საჯარო სამართლის იურიდიული პირის ვეტერანების საქმეთა სახელმწიფო სამსახურის დებულების დამტკიცების შესახებ

საჯარო სამართლის იურიდიული პირის ვეტერანების საქმეთა სახელმწიფო სამსახურის დებულების დამტკიცების შესახებ საქართველოს მთავრობის დადგენილება №102 2014 წლის 23 იანვარი ქ. თბილისი საჯარო სამართლის იურიდიული პირის ვეტერანების საქმეთა სახელმწიფო სამსახურის დებულების დამტკიცების შესახებ მუხლი 1🔗 „ომისა და სამხედრო ძალების ვეტერანების შესახებ“ საქარ­თველოს კანონის 3​1 მუხლის, „საქართველოს მთავრობის სტრუქტურის, უფლებამოსილე­ბი­სა და საქმიანობის წესის შესახებ“ საქართველოს კანო­ნის მე-6 მუხლისა და „ნორმატიული აქტების შესახებ“ საქართველოს კა­ნო­ნის მე-12 და 25-ე მუხ­ლების შესაბამისად დამტკიცდეს საჯარო სამარ­თ­­ლის იურიდიული პირის ‑ ვეტერანების საქმეთა სახელმწიფო სა­მ­სახუ­რის თანდართული დებულება. მუხლი 2🔗 „საქართველოს მთავ­რო­ბის სტრუქტურის, უფლებამოსი­ლე­ბისა და საქმიანობის წესის შე­სა­ხებ“ საქართველოს კანონის 31-ე მუხლის მე-2 პუნქტის და „ნორმატიული აქტების შესახებ“ საქართველოს კანონის 25-ე მუხლის მე-8 პუნქტის სა­ფუძველზე ძალადაკარგულად გამოცხად­დეს „საქართველოს შეია­რაღე­ბული ძალების გაერთიანებული შტაბის ვე­ტერანთა საქმეების დეპარტა­მენტის  დებულების დამტკიცების შესახებ“  საქართველოს თავდაცვის მი­ნისტრის 2012 წლის 14 ივნისის №505 ბრძა­ნება. მუხლი 3🔗 საქართველოს შეიარაღებული ძალების გენერალური შტაბის ვეტერანთა საქმეების დეპარტამენტის  უფლებამონაცვლედ  განისაზ­ღვ­როს საჯარო სამართლის იურიდიული პირი ‑ ვეტერანების საქმეთა სა­ხელ­მწიფო სამსახური. მუხლი 4🔗 დადგენილება ამოქმედდეს 2014 წლის  10 იანვრიდან.პრემიერ-მინისტრიირაკლი ღარიბაშვილი საჯარო სამართლის იურიდიული პირის - ვეტერანების საქმეთა სახელმწიფო სამსახურის დებულება თავი I ზოგადი დებულებები მუხლი 1🔗. ზოგადი დებულებები 1. საჯარო სამართლის იურიდიული პირი - ვეტერანების საქმეთა სახე­ლმწიფო სამსახური  (შემდგომში სამსახური) შექმნილია „ომისა და სამხე­დ­რო ძალების ვეტერანების შესახებ“ და „საჯარო სამართლის იურიდი­ული პირის შესახებ“ საქართველოს კანონების შესაბამისად, რომლის მიზანია ომისა და სამხედრო ძალების ვეტერანების მიმართ ერთიანი სახელმწიფო პოლიტიკის განხორციელების ხელშეწყობა. 2. სამსახური თავის საქმიანობაში ხელმძღვანელობს საქართველოს კონ­სტიტუციით, საერთაშორისო ხელშეკრულებებითა და შეთანხმე­ბებით, საქართველოს ნორმატიული აქტებით, წინამდებარე დებულებით და სამსახურის დირექტორის სამართლებრივი აქტებით. 3. სამსახური ანგარიშვალდებულია საქართველოს მთავრობის წინაშე. 4. საქართველოს საკანონმდებლო აქტებითა და ამ დებულებით და­დ­გენილ ფარგლებში და წესით დასახული მიზნებისა და დაკისრებული ფუნქციების განსახორციელებლად სამსახურს გააჩნია სპეციალური უფ­ლე­ბა­უნარიანობა, იგი საკუთარი სახელით იძენს უფლებებსა და მოვალე­ობებს, დებს გარიგებებს, საკუთარი სახელით გამოდის მხარედ სასამარ­თლოში და მესამე პირებთან ურთიერთობებში. 5. სამსახურს აქვს დამოუკიდებელი ბალანსი, ანგარიშსწორების ანგა­რი­ში, სახაზინო კოდი, ემბლემა, ბეჭედი და შტამპი თავისი დასახელე­ბით და საქართველოს სახელმწიფო გერბის გამოსახულებით, იურიდიუ­ლი პირის სხვა რეკვიზიტები. 6. სამსახურის იურიდიული მისამართია  ქ. თბილისი, კოსტავას ქ. №47/57. თავი II სამსახურის ძირითადი მიზნები, ფუნქციები და საქმიანობის მიმართულებები მუხლი 2🔗. სამსახურის ძირითადი მიზნები  სამსახურის ძირითადი მიზნებია: ა) ომისა და სამხედრო ძალების ვეტერანების და მათი ოჯახის წევრე­ბის, ასევე საქართველოს ტერიტორიული მთლიანობისათვის, თავისუფ­ლებისა და დამოუკიდებლობისათვის დაღუპულ, უგზო-უკვლოდ დაკა­რ­გულ, მიღებული ჭრილობების შედეგად გარდაცვლილ პირთა ოჯახე­ბის (შემდგომში ვეტერანების და მათი ოჯახის წევრების) სათანადო ცხოვრების პირობებისა და კეთილდღეობისათვის მყარი სამართლებ­რივი და სოციალურ-ეკონომიკური საფუძვლის შექმნის უზრუნველყოფა; ბ) სახელმწიფოს თავდაცვისუნარიანობის ამაღლება და საზოგადოე­ბა­ში მხედრული ტრადიციების განმტკიცება, სახელმწიფოსა და საზოგა­დო­ების მიერ ვეტერანთა ღვაწლის და დამსახურების სათანადო აღიარე­ბა, მომავალ თაობებში პატრიოტული სულისკვეთების გაღვივება; გ) სახელმწიფოს ეროვნული ინტერესების დაცვისა და საზოგადო­ებ­რივი ცხოვრების სხვადასხვა სფეროში ვეტერანთა პოტენციალის სრულ­ფასოვანი გამოვლენისა და განვითარების ხელშეწყობა, მათი სოციალურ-ეკონომიკური საქმიანობისათვის სათანადო პირობების შექმნა; დ) სამშობლოსათვის თავდადებულ გმირთა სახელების სადიდებლად და მათი საქმის უკვდავსაყოფად, საბრძოლო მოქმედებებში დაღუპულ და ომის შემდგომ გარდაცვლილ მეომართა მიმართ საზოგადოებაში ხსოვნის  განმტკიცებისათვის მუდმივი ზრუნვა; ე) ვეტერანების და მათი ოჯახის წევრების სოციალურ-ეკონომიკური მხარდაჭერის სახელმწიფო და ადგილობრივი მიზნობრივი პროგრამების შემუშავებისა და რეალიზაციის ხელშეწყობა. მუხლი 3🔗. სამსახურის ფუნქციები და მოვალეობები სამსახურის  ფუნქციებია: ა) ვეტერანების და მათი ოჯახის წევრების სამართლებრივი და სოცია­ლურ-ეკონომიკური გარანტიების და შესაბამისი მიზნობრივი პროგრა­მების განსახორციელებელ ღონისძიებათა სისტემის შემუშავება და მათი შესრულების ორგანიზების ხელშეწყობა; ბ) ვეტერანთა რეაბილიტაციის, პროფესიული ორიენტაციისა და კად­რე­ბის მომზადების (გადამზადების) სახელმწიფო მიზნობრივი პროგრა­მების, აგრეთვე ვეტერანებთან დაკავშირებული საერთაშორისო პროგრა­მების შემუშავება და განხორციელება; გ) ვეტერანთა მიმართ სოციალური დაცვის სფეროში სახელმწიფო პო­ლიტიკის განსაზღვრაში მონაწილეობა; დ) ვეტერანების რეკვალიფიკაცია სპეციალობის, პრაქტიკული გამოც­დილებისა და ფიზიკური მდგომარეობის გათვალისწინებით; ე) საქართველოს ნორმატიული აქტებით განსაზღვრული ვეტერანების და მათი ოჯახის წევრების აღრიცხვა, ერთიანი კომპიუტერული მონაცემ­თა ბაზის შექმნა, მოქმედი კანონმდებლობით ვეტერანის მოწმობების დამზადებისა და გაცემის  უზრუნველყოფა; ვ) ვეტერანთა საერთაშორისო ორგანიზაციებთან ურთიერთობა და თა­ნამშრომლობა; ზ) ომის მონაწილე ხანდაზმული, მარტოხელა ვეტერანების საპატ­რონა­ჟო და მოხუცთა თავშესაფარში მოთავსების ორგანიზება; თ) სამშობლოს დაცვისას დაღუპულთა და ომის შემდეგ გარდაცვლილ მეომართა ხსოვნის უკვდავყოფისათვის გამიზნული სამუშაოების კოორ­დი­ნაცია და მონიტორინგი; ი) ვეტერანების მხედრული ტრადიციების განმტკიცება და მომავალი თაობის პატრიოტული სულისკვეთების ამაღლების მიზნით, შესაბამისი ღონისძიებების განხორციელება; კ) ვეტერანების უფლებებისა და კანონიერი ინტერესების ხელყოფის ფაქტების გამოვლენა და მათი აღმოფხვრის მიზნით, კანონმდებლობით დადგენილი წესით შესაბამის ღონისძიებათა  განხორციელება; ლ) სამსახურის ფუნქციების განსახორციელებლად შესაბამისი ნორმა­ტი­ული აქტების პროექტების შემუშავება; მ) ვეტერანთა სოციალური, სამედიცინო და სამართლებრივი დაცვის გარანტიების შესახებ საინფორმაციო-ანალიტიკური მიმოხილვების და მოხსენებების მომზადება და ამ მიზნით მიღებული ინფორმაციის დამუ­შავება/გავრცელება; ნ) სამსახურის ამოცანების განხორციელებისათვის საინფორმაციო ცნო­ბარის, ჟურნალის, ბუკლეტების დაბეჭდვის უზრუნველყოფა; ო) კანონმდებლობით დადგენილი წესით ვეტერანების სახელმწიფო ჯი­ლ­დოებით დაჯილდოების მიზნით წარდგინების მომზადება და შესა­ბამისი სტრუქტურებისათვის გადაცემა; პ) კანონმდებლობით დადგენილი წესით ვეტერანთა შესახებ სათანადო ინფორმაციის ხელმისაწვდომობის უზრუნველყოფა სოციალური გასა­ცე­მ­ლების ადმინისტრირების შესაბამისი ორგანოსათვის. თავი III სამსახურის მართვა მუხლი 4🔗. სამსახურის ხელმძღვანელობა 1. სამსახურს ხელმძღვანელობს დირექტორი (შემდგომში ‑ დირექ­ტო­რი).  2. დირექტორს თანამდებობაზე ნიშნავს და თანამდებობიდან ათავი­სუფლებს საქართველოს პრემიერ-მინისტრი. 3. დირექტორს ჰყავს არაუმეტეს სამი მოადგილე, მათ შორის ერთი პირველი, რომ­ლებსაც თანამდებობაზე ნიშნავს და თანამდებობიდან ათავისუფლებს სამსახურის დირექტორი. 4. მოადგილეებს შორის უფლებები და ფუნქციები განისაზღვრება დირექტორის ბრძანებით. 5. სამსახურის საშტატო ნუსხაში შედიან დირექტორის მრჩევლები და დირექტორის თანაშემწეები. მრჩევლები და თანაშემწეები უშუალოდ ექვემდებარებიან დირექტორს, რომელთაც თანამდებობაზე ნიშნავს და თანამდებობიდან ათავისუფლებს დირექტორი. მუხლი 5🔗. სამსახურის დირექტორი 1. სამსახურის დირექტორი საქმიანობას წარმართავს ერთპიროვ­ნუ­ლად, მასვე ეკისრება სამსახურის წარმომადგენლობა. პასუხისმგებელია სამსახურის საქმიანობის სწორად წარმართვისათვის, ფულადი სახსრების მიზნობრივად ხარჯვისათვის. 2. სამსახურის დირექტორი: ა) ხელმძღვანელობს სამსახურს, წარმართავს მის საქმიანობას და წყვეტს სამსახურის გამგებლობის სფეროს მიკუთვნებულ საკითხებს; ბ) წარმოადგენს სამსახურს და ანიჭებს უფლებამოსილებას; გ) აკონტროლებს სამსახურის სტრუქტურული ერთეულების/ტერი­ტორიული ორგანოების მიერ მოვალეობათა შესრულების მიმდინარე­ობას და ახორციელებს სამსახურის თანამშრომელთა საქმიანობის სამსახურებრივ ზედამხედველობას; დ)  ნიშნავს და ათავისუფლებს სამსახურის თანამშრომლებს, აფორმებს მათთან შრომით ხელშეკრულებას. იყენებს წახალისებისა და დისციპლი­ნური პასუხისმგებლობის ზომებს; ე) კანონით დადგენილი წესით, გარკვეული სამუშაოს შესასრულებ­ლად იწვევს სპეციალისტებს; ვ) კანონმდებლობისა და ამ დებულების საფუძველზე გამოსცემს ინდი­ვიდუალურ ადმინისტრაციულ-სამართლებრივ აქტებს; ზ) წელიწადში ერთხელ სამსახურის საქმიანობის შესახებ ანგარიშს აბა­რებს მთავრობას; თ) სამეთვალყურეო საბჭოს განსახილველად წარუდგენს სამუშაო გეგ­მას; ი) დადგენილი წესით ამტკიცებს ხარჯთა ნუსხას, აკონტროლებს მათ შესრულებას და  იძლევა მითითებებს მათი  გამოყენების შესახებ; კ) მთავრობასთან შეთანხმებით ამტკიცებს სამსახურის საშტატო გან­რიგს, თანამშრომელთა შრომის ანაზღაურების ოდენობას და სახელფასო ფონდს; ლ) ამტკიცებს სამსახურის სტრუქტურული ერთეულების/ტერი­ტორი­ული ორგანოების დებულებებს და განსაზღვრავს მათ სამოქმედო ტერი­ტო­რიებს. შეიმუშავებს და ამტკიცებს სამსახურის სტრუქტურული ერთე­ულების/ტერიტორიული ორგანოების ბეჭდების, შტამპების და სხვა რეკ­ვიზიტების აღწერილობას, ნიმუშებს და გამოყენების წესს; მ) უფლებამოსილია კომპეტენციას მიკუთვნებული საკითხების გადა­საწყვე­ტად შექმნას კომისიები, სათათბირო და სხვა ორგანოები; ნ) ამტკიცებს სამსახურის შინაგანაწესს, განსაზღვრავს თანამშრომელთა ფუნქციებს; ო) ახორციელებს კანონმდებლობით გათვალისწინებულ სხვა უფლება­მო­სი­ლებას. მუხლი 6🔗. სამეთვალყურეო საბჭო 1. სამსახურის ფუნქციონირების კონტროლის განსახორციელებლად პრემიერ-მინისტრის ბრძანებით იქმნება სამეთვალყურეო საბჭო. 2. სამეთვალყურეო საბჭო შედგება 5 წევრისაგან. 3.  სამეთვალყურეო საბჭოს წევრები არიან: საქართველოს თავდაცვის,  შინაგან საქმეთა, შრომის, ჯანმრთელობისა და სოციალური დაცვის, ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინი­ს­ტრის მოადგილეები, საქართვე­ლოს პრეზიდენტის წარმომადგენელი. 4. ამ მუხლის მე-3 პუნქტით გათვალისწინებული საბჭოს წევრების უფ­ლებამოსილების ვადაა მათ მიერ საჯარო სამსახურში შესაბამის თანამ­დე­ბობაზე ყოფნის პერიოდი. 5. სამეთვალყურეო საბჭოს ფუნქციები განისაზღვრება პრემიერ-მინის­ტ­რის ბრძანებით.  თავი IV სამსახურის სტრუქტურა მუხლი 7🔗. სამსახურის სტრუქტურა 1. სამსახური დაკისრებულ უფლებამოსილებას ახორციელებს სტრუქ­ტურული ერთეულებისა და ტერიტორიული ორგანოების მეშვეობით. 2. სამსახურის სტრუქტურული ერთეულებისა და ტერიტორიული ორ­განოების კომპეტენცია და სტრუქტურა განისაზღვრება ამ დებულე­ბითა და დირექტორის ადმინისტრაციული აქტებით. 3. სამსახურის სტრუქტურული ერთეულები  საჭიროებიდან გამომდი­ნარე შეიძლება დაიყოს შიდა სტრუქტურულ ერთეულებად, რომელთა სახელწოდებასა და კომპეტენციას  განსაზღვრავს სამსახურის დირექ­ტორი ადმინისტრაციული აქტით. მუხლი 8🔗. სამსახურის სტრუქტურული ერთეულები და ტერიტო­რიული ორგანოები 1. სამსახურის  სტრუქტურული ერთეულებია: ა) ადმინისტრაციული დეპარტამენტი; ბ) იურიდიული დეპარტამენტი; გ) სააღრიცხვო და საინფორმაციო-ანალიტიკური დეპარტამენტი; დ)  ლოგისტიკის დეპარტამენტი; ე) სოციალურ საკითხთა დეპარტამენტი; ვ) საფინანსო-საბიუჯეტო სამმართველო; ზ) საერთაშორისო  ურთიერთობების სამმართველო; თ)  მონიტორინგის და აუდიტის სამმართველო; ი) არქივი. 2. სამსახურის ტერიტორიული ერთეულებია: ა) აფხაზეთის ავტონომიური რესპუბლიკის სამმართველო; ბ) აჭარის ავტონომიური რესპუბლიკის  სამმართველო; გ) ქ. თბილისის სამმართველო; დ) სამეგრელო-ზემო სვანეთის სამმართველო; ე) გურიის სამმართველო; ვ) იმერეთის სამმართველო; ზ) შიდა ქართლის სამმართველო; თ) ქვემო ქართლის სამმართველო; ი) რაჭა-ლეჩხუმისა და ქვემო სვანეთის სამმართველო; კ) კახეთის სამმართველო; ლ) სამცხე-ჯავახეთის სამმართველო; მ) მცხეთა-მთიანეთის სამმართველო. 3. სტრუქტურული ერთეულები და ტერიტორიული ორგანოების ხელ­მძღვანელი უშუალოდ ექვემდებარება სამსახურის დირექტორსა და კუ­რატორ დირექტორის მოადგილეს. 4. სტრუქტურული ერთეულისა  და ტერიტორიული ორგანოს  ხელმძ­ღ­ვანელი: ა) ანაწილებს მოვალეობებს დაქვემდებარებული სტრუქტურული ერ­თეულისა და ტერიტორიული ორგანოს თანამშრომლებს შორის და აკონ­ტროლებს მათ მიერ სამსახურებრივი მოვალეობების შესრულებას; ბ) სამსახურის დირექტორს წარუდგენს წინადადებებს სტრუქტურული ერთეულისა და ტერიტორიული ორგანოს მუშაობის ორგანიზებისა და თანამშრომელთა წახალისების ან დისციპლინარული პასუხისმგებლობის ზომის დაკისრების თაობაზე; გ) სამსახურის ტერიტორიული ორგანო მისადმი განსაზღვრულ ტერი­ტორიაზე ახორციელებს ვეტერანთა ერთიანი სახელმწიფო პოლიტიკის განხორციელების უზრუნველყოფას, ვეტერანებისა და მათი ოჯახების სო­ციალურ-ეკონომიკური და სამართლებრივი დაცვის პროგრამების ად­გილზე  შემუშავებასა და განხორციელების უზრუნველყოფას; დ) ტერიტორიული ორგანოები, დაკისრებული უფლებებისა და ვალ­დე­ბულებების შესასრულებლად თანამშრომლობენ, ადგილობრივი თვი­თ­მ­მარ­თველობის ორგანოებთან და არასამთავრობო ორგანიზაციებთან. მუხლი 9🔗. სამსახურის  სტრუქტურული ერთეულების ძირითადი ამოცანები 1. ადმინისტრაციული  დეპარტამენტის ძირითადი ამოცანებია: ა) კომპეტენციის ფარგლებში დირექტორისათვის და მოადგილე­ები­სათვის ორგანიზაციულ-ტექნიკური და საინფორმაციო მომსახურების გაწევა; ბ) კომპეტენციის ფარგლებში სამსახურების ურთიერთობის კოორ­დი­ნაცია სახელმწიფო დაწესებულებებთან, საჯარო და კერძო სამართლის იურიდიულ პირებთან, არასამთავრობო და მასობრივი ინფორმაციის საშუალებებთან; გ) სამსახურის საქმიანობის განხორციელება საქმისწარმოების ერთიანი წესის შესაბამისად; დ)  საჯარო ინფორმაციის ხელმისაწვდომობის უზრუნველყოფა. 2. იურიდიული დეპარტამენტის ძირითადი ამოცანებია: ა) კანონშემოქმედებით სფეროში პარლამენტისა და სამსახურის ურთი­ერ­თო­ბის კოორდინაცია; ბ) სამართალშემოქმედებითი საქმიანობა, შესაბამისი ნორმატიული აქ­ტების პროექტების მომზადება; გ) დირექტორის მიერ გამოსაცემი სამართლებრივი აქტების პროექტე­ბის მომზადება, აგრეთვე სამსახურის სისტემაში შემავალი სტრუქტუ­რუ­ლი ერთეულებისა და ტერიტორიული ორგანოების მიერ მომზადებული სამართ­ლებ­რივი აქტების პროექტების ვიზირება; დ)  სამსახურის კომპეტენციას მიკუთვნებულ საკითხებთან დაკავშირე­ბულ სასამართლო დავებში მონაწილეობა,  აღრიცხვა და ერთიანი საინ­ფორ­მაციო ბაზის შექმნა; ე) ადმინისტრაციული საჩივრების განხილვა; ვ) ადმინისტრაციული ორგანოებისათვის სამართლებრივი დახმარების უზრუნველყოფა. 3. სააღრიცხვო და საინფორმაციო-ანალიტიკური დეპარტამენტის ძი­რი­თადი ამოცანებია: ა) ვეტერანთა და მათი ოჯახის წევრთა რეგის­ტრაცია შემოსული დოკუ­მენტების შესაბამისად; ბ) სტატუსის მაძიებელ პირთა განცხადების განხილვა, სტატუსის მინი­ჭების, შეცვლის, შეჩერების, შეწყვეტის ან აღდგენის თაობაზე საკითხის განხილვა; გ) ვეტერანთა და მათი ოჯახის წევრთა შესა­ხებ ინფორმაციის ანალიზი, რეკომენდაციების, წინადადებების მომზადება, ერთიანი მონაცემთა ბა­ზის შექმნა და სრულყოფა; დ) სტა­ტუსის მინიჭებასა და რეგისტრაციასთან დაკავშირებით წინა­დადებების მომზადება, მოწმობის ნიმუშის და ანკეტის ფორმის შემუ­შავება, მოწმობის გაცემის ორგანიზება. 4. ლოგისტიკის დეპარტამენტის ძირითადი ამოცანებია: ა) ვეტერანების და მათი ოჯახის წევრების, ასევე სამსახურის სტუმ­რებთან შეხვედრების ორგანიზაციის უზრუნველყოფა; ბ) საბრძოლო და დიდების ძეგლების, მემორიალური კომპლექსების პასპორტიზაცია და მოვლა-პატრონობა, უგზო-უკვლოდ დაკარგულთა მო­ძიება, საქართველოს (მათ შორის ყოფილი საქართველოს სსრ) და უც­ხო ქვეყნის მოქალაქეთა (ყოფილ სამხედრო ტყვეთა) საფლავების მოძიება და აღრიცხვა; გ) საქართველოს ტერიტორიული მთლიანობის, თავისუფლებისა და დამოუკიდებლობისათვის დაღუპულთა უკვდავსაყოფად ხსოვნის წიგნის შექმნა; დ) მხედრული ტრადიციების განმტკიცებისა და მომავალ თაობაში პატრიოტული სულისკვეთების გაღვივებისათვის საჭირო ღონისძიე­ბების დაგეგმვა და ჩატარება; ე) სამსახურის მატერიალურ-ტექნიკური უზრუნველყოფა, მატერია­ლუ­რი ფასეულობების აღრიცხვის წარმოება და მატერიალური ფასეუ­ლობების სასაწყობო მეურნეობის წარმოება; ვ) სამსახურის საქმიანობის პროგრამული უზრუნველყოფა, დაცვა და ადმინისტრირება; ზ) სამსახურის ელექტრონული საქმისწარმოებისა და კომუნიკაციის განვითარების ტექნიკური უზრუნველყოფა; თ) სამსახურისათვის შესაბამისი ინფასტრუქტურის შექმნა და განვი­თარება. 5. სოციალურ საკითხთა დეპარტამენტის ძირითადი ამოცანებია: ა) ვეტერანების და მათი ოჯახის წევრების შესა­ხებ სოციალური უზ­რუნ­ველყოფისა და ჯანმრთელობის დაცვის სახელმწიფო პროგრამების შემუშავება და განხორციელების ხელშეწყობა. სოციალური დაცვის სფე­როს მარეგულირებელი აქტების შემუშავება და სრულყოფა; ბ) ვეტერანების და მათი ოჯახის წევრების  სოციალური დაცვის სფე­როში სახელმწიფო პოლიტიკის განხორციელების ხელშეწყობა; გ) სამუშაოს მაძიებელი ვეტერანების და მათი ოჯახის წევრების რეგის­ტრაცია და აღრიცხვა, დასაქმების პროგრამების შემუშავება და განხორ­ციელების ხელშეწყობა; დ) ხანდაზმულ მარტოხელა ვეტერანთა საპატრონაჟო და მოხუცთა თავშესაფარში მოთავსება და ვეტერანთა სარეაბილიტაციო ცენტრების ორგანიზების ხელშეწყობა; ე) ვეტერანების და მათი ოჯახის წევრებისთვის კულტურულ სა­განმანათლებლო საქმიანობის ორგანიზება და განხორციელება. 6. საფინანსო-საბიუჯეტო სამმართველოს ძირითადი ამოცანებია: ა) სამსახურის სისტემის ეკონომიკური, ფინანსური, სამეურნეო საქმია­ნობის, საგარეო-ეკონომიკური ურთიერთობების კოორდინაცია და მარ­თვა, სამსახურის ერთიანი ბიუჯეტის პროექტის შემუშავება; ბ) საფინანსო-ეკონომიკური, სამეურნეო და საბუღალტრო საქმიანობის წარმართვა თანამედროვე სტანდარტების შესაბამისად; გ) სამსახურის სისტემაში შემავალი სტრუქტურული ერთეულების და ტერიტორიული ორგანოების ფუნქციონირების ფინანსური და მატერია­ლურ-ტექნიკური უზრუნველყოფა. 7. საერთაშორისო ურთიერთობების სამმართველოს ძირითადი ამო­ცანებია:   ა) სამსახურის საგარეო ურთიერთობებისა და კავშირების კოორდი­ნაცია და    განვითარება; ბ) საქართველოში აკრედიტირებულ დიპლომატიურ  წარმომადგენ­ლო­ბებთან და საერთაშორისო ორგანიზაციებთან ურთიერთობების კო­ორდინაცია და განვითარება; გ) საქართველოს პარტნიორი ქვეყნების ვეტერანთა საქმეების სახელ­მწიფო დაწესებულებებთან, ვეტერანთა საერთაშორისო და ეროვნულ ორგანიზაციებთან ურთიერთობის წარმართვა და მათი რეკომენდაცი­ების საქართველოში დამკვიდრების მიზნით ინფორმაციის შეგროვება; დ) საერთაშორისო თანამშრომლობის ხელშეკრულებებისა და მემო­რანდუმების მომზადების ინფორმაციულ-ანალიტიკური უზრუნველ­ყოფა და მათი გაფორმების ორგანიზება; ე) სამსახურში შემოსული უცხოენოვანი კორესპონდენციის ქართულ ენაზე თარგმნის უზრუნველყოფა და შესაბამისი ადრესატისათვის მიწო­დება. 8. მონიტორინგის და აუდიტის სამმართველოს ძირითადი ამოცანებია: ა) სამსახურის სისტემაში დისციპლინისა და კანონიერების დაცვის სამ­სახურებრივი კონტროლი, სამსახურის მოსამსახურეთა მიერ მოქალაქეთა კონსტიტუციური უფლებებისა და კანონიერი ინტერესების, სამსახუ­რებ­რივი გადაცდომის ფაქტებისა და სხვა მართლსაწინააღმდეგო მოქმედე­ბების გამოვლენა, აღნიშნულ ფაქტთან დაკავშირებული განცხადებებისა და საჩივრების შესწავლა და შესაბამისი რეაგირება; ბ) სამსახურის მოსამსახურეთა მიერ სამსახურებრივი გადაცდომის ფა­ქ­­ტზე სამსახურებრივი შემოწმების განხორციელება, შემოწმების შედე­გე­ბის შესახებ დასკვნის შედგენა და დირექტორისათვის წარდგენა; გ) სამსახურის სტრუქტურული ერთეულებისა და ტერიტორიული ორ­განოების საფინანსო-სამეურნეო საქმიანობის შემოწმება, საბიუჯეტო და არასაბიუჯეტო სახსრების განაწილებისა და ხარჯვის კანონიერების კონტროლის განხორციელება; დ) დირექტორის დავალების საფუძველზე კონკრეტულ საკითხთა შე­მოწმება და შესაბამისი დასკვნების მომზადება. 9. არქივის  ძირითადი ამოცანებია:                  ა) საარქივო საქმისწარმოება მოქმედი კანონმდებლობის თანახმად; ბ) საქმეების, წიგნების, ჟურნალების ნომენკლატურის მიხედვით აღ­რიცხვა და დადგენილი წესით შენახვა; გ) სააღრიცხვო და საინფორმაციო-ანალიტიკური დეპარტამენტიდან მიღება-ჩაბარების აქტით კოდმინიჭებული, შტამპით დამოწმებული ვეტერანთა ანკეტებისა და თანდართული საბუთების მიღება, შტამპით დამოწმება და სათანადო წესით შენახვა. თავი V სამსახურის დაფინანსება და ქონება მუხლი 10🔗. სამსახურის ქონება და დაფინანსების წყაროები 1.  სამსახურის ქონება შედგება დასახული მიზნებისა და დაკისრებუ­ლი ფუნქციების განსახორციელებლად სამსახურისათვის  გადაცემული სახელმწიფო  და მის მიერ შეძენილი თუ შემოწირული ქონებისაგან. სამსახურის ქონების გასხვისება და შეძენა ხორციელდება კანონმდებლობით დადგენილი წესით. 2. სამსახურის ქონებას შეადგენს მატერიალური ფასეულობები და ფი­ნანსური რესურსები. 3. სამსახურის დაფინანსების წყაროებია: ა) სახელმწიფო ბიუჯეტიდან გამოყოფილი მიზნობრივი სახსრები; ბ) გრანტის, შემოწირულობის სახით და ქველმოქმედებიდან მიღებუ­ლი შემოსავლები; გ) სახელმწიფო შეკვეთის შესრულებიდან მიღებული შემოსავალი; დ) ხელშეკრულების საფუძველზე შესრულებული სამუშაოდან მიღე­ბუ­ლი შემოსავალი; ე) საქართველოს კანონმდებლობით ნებადართული სხვა შემოსავლები, რომელიც უზრუნველყოფს სამსახურის ფუნქციების შესრულებას და და­მოუკიდებლობას. 4. სამსახური უფლებამოსილია თავისი მიზნების განსახორ­ციე­ლებ­ლად კანონმდებლობით დადგენილი წესით განახორციელოს ეკონომი­კური საქმიანობა. მუხლი 11🔗. სახელმწიფო კონტროლი 1. სამსახურის სახელმწიფო კონტროლს ახორციელებს საქართველოს მთავრობა, რომელიც ზედამხედველობას უწევს სამსახურის საფინანსო-ეკონომიკურ საქმიანობას, აგრეთვე სამსახურის მიერ განხორციელებული საქმიანობის კანონიერებას, მიზანშეწონილობასა და ეფექტურობას. 2.სამსახური ვალდებულია კონტროლის განსახორციელებლად მთავ­რო­ბის მოთხოვნისთანავე წარუდგინოს შესაბამისი ინფორმაცია და მა­სა­ლები. 3. მთავრობა უფლებამოსილია შეაჩეროს ან გააუქმოს დირექტორის არა­მართლზომიერი გადაწყვეტილება. 4. სამსახურს მთავრობის თანხმობით შეუძლია განახორციელოს შემ­დეგი ქმედებები: ა) უძრავი ქონების შეძენა, გასხვისება და დატვირთვა; ბ) სესხის აღება; გ) თავდებობა; დ) საშტატო განრიგისა და ხელფასის ფონდის განსაზღვრა; ე) სამსახურის თანამშრომელთა მატერიალური წახალისებისათვის გა­მო­საყოფი სახსრების, აგრეთვე სამსახურის მიერ შესაძენი საწვავისა და  გასაწევი საკომუნიკაციო ხარჯების ლიმიტების განსაზღვრა; ვ) სხვა გადაწყვეტილებები სამსახურის ქონებასთან დაკავშირებით, თუ ისინი სცილდება ჩვეულებრივი საქმიანობის ფარგლებს. 5. ამ მუხლის მე‑4 პუნქტის „ბ“ და „გ“ ქვეპუნქტებით გათვალის­წი­ნებულ ქმედებათა განსახორციელებლად აუცილებელია საქართველოს ფინანსთა სამინისტროს თანხმობა. თავი VI სამსახურის დებულებაში ცვლილებებისა და დამატებების შეტანის წესი მუხლი 12🔗. სამსახურის დებულებაში ცვლილებებისა და დამატებების შეტანის წესი სამსახურის დებულებაში ცვლილებებისა და დამატებების შეტანა ხორციელდება საქართველოს კანონმდებლობით დადგენილი წესით. თავი VII სამსახურის რეორგანიზაცია და ლიკვიდაცია მუხლი 13🔗. სამსახურის რეორგანიზაცია და ლიკვიდაცია 1. სამსახურის რეორგანიზაცია და ლიკვიდაცია ხორციელდება სა­ქარ­თველოს კანონმდებლობით დადგენილი წესით. 2. ლიკვიდაციის შედეგად დარჩენილი ქონება გადადის სახელმწიფო სა­კუთრებაში.