საქართველოს შინაგან საქმეთა სამინისტროსათვის „საქართველოს 2013 წლის სახელმწიფო ბიუჯეტის შესახებ“ საქართველოს კანონით გათვალისწინებულ შეზღუდვებზე გამონაკლისის დაშვების თაობაზე

საქართველოს მთავრობის

განკარგულება № 104

2013 წლის 29 იანვარი

ქ. თბილისი

საქართველოს შინაგან საქმეთა სამინისტროსათვის„საქართველოს201 3 წლის სახელმწიფო ბიუჯეტის შესახებ“საქართველოს კანონით გათვალისწინებულ შეზღუდვებზე გამონაკლისის დაშვების თაობაზე

1.„საქართველოს201 3 წლის სახელმწიფო ბიუჯეტის შესახებ“საქართველოს კანონის 23 ‑ე მუხლის მე‑7 პუნქტის შესაბამისად, საქართველოს შინაგან   საქმეთა სამინისტროს მიეცეს თანხმობა 23‑ე მუხლით გათვალისწინებულ შეზღუდვებზე გამონაკლისის დაშვების თაობაზე, კერძოდ:

ა) საქართველოს შინაგან საქმეთა სამინისტროს, შტატგარეშე მოსამსახურეთა რაოდენობა განსაზღვროს არაუმეტეს 700 ერთეულით;

ბ) საჯარო სამართლის იურიდიულ პირს – საქართველოს შინაგან საქმეთა სამინისტროს აკადემიას, შტატგარეშე მოსამსახურეთა რაოდენობა განსაზღვროს 135 ერთეულით, ხოლო საპრემიო ფონდის წლიური  მოცულობა შტატით გათვალისწინებულ თანამშრომელთა თანამდებობრივი სარგოს – 32%‑ით;

გ) საჯარო სამართლის იურიდიულ პირს – საქართველოს შინაგან საქმეთა სამინისტროს ჯანმრთელობის დაცვის სამსახურს, შტატგარეშე მოსამსახურეთა რაოდენობა განსაზღვროს 67 ერთეულით;

დ) საჯარო სამართლის იურიდიულ პირს – საქართველოს შინაგან საქმეთა სამინისტროს სახელმწიფო მატერიალური რეზერვების დეპარტამენტს, შტატგარეშე მოსამსახურეთა რაოდენობა განსაზღვროს 6 ერთეულით.

2.განკარგულება ძალაშია ხელმოწერისთანავე და ვრცელდება 2013 წლის 1 იანვრიდან წარმოშობილ  სამართლებრივ ურთიერთობებზე.

პრემიერ‑მინისტრი                               ბ . ივანიშვილი