე. 2. სრულ სართულებად ითვლება სართულები, რომლებიც ასეთებად განისაზღვრება მოქმედი სამშენებლო ნორმებითა და წესებით. 3. სართულების ფართი გამოითვლება შენობის გარე კონტურის ზომებით,  აივნებისა და ტერასების ფართების გამოკლებით. მუხლი 12🔗. მიწის ნაკვეთის გამწვანების კოეფიციენტი კ-3 1. მიწის ნაკვეთების გამწვანების კოეფიციენტით განისაზღვრება მიწის ნაკვეთის ფართის მინიმალური წილი, რომელიც არ უნდა იყოს დაფარული, ან გადაფარული რაიმე წყალგაუმტარი (სამშენებლო თუ სხვა)  მასალით, რომლის ქვეშაც არ უნდა არსებობდეს რაიმე ნაგებობა, ან სათავსი და რომელიც განკუთვნილია გამწვანებისათვის. 2. მიწის ნაკვეთის გამწვანების კოეფიციენტი არის მიწის ნაკვეთის გამწვანებული ზედაპირის, მიწის ნაკვეთის საერთო ფართთან შეფარდების მინიმალური მაჩვენებელი. მუხლი 13🔗. მიწის ნაკვეთების განაშენიანების, განაშენიანების ინტენსივობისა და გამწვანების კოეფიციენტების მაჩვენებლები 1. ცალკეული ტერიტორიული ზონებისათვის მიწის ნაკვეთების განაშენი-ანების კოეფიციენტის (კ-1) და განაშენიანების ინტენსივობის კოეფიციენტის (კ-2)  მაქსიმალური მაჩვენებლები განისაზღვრება შემდეგი სახით: № ფუნქციური და ტერიტორიულ–სტრუქტურული ზონები მიწის ნაკვეთის განაშენიანების კოეფიციენტი K–1 მიწის ნაკვეთის განაშენიანების ინტენსივობის კოეფიციენტი K-2 1 პზ-1 0,7 4,0 2 პზ-2 0,8 8,0 2. ტერიტორიებზე მოსახლეობის საანგარიშო მაჩვენებლებლების გაანგარიშებისათვის  მოსახლეობის საცხოვრებლით უზრუნველყოფის საშუალო მაჩვენებლებად მიღებული უნდა იყოს: 20 კვ.მ – საერთო ფართი სოციალური საცხოვრებლისათვის და 35-კვ.მ-ი კომერციული საბინაო ფონდისათვის. 3. ცალკეული მიწის ნაკვეთების განაშენიანებისას გამწვანების მინიმალური ფართის მაჩვენებელი არ უნდა იყოს ამ ნაკვეთების ფართობის  10%-ზე ნაკლები. 4. ცალკეულ შემთხვევებში, როდესაც  სამშენებლო ნაგებობების სიმაღლის ან სართულიანობის მაჩვენებლების განსაზღვრის საფუძველს წარმოადგენს არსებული განაშენიანების შესაბამის პარამეტრებთან გათანაბრება, დასაშვებია ტერიტორიის განაშენიანების ინტენსივობის ამ რეგლამენტით განსაზღვრული კოეფიციენტის ზღვრული მაჩვენებლის გადამეტების ამ წესებით განსაზღვრული წესით განხილვა. (სპეციალური ნებართვა).   მუხლი 14🔗. შენობების მაქსიმალური დასაშვები სიმაღლეების განსაზღვრის პირობები 1. ცალკეულ ტერიტორიულ ზონებში, რომლებისთვისაც არ არის შემუ-შავებული დეტალური გეგმარების დოკუმენტები და არ არის დადგენილი სიმაღლისა და სართულიანობის შეზღუდვები, შენობა-ნაგებობების მაქსიმალური დასაშვები სიმაღლეების განსაზღვრა  უნდა მოხდეს არსებული განაშენიანებისა და ქუჩების ქსელის პარამეტრების, აგრეთვე ამ წესებით განსაზღვრული მიწის ნაკვეთების განაშენიანების კოეფიციენტებისა და განაშენიანების ინტენსივობის კოეფიციენტების მაჩვენებლების საფუძველზე. 2. ასეთი შემთხვევებისათვის შენობა-ნაგებობების მაქსიმალური დასაშვები სიმაღლისა და ქუჩების სიგანის საბაზისო ურთიერთმიმართება რეკომენდირებულია განისაზღვროს შემდეგი თანაფარდობით: 0.5ლ = 0.4ჰ, სადაც 0.5ლ არის მანძილი ქუჩის ღერძულა ხაზიდან შენობის კედლამდე, ხოლო ჰჰ  შენობის სიმაღლე.  3. შენობების სიმაღლეები გამოითვლება მოქმედი ნორმატივების შესაბამისად. მუხლი 15🔗. საცხოვრებელ ზონებში სატრანსპორტო საშუალებების შენახვა 1. საცხოვრებელ ზონებში მიწის ნაკვეთებისა და სხვა უძრავი ობიექტების სამშენებლო განვითარებისას,  გათვალისწინებული უნდა იქნეს სატრანსპორტო საშუალებების შენახვის უზრუნველყოფა შემდეგი პირობით: მინიმუმ ერთი მანქანა/ადგილი ერთ საცხოვრებელ ერთეულზე. 2. საცხოვრებელი ზონის ცალკეულ ქვეზონებში სატრანსპორტო საშუალებების შენახვის რეკომენდირებული სახეობა (ღია და დახურული ავტოსადგომები, მიწისქვეშა და მრავალსართულიანი ავტოსადგომები, ინდივიდუალური გარაჟები და ა.შ.)  დგინდება ამ წესების შესაბამისად. თავი IV ტერიტორიების გამოყენებისა და განაშენიანების განსაკუთრებული შემთხვევები და მათი რეგულირება მუხლი 16🔗. განაშენიანების პარამეტრების ასახვა ქალაქმშენებლობით კადასტრში 1. უფლებრივი ზონირების სავალდებულო რუკები უნდა გახდეს ქალაქმშენებ-ლობითი (მრავალმიზნობრივი) კადასტრის შემადგენელი ნაწილი. 2. უფლებრივი ზონირების სავალდებულო რუკების მოთხოვნები კონკრეტულ მიწის ნაკვეთებთან მიმართებაში უნდა აისახოს ამ ნაკვეთების სარეგისტრაციო  ბარათებში. მუხლი 17🔗. ტერიტორიების გამოყენებისა და განაშენიანების რეგულირებაზე პასუხისმგებელი ორგანოები 1. განაშენიანების წესების მოთხოვნათა რეალიზაციასა და დაცვას უზრუნველყოფს სამტრედიის მუნიციპალიტეტის გამგეობის ინფრასტრუქტურის და გამგეობის სამსახური, რომლებიც საკუთარი კომპეტენციის ფარგლებში  ახორციელებენ ქალაქის ტერიტორიების გამოყენებისა და განაშენიანების რეგულირების ფუნქციას. 2.  განაშენიანების წესების დაცვაზე კონტროლს ახორციელებენ ადგილობ-რივი და სახელმწიფო მმართველობის ორგანოები, რომელთაც კანონმდებლობით მინიჭებული აქვთ ასეთი უფლებები. მუხლი 18🔗. ქალაქ სამტრედიის ტერიტორიის გამოყენებისა და განაშენიანების საკითხთა კომისია 1. ქალაქ სამტრედიის  ტერიტორიების გამოყენებისა და განაშენიანების საკითხთა კომისია (შემდგომში _  კომისია) იქმნება მუნიციპალიტეტის საკრებულოს განკარგულებით. 2. კომისიის კომპეტენციათა სფეროს განეკუთვნება: ა) ქალაქ სამტრედიის ტერიტორიაზე ამ წესებისა და უფლებრივი ზონირების განხორციელების პოლიტიკის განსაზღვრისათვის მოსაზრებებისა და დოკუმენ-ტების მომზადება; ბ) ქალაქ სამტრედიის ტერიტორიაზე ამ წესებისა და უფლებრივი ზონირების განხორციელებაზე მონიტორინგის განხორციელება; გ) ამ წესებში ცვლილებებისა და დამატებების მომზადება; დ) ამ წესების განმარტება და დაინტერესებულ პირთათვის კონსულტაციის გაწევა; ე) საჯარო მოსმენების ორგანიზება სპეციალური (ზონალური) შეთანხმების საკითხებზე; ვ) სამტრედიის მუნიციპალიტეტის საკრებულოსათვის რეგულარული და სპეციალური   მოხსენებების მომზადება; ზ) ქალაქ სამტრედიის ტერიტორიის გამოყენებისა და განაშენიანების საკით-ხებზე საზოგადოებრივი ინფორმირების სამუშაოთა და განხილვათა ორგანიზება; თ) ტერიტორიის გამოყენებისა და განაშენიანების საკითხებზე საჯარო და კერძო სამართლის პირთა საჩივრების განხილვა; 3. კომისიის თავმჯდომარე მტკიცდება სამტრედიის მუნიციპალიტეტის საკრებულოს მიერ.  კომისიის თავმჯდომარე, როგორც წესი, არის მუნიციპალიტეტის გამგებელი 4. თანამდებობრივი მდგომარეობით  კომისიის წევრები არიან: ა) სამტრედიის მუნიციპალიტეტის გამგეობის ინფრასტრუქტურის სამსახურის უფროსი;       ბ) სამტრედიის მუნიციპალიტეტის გამგეობის ინფრასტრუქტურის სამსახურის მთავარი სპეციალისტი არქიტექტურისა და მშენებლობის საკითხებში; გ) სამტრედიის მუნიციპალიტეტის გამგეობის იურიდიული განყოფილების უფროსი; დ) სამტრედიის მუნიციპალიტეტის გამგეობის საზოგადოებასთან ურთიერთობის სამსახურის უფროსი; 5. კომისიის შემადგენლობაში უნდა დამტკიცდნენ აგრთვე პირები, რომლებიც წარმოადგენენ საზოგადოებრივ და არასამთავრობო ორგანიზაციებსა და კერძო სტრუქურებს. ასეთი პირები არ უნდა იყვნენ საჯარო მოხელეები და არ უნდა შეადგენდნენ კომისიის შემადგენლობის ერთ მესამედზე ნაკლებს. 6. კომისიის შემადგენლობა არ უნდა იყოს 7კაცზე ნაკლები და 11 კაცზე მეტი. 7. კომისიის კვორუმია შემადგენლობის ორი მესამედი. 8. სტრატეგიულ საკითხებზე გადაწყვეტილებათა მიღება ხდება ხმათა ორი მესამედით, ხოლო სხვა (შიდასაორგანიზაციო, საპროცედურო) საკითხებზე უბრალო უმრავლესობით დამსწრეთა რაოდენობიდან. 9. ხმათა თანაბარი რაოდენობის შემთხვევებში, გადამწყვეტია თავმჯდომარის ხმა. 10. კომისიის შემადგენლობაში მყოფი საჯარო მოხელეები შეიძლება წარმოდ¬გენილი იყვნენ უფლებამოსილი პირებით, შესაბამისი სამსახურების შემადგენ¬ლობიდან. 11. კომისიის თავმჯდომარის არყოფნის შემთხვევაში, კომისიის სხდომის თავმჯდო¬მარე ირჩევა კომისიის შემადგენლობიდან, დამსწრეთა ხმების უმრავლე-სობით. 12. კომისიის სხდომა საჯაროა. 13. კომისიის წევრებს შეიძლება მიეცეთ აცილება საკითხის განხილვაში მონაწილეობისაგან, თუკი ცნობილი გახდა, ან დასტურდება მათი პირდაპირი, ან ირიბი კერძო ან უწყებრივი დაინტერესება განსახილველ საკითხში. 14. კომისიის სხდომები იმართება საჭიროებისამებრ, მაგრამ არანაკლებ, თვეში ერთხელ. კომისიის სხდომათა ჩატარების განრიგი და დღის წესრიგი საჯაროა. 15. კომისიაზე არ შეიძლება განხილული იყოს საკითხი, გარდა შიდა საორგანიზაციო და საპროცედურო საკითხებისა, თუკი ასეთი წინასწარ არ არის შეტანილი კომისიის წევრებთან შეთანხმებულ დღის წესრიგში, ან ასეთების განხილვა არ არის განპირობებული ამ წესების დაცვით. 16. კომისიის საქმიანობა რეგულირდება ამ წესებისა და კომისიის დებულ-ების საფუძველზე. კომისიის დებულება არ შეიძლება მოდიოდეს წინააღმდეგობაში ამ წესებთან; 17. სამტრედიის მუნიციპალიტეტის ახალი მოწვევის საკრებულო თავიდან ამტკიცებს კომისიის შემადგენლობას. მუხლი 19🔗. ინფორმაციის საჯაროობა და ხელმისაწვდომობა 1. წინამდებარე წესები  არის ღია და ხელმისაწვდომი ფიზიკური და იურიდიული პირებისათვის. 2. სამტრედიის მუნიციპალიტეტის გამგეობა უზრუნველყოფს ამ წესების საჯაროობას და ხელმისაწვდომობას მისი  გამოცემის გზით. 3. ამ წესებით  დადგენილი პროცედურებით, მოქალაქეებს უფლება აქვთ, საჯარო მოსმენების გზით, მიიღონ მონაწილეობა ტერიტორიების გამოყენებისა და განაშენიანების საკითხების განხილვაში. 4. მოქალაქეთა, დაინტერესებულთა და მესაკუთრეთა ინფორმირება უფლებრივი ზონირების სავალდებულო რუკების მოთხოვნების შესახებ კონკრეტულ მიწის ნაკვეთებთან მიმართებაში უნდა დაკმაყოფილდეს უფლებრივი ზონირების სავალდებულო რუკებიდან ამონაწერების საშუალებით. 5. მოქალაქეთა, დაინტერესებულთა და მესაკუთრეთა ინფორმირება უფლებრივი ზონირების სავალდებულო რუკების მოთხოვნების შესახებ კონკრეტულ მიწის ნაკვეთებთან მიმართებაში, ამონაწერების მეშვეობით, არის სამტრედიის მუნიციპალიტეტის გამგეობის ინფრასტრუქტურის სამსახურის კომპეტენცია. 6. მოქალაქეთა, დაინტერესებულთა და მესაკუთრეთა ინფორმირება უფლებრივი ზონირების სავალდებულო რუკების მოთხოვნების შესახებ კონკრეტულ მიწის ნაკვეთებთან მიმართებაში ამონაწერების მეშვეობით უნდა მოხდეს განაცხადის შემოსვლიდან 3 დღის ვადაში. უარი დასაბუთებული უნდა იყოს წერილობით. მუხლი 20🔗. წესების მოთხოვნების რეალიზაციისა და დაცვის პროცესში, მოქალაქეთა მონაწილეობა 1. დეტალური გეგმარების დოკუმენტების, უფლებრივი ზონირების სავალდებულო რუკების, აგრეთვე ამ წესების მოთხოვნების შესაბამისად სპეციალური ზონალური ნებართვის მისაღებად მომზადებული საპროექტო გადაწყვეტების გან-ხილვისას, მოქალაქეებს ეძლევათ შესაძლებლობა საჯარო მოსმენისას გამოხატონ თავისი შეხედულებები ქალაქისა და მისი ცალკეული ნაწილების დაგეგმარებისა და ახლებურად მოწყობა-განვითარების შესახებ. 2. მოქალაქეთათვის ინფორმაციის მიწოდება არ ხდება იმ შემთხვევებში, როდესაც: ა) ტერიტორიის /ან ტერიტორიების/ დაგეგმარება და განაშენიანება ხორციელდება, განხილული, შეთანხმებული და დამტკიცებული უფლებრივი ზონირების სავალდებულო რუკების საფუძველზე; ბ) ტერიტორიის დაგეგმარება და განაშენიანება აკმაყოფილებს რეგლამენტის ძირითადი პარამეტრების ზღვრულ მაჩვენებლებს და სხვა ქალაქმშენებლობით ნორმებსა და წესებს; გ) უფლებრივი ზონირების სავალდებულო რუკები განიცდის ისეთ ცვლილებებს, იღებს დასრულებულ სახეს, რომელიც არსებითად არ ცვლის ადრე შეთანხმებულ და დამტკიცებულ დოკუმენტს; დ) ტერიტორიების გამოყენებისა და განაშენიანების დაგეგმარების სხვა ეტაპზე უკვე ჩატარებულია  მოქალაქეთა ინფორმირება და დისკუსიები. 3. მოქალაქეთა ინფორმირებისა და დისკუსიების (საჯარო მოსმენების) ორგანიზება და გამართვა შედის სამტრედიის მუნიციპალიტეტის გამგეობის კომპენტენციაში. 4. მოქალაქეთა ინფორმირება უნდა მოხდეს საჯარო მოსმენამდე  არა უმცირეს 15 დღისა. 5. საჯარო განხილვის შესახებ ინფორმაციის მიწოდება შესაძლებელია ადგილობრივი პრესის, ადგილობრივი თვითმმართველობის სპეციალური ორგანოს, ტელევიზიის მეშვეობით, აგრეთვე, იმ მიწის ნაკვეთზე, რომელზეც დაგეგმილია მშენებლობა, რომელიც მოითხოვს სპეციალურ ნებართვას, საინფორმაციო ფარის დადგმის გზით. 6. განცხადება უნდა მოიცავდეს ინფორმაციას: ა)  განსახილველი საკითხების შესახებ; ბ)  განსახილველი მასალების წინასწარი გაცნობის  თარიღის, დროის, ადგილის შესახებ. 7. თუ საჯარო მოსმენების შემდგომ, ტერიტორიების დაგეგმარებისა და განა¬შენიანების ქალაქმშენებლობით დოკუმენტაციაში, ასევე კონკრეტული ობიექტის საპროექტო გადაწყვეტაში შეტანილი იქნება არსებითი ცვლილებები, იგი იგივე პროცედურით ხელახლა უნდა იქნეს განხილული. 8. თუ საჯარო მოსმენებისას გამოთქმული შენიშვნები და წინადადებები არსებითად არ ცვლის ქალაქმშენებლობის დოკუმენტაციისა და ცალკეული ობიექტების საპროექტო გადაწყვეტილებებს (პროექტის ძირითადი ჩონჩხი ხელუხლებელი დარჩა ან უმნიშვნელო ან მცირედი მნიშვნელობის ცვლილებები განი-ცადა), მაშინ, საპროექტო გადაწყვეტილება არ ექვემდებარება ხელმეორედ განხილვას. 9. საჯარო მოსმენებზე გამოთქმული და/ან წერილობითი ფორმით მოწოდებული მოქალაქეთა მოსაზრებები და ინიციატივები ორი კვირის განმავლობაში უნდა იქნეს განხილული.  10. განხილვის დოკუმენტურად დადასტურებული შედეგი საინფორმაციო საშუალებებში გამოქვეყნების გზით უნდა გახდეს ცნობილი საზოგადოებისათვის. მუხლი 21🔗. განაცხადი უძრავი ობიექტების სამშენებლო განვითარებაზე და არქიტექტურულ-გეგმარებითი დავალების შედგენა 1. უძრავი ობიექტების სამშენებლო განვითარებაზე განაცხადი, მიწის ნაკვეთის მესაკუთრემ წერილობითი ფორმით უნდა შეიტანოს სამტრედიის მუნიციპალიტეტის გამგეობასი 2. იმ შემთხვევებში, როდესაც ცალკეული მიწის ნაკვეთები ხვდება ზონაში, რომლისთვისაც არსებობს უფლებრივი ზონირების დამტკიცებული სავალდებულო რუკები და უძრავი ქონების მესაკუთრის მოთხოვნა შეესაბამება ამ ზონისათვის დადგენილ პარამეტრებს, არქიტექტურულ-გეგმარებითი დავალება გაცემულ უნდა იქნეს ერთი კვირის ვადაში. 3. იმ შემთხვევებში, როდესაც ტერიტორიების დაგეგმარებასა და განაშენიანებაზე წარმოდგენილი განაცხადით უძრავი ქონების მესაკუთრე-მენაშენე ითხოვს ისეთი ობიექტის მშენებლობას, რომელსაც ამ რეგლამენტის მიხედვით სჭირდება სპეციალური ნებართვა, არქიტექტურულ-გეგმარებითი დავალება შეიძლება შედგენილ იქნეს მხოლოდ ამ წესებით განსაზღვრული პროცედურების შესაბამისად, მისი მიღების შემდგომ და მის საფუძველზე. 4. ტერიტორიებისა და სხვა უძრავი ობიექტების ამ წესებით განსაზღვრული ისეთი გამოყენება, რაც მოითხოვს სპეციალურ ზონალურ შეთანხმებას, შესაძ-ლებელია განხორციელდეს, მხოლოდ ასეთი შეთანხმების არსებობის შემთხვევაში. 5. სპეციალური ზონალური შეთანხმების მისაღებად, მერიის არქიტექტურის საქა-ლაქო სამსახურს უფლება აქვს მოსთხოვოს უძრავი ობიექტის მესაკუთრეს, წინა-საპროექტო ესკიზური პროექტის დამუშავება. 6. წინასაპროექტო ესკიზური პროექტი უნდა მოიცავდეს: ა) ობიექტის ქალაქმშენებლობით გადაწყვეტებს, მათ შორის: შენობა ნაგებობების მოცულობით-სივრცით გადაწყვეტებს და  მახასიათებლებს (განაშენიანების კოეფიციენტი, განაშენიანების ინტენსივობის კოეფიციენტი, საერთო ფართი, სართულიანობა და ა.შ.); ბ)         ზოგად ინფორმაციას დაგეგმარებული ობიექტის მიერ მოხმარებული  რე¬სუსების (ენერგოუზრუნველყოფა, წყალმომარაგება, კანალიზაცია ა.შ.)  მოცულობ¬ისა და გარემოზე ზემოქმედების შესახებ. 7. სამტრედიის მუნიციპალიტეტის გამგეობის ინფრასტრუქტურის სამსახური, წინასაპროექტო ესკიზური წინადადების მიღებიდან 21 დღის განმავლობაში, ამზადებს დასკვნას სპეციალური ზონალური ნებართვის გაცემის შესახებ და წარუდგენს მას მუნიციპპალიტეტის გამგებელს. 8. გადაწყვეტილება სპეციალური ზონალური ნებართვის შესახებ მიიღება სამტრედიის მუნიციპალიტეტის გამგებლის მიერ. 9. სპეციალური ზონალური ნებართვა ძალაშია 2 წლის განმავლობაში. იმ შემთხვეებში, როდესაც უძრავი ობიექტის სამშენებლო განვითარება არ განხორციელდება, ამ ვადაში სპეციალური ზონალური ნებართვა ხელახლა უნდა იქნეს მიღებული. 10. იმ შემთხვევაში, როდესაც ობიექტი მოქმედი კანონმდებლობით ექვემდებარება ძეგლთა დაცვისა და სახელმწიფო კომპლექსური ექსპერტიზის ორგანოების განხილვას, უძრავი ობიექტის მესაკუთრე ვალდებულია წინასაპროექტო ესკიზური პროექტის  ასლები დასკვნისათვის გადასცეს ამ ორგანოებს.  11. აღნიშნული ორგანოები ორი კვირის ვადაში ვალდებულნი არიან გამოხატონ თავისი პოზიცია წინასაპროექტო ესკიზური პროექტის არქიტექტურულ-ქალაქგეგმარებითი გადაწყვეტის მიმართ. ამ ვადაში ამ ორგანოების მიერ საკუთარი მოსაზრებების, ან ვადის გაგრძელების დასაბუთებული მოთხოვნის არარსებობის შემთხვევაში, წინასაპროექტო ესკიზური წინადადება ითვლება მათ მიერ შეთანხმებულად. 12. სპეციალური ზონალური ნებართვა არის არქიტექტურულ-გეგმარებითი დავა-ლების საფუძველი. 13. ობიექტის არქიტექტურულ-გეგმარებითი დავალება უნდა მოიცავდეს შემდეგ ინფორმაციას: ა) მიწის ნაკვეთის ადგილმდებარეობისა და რელიეფის ხასიათის შესახებ; ბ) მიმდებარე ტერიტორიების მახასიათებლების შესახებ; გ) მიწის ნაკვეთის საზღვრების შესახებ; დ) მიწის ნაკვეთის განაშენიანების ამ წესებით განსაზღვრული მაჩვენებ-ლების შესახებ; ე) მიწის ნაკვეთზე არსებული შენობა-ნაგებობების დანგრევისა და/ან გატა-ნის შესახებ;მ ვ) მიწის ნაკვეთის საინჟინრო, სატრანსპორტო და სოციალური ინფრასტრუქ¬ტურით უზრუნველყოფის შესახებ; ზ) მიწის ნაკვეთის კეთილმოწყობისა და მასზე არსებული მწვანე ნარგავების შენარჩუნების შესახებ; თ) მიწის ნაკვეთების განაშენიანების საპროექტო დოკუმენტაციის ექსპერ-ტიზის საჭიროების შესახებ; ი) იმ მოთხოვნების შესახებ, რომელიც დაიცავს ფიზიკური და იურიდიული პირების უფლებებს, რომელთა ინტერესებსაც ეხება მშენებლობა. 14. სამტრედიის მუნიციპალიტეტის გამგებელს  უფლება აქვს საზოგადოებრივი ინტერესებიდან გამომდინარე, არქიტექტურულ-გეგმარებით დავალებაში შეიტანოს ტერიტორიის გამოყენებასა და განაშენიანებასთან დაკავშირებული სხვა მოთხოვნები. მათ შორის: ა) საინჟინრო, სოციალური და სატრანსპორტო განვითარებაში მონაწი-ლეობის მიღება; ბ) მშენებლობის ვადების დაცვის შესახებ; გ) საერთო სარგებლობის ტერიტორიების კეთილმოწყობაში წილობრივი მონაწილეობის შესახებ. 15. არქიტექტურულ-გეგმარებითი დავალების გაცემაზე უარი შეიძლება ითქვას იმ შემთხვევაში თუ: მიწის მესაკუთრემენაშენის ან ინვესტორის მიზნები ეწინააღმდეგება: ამ წესებს, უფლებრივი ზონირების სავალდებულო რუკების მოთხოვნებს, მოქმედ კანონმდებლობასა და ნორმატიულ დოკუმენტებს და კომისია არ გასცემს სპეციალურ ზონალურ ნებართვას. 16. არქიტექტურულ-გეგმარებითი დავალების გაცემაზე უარი შეიძლება გასაჩივრებულ იქნეს მენაშენის მიერ, ადგილობრივი თვითმმართველობისა და სახელმწიფო აღმსრულებელი ხელისუფლების შესაბამის ორგანოებში და/ან სასამართლოში.   17. არქიტექტურულ-გეგმარებითი დავალების მოქმედების ვადა განსაზღვრულია ორი წლით. თავი V დასკვნითი დებულებები მუხლი 22🔗. ინფრასტრუქტურით უზრუნველყოფა 1. ქალაქ სამტრედიის ტერიტორიების ამ წესებით დადგენილი ყველა სახით გამოყენება და განაშენიანება დასაშვებია მხოლოდ იმ შემთხვევებში თუ ტერიტორიები უზრუნველყოფილია სათანადო ინფრასტრუქტურით. 2. განაშენიანებული ტერიტორიების ქალაქმშენებლობითი განვითარება (რაციონა-ლიზაცია, ინტენსივობის, სიმჭიდროვის ზრდა) დასაშვებია, მხოლოდ არსებული ინფრასტრუქტურის დოკუმენტურად დადასტურებული შესაბამისობის, ან გაუმჯობესების პირობებში. 3. გაუნაშენიანებელი ტერიტორიების განაშენიანება დასაშვებია მხოლოდ სათანადო ინფრასტრუქტურით უზრუნველყოფის შემდგომ. 4. საერთო საქალაქო საინჟინრო და სატრანსპორტო ინფრასტრუქტურით უზრუნ-ველყოფა სამტრედიის მუნიციპალიტეტის გამგეობის პასუხისმგებლობის სფეროს განეკუთვნება. 5. სამტრედიის მუნიციპალიტეტის გამგეობისა და საკრებულოს მიერ განსაზღვრული წესით, ინფრასტრუქტურის განვითარების ხარჯები, საკომპენსაციო გადასახადების სახით, შეიძლება გაიღონ უძრავი ობიექტების მესაკუთრეებმა. 6. სამტრედიის მუნიციპალიტეტის გამგეობას უფლება აქვს ტერიტორიების საერთო-საქალაქო საინჟინრო და სატრანსპორტო ინფრასტრუქტურით უზრუნველყოფისათვის გააფორ¬მოს ინფრასტრუქტურის განვითარების ხელშეკრულება საჯარო და კერძო სამართ¬ლის იურიდიულ პირებთან. 7. ინფრასტრუქტურის განვითარების ხელშეკრულება უნდა ეფუძნებოდეს დამტკიცებულ ინფრასტრუქტურის განვითარების პროგრამას. მუხლი 23🔗. თანამდებობის პირთა პასუხისმგებლობა თანამდებობის პირებს მოქმედი კანონმდებლობის შესაბამისად, ეკისრებათ ადმინისტრაციული პასუხისმგებლობა ამ წესების დარღვევისათვის, მათ შორის: ა) ამ წესებით განსაზღვრული ტერიტორიების გამოყენებისა და განა-შენიანების დაშვებული სახეობებისა და პარამეტრების შესახებ დამახინჯებული, არასრული და არასწორი ინფორმაციის მიწოდებაზე, ან ასეთი ინფორმაციის გაცემაზე უარის თქმის შემთხვევაში; ბ) სპეციალური ზონალური შეთანხმების გაცემის ვადებისა და პროცედურების დარღვევის შემთხვევაში. მუხლი 24🔗. უძრავი ობიექტების მესაკუთრეთა პასუხისმგებლობა უძრავი ქონების მესაკუთრეეებს კანონდებლობის შესაბამისად, ეკისრებათ პასუხისმგებლობა ტერიტორიების გამოყენების დაშვებული სახეობებისა და განაშენიანების პარამეტრების ამ წესებით დადგენილი ჩამონათვალისა და მაჩვენებლების, აგრეთვე, ნებართვების მიღების პროცედურების დარღვევის შემთხვეებში. დანართი №2 ქალაქმშენებლობითი ზონების ტერიტორიების გამოყენების დაშვებული სახეობების ჩამონათვალი 1. პერიფერიული ზონა  კ-1=0,7 კ-2=7,0 1. ტერიტორიების გამოყენებისა და განაშენიანების ძირითადი დასაშვები სახეობები: ა. ბაღები; ბ. სკვერები; გ. პირადი საბაღე და საბოსტნე მეურნეობები; დ. საბავშვო მოედნები; ე. ერთბინიანი ინდივიდუალური საცხოვრებელი სახლები; ვ. ორანჟერეები და სათბურები; ზ. ინდივიდუალური სამეურნეო და ტექნიკური დამხმარე ნაგებობები; თ. ინდივიდუალური სამეწარმეო და არასამეწარმეო საქმიანობის სახელოსნოები საცხოვრებელ სახლებში სამეზობლო თმენისა და სანიტარულ-ჰიგიენური ნორმების დაცვით; ი. საბავშვო ბაღები და სკოლამდელი აღზრდის სხვა დაწესებულებები; კ. დაწყებითი სკოლები; ლ. საშუალო სკოლები; მ. ღია საცურაო აუზები; ნ. სპორტული მოედნები; ო. ამბულატორიები; პ. აფთიაქები; ჟ. კლუბები (მრავალფუნქციური დარბაზები შეხვედრებისათვის, გამოფენები-სათვის); რ. პირველადი მოხმარების საქონლის მაღაზიები; ს. საფოსტო განყოფილებები, კავშირგაბმულობის განყოფილებები; ტ. ღია ავტოსადგომები,  ცალკე მდგომი ჩაშენებული გარაჟები. 2. ტერიტორიების გამოყენებისა და განაშენიანების დაშვებული სახეობები, რომლებიც საჭიროებენ სპეციალურ  ზონალურ ნებართვას: ა. პარკები; ბ. ბულვარები; გ. განაშენიანების დაბალი ინტენსივობის მრავალბინიანი საცხოვრებელი სახლები; დ. პოლიკლინიკები; ე. ბარები; ვ. კაფეები; ზ. საყოფაცხოვრებო მომსახურეობის ობიექტები; თ. ჯიხურები, დროებითი პავილიონები, საცალო ვაჭრობისა და მომსახურეო-ბისათვის; ი. ბანკების ფილიალები, განყოფილებები; კ. საეკლესიო  ობიექტები; ლ. პოლიციის განყოფილებები; მ. კომუნალური და საინჟინრო ტექნიკური ობიექტები; ნ. საერთო სარგებლობის ღია ავტოსადგომები. 3. განაშენიანების ცენტრალური ზონა კ-1=0,8;  კ -2=8,0 1. ტერიტორიების გამოყენებისა და განაშენიანების ძირითადი დასაშვები სახეობები: ა. პარკები; ბ. ბაღები; გ. სკვერები; დ. ბულვარები; ე. საბავშვო მოედნები; ვ. განაშენიანების დაბალი და საშუალო ინტენსივობის მრავალბინიანი საცხოვ-რებელი სახლები; ზ. ინდივიდუალური სამეწარმეო და არასამეწარმეო საქმიანობის სახელოსნოები საცხოვრებელ სახლებში და ცალკე მდგომი, სამეზობლო თმენისა და სანიტარულ-ჰიგიენური ნორმების დაცვით; თ. საბავშვო ბაღები და სკოლამდელი აღზრდის სხვა დაწესებულებები; ი. დაწყებითი სკოლები; კ. საშუალო სკოლები; ლ. პოლიკლინიკები; მ. ამბულატორიები; ნ. აფთიაქები; ო. სპორტული დარბაზები; პ. ღია საცურაო აუზები; ჟ. სპორტული მოედნები; რ. კლუბები (მრავალფუნქციური დარბაზები შეხვედრებისათვის, გამოფენები-სათვის); ს. კინოთეატრები; ტ. საინფორმაციო ცენტრები; უ. საგამოფენო დარბაზები; ფ. პირველადი მოხმარების საქონლის მაღაზიები; ქ. სამრეწველო საქონლის მაღაზიები; ღ. სასურსათო მაღაზიები; ყ. უნივერსალური მაღაზიები; შ. ბარები; ჩ. კაფეები; ც. სწრაფი კვების ობიექტები; ძ. საყოფაცხოვრებო მომსახურეობის ობიექტები; წ. საფოსტო განყოფილებები, კავშირგაბმულობის განყოფილებები; ჭ. ბანკების ფილიალები, განყოფილებები; ხ. იურიდიული კონსულტაციები ჯ. სანოტარო კანტორები ჰ. ღია ავტოსადგომები, ცალკე მდგომი და ჩაშენებული ავტოფარეხები ჰ.ა. საერთო სარგებლობის ღია და დახურული ავტოსადგომები; ჰ.ბ. კომუნალური და საინჟინრო ტექნიკური ობიექტები.