„საკონსულო მოსაკრებლის შესახებ“ საქართველოს კანონში დამატებებისა და ცვლილების შეტანის თაობაზე

საქართველოს კანონი

„საკონსულო მოსაკრებლის შესახებ“ საქართველოს კანონში დამატებებისა და ცვლილების შეტანის თაობაზე

               მუხლი 1.„საკონსულო მოსაკრებლის შესახებ“ საქართველოს კანონის (პარლამენტის უწყებანი, №33, 31 ივლისი, 1997, გვ. 47) მე-7 მუხლის:

ა) „ა.ა“ ქვეპუნქტის შემდეგ დაემატოს შემდეგი შინაარსის „ა.ა¹“ ქვეპუნქტი:

„ა.ა¹) საქართველოს მოქალაქის პასპორტის (მათ შორის, საქართველოს საგარეო საქმეთა სამინისტროს მიერ უცხო სახელმწიფოში მცხოვრებ საქართველოს მოქალაქეზე) გაცემა, წარმომადგენლის მეშვეობით – 60 აშშ დოლარი;“;

ბ) „ე.გ“ ქვეპუნქტი ჩამოყალიბდეს შემდეგი რედაქციით:

„ე.გ) სახელის, მამის სახელის, გვარის შეცვლის სახელმწიფო რეგისტრაციისათვის, მოწმობის გაცემისა და, მათი შეცვლიდან გამომდინარე, შესაბამის სამოქალაქო აქტის ჩანაწერში, მათ შორის, მშობლის (მშობლების) მიერ სახელის, მამის სახელის, გვარის შეცვლის შემთხვევაში არასრულწლოვანი შვილის (შვილების) სახელზე შედგენილ სამოქალაქო აქტის ჩანაწერში სავალდებულო ცვლილების შეტანის ჩათვლით (გარდა ქორწინების, განქორწინების, მამობის დადგენისა და შვილად აყვანის საკითხებთან დაკავშირებული შემთხვევებისა) – 50 აშშ დოლარი;“;

გ) „ე.ი“ ქვეპუნქტის შემდეგ დაემატოს შემდეგი შინაარსის „ე.ი¹“ ქვეპუნქტი:

„ე.ი¹) საქართველოს მოქალაქეებზე მათ საზღვარგარეთ დასაქორწინებლად ქორწინების დამაბრკოლებელი გარემოებების არარსებობის შესახებ ცნობის გაცემისათვის – 20 აშშ დოლარი;“.

    მუხლი 2.ეს კანონი ამოქმედდეს გამოქვეყნებიდან მე-15 დღეს.

 

საქართველოს პრეზიდენტი მ. სააკაშვილი

თბილისი,

2008 წლის 21 მარტი.

№5997–რს