ქალაქ ცაგერის ტერიტორიის გამოყენებისა და განაშენიანების რეგულირების წესის დამტკიცების შესახებ
მუნიციპალიტეტისა და თვითმმართველი ქალაქის საკრებულოს დადგენილება მოქმედი ადგილობრივი თვითმმართველობა
მიღების თარიღი 28.01.2014
გამომცემი ორგანო ცაგერის მუნიციპალიტეტი
ნომერი №3
სარეგისტრაციო კოდი 330090020.35.116.016162
გამოქვეყნების წყარო ვებგვერდი, 03/02/2014
კონსოლიდირებული ვერსიები
📄 ტექსტზე გადასვლა ↓
28.01.2014 მიღება
დამატებითი მეტამონაცემები (1)
| საკრებულოს თავმჯდომარე მამუკა ლეთოდიანი | საკრებულოს თავმჯდომარე |
🕸️ გრაფი — კავშირების ვიზუალიზაცია
დოკუმენტის ტექსტი
ქალაქ ცაგერის ტერიტორიის გამოყენებისა და განაშენიანების რეგულირების წესის დამტკიცების შესახებ
ცაგერის მუნიციპალიტეტის საკრებულოს
დადგენილება №3
2014 წლის 28 იანვარი
ქ. ცაგერი
ქალაქ ცაგერის ტერიტორიის გამოყენებისა და განაშენიანების რეგულირების წესის დამტკიცების შესახებ
„ადგილობრივი თვითმმართველობის შესახებ“ საქართველოს ორგანული კანონის მე-16 მუხლის მეორე პუნქტის ,,ი“ ქვეპუნქტის, „სივრცითი მოწყობისა და ქალაქთმშენებლობის საფუძვლების შესახებ“ საქართველოს კანონის და მე-2 მუხლის ,,ჟ“ ქვეპუნქტის შესაბამისად, ცაგერის მუნიციპალიტეტის საკრებულო ადგენს:
მუხლი 1🔗
დამტკიცდეს ქალაქ ცაგერის ტერიტორიის გამოყენებისა და განაშენიანების რეგულირების წესი (დანართი №1).
მუხლი 2🔗
დადგენილება ამოქმედდეს გამოქვეყნებისთანავე.საკრებულოს თავმჯდომარემამუკა ლეთოდიანი
დანართი №
1
ქალაქ ცაგერის ტერიტორიის გამოყენებისა და განაშენიანების
რეგულირების წესი
მუხლი 1🔗.
რეგულირების სფერო
წინამდებარე წესები არეგულირებს:
ა) ქ. ცაგერის ტერიტორიაზე დასახლებათა ტერიტორიების გამოყენებისა და განაშენიანების წესებს;
ბ) ქ. ცაგერის მიწათსარგებლობის გენერალური გეგმის და განაშენიანების რეგულირების გეგმის შემადგენლობის განსაზღვრას;
გ) ქ. ცაგერის ქალაქთმშენებლობითი დოკუმენტაციის დამტკიცების წესს;
დ) ქ. ცაგერის ტერიტორიის ზონებად დაყოფის მიზნით ზოგადფუნქციური და კონკრეტული ფუნქციური ზონების ჩამონათვალს;
ე) კონკრეტული ფუნქციური ზონებისათის კოეფიციენტებს;
ვ) კონკრეტულ ფუნქციურ ზონაში მდებარე სამშენებლო მიწის ნაკვეთზე შენობის მაქსიმალურად დასაშვები სიმაღლის განსაზღვრის წესს;
ზ) მიწის ნაკვეთზე შენობათა განთავსების დამატებით პირობებს;
თ) სპეციალურ (ზონალურ) შეთანხმებასთან დაკავშირებულ საკითხებს;
ი) დასახლებათა ტერიტორიების გამოყენებისა და განაშენიანების რეგულირების საკითხთა კომისიის შექმნისა და ფუნქციონირების წესს.
მუხლი 2🔗.
განაშენიანების წესებში გამოყენებულ ტერმინთა განმარტებები
1. მიწათსარგებლობის გენერალური გეგმა - ქალაქმშენებლობითი დოკუმენტი, რომელიც განსაზღვრავს დასახლებათა ტერიტორიების გამოყენების (მიწათსარგებლობის) და განაშენიანების ძირითად პარამეტრებს, კეთილმოწყობის, გარემოსა და უძრავი კულტურული მემკვიდრეობის დამცავ სივრცით-ტერიტორიულ პირობებს, სატრანსპორტო, საინჟინრო და სოციალური ინფრასტრუქტურის, ასევე ეკონომიკური განვითარების სივრცით ასპექტებს და განსახლების ტერიტორიულ საკითხებს;
2. განაშენიანების რეგულირების გეგმა - ქალაქთმშენებლობითი დოკუმენტი, რომელიც დასახლებათა ტერიტორიებისთვის ადგენს მიწათსარგებლობის ზონებს (ქვეზონებს) ან/და აზუსტებს ცალკეული გეგმარებითი ერთეულების განაშენიანების არქიტექტუულ-გეგმარებით და სივრცით-მოცულობით მახასიათებლებს, შენობების განთავსებას, მათ გეგმარებით პარამეტრებს; აზუსტებს უძრავი კულტურული მემკვიდრეობის დაცვისა და განვითარების ქალაქთმშენებლობით მახასიათებლებს, რელიეფის ორგანიზებას, ტერიტორიების კეთილმოწყობასა და გამწვანებას, საინჟინრო და სატრანსპორტო ინფრასტრუქტურით უზრუნველყოფას;
3. განაშენიანების რგულირების ხაზები (წითელი ხაზები)- მიწის ნაკვეთისათვის (ნაკვეთებისათვის) ქალაქთმშენებლობითი დოკუმენტით დადგენილი წარმოსახვითი მიჯნა, რომლის მიღმაც უნდა განთავსდეს შენობა-ნაგებობები; მიწის ნაკვეთისათვის (ნაკვეთებისათვის) შეიძლება დადგინდეს ერთი ან რამდენიმე წითელი ხაზი;
4. განაშენიანების სავალდებულო ხაზები(ლურჯი ხაზები) - მიწის ნაკვეთისათვის (ნაკვეთებისათვის) ქალაქთმშენებლობითი დოკუმენტით დადგენილი წარმოსახვითი მიჯნა, რომელზედაც უნდა განთავსდეს შენობა-ნაგებობები;მიწი ნაკვეთისათვის (ნაკვეთებისათვის) შეიძლება დადგინდეს ერთი ან რამდენიმე ლურჯი ხაზი;
5. დასახლება - განსახლების განსხვავებული ფორმების(ტიპების) საერთო სახელწოდება (ქალაქი, დაბა, სოფელი);
6. დასახლებათა განვითარება - დასახლებათა(ქალაქის, დაბის, სოფლის) ტერიტორიების ფიზიკური გარემოსა და ინფრასტრუქტურის განვითარების პროცესი ან/და მართვა, რომელიც აისახება ქალაქთმშენებლობითი დაგეგმარების დოკუმენტებში;
7. შენობის საანგარიშო ზედაპირი - გრუნტის ზედაპირიდან სახურავის საანგაშო კიდემდე შენობის ყველა ზედაპირი, რომელიც გრუნტის ზედაპირის ჰორიზონტალური პროექციის მიმართ ქმნის 70-დან 90 გრადუსამდე კუთხეს;
8. სახურავის საანგარიშო კიდე - ქანობიანი სახურავის შემთხვევაში შენობის საანგარიშო ზედაპირისა და შენობის გადახურვის სიბრტყეების გადაკვეთის წარმოსახვითი ხაზი. ბრტყელი გადახურვის შემთხვევაში შენობის საანგარიშო ზედაპირის დამამთავრებელი ხაზი;
9. შენობის ფასადის საანგარიშო სიმაღლე -შენობის ფასადის საშუალო სიმაღლე, რომელიც ტოლია ფასადის საანგარიშო ზედაპირის საშუალო სიმაღლის. როდესაც ფასადის მხარეს გამომავალი სამტრედეების და სახურავის სხვა მსგავსი მოცულობითი ელემენტების ჯამური სიგანე წარმოადგენს ამავე ფასადის საანგარიშო ზედაპირის საშუალო სიგანის 1/2 -ზე მეტს, მაშინ შენობის ფასადის საანგარიშო სიმაღლის განსაზღვრისას ფასადის საანგარიშო ზედაპირის საშუალო სიმაღლეს ემატება შესაბამისი ფასადის მხარეს გამომავალი სამტრედეების და სახურავის სხვა მსგავსი მოცულობითი ელემენტების სიმაღლე;
10. საზიარო კედელი - სამეზობლო საზღვარზე არსებული კედელი, რომლის ნაწილი შეიძლება მომიჯნავე ნაკვეთებზე განთავსებული შენობ(ებ)ის ერთერთ კედელს წარმოადგენდეს. ასევე საზიაროა სამეზობლო საზღვარზე არსებული ან ასაშენებელი საყრდენი კედელიც;
11. ღობე - წარმოადგენს მიწის ნაკვეთების გამმიჯნავ კონსტრუქციას, რომელიც შეიძლება მდებარეობდეს, როგორც საკადასტრო საზღვარზე (საზიარო ღობე), ისე მიწის ნაკვეთის საზღვრებში. თუ ღობისა და გრუნტის ზედაპირის გადაკვეთის ნიშნულები სხვადასხვა მხარეს სხვადასხვაა, მაშინ ყრუ ღობის მაქსიმალურ სიმაღლედ განისაზღვრება სიმაღლე უფრო მაღალი ნიშნულიდან;
12. საზოგადოებრივი სივრცე -განაშენიანებული ტერიტორიების საზღვრებში მდებარე ქუჩა, მოედანი, ხიდი, სკვერი, ბაღი, პარკი, წყლის ზედაპირი და მისი სანაპირო ზოლი, ბუნებრივი ან ხელოვნური ლანდშაფტი, მიწის ნაკვეთებს შორის გასასვლელი და სხვა მსგავსი ტიპის სივრცეები;
13. ქუჩა - განაშენიანებული ტერიტორიების საზღვრებში არსებული გადაადგილებისათვის განკუთვნილი საზოგადოებრივი სივრცე, რომელიც შესაძლებელია შედგებოდეს მხოლოდ ფეხით მოსიარულეთა სავალი ნაწილისგან(ტროტუარისაგან) , მხოლოდ ტრანსპორტისათვის განკუთვნილი სავალი ნაწილისაგან ან ტრანსპორტისათვის განკუთვნილი სავალი ნაწილისაგან და ფეხით მოსიარულეთა სავალი ნაწილისგან(ტროტუარისგან);
14. მიწისზედა სართული -სართული, რომლის იატაკის ნიშნულის მიწის ზედაპირიდან ამოწევის საშუალო სიმაღლე 1.8 მეტრია(მეათედის სიზუსტით) ან მეტი;
15. მიწისქვეშა სართული - სართული, რომლის ჭერის მიწის ზედაპირიდან ამოწევის საშუალო სიმაღლე 1.8 მეტრს(მეათედის სიზუსტით) არ აღემატება;
16. მიწისპირა სართული - სართული, რომლის იატაკის ნიშნულის მიწის ზედაპირიდან ამოწევის საშუალო სიმაღლე 1.8 მეტრამდეა(მეათედის სიზუსტით), ხოლო მისი ჭერის მიწის ზედაპირიდან ამოწევის საშუალო სიმაღლე 1.8 მეტრს (მეათედის სიზუსტით) აღემატება;
17. რეგლამენტი - მიწის ნაკვეთებისა დასხვა უძრავი ობიექტების გამოყენებისა და განაშენიანების, ამ წესების საფუძველზე დადგენილი სამართლებრივი და ნორმატიული პარამეტრები.
18. ვერანდა - გადახურული, ერთი ან ორი მხრიდან კედლებით შემოსაზღვრული ან კედლებით შემოუსაზღვრავი და ღია მხრიდან/მხარეებიდან მოაჯირით შემოკავებული სივრცე;
19. ერკერი - შენობის ფასადის სიბრტყიდან გამოწეული გადახურული, კედლებით და შემინული ღიობებით შემოსაზღვრული სივრცე, რომელიც წარმოადგენს შენობის ძირითადი კონსტრუქციის ნაწილს;
20. ლოჯია - შენობის ფასადში შეჭრილი, გადახურული, სამი მხრიდან კედლებით შემოსაზღვრული და ფასადის მხრიდან გახსნილი და მოაჯირით შემოკავებული სამყოფი;
21. აივანი - შენობის ფასადის სიბრტყიდან გამოწეული, მოაჯირით შემოკავებული ჰორიზონტალური კონსტრუქციული/კონსოლური სიბრტყე, რომელიც წარმოადგენს შენობის ძირითადი კონსტრუქციის ნაწილს და მის შიდა სივრცესთან არის დაკავშირებული;
22. მანსარდი - სართული სხვენის სივრცეში, რომლის ფასადი მთლიანად ან ნაწილობრივ შედგენილია დახრილი ან/და ტეხილი სახურავის ზედაპირებით. ამასთანავე სახურავის სიბრტყისა და ფასადის გადაკვეთის ხაზი არ შეიძლება იყოს მანსარდის იატაკის გეგმარებითი ნიშნულიდან 1,6 მეტრზე მეტ სიმაღლეზე; მანსარდი ითვლება სრულ სართულად, როდესაც სხვენის იატაკის ზედაპირის ფართობის 3/4-დან მანსარდის ჭერამდე საშუალო სიმაღლე არის 2,4 მეტრი(მეათედის სიზუსტით) ან მეტი;
23. სამშენებლო მიწის ნაკვეთის უკანა ეზო -არის სამშენებლო მიწის ნაკვეთის მიჯნის ზონის ის ნაწილი(ქალაქთმშენებლობითი დოკუმენტაციით დადგენილ საზღვრებსა და წითელ ხაზებს შორის), რომელზედაც მოქმედებს ამ წესებით განსაზღვრული სპეციალური პირობები;
24. სრული სართული - სართული, რომლის საშუალო სიმაღლე იატაკის ნიშნულიდან ჭერამდე არის 2,4 მეტრი ან მეტი;
25. არასრული სართული - ის სართული, რომლის საშუალო სიმაღლე იატაკის ნიშნულიდან ჭერამდე 1,8 მეტრიდან 2,4 მეტრამდეა;
26. ტექნიკური სართული - ის სართულია, რომლის საშუალო სიმაღლე იატაკის ნიშნულიდან ჭერამდე 1,8 მეტრზე ნაკლებია;
27. ტერასა(ბანი) - გადაუხურავი, ერთი, ორი, სამი ან ოთხი მხრიდან კედლებით შემოსაზღვრული და ღია მხრიდან/მხარეებიდან საჭიროების შემთხვევაში მოაჯირით შემოკავებული ფართობი, აგრეთვე ისეთი ბრტყელი სახურავი ან ბრტყელი სახუავის ნაწილი, რომლის ზედაპირი მოპირკეთებულია ისე, რომ შესაძლებელია მისი გამოყენება სამყოფად და ღია მხრიდან/მხარეებიდან შემოსაზღვრულია მოაჯირით ან/და პარაპეტით. ტერასაზე შესაძლებელია მოეწყოს მარკიზი და საჩრდილობელი;
28. ზონის ტერიტორიის გამოყენების სახეობა - გამოყენების სახეობა , რომელიც განისაზღვრება უფლებრივი ზონირებით კონკრეტული ტერიტორიისთვის დადგენილი სახეობით; ზონის ფუნქცია ერთგვაროვანია, თუკი მასზე განთავსებული ნაკვეთების მინიმუმ 75% გამოყენებულია იდენტური ფუნქციით(დომინირებული სახეობა); ზონის ფუნქცია შერეულია, თუკი მის ტერიტორიაზე განთავსებული ნაკვეთბის 25%-ზე მეტი გამოყენებულია განსხვავბული ფუნქციით;
29. სპეციალური(ზონალური) ნებართვა - ნებართვა, რომლის მიღება სავალდებულოა უძრავ ობიექტში ცვლილებების შეტანამდე ამ ობიექტის ისეთი გამოყენების შემთხვევაში, რომელიც ამ წესების შესაბამისად მოითხოვს სპეციალურ(ზონალურ) ნებართვას/შეთანხმებას;
30. უფლებრივი ზონირება - ქალაქთმშენებლობითი ზონების ტერიტორიების გამოყენების სახეობებისა და განაშენიანების პარამეტრების რეგულირების სამართლებრივი ინსტრუმენტი;
31. უძრავი ობიექტის გამოყენების ძირითადი დაშვებული სახეობა - გამოყენების
დაშვებული სახეობები, რომლებიც განსაზღვრულია ამ წესებითა და უფლებრივი ზონირების რუკებით უძრავი ობიექტისათვის, როგორც შესაბამისი და რომლებისთვისაც არ არის საჭირო სპეციალური(ზონალური) ნებართვა;
32. წესების შეუსაბამო მიწის ნაკვეთი - მიწის ნაკვეთი, რომლის გამოყენება,
ფართობი ან ზომები არ შეესაბამება შესაბამისი უფლებრივი ზონის მოთხოვნებს;
33. წყლის დამცავი ტერიტორია - ზღვის, ტბის, წყალსაცავის და მდინარის მიწისზედა წყლის ზედაპირები, აგრეთვე მათი არსებობისათვის აუცილებელი სანაპირო ზოლების, ჭალების და მიწისქვეშა წყალშემკრები სისტემის ტერიტორიები;
34. პასაჟი - საზოგადოებრივი დანიშნულების გამჭვირვალე კონსტრუქციით გადახურული, გამჭოლი ქუჩა, გალერეა.
მუხლი 3🔗.
წესის მიზანი
წინამდებარე წესის მიზანს წარმოადგენს საჯარო და კერძო ინტერესების ურთიერთგაწონასწორების საფუძველზე ქ. ცაგერის ტერიტორიის კვლევაზე დაფუძნებული, წინასწარ დაგეგმილი, დასაბუთებული სივრცით-ტერიტორიული წყობისა და მისაღები არქიტექტურული ღირებულებების შესაბამისი ურბანული განვითარება.
განაშენიანების წესები მიმართულია ქალაქის ტერიტორიაზე კერძო თუ საზოგადოებრივი ინვესტიციებისათვის გარანტირებული, სამართლებრივად მოწესრიგებული გარემოს შესაქმნელად.
ქალაქის ტერიტორიების განაშენიანების რეგულირების წესები არეგულირებს მიწის ნაკვეთების გამოყენების სპეციფიკური პირობების დადგენას, რომლებიც ასახულია დამუშავებულ ქალაქთმშენებლობით დოკუმენტებში.
ტერიტორიების გამოყენებისა და განაშენიანების რეგულირების წესები მოიცავს:
ა) ქალაქთმშენებლობითი დოკუმენტების ზონირების ნაწილის შემუშავების პირობებს;
ბ) კონკრეტული მიწის ნაკვეთების გამოყენების და განაშენიანების პირობებს, როდესაც არ არსებობს შესაბამის ტერიტორიაზე უფლებრივი ზონირების დოკუმენტები;
გ) ქალაქის ტერიტორიების გამოყენებისა და განაშენიანების რეგულირების საკითხთა კომისიის ფუნქციონირებას;
დ) სპეციალური ზონალური შეთანხმების გაცემის წესს.
კულტურული მემკვიდრეობის და გარემოს დამცავი ზონებისათვის ტერიტორიების გამოყენება უნდა განხორციელდეს არსებული კანონმდებლობის მოთხოვნათა შესაბამისად.
მუხლი 4🔗.
ქალაქის ტერიტორიების ზონირების დოკუმენტების შემადგენლობა
1. ქ. ცაგერის ტერიტორიების ზონირების დოკუმენტებია:
ა) მიწათსარგებლობის ზოგადი უფლებრივი ზონირების დოკუმენტი;
ბ) მიწათსარგებლობის კონკრეტული უფლებრივი ზონირების დოკუმენტი.
2. მიწათსარგებლობის ზონირების დოკუმენტი მოიცავს:
ა) ზოგად ფუნქციურ ზონებს;
ბ) ტერიტორიულ-სტრუქტურულ ზონებს;
გ) განსაკუთრებული სამშენებლო რეგულირების ზონებს;
დ) კულტურული მემკვიდრეობის და გარემოს დამცავ ზონებს.
3. მიწათსარგემლობის კონკრეტული უფლებრივი ზონირების დოკუმენტები მოიცავს:
ა) ქალაქის ტერიტორიების გამოყენებისა და განაშენიანების რეგულირების პირობებს;
ბ) მიწის ნაკვეთების გააშენიანების, განაშენიანების ინტენსივობის და გამწვანების კოეფიციენტებს;
გ) კონკრტულ ფუნქციურ ზონებს და მათდამი ამ წესებით წაყენებულ მოთხოვნებს;
დ) კულტურული მემკვიდრეობის და გარემოს დამცავ კონკრეტულ ზონებს.
მუხლი 5🔗.
უფლებრივი ზონირების დოკუმენტებით განსაზღვრული ზონების საზღვრები
1.ზონების ტერიტორიების საზღვრების დადგენისას გამოყენებული უნდა იქნეს:
ა) დასახლების ტერიტორიის ადმინისტრაციული საზღვრები;
ბ) ბუნებრივი და ხელოვნური საზღვრები/მიჯნები;
გ) დაცული ტერიტორიების საზღვრები;
დ) კულტურული მემკვიდრეობის კონკრეტული ძეგლის ტერიტორიის ან/და დამცავი ზონების ტერიტორიის საზღვრები/ფარგლები;
ე) საცხოვრებელი, საზოგადოებრივ-საქმიანი, საწარმოო სარეკრეაციო ტერიტორიების საზღვრები;
ვ) ქუჩებისა და მაგისტრალების ტერიტორიების საზღვრები;
ზ) რკინიგზის, მილსადენებისა და სხვა საინჟინრო ინფრასტრუქტურის ტერიტორიების ან/და გასხვისების ზოლის საზღვრები.
2. მიწათსარგებლობის ზოგადი უფლებრივი ზონების ტერიტორიის გამოკვეთა ხდება ფუნქციური, კულტურული მემკვიდრეობის და გარემოს დამცავი ზონების საზღვრების დადგენის შედეგად/შემდეგ.
მუხლი 6🔗.
უფლებრივი ზონირების რუკები
უფლებრივი ზონირების რუკები წარმოადგენს ამ წესების საფუძველზე დამუშავებული ქალაქთმშენებლობითი დოკუმენტაციის შემადგენელ ნაწილებს;
ქ. ცაგერის ტერიტორიების უფლებრივი ზონირება განხორციელდა ორ ეტაპად:
· პირველი ეტაპი - ქალაქის გენერალური გეგმის ზოგადი უფლებრივი ზონირების რუკა;
· მეორე ეტაპი - ქალაქის განაშენიანების რეგულირების გეგმის კონკრეტული უფლებრივი ზონირების რუკა;
მუხლი 7🔗.
უფლებრივი ზონირების არსი
1. უფლებრივი ზონირება არის თავისუფალი ბაზრისა და ლიბერალური ეკონომიკის პირობებში, ქალაქთმშენებლობითი დოკუმენტაციით განსაზღვრული ზონების ტერიტორიების გამოყენებისა და განაშენიანების რეგულირების სამართლებრივი ინსტრუმენტი;
2. უფლებრივი ზონირება უზრუნველყოფს:
ა) უძრავი ქონების ობიექტებში ცვლილებების შეტანის სამართლებრივ პირობებს;
ბ) უძრავი ქონების ობიექტების თაობაზე მიღებულ ქალაქთმშენებლობით გადაწყვეტილებათა საჯაროობას;
გ) უძრავი ქონების ობიექტებში ცვლილებების შეტანის შესახებ ნებართვის მიღების პროცედურის გამარტივებას;
დ) უფლებრივი ზონირების, როგორც ქალაქგანვითარების გეგმების რეალიზაციის მექანიზმს წარმოადგენს ქალაქთმშენებლობითი დოკუმენტაციით განსაზღვრული ტერიტორიის ზონირება.
3. ტერიტორიის ზოგად ფუნქციურ ზონებად დაყოფა აისახება მიწათსარგებლობის გენერალური გეგმის შესაბამისი მიწათსარგებლობის ზოგადი უფლებრივი ზონირების დოკუმენტში / ზოგადი უფლებრივი ზონირების რუკა /. ტერიტორიის კონკრეტულ ფუნქციურ ზონებად დაყოფა აისახება განაშენიანების რეგულირების გეგმის შესაბამისი მიწათსარგებლობის კონკრეტული უფლებრივი ზონირების დოკუმენტში /კონკრეტული უფლებრივი ზონირების რუკა /.
ზოგადი ფუნქციური ზონები
ქ. ცაგერისთვის დადგინდეს შემდეგი ზოგადი ფუნქციური ზონები:
ა) საზოგადოებრივ-საქმიანი ზონა (სსზ);
ბ) საცხოვრებელი ზონა (სზ);
გ) რეკრეაციული ზონა (რზ);
დ) ლანდშაფტურ-სარეკრეაციო ზონა (ლსზ);
ე) სატრანსპორტო ზონა (ტზ);
ვ) სამრეწველო ზონა (ს );
ზ) სპეციალური ზონა (სპეცზ);
თ) სამხედრო დანიშნულების ზონა (სდზ);
ი) ძეგლის ინდივიდუალური დაცვის ზონა;
კ) საცხოვრებელი ზონა 1 (სზ-1) კ-1=0.5, კ-2=0.8, კ-3=0.3;
ლ) საცხოვრებელი ზონა (სზ-2) კ-1=0.5, კ-2=0.6, კ-3=0.25;
მ) საცხოვრებელი ზონა (სზ-3) კ-1=0.5, კ-2=1.3, კ-3=0.2;
ნ) საცხოვრებელი ზონა (სზ-5) კ-1=0.5, კ-2=1.3-დან 1.8-მდე, კ-3=0.1;
ო) საკურორტო-რეკრეაციული ზონა 2(სრზ-2) კ-1=0.3, კ-2=3.0-მდე, კ-3=0.1;
პ) სამრეწველო ზონა 1 ( ს-1);
ჟ) სამრეწველო ზონა 2 (ს-2);
რ) ლანდშაფტურ-სარეკრეაციული ზონა’ (ლსზ’ ) ;
ს) რეკრეაციული ზონა’ (რზ’ );
ტ) სანიტარიული დაცვის ზონა’( სანზ’);
უ) საზოგადოებრივ-საქმიანი ზონა 1 (სსზ-1) კ-1=0.6, კ-2=3.0, კ-3=0.1;
ფ) სპეციალური ზონა’ (სპეცზ’ );
ქ) სატრანსპორტო ზონა 1 (ტრ-1);
ღ) სატრანსპორტო ზონა 2 (ტრ-2);
ყ) სამხედრო დანიშნულების ზონა 1 (სდზ-1);
შ) ძეგლის ინდივიდუალური დაცვის ზონა ;
მუხლი 8🔗.
კონკრეტული ფუნქციური ზონები და გეგმარებითი პარამეტრები
ქ. ცაგერის კონკრეტული ფუნქციური ზონებისათვის დადგინდეს შემდეგი ზონები და გეგმარებითი პარამეტრები:
8.1. საცხოვრებელი ზონა 1(სზ-1)
ა) შესაძლებელია არსებობდეს მხოლოდ სასოფლო-სააგარაკო განაშენიანების ტერიტორიაზე;
ბ) განაშენიანების დომინირებული სახეობაა სავხოვრებელი სახლები. ასევე დასაშვებია სასოფლო-სამეურნეო დანიშნულების შენობა- ნაგებობების არსებობა კანონმდებლობის შესაბამისად, მათ შორის სამეზობლო თმენის პრინციპეპის დაცვით.
გ) მიწის ნაკვეთის განაშენიანების მაქსიმალური კოეფიციენტი კ-1=0.5;
დ) მიწის ნაკვეთის განაშენიანების ინტენსივობის კოფიციენტი კ-2=0.8-მდე;
ე) მიწის ნაკვეთის გამწვანების კოეფიციენტი კ-3=0.3 ;
8.2. საცხოვრებელი ზონა 2 (სზ-2):
ა) განაშენიანების დომინირებული სახეობაა საცხოვრებელი სახლები. ასევე დასაშვებია საზოგადოებრივი დანიშნულბის ობიექტების არსებობა კანონმდებლობის შესაბამისად, მათ შორის სამეზობლო თმენის პრინციპების დაცვით;
ბ) მიწის ნაკვეთის განაშენიანების მაქსიმალური კოეფიციენტი კ-1=0.5;
გ) მიწის ნაკვეთის განაშენიანების ინტენსივობის კოეფიციენტი კ-2= 0.6-მდე;
დ) მიწის ნაკვეთის გამწვანების კოეფიციენტი კ-3=0.25 ;
8.3.საცხოვრებელი ზონა - 3 (სზ-3):
ა) დაბალი ინტენსივობის საცხოვრებელი ზონა, სადაც განაშენიანების დომინირებულ სახეობას შეადგენს საცხოვრებელი სახლები. ასევე დასაშვებია საზოგადოებრივი დანიშნულების ობიექტების არსებობა კანონმდებლობის შესაბამისად, მათ შორის სამეზობლო თმენის პრინციპების დაცვით;
ბ) მიწის ნაკვეთის განაშენიანების მაქსიმალური კოეფიციენტი კ-1 = 0,5;
გ) მიწის ნაკვეთის განაშენიანების ინტენსივობის კოეფიციენტი კ-2 = 0.6-დან 1,3-მდე;
დ) მიწის ნაკვეთის გამწვანების კოეფიციენტი კ-3 = 0,2.
8.4. საცხოვრებელი ზონა - 5 (სზ-5):
ა) საშუალო ინტენსივობის საცხოვრებელი ზონა, სადაც დომინირებულ სახეობას
შეადგენს საცხოვრებელი სახლები. ასევე დასაშვებია საზოგადოებრივი დანიშნულების ობიექტების არსებობა კანონმდებლობის შესაბამისად, მათ შორის სამეზობლო თმენის პრინციპების დაცვით;
ბ) მიწის ნაკვეთის განაშენიანების მაქსიმალური კოეფიციენტი კ-1 = 0,5;
გ) მიწის ნაკვეთის განაშენიანების ინტენსივობის კოეფიციენტი კ-2 =1.3-დან 1,8-მდე;
დ) მიწის ნაკვეთის გამწვანების კოეფიციენტი კ-3 = 0,1.
8.5. საკურორტო-სარეკრეაციო ზონა-2 (სრზ-2):
ა) ზონა, სადაც დასაშვებია დასავენებელი, სამკურნალო, სპორტული და
გასართობი დანიშნულების შენობა-ნაგებობების განთავსება;
ბ) მიწის ნაკვეთის განაშენიანების მაქსიმალური კოეფიციენტი კ-1 = 0,3;
გ) მიწის ნაკვეთის განაშენიანების ინტენსივობის კოეფიციენტი კ-2 = 3,0-მდე;
დ) მიწის ნაკვეთის გამწვანების კოეფიციენტი კ-3 = 0,1.
8.6. სამრეწველო ზონა 1(ს-1) :
ა) განაშენიანების დომინირებულ სახეობას შეადგენს სამრეწველო ობიექტები, რომლებშიც არ მიმდინარეობს გარემოსა და ადამიანის ჯანმრთელობისათვის სახიფათო /მავნე / საწარმოო პროცესები;
ბ) შესაძლებელია სამრეწველო ზონის ფუნქციონირებისათვის უზრუნველმყოფი საზოგადოებრივი შენობების /სამყოფების / არსებობა კანონმდებლობის შესაბამისად;
8.7. სამრეწველო ზონა 2 (ს-2) :
ა) განაშენიანების დომინირებულ სახეობას შეადგენს სამრეწველო ობიექტები, რომლებშიც მიმდინარეობს გარემოსა და ადამიანის ჯანმრთელობისათვის სახიფათო /მავნე საწარმოო პროცესები. ამ ზონას ასევე მიეკუთვნება ნაგავსაყრელის ტერიტორიები.
8.8. ლანდშაფტურ-სარეკრეაციო ზონა¢ (ლსზ¢) :
ზონა წარმოადგენს დასახლების საზღვრებში ბუნებრივი ლანდშაფტის ან ფასეული ხელოვნური ლანდშაფტის ტერიტორიას, სადაც შესაძლებელია მისი ფუნქციონირებისათვის უზრუნველმყოფი შენობა-ნაგებობების არსებობა კანონმდებლობის შესაბამისად.
8.9. სარეკრეაციო ზონა’ (რზ’ ):
ზონა მდებარეობს განაშენიანებული ტერიტორიების საზღვრებში და მოიცავს გამწვანებულ ტერიტორიას ( პარკი,ბაღი, ბულვარი, სკვერი, გაზონი), ღია სათამაშო მოედნებს, სადაც შესაძლებელია სარეკრეაციო ზონის ფუნქციონირებისათვის უზრუნველმყოფი შენობა-ნაგებობების არსებობა კანონმდებლობის შესაბამისად.
8.10. სანიტარული დაცვის ზონა’( სანზ’):
წარმოადგენს ზონას, რომელიც იცავს სხვა ზონას მავნე ზემოქმედებისაგან და ამასთანავე გააჩნია გამაჯანსაღებელი ფუნქცია.
8.11. საზოგადოებრივ-საქმიანი ზონა 1 (სსზ-1):
ა) საშუალო ინტენსივობის საზოგადოებრივ-საქმიანი ზონა დომინირებული სახეობის გარეშე (შერეული ზონა);
ბ) მიწის ნაკვეთის განაშენიანების მაქსიმალური კოეფიციენტი კ-1=0.6;
გ) მიწის ნაკვეთის განაშენიანების ინტენსივობის კოეფიციენტი კ-2=3.0-მდე;
დ) მიწის ნაკვეთის გამწანების კოეფიციენტი კ-3=0.1;
ე) შესაძლებელია ამ ზონის ფუნქციონირებისათვის უზრუნველმყოფი საცხოვრებელი სამყოფების არსებობა კანონმდებლობის შესაბამისად.
8.12. სპეციალური ზონა’ (სპეცზ’ ):
წარმოადგენს სასაფლაოებისთვის განკუთვნილ ტერიტორიებს.
8.13. სატრანსპორტო ზონა 1 (ტრ-1):
წარმოადგენს სატრასპორტო ზონას, რომელიც მდებარეობს განაშენიანებული ტერიტორიების საზღვებში და მოიცავს ქუჩებს (მათ შორის ტროტუარებს), მოედნებს, ღია ავტოსადგომებს, სარკინიგზო ხაზებს და მატარებლების სადგომ ტერიტორიებს (დეპოებს).
8.14. სატრანსპორტო ზონა 2 (ტრ-2):
ზონა, რომელიც მდებარეობს განაშენიანებული ტერიტორიების საზღვრებს გარეთ და მოიცავს გზებს, ღია ავტოსადგომებს, მომსახურების ტერიტორიებს; შესაძლებელია ამ ზონის ფუნქციონირებისათვის უზრუნველმყოფი საზოგადოებრივი სამყოფების /სათავსების ( აეროსადგურის, ავტოსადგურის, რკინიგზის სადგურის და სხვა) არსებობა კანონმდებლობის შესაბამისად.
8.15. სამხედრო დანიშნულების ზონა 1 (სდზ-1):
წარმოადგენს სამხედრო დანიშნულების ტერიტორიას, სადაც განთავსებულია სამხედრო დანიშნულების შენობა-ნაგებობები. ქ. ცაგერისთვის წარმოდგენილია ქალაქის მოსახლეობის თავდაცვის მიზნით მიწისქვეშა თავშესაფრის მოწყობის ზონა.
8.16. ძეგლის ინდივიდუალური დაცვის ზონა :
კულტურული მემკვიდრეობის დამცავი ზონები განსაზღვრულია „კულტურული მემკვიდრეობის შესახებ“ საქართველოს კანონით. ქ. ცაგერში წარმოდგენილია ტერიტორია- ძეგლის ფიზიკური დაცვის ზონა(არეალი) უძრავი ძეგლის გარშემო, სადაც ნებისმიერმა ქმედებამ შესაძლოა ფიზიკურად დააზიანოს ძეგლი ან მისი მიმდებარე ტერიტორია; არეალი განისაზღვრება არანაკლებ 50მ-ის რადიუსით.
მუხლი 9🔗.
ქალაქის ტერიტორიების გამოყენების და განაშენიანების რეგულირების პირობები
1. მიწათსარგებლობის კონკრეტული უფლებრივი ზონირების დოკუმენტში ასახული ზონებისათვის რეგლამენტებიტ დგინდება:
ა) სამშენებლო მიწის ნაკვეთების განაშენიანების რეგულირების ძირითადი პარამეტრები და მათი დასაშვები მაჩვენებლები;
ბ) შესაძლებელია დადგინდეს ისეთი ობიექტების ჩამონათვალი, რომელთა განთავსებაც დაუშვებელია.
2. სამშენებლო მიწის ნაკვეთების განაშენიანების რეგულირების ძირითადი
პარამეტრები უნდა მოიცავდეს:
ა) მიწის ნაკვეთების განაშენიანების მაქსიმალურ კოეფიციენტს;
ბ) განაშენიანების ინტენსივობის მაქსიმალურ კოეფიციენტს ან/და მიწის ნაკვეთების განაშენიანების მაქსიმალურ სიმაღლეს;
გ) მიწის ნაკვეთების გამწვანების მინიმალურ კოეფიციენტს.
3. სამშენებლო მიწის ნაკვეთების განაშენიანების რეგულირების ძირითადი პარამეტრები შესაძლებელია ასევე მოიცავდეს:
ა) სართულიანობის/სიმაღლის მაქსიმალურ მაჩვენებელს;
ბ) ნავეთბის ფართობების მინიმალურ და მაქსიმალურ მაჩვენებლებს;
გ) განაშენიანების რეგულირების(წითელ) და სავალდებულო(ლურჯ) ხაზებს;
დ) ავტოსადგომების რაოდენობას;
ე) სხვა პარამეტრებს, რომელთა მნიშვნელობა და მაჩვენებლები დგინდება განაშენიანების რეგულირების გეგმით.
4. მიწის ნაკვეთის განაშენიანების კოეფიციენტი კ-1 განსაზღვრავს მიწის ნაკვეთის კონკრეტულად რა ნაწილზეა დასაშვები შენობა-ნაგებობების განთავსება;
ა) კ-1 კოეფიციენტი განისაზღვრება შენობის მიწისპირა სართულის იატაკის ზედაპირის დარე პერიმეტრში მოქცეული ფართობით;
ბ) კ-1 კოეფიციენტით განსაზღვრულ საანგაშო ფართობში არ შედის:
-შენობა-ნაგებობების მიწისქვეშა სართულები;
- ქუჩის ზედაპირის დონეზე, შენობაში მოწყობილი ავტომობილის გასასვლელი;
- შენობა-ნაგებობები, რომლებიც არ საჭიროებენ მშენებლობის ნებართვას.
5. მიწის ნაკვეთის განაშენიანების ინტენსივობის კოეფიციენტი კ-2 განსაზღვრავს მიწის ნაკვეთის ტერიტორიაზე დასაშვებ შენობა-ნაგებობის მიწისპირა და მიწისზედა სრული სართულების იატაკის ძირითადი კონსტრუქციების გარე კონტურში მოქცეული ზედაპირების ჯამურ ფართობს;
ა) არასრული სართულის იატაკის კონსტრუქციის ზედაპირის ფართობი - კ-2 კოეფიციენტის საანგარიშო ფართობში შედის 1/2 -ით;
ბ) მიწისპირა სართულზე და პირველ მიწისზედა სართულზე არსებული კიბის უჯრედის და შესაბამის სართულ(ებ)ზე არსებული ლიფტის შახტის საერთო ფართობის ის ნაწილი, რომელიც 60 კვ.მ-ზე მეტია კ-2 კოეფიციენტის საანგარიშო ფართობში შედის სრულად;
გ) შენობისა და ქუჩის ზდაპირის გადაკვეთის დონეზე, შენობაში მოწყობილი ავტომობილის გასასვლელის გზის ზედაპირის საერთო ფართობის ის ნაწილი, რომელიც 50 კვ.მ-ზე მეტია - კ-2 კოეფიციენტის საანგარიშო ფართობში შედის სრულად;
დ) პირველ მიწისზედა სართულის გარდა, სხვა მიწისზედა სართულზე არსებული კიბის უჯრედის იატაკის ძირითადი კონსტრუქციის ზედაპირის და შესაბამის სართულზე არსებული ლიფტის შახტის საერთო ფართობის ის ნაწილი, რომელიც 40კვ.მ-ზე მეტია - კ-2 კოეფიციენტის საანგარიშო ფართობში შედის სრულად;
ე) აივანის იატაკის ძირითადი კონსტრუქციის ზედაპირის საერთო ფართობის ის ნაწილი, რომელიც გამოწეულია შენობა-ნაგებობის ფასადის გარე კედლიდან 1,5 მ-ზე მეტი მანძილით - კ-2 კოეფიციენტის საანგარიშო ფართობში შედის სრულად;
ვ) ვერანდის, ერკერის, ლოჯის იატაკის ძირითადი კონსტრუქციის ზედაპირის ფართობი -კ-2 კოეფიციენტის საანგარიშო ფართობში შედის სრულად.
მუხლი 10🔗.
მიწის ნაკვეთის გამწვანების კოეფიციენტი კ-3
1. მიწის ნაკვეთის გამწვანების კოეფიციენტით განისაზღვრება მიწის ნაკვეთის ტერიტორიის ფართობის მინიმალური წილი, რომელიც არ უნდა იყოს დაფარული, ან გადაფარული რაიმე წყალგაუმტარი(სამშენებლო თუ სხვა) მასალით, რომლის ქვეშაც არ უნდა არსებობდეს რაიმე ნაგებობა ან სათავსი. ნაკვეთის ეს მინიმალური წილი განკუთვნილია გამწვანებისთვის;
2. მიწის ნაკვეთის გამწვანების კოეფიციენტი არის მიწის ნაკვეთის გამწვანებული ზედაპირის ნაკვეთის საერთო ფართობთან შეფარდების მინიმალური მაჩვენებელი.
მუხლი 11🔗.
ფუნქციურ ზონაში მდებარე სამშენებლო მიწის ნაკვეთზე შენობის მაქსიმალური სიმაღლის განსაზღვრა
ა) დადგინდეს კონკრეტულ ფუნქციურ ზონაში მდებარე სამშენებლო მიწის ნაკვეთზე შენობის მაქსიმალურად დასაშვები სიმაღლის განსაზღვრის ფორმულის (H=L /Y ) კოეფიციენტ- Y-ის მნიშვნელობა:
- 0.35 - საზოგადოებრივ-საქმიანი და განსაკუთრებული სამშენებლო რეგულირების ზონებისთვის;
- 0.25 - სამრეწველო ზონებისთვის;
- 0.4 -ყველა სხვა ზონისათვის.
ბ) L წარმოადგენს:
ბ.ა.) სამშენებლო მიწის ნაკვეთის საზოგადოებრივი საზღვრის(ქუჩის) მხარეს მდებარე შენობის ფასადის საანგარიშო ზედაპირიდან ქუჩის სიგანის ნახევრის წარმოსახვით ვერტიკალურ სიბრტყემდე დაშორებას;
ბ.ბ.) სამშენებლო მიწის ნაკვეთზე უკანა ეზოს მხარეს შენობის განთავსების შემთხვევაში საპროექტო შენობის საანგარიშო ზედაპირიდან სამეზობლო საზღვრის წარმოსახვით ვერტიკალურ სიბრტყემდე დაშორებას.
მუხლი 12🔗.
სამშენებლო მიწის ნაკვეთზე შენობათა განთავსება
სამშენებლო მიწის ნაკვეთის საზღვარი არის ორი სახის:
ა) მიწის ნაკვეთი ესაზღვრება საზოგადოებრივ საზღვარს (ქუჩას ან სხვა საზოგადოებრივ სივრცეს);
ბ) მიწის ნაკვეთი ესაზღვრება სამეზობლო საზღვარს( სხვა მიწის ნაკვეთს);
გ) მიჯნის ზონა - წარმოადგენს მიწის ნაკვეთის იმ ნაწილს, რომელიც მეზობელი მიწის ნაკვეთის საზღვრებიდან დაშორებულია 3,0 მეტრ მანძილზე ნაკლებით;
დ) როდესაც სამშენებლო მიწის ნაკვეთი მხოლოდ ერთი ან ორი გვერდით ესაზღვრება ორ ურთიერთგადამკვეთ ქუჩას, მაშინ საზოგადოებრივი საზღვრის მოპირდაპირე სამეზობლო საზღვრ( ებ)იდან წითელი ხაზები ამ ნაკვეთისთვის უნდა დადგინდეს 3.0 მეტრ მანძილზე;
ე) მიჯნის ზონაში, სამეზობლო საზღვრის მხარეს დასაშვებია შენობის საანგარიშო ზედაპირის ან მისი ნაწილის განთავსება ღიობის (კარი, ფანჯარა, სამტრედე, კედელში არსებული ღია ნაწილი, აივანი, ერკერი, ტერასა) გარეშე;
ვ) მიჯნის ზონაში ღიობების მოწყობის სიმაღლე უნდა განისაზღვროს სამეზობლო საზღვრის წარმოსახვითი ვერტიკალური სიბრტყიდან დაშორების Y=0.4-ზე გაყოფით (სიმაღლის დადგენის ფორმულით);
ზ) სამშენებლო მიწის ნაკვეთების საზღვრიდან 3.0 მეტრზე ნაკლებ მანძილზე, მეზობლის მხარეს შეიძლება მოწყობილი იქნას ღიობები, თუ ამაზე მიღებული იქნება საჯარო რეესტრში რეგისტრირებული მეზობელი მიწის ნავეთის მესაკუთრის სანოტარო წესით დამოწმებული თანხმობა.
მუხლი 13🔗.
საზიარო კედლის/ღობის განთავსება სამეზობლო საზღვარზე
ა) სამეზობლო საზღვარზე საზიარო კედელი/ღობე უნდა განთავსდეს შესაბამისი მოსაზღვრე მიწის ნაკვეთების მესაკუთრეთა ურთიერთშეთანხმების საფუძველზე;
ბ) საზიარო კედლის/ღობის სიგანე თანაბრად უნდა გადანაწილდეს სამეზობლო საზღვრიდან ორივე მეზობლის მხარეს;
გ) საზიარო კედლის/ ღობის გამოყენებისას გასაწევი ხარჯები ნაწილდება ორივე მეზობელზე კედლის შესაბამისი წილის პროპორციულად;
დ) შესაძლებელია სამშენებლო მიწის ნაკვეთის საზღვარზე სასოფლო-სამეურნეო ნაგებობათა ერთი (საზიარო) კედლით შეწყვილება მხარეთა შეთანხმებით, იმ ზონებში, სადაც სასოფლო-სამეურნეო ნაგებობათა განთავსება დასაშვებია;
ე) მიჯნის ზონაში, სამეზობლო საზღვარზე, ცეცხლგამძლე საზიარო ღობის არსებობის შემთხვევაში ამ ზონაში მდებარე შენობის კედელში შესაძლებელია ღია ნაწილების(ფანჯარა, კარი და სხვა) მოწყობა იმ პირობით, რომ მათი ზედა ნიშნული იქნება ღობის ზედა ნიშნულზე 0,6 მ-ით დაბლა;
ვ) მოსაზღვრე მიწის ნაკვეთის საზღვრებში შესაძლებელია მიწის ნაკვეთის მესაკუთრესთან შეთანხმების გარეშე განთავსდეს ღობე, რომლის სიმაღლე არ უნდა აღემატებოდეს 2,2 მეტრს;
ზ) მეზობლის ნაკვეთში არ უნდა მოხვდეს წყალი და ატმოსფერული ნალექები;
თ) ქუჩაზე ან სხვა საზოგადოებრივ სივრცეში მოხვედრილმა ატმოსფერულმა ნალექმა არ უნდა მიაყენოს ზიანი ქუჩას ან სხვა საზოგადოებრივ სივრცეს;
ი) როდესაც რელიეფის გამო ვერ ხერხდება, მეზობელი ვალდებულია თავის ნაკვეთზე გაატაროს მეზობლის ნაკვეთიდან ჩამონადენი ატმოსფერული ნალექი;
კ) მოსაზღვრე მიწის ნაკვეთის მესაკუთრეს არ აქვს უფლება ხელი შეუშალოს მეზობლის საინჟინრო- კომუნალური ქსელების საკუთარი მიწის ნაკვეთზე გატარებას, თუ არ არსებობს სხვა ტექნიკური საშუალება.
მუხლი 14🔗.
.სამშენებო მიწის ნაკვეთზე შენობათა განთავსების დამატებითი პირობები
ა) მიწის ნაკვეთზე შენობათა განთავსება (მშენებლობა) ან/და არსებულის რეკონსტრუქცია დასაშვებია, თუ იგი არ წარმოადგენს სამშენებლოდ შეუსაბამო მიწის ნაკვეთს;
ბ) გარდა კანონმდებლობით გათვალისწინებული შემთხვევებისა, მიწის ნაკვეთი წარმოადგენს სამშენებლოდ შეუსაბამო ნაკვეთს, თუ მას არ აქვს ერთი მისასვლელი მაინც, მათ შორის სერვიტუტის გამოყენებით;
გ) მიწის ნაკვეთის სამშენებლოდ შეუსაბამობა ნიშნავს, რომ „შეუსაბამობის სტატუსის“ აღმოფხვრამდე არ დამტკიცდეს მიწის ნაკვეთის სამშენებლოდ გამოყენების პირობები, ხოლო თუ გამოყენების პირობები დამტკიცებულია, არ შეთანხმდეს არქიტექტურული პროექტი/ კონსტრუქციული სქემა; თუ ხსენებული ორივე ეტაპი გავლილია, არ გაიცემა მშენებლობის ნებართვა;
დ) ამ მუხლის „ა“ პუნქტით გათვალისწინებული მისასვლელი ჩაითვლება არსებულად, თუ მიწის ნაკვეთს ესაზღვრება საზოგადოებრივი სივრცე;
ე) თუ ქალაქის საზოგადოებრივი დანიშნულების სივრცის(მაგ. გზა, გამწვანებული ტერიტორია და სხვა) რეკონსტრუქციაზე მიღებულია თვითმმართველი ორგანოს გადაწყვეტილება, სამშენებლოდ შეუსაბამო მიწის ნაკვეთის სტატუსი ენიჭება მხოლოდ იმ ნაწილს, რომელიც საჭიროა დასახული მიზნის მიღწევისათვის.
მუხლი 15🔗.
სპეციალური ზონალური შეთანხმება
ა) სპეციალური ზონალური შეთანხმება არის კონკრეტული მიწის ნაკვეთისთვის, რომელზეც მოთხოვნილია მშენებლობის ნებართვის გაცემა, ქალაქთმშენებლობითი დოკუმენტაციით დადგენილი ძირითადი პარამეტრებისაგან(მოთხოვნებისაგან) განსხვავებული პარამეტრების(მოთხოვნების) დადგენა;
ბ) სპეციალური ზონალური შეთანხმება დასაშვებია სამშენებლო მიწის ნაკვეთებზე, მათ შორის:
- საცხოვრებელ ზონაში( დასაშვებია კ-2 კოეფიციენტის 20%-ით გაზრდა).
- საზოგადოებრივ-საქმიან ზონაში( კ-2 კოეფიციენტის მაქსიმუმ 20%-ით გაზრდა).
გ) გადაწყვეტილების დამტკიცების უფლებამოსილება გააჩნია ადგილობრივი თვითმმართველობის შესაბამის ორგანოს.
მუხლი 16🔗.
მიწათსარგებლობის კონკრეტული უფლებრივი ზონირების განხორციელების გარდამავალ პერიოდში ცალკეული მიწის ნაკვეთების გამოყენების და განაშენიანების პირობების განსაზღვრა
1. გარდამავალ პერიოდში, როდესაც კონკრეტული მიწის ნაკვეთი არ ხვდება დასახლებათა ტერიტორიების მიწათსარგებლობის კონკრეტული უფლებრივი ზონირების დოკუმენტების საზღვრებში, მაშინ კონკრეტული მიწის ნაკვეთის სამშენებლო საქმიანობის მიზნით განვითარება უნდა განხორციელდეს:
ა) იმ შემთხვევაში, როდესაც მიწის ნაკვეთი წარმოადგენს დაურეგულირებელი /მოუწესრიგებელი განაშენიანების ნაწილს, ამ მიწის ნაკვეთის პერიმეტრის 50 მეტრის გარშემო მდებარე ტერიტორიის კვლევის საფუძველზე მიღებული არსებული მდგომარეობის შესაბამისად; იგულისხმება ამ მიწის ნაკვეთის პერიმეტრის 50 მეტრის გარშემო ტერიტორიაზე განთავსებული ყველა მიწის ნაკვეთი;
2. პირველი პუნქტით განსაზღვრული კონკრეტული მიწის ნაკვეთის მიმდებარე ტერიტორიაზე არსებული განაშენიანების კვლევა მოიცავს:
ა) საკვლევი ტერიტორიის აეროფოტო გადარებას;
ბ) საკვლევი ტერიტორიის ტოპოგრაფიულ გეგმას;
გ) საკვლევ ტერიტორიაზე მიწის ნაკვეთების განაწილების რუკას;
დ) საკვლევ ტერიტორიაზე მიწის ნაკვეთების განაშენიანების და განაშენიანების ინტენსივობის კოეფიციენტებს;
3. კონკრეტული მიწის ნაკვეთის გარშემო ტერიტორიის ასებული განაშენიანების კვლევის საფუძველზე მშენებლობის ნებართვის გამცემი ადმინისტრაციული ორგანო იღებს გადაწყვეტილებას ასეთი მიწის ნაკვეთის სამშენებლოდ გამოყენების ისეთი პირობების შესახებ, რომლებიც მიახლოებული იქნება კვლევის შედეგებთან.
მუხლი 17🔗.
უფლებრივი ზონირების მოთხოვნებთან შეუსაბამობა
1. მიწის ნაკვეთებს და შენობა-ნაგებობებს, რომლებიცარ შეესაბამებიან უფლებრივი ზონირების მოთხოვნებს, ენიჭებათ „შეუსაბამო მიწის ნაკვეთებისა და შენობა-ნაგებობების სტატუსი“, რომელსაც ანიჭებს ადგილობრივი თვითმმართველობის აღმასრულებელი ორგანო.
2. შეუსაბამო სტატუსის მქონე მიწის ნაკვეთებისა და შენობა-ნაგებობების შემდგომი განვითარება(ტერიტორიის გაფართოება, ფუნქციის შეცვლა, რეკონსტრუქცია) ხორციელდება მხოლოდ შეუსაბამობის აღმოფხვრის ან შემცირების პირობით. შემცირების პირობები შესაძლებელია განისაზღვროს ეტაპობრივად, საბოლოო აღმოფხვრის მიზნით.
მუხლი 18🔗.
ქალაქის ტერიტორიების გამოყენებისა და განაშენიანების რეგულირებაზე პასუხისმგებელი ორგანოები
1. ქალაქის ტერიტორიების გამოყენებისა და განაშენიანების რეგულირების წესების მოთხოვნათა რეალიზაციასა და დაცვას უზრუნველყოფს ცაგერის მუნიციპალიტეტის გამგეობის არქიტექტურისა და ზედამხედველობის სამსახური და სხვა სამსახურები, რომლებიც საკუთარი კომპენტეციის ფარგლებში ახორციელებენ ცაგერის მუნიციპალიტეტის ტერიტორიების გამოყენებისა და განაშენიანების რეგულირების ფუნქციას.
2. ცაგერის მუნიციპალიტეტის თვითმმართველობის ორგანოებთან საკრებულოს
გადაწყვეტილებით ქალაქის ტერიტორიების გამოყენებისა და განაშენიანების რეგულირების შემდგომი დახვეწისა და ეფექტური ფუნქციონირების მიზნით იქმნება დასახლებათა ტერიტორიების გამოყენებისა და განაშენიანების რეგულირების საკითხთა კომისია;
3. კომისიის კომპეტენციათა სფეროს განეკუთვნება:
ა) ქალაქის ტერიტორიაზე ამ წესებისა და უფლებრივი ზონირების განხორციელების პოლიტიკის განსაზღვრისათვის მოსაზრებებისა და დოკუმენტაციის მომზადება;
ბ) ქალაქის ტერიტორიების გამოყენებისა და განაშენიანების რეგულირების საკითხებში რეგულარული მოხსენებების მომზადება და კონსულტაციების გაწევა;
გ) ქალაქთმშენებლობითი დოკუმენტების შემუშავების, განხილვისა და დამტკიცების პროცესების საჯაროობის უზრუნველყოფა;
დ) განაშენიანების რეგულირების საკითხებზე არსებული წინადადებების, შენიშვნების და საჩივრების განხილვა;
ე) ქალაქთმშენებლობითი დოკუმენტების გეგმარებითი დავალებების გაცემის თაობაზე თვითმმართველობის გადაწყვეტილებათა მომზადება;
ვ) მიწათსარგებლობის უფლებრივი ზონირების რუკების დამტკიცებისათვის საკრებულოს გადაწყვეტილებათა მომზადება თვითმმართველობის ორგანოს შესაბამის სამსახურთან ერთად;
ზ) ქალაქთმშენებლობითი დოკუმენტების ან მათი ნაწილების დამტკიცების თაობაზე თვითმმართველობის გადაწყვეტილებათა მომზადება;
4. კომისიის უფლება-მოვალეობები განისაზღვრება დებულებით, რომელსაც ამტკიცებს საკრებულო.
მუხლი 19🔗.
ქალაქთმშენებლობითი დოკუმენტაციის დამტკიცება
ა) ქ. ცაგერის ქალაქთმშენებლობითი დოკუმენტაცია შედგება წინამდებარე წესისაგან, მიწათსარგებლობის გენერალური გეგმისაგან, განაშენიანების რეგულირების გეგმისაგან და ქალაქის ტერიტორიების ზოგადი და კონკრეტული უფლებრივი ზონირების რუკებისაგან;
ბ) ქ. ცაგერის ზემოთაღნიშნული ქალაქთმშენებლობითი დოკუმენტების დამტკიცების პროცედურა ხორციელდება ორ ეტაპად (თითოეულზე მიმდინარეობს დამოუკიდებელი ადმინისტრაციული წარმოება. ადმინისტრაციული წარმოების ვადებია:
- პირველი ეტაპი- ქალაქთმშენებლობითი დოკუმენტაციის გეგმარებითი დავალების დამტკიცება (საქართველოს ზოგადი ადმინისტრაციული კოდექსის VI თავით დადგენილი მარტივი ადმინისტრაციული წარმოების წესის შესაბამისად )-არაუმეტეს 20 დღე;
- მეორე ეტაპი- ქალაქთმშენებლობითი დოკუმენტაციის დამტკიცება (საქართველოს ზოგადი ადმინისტრაციული კოდექსის IX თავით დადგენილი საჯარო ადმინისტრაციული წარმოების წესის შესაბამისად ) - არაუმეტეს 30 დღე;
გ) ქ. ცაგერის ქალაქთმშენებლობითი დოკუმენტაციის დამტკიცებასთან დაკავშირებული ადმინისტრაციული წარმოების ორივე ეტაპს აწარმოებს თვითმმართველობის შესაბამისი აღმასრულებელი ორგანო, ხოლო ადმინისტრაციულ- სამართლებრივ აქტებს გამოსცემს საკრებულო.
მუხლი 20🔗.
კონკრეტულ ფუნქციურ ზონაში მდებარე ტერიტორიისათვის უძრავი ქონების (ობიექტების) დასაშვები (ნებადართული) სახეობების ჩამონათვალი
საცხოვრებელი ზონა - 1 (სზ-1)
საცხოვრებელი ზონა - 1 (სზ-1)
(შესაძლებელია არსებობდეს მხოლოდ სასოფლო-სააგარაკო განაშენიანების ტერიტორიაზე; განაშენიანების დომინირებული სახეობა-საცხოვრებელი სახლები. ასევე დასაშვებია სასოფლო-სამეურნეო დანიშნულების შენობა-ნაგებობის არსებობა კანონმდებლობის შესაბამისად, მათ შორის სამეზობლო თმენის პრინციპების დაცვით); კ-1 =0,5; კ-2=0,8-მდე; კ-3=0,3.
ტერიტორიების გამოყენებისა და განაშენიანების ძირითადი დასაშვები სახეობები:
· ბაღები;
· სკვერები;
· პირადი საბაღე და საბოსტნე მეურნეობები;
· საბავშვო მოედნები;
· ინდივიდუალური საცხოვრებელი სახლები;
· ორანჟერეები და სათბურები;
· ინდივიდუალური სამეურნეო და ტექნიკური დამხმარე ნაგებობები;
· ინდივიდუალური სამეწარმეო და არასამეწარმეო საქმიანობის სახელოსნოები საცხოვრებელ სახლებში სამეზობლო თმენისა და სანიტარიულ-ჰიგიენური
ნორმების დაცვით;
· საბავშვო ბაღები და სკოლამდელი აღზრდის სხვა დაწესებულებები;
· დაწყებითი სკოლები;
· საშუალო სკოლები;
· ღია საცურაო აუზები;
· სპორტული მოედნები;
· ამბულატორიები;
· აფთიაქები;
· კლუბები (მრავალფუნქციური დარბაზები შეხვედრებისათვის, გამოფენებისათვის);
· პირველადი მოხმარების საქონლის მაღაზიები;
· საფოსტო განყოფილებები, კავშირგაბმულობის განყოფილებები;
· ღია ავტოსადგომები, ცალკე მდგომი ჩაშენებული გარაჟები;
ტერიტორიების გამოყენებისა და განაშენიანების დაშვებული სახეობები, რომლებიც საჭიროებენ სპეციალურ(ზონალურ) ნებართვას:
· პარკები;
· ბულვარები;
· მრავალბინიანი საცხოვრებელი სახლები არა უმეტეს 3 სართულისა;
· პოლიკლინიკები;
· ბარები;
· კაფეები;
· საყოფაცხოვრებო მომსახურების ობიექტები;
· კიოსკები, დროებითი პავილიონები, საცალო ვაჭრობისა და მომსახურეობისათვის;
· ბანკების ფილიალები, განყოფილებები;
· საეკლესიო ობიექტები;
· პოლიციის განყოფილებები;
· კომუნალური და საინჟინრო ტექნიკური ობიექტები;
· საერთო სარგებლობის ღია ავტოსადგომები.
საცხოვრებელი ზონა - 2 (სზ-2)
(განაშენიანების დომინირებული სახეობა-საცხოვრებელი სახლები. ასევე დასაშვებია საზოგადოებრივი დანიშნულების ობიექტების არსებობა კანონმდებლობის შესაბამისად, მათ შორის სამეზობლო თმენის პრინციპების დაცვით); კ-1 =0,5; კ-2=0,6-მდე; კ-3=0,25.
ტერიტორიების გამოყენებისა და განაშენიანების ძირითადი დასაშვები სახეობები:
· ბაღები;
· სკვერები;
· პირადი საბაღე და საბოსტნე მეურნეობები;
· საბავშვო მოედნები;
· ინდივიდუალური საცხოვრებელი სახლები;
· ორანჟერეები და სათბურები;
· ინდივიდუალური სამეურნეო და ტექნიკური დამხმარე ნაგებობები;
· ინდივიდუალური სამეწარმეო და არასამეწარმეო საქმიანობის სახელოსნოები საცხოვრებელ სახლებში სამეზობლო თმენისა და სანიტარიულ-ჰიგიენური ნორმების დაცვით;
· საბავშვო ბაღები და სკოლამდელი აღზრდის სხვა დაწესებულებები;
· დაწყებითი სკოლები;
· საშუალო სკოლები;
· ღია საცურაო აუზები;
· სპორტული მოედნები;
· ამბულატორიები;
· აფთიაქები;
· კლუბები (მრავალფუნქციური დარბაზები შეხვედრებისათვის, გამოფენებისათვის);
· პირველადი მოხმარების საქონლის მაღაზიები;
· საფოსტო განყოფილებები, კავშირგაბმულობის განყოფილებები;
· ღია ავტოსადგომები, ცალკე მდგომი ჩაშენებული გარაჟები;
ტერიტორიების გამოყენებისა და განაშენიანების დაშვებული სახეობები, რომლებიც საჭიროებენ სპეციალურ(ზონალურ) ნებართვას:
· პარკები;
· ბულვარები;
· მრავალბინიანი საცხოვრებელი სახლები არა უმეტეს 3 სართულისა;
· პოლიკლინიკები;
· ბარები;
· კაფეები;
· საყოფაცხოვრებო მომსახურების ობიექტები;
· კიოსკები, დროებითი პავილიონები, საცალო ვაჭრობისა და მომსახურეობისათვის;
· ბანკების ფილიალები, განყოფილებები;
· საეკლესიო ობიექტები;
· პოლიციის განყოფილებები;
· კომუნალური და საინჟინრო ტექნიკური ობიექტები;
· საერთო სარგებლობის ღია ავტოსადგომები.
საცხოვრებელი ზონა - 3 (სზ-3)
( დაბალი ინტენსივობის საცხოვრებელი ზონა, სადაც განაშენიანების დომინირებული სახეობაა-საცხოვრებელი სახლები. ასევე დასაშვებია საზოგადოებრივი დანიშნულების ობიექტების არსებობა კანონმდებლობის შესაბამისად, მათ შორის სამეზობლო თმენის პრინციპების დაცვით); კ-1 =0,5; კ-2=0,6დან 1,3-მდე; კ-3=0,2.
ტერიტორიების გამოყენებისა და განაშენიანების ძირითადი დასაშვები სახეობები:
· ბაღები;
· სკვერები;
· საბავშვო მოედნები;
· მრავალბინიანი და ინდივიდუალური საცხოვრებელი სახლები;
· ინდივიდუალური სამეწარმეო და არასამეწარმეო საქმიანობის სახელოსნოებისაცხოვრებელ სახლებში სამეზობლო თმენისა და სანიტარიულ-ჰიგიენურინორმების დაცვით;
· საბავშვო ბაღები და სკოლამდელი აღზრდის სხვა დაწესებულებები;
· დაწყებითი სკოლები;
· საშუალო სკოლები;
· ღია საცურაო აუზები;
· სპორტული მოედნები;
· ამბულატორიები;
· აფთიაქები;
· კლუბები (მრავალფუნქციური დარბაზები შეხვედრებისათვის, გამოფენებისათვის);
· პირველადი მოხმარების საქონლის მაღაზიები;
· სასურსათო მაღაზიები;
· საფოსტო განყოფილებები, კავშირგაბმულობის განყოფილებები;
· ბანკების ფილიალები/ განყოფილებები;
· კომუნალური და საინჟინრო-ტექნიკური ობიექტები;
· საერთო სარგებლობის ღია მიწისზედა ან/და მიწისქვეშა ავტოსადგომები, ცალკემდგომი ავტოსადგომები.
ტერიტორიების გამოყენებისა და განაშენიანების დაშვებული სახეობები, რომლებიც საჭიროებენ სპეციალურ(ზონალურ) ნებართვას :
· პარკები;
· ბულვარები;
· ოფისები და კანტორები;
· ინდივიდუალური სამეურნეო და ტექნიკური დამხმარე ნაგებობები;
· პოლიკლინიკები;
· სპორტული დარბაზები;
· კინოთეატრები;
· საინფორმაციო ცენტრები;
· საგამოფენო დარბაზები;
· საცეკვაო დარბაზები-დისკოთეკები;
· ბარები;
· კაფეები;
· სწრაფი კვების ობიექტები;
· საყოფაცხოვრებო მომსახურების ობიექტები;
· კიოსკები, დროებითი პავილიონები, საცალო ვაჭრობისა და მომსახურებისათვის;
· სანოტარო კანტორები;
· საეკლესიო ობიექტები;
· პოლიციის განყოფილებები;
· სასტუმროები;
· ავტოგასამართი სადგურები ან/და სატრანსპორტო მომსახურების ობიექტები.
საცხოვრებელი ზონა - 5 (სზ-5)
(საშუალო ინტენსივობის საცხოვრებელი ზონა, სადაც განაშენიანების დომინირებულ სახეობას შეადგენს საცხოვრებელი სახლები. ასევე დასაშვებია საზოგადოებრივი დანიშნულების ობიექტების არსებობა კანონმდებლობის შესაბამისად, მათ შორის სამეზობლო თმენის პრინციპების დაცვით); კ-1=0,5;
კ-2 =1,3-დან 1,8-მდე; კ-3=0,1.
ტერიტორიების გამოყენებისა და განაშენიანების ძირითადი დასაშვები სახეობები:
· პარკები;
· ბაღები;
· სკვერები;
· ბულვარები;
· საბავშვო მოედნები;
· მრავალბინიანი და ინდივიდუალური საცხოვრებელი სახლები;
· ინდივიდუალური სამეწარმეო და არასამეწარმეო საქმიანობის სახელოსნოებისაცხოვრებელ სახლებში და ცალკე მდგომი, სამეზობლო თმენისა დასანიტარიულ-ჰიგიენური ნორმების დაცვით;
· საბავშვო ბაღები და სკოლამდელი აღზრდის სხვა დაწესებულებები;
· დაწყებითი სკოლები;
· საშუალო სკოლები;
· პოლიკლინიკები;
· ამბულატორიები;
· აფთიაქები;
· სპორტული დარბაზები;
· ღია საცურაო აუზები;
· სპორტული მოედნები;
· კლუბები (მრავალფუნქციური დარბაზები შეხვედრებისათვის, გამოფენებისათვის);
· კინოთეატრები;
· საინფორმაციო ცენტრები;
· საგამოფენო დარბაზები;
· პირველადი მოხმარების საქონლის მაღაზიები;
· სამრეწველო საქონლის მაღაზიები;
· სასურსათო მაღაზიები;
· უნივერსალური მაღაზიები;
· ბარები;
· კაფეები;
· სწრაფი კვების ობიექტები;
· საყოფაცხოვრებო მომსახურების ობიექტები;
· საფოსტო განყოფილებები, კავშირგაბმულობის განყოფილებები;
· ბანკების ფილიალები, განყოფილებები;
· იურიდიული კონსულტაციები;
· სანოტარო კანტორები;
· ცალკე მდგომი მრავალსართულიანი ავტოსადგომები;
· საერთო სარგებლობის ღია მიწისზედა ან/და მიწისქვეშა ავტოსადგომები;
· კომუნალური და საინჟინრო-ტექნიკური ობიექტები.
· ბაღები;
· სკვერები;
· პარკები;
· საბავშვო მოედნები;
· სპორტული მოედნები;
· სპეციალური (ზონალური) შეთანხმების საფუძველზე არსებული ობიექტებისრეკონსტრუქცია;
· მრავალბინიანი საცხოვრებელი სახლის ფუნქციონირებისათვის უზრუნველმყოფი სხვა ობიექტი.
ტერიტორიების გამოყენებისა და განაშენიანების დაშვებული სახეობები, რომლებიც
საჭიროებენ სპეციალურ(ზონალურ) ნებართვას :
· საშუალო პროფესიულ-ტექნიკური სასწავლო დაწესებულებები;
· ინდივიდუალური სამეურნეო და ტექნიკური დამხმარე ნაგებობები;
· მოხუცთა ინტერნატები;
· საავადმყოფოები;
· საცურაო აუზები;
· თეატრები;
· საქალაქო ბიბლიოთეკები;
· არქივები;
· მუზეუმები;
· საცეკვაო დარბაზები - დისკოთეკები;
· რესტორნები;
· კიოსკები, დროებითი პავილიონები, საცალო ვაჭრობისა და მომსახურებისათვის;
· ბანკები;
· მართვის დაწესებულებები და ორგანიზაციები;
· ოფისები და კანტორები;
· სასამართლოები;
· საეკლესიო ობიექტები;
· პოლიციის განყოფილებები;
· სახანძრო დეპოები;
· სასტუმროები;
· საზოგადოებრივი ტუალეტები;
· ავტოგასამართი სადგურები ან/და სატრანსპორტო მომსახურების ობიექტები.
საკურორტო-სარეკრეაციო ზონა-2 (სრზ-2)
(წარმოადგენს ზონას, რომელიც მდებარეობს განაშენიანებული ტერიტორიების საზღვრებში, სადაც დასაშვებია დასასვენებელი, სამკურნალო, სპორტული და გასართობი დანიშნულების შენობა-ნაგებობების განთავსება); კ-1 =0,3; კ-2= 3,0-მდე;
კ-3=0,1.
ტერიტორიების გამოყენებისა და განაშენიანების ძირითადი დასაშვები სახეობები:
· პარკები;
· ბაღები;
· სკვერები;
· ბულვარები;
· დეკორატიული გაფორმების ობიექტები;
· საერთო სარგებლობის ღია მიწისზედა ან/და მიწისქვეშა ავტოსადგომები;
· მცირე არქიტექტურული ფორმები (საპარკო პავილიონები, როტონდები და სხვა);
· სპორტული მოედნები;
· პირველადი სამედიცინო დახმარების პუნქტები;
· სავაჭრო პავილიონები, კიოსკები;
· ატრაქციონები;
· საწყალოსნო ობიექტები (ნავმისადგომები, ელინგები);
· საზოგადოებრივი ტუალეტები;
· სამაყურებლო ობიექტები (ესტრადები, ამფითეატრები, საგამოფენო დარბაზები,კინოთეატრები);
· სპორტულ-ფიზკულტურული ნაგებობები (საწვრთნელი ბაზები, სტადიონები,სპორტდარბაზები, ღია და დახურული საცურაო აუზები);
· ზოოპარკები;
· კაფეები, რესტორნები;
· საეკლესიო ობიექტები;
· სკოლამდელი ასაკის ბავშვთა აგარაკები;
· დასვენების ბანაკები და ბაზები;
· დასასვენებელი სახლები;
· სანატორიუმები;
· სასტუმროები;
· მოხუცთა ინტერნატები;
· საავადმყოფოები;
· სამეურნეო ობიექტები (ადმინისტრაციის შენობები; საყოფაცხოვრებო სათავსები, სახელოსნოები, ცალკე მდგომი მრავალსართულიანი ავტოსადგომები).
საზოგადოებრივ-საქმიანი ზონა - 1 (სსზ-1)
( წარმოადგენს შერეულ - საშუალო ინტენსივობის საზოგადოებრივ-საქმიან ზონას განაშენიანების დომინირებული სახეობის გარეშე); კ-1=0,6; კ-2=3,0-მდე; კ-3=ო,1.
ტერიტორიების გამოყენებისა და განაშენიანების ძირითადი დასაშვები სახეობები:
· პარკები;
· ბაღები;
· სკვერები;
· ბულვარები;
· საბავშვო მოედნები;
· მრავალბინიანი და ინდივიდუალური საცხოვრებელი სახლები,
· მრავალფუნქციური შენობები (საცხოვრებელი, ოფისები და სხვა);
· საბავშვო ბაღები და სკოლამდელი აღზრდის სხვა დაწესებულებები;
· დაწყებითი სკოლები;
· საშუალო სკოლები;
· საშუალო პროფესიულ-ტექნიკური სასწავლო დაწესებულებები;
· უმაღლესი სასწავლებლები;
· . პოლიკლინიკები;
· ამბულატორიები;
· აფთიაქები;
· სპორტული დარბაზები;
· საცურაო აუზები;
· კლუბები;
· კინოთეატრები;
· თეატრები;
· საქალაქო ბიბლიოთეკები;
· არქივები;
· საინფორმაციო ცენტრები;
· მუზეუმები;
· საგამოფენო დარბაზები;
· საცეკვაო დარბაზები - დისკოთეკები;
· სამრეწველო საქონლის მაღაზიები;
· სასურსათო მაღაზიები;
· უნივერსალური მაღაზიები;
· ბარები;
· კაფეები;
· რესტორნები;
· სწრაფი კვების ობიექტები;
· . საყოფაცხოვრებო მომსახურების ობიექტები;
· საფოსტო და კავშირგაბმულობის განყოფილებები;
· ბანკების ფილიალები, განყოფილებები;
· ბანკები;
· მართვის დაწესებულებები და ორგანიზაციები;
· ოფისები და კანტორები;
· სამეცნიერო და საპროექტო ორგანიზაციები;
· სასამართლოები;
· იურიდიული კონსულტაციები;
· სანოტარო კანტორები;
· სასტუმროები;
· ცალკე მდგომი მრავალსართულიანი ავტოსადგომები;
· საერთო სარგებლობის ღია მიწისზედა ან/და მიწისქვეშა ავტოსადგომები.
ტერიტორიების გამოყენებისა და განაშენიანების დაშვებული სახეობები, რომლებიც
საჭიროებენ სპეციალურ(ზონალურ) ნებართვას :
· მრავალფუნქციური შენობები (საცხოვრებელი, ოფისები და სხვა);
· საავადმყოფოები;
· სასწრაფო სამედიცინო დახმარების სადგურები;
· ღია საცურაო აუზები;
· სპორტული მოედნები;
· საკონცერტო დარბაზები;
· უნივერსალური სპორტულ-სამაყურებლო დარბაზები;
· სავაჭრო ცენტრები;
· კიოსკები, დროებითი პავილიონები საცალო ვაჭრობისა და მომსახურებისათვის;
· საეკლესიო ობიექტები;
· პოლიციის განყოფილებები;
· სახანძრო დეპოები;
· საზოგადოებრივი ტუალეტები;
· რკინიგზის სადგურები და ავტოსადგურები;
· ავტოგასამართი სადგურები ან/და სატრანსპორტო მომსახურების ობიექტები;
· კომუნალური და საინჟინრო-ტექნიკური ობიექტები.
სარეკრეაციო ზონა¢ (რზ¢)
( წარმოადგენს სარეკრეაციო ზონას, რომელიც მდებარეობს განაშენიანებული ტერიტორიების საზღვრებში და მოიცავს გამწვანებულ ტერიტორიას, სადაც შესაძლებელია ზონის ფუნქციონირებისათვის უზრუნველმყოფი შენობა-ნაგებობებისარსებობა).
ტერიტორიების გამოყენებისა და განაშენიანების ძირითადი დასაშვები სახეობები:
· პარკები;
· ბაღები;
· სკვერები;
· ბულვარები;
· დეკორატიული გაფორმების ობიექტები;
· მცირე არქიტექტურული ფორმები (საპარკო პავილიონები, როტონდები,კიოსკები,
· შადრევნები, დეკორატიული აუზები, წყლის სასმელები, კასკადები, არხები და
· სხვა);
· . სპორტული მოედნები;
· პირველადი სამედიცინო დახმარების პუნქტები;
· სავაჭრო პავილიონები;
· ატრაქციონები;
· საწყალოსნო ობიექტები (ნავმისადგომები, პირსები, ელინგები);
· საერთო სარგებლობის ღია მიწისზედა ან/და მიწისქვეშა ავტოსადგომები;
· საზოგადოებრივი ტუალეტები;
· სამაყურებლო ობიექტები (ესტრადები, ამფითეატრები, საგამოფენო დარბაზები,
· კინოთეატრები);
· სპორტულ-ფიზკულტურული ნაგებობები (სტადიონები, სპორტდარბაზები, ღია
· და დახურული საცურაო აუზები);
· სათამაშო ავტომატების დარბაზები, საბილიარდოები და ა.შ.;
· ზოოპარკები;
· კაფეები, რესტორნები;
· სასტუმროები;
· საეკლესიო ობიექტები;
· სკოლამდელი ასაკის საბავშვო სპეციალიზირებული დაწესებულებები;
· ადმინისტრაციის შენობები.
ლანდშაფტურ-სარეკრეაციო ზონა¢ (ლსზ¢)
( დასახლების საზღვრებში არსებული ბუნებრივი ლანდშაფტის ან ფასეული ხელოვნური ლანდშაფტის ტერიტორია, სადაც შესაძლებელია ზონის ფუნქციონირები-სათვის უზრუნველმყოფი შენობა-ნაგებობების არსებობა კანონმდებლობის შესაბამისად).
ტერიტორიების გამოყენებისა და განაშენიანების ძირითადი დასაშვები სახეობები:
· პარკები;
· ბაღები;
· სკვერები;
· ბულვარები;
· სანაპირო პლაჟები;
· დეკორატიული გაფორმების ობიექტები;
· მცირე არქიტექტურული ფორმები (საპარკო პავილიონები, როტონდები, კიოსკები
· შადრევნები, დეკორატიული აუზები, წყლის სასმელები, კასკადები, არხები
· და სხვა);
· სპორტული მოედნები;
· საწყალოსნო ობიექტები (ნავსადგომები, პირსები, ელინგები);
· პირველადი სამედიცინო დახმარების პუნქტები;
· სავაჭრო პავილიონები, კიოსკები;
· ატრაქციონები;
· გასახდელები, საშხაპეები, საზოგადოებრივი ტუალეტები;
· პლაჟის ინვენტარის ღია საწყობები;
· სამაშველო სამსახურის სადგურები;
· ღია ავტოსადგომები;
· საზოგადოებრივი ტუალეტები;
ტერიტორიების გამოყენებისა და განაშენიანების დაშვებული სახეობები, რომლებიც
საჭიროებენ სპეციალურ(ზონალურ) ნებართვას :
· სამაყურებლო ობიექტები (ესტრადები, ამფითეატრები, საგამოფენო დარბაზები,
· კინოთეატრები);
· სპორტული ნაგებობები (სტადიონები, სპორტდარბაზები, ღია და დახურულისაცურაო აუზები);
· სათამაშო ავტომატების დარბაზები ;
· კაფეები, რესტორნები;
· საეკლესიო ობიექტები;
· სამეურნეო ობიექტები, ადმინისტრაციული შენობები, სახელოსნოები.
სამრეწველო ზონა 1 (ს-1), სამრეწველო ზონა 2 (ს-2), სპეციალური ზონა’ (სპეცზ’), სანიტარული ზონა (სანზ), სატრანსპორტო ზონა 1 (ტრ-1) და სატრანსპორტო ზონა 2 (ტრ-2)
სამრეწველო ზონა 1 (ს-1)-ის, სამრეწველო ზონა 2 (ს-2)-ის, სანიტარული ზონა (სანზ)-ის, სატრანსპორტო ზონა 1 (ტრ-1)-ის და სატრანსპორტო ზონა 2 (ტრ-2)-ის ტერიტორიისათვის უძრავი ქონების (ობიექტების) დასაშვები სახეობები განისაზღვროს საქართველოს ეკონომიკური განვითარების მინისტრის 2008 წლის 08 ივლისის №1-1/1254 ბრძანებით დამტკიცებული „დასახლებათა ტერიტორიების გამოყენებისა და განაშენიანების რეგულირების ძირითადი დებულებები“-თ.
მუხლი 21🔗.
ქალაქის განაშენიანების წესების მოთხოვნების რეალიზაციისა და დაცვის უზრუნველყოფა
1. განაშენიანების წესების მოთხოვნათა რეალიზაციას და დაცვას უზრუნველყოფს ცაგერის მუნიციპალიტეტის შესაბამისი აღმასრულებელი ორგანო, ხოლო ადმინისტრაციულ- სამართლებრივ აქტებს გამოსცემს საკრებულო; კერძოდ :
ა) I ეტაპი - ქალაქთმშენებლობითი დოკუმენტაციის დამუშავებისთვის გეგმარებითი დავალების დამტკიცების შესახებ გამოიცემა ადმინისტრაციულ-სამართლებრივი აქტი;
ბ) II ეტაპი - ქალაქთმშენებლობითი დოკუმენტაციის დამტკიცების შესახებ გამოიცემა ადმინისტრაციულ-სამართლებრივი აქტი.
2. ამ მუხლის 1-ლი პუნქტით გათვალისწინებულ უფლებამოსილებათა განხორციელების კომპეტენციათა სფეროს განეკუთვნება:
ა) ქალაქის ტერიტორიაზე ამ წესებისა და უფლებრივი ზონირების განხორციელების პოლიტიკის განსაზღვრისათვის მოსაზრებების მომზადება;
ბ) ამ წესებისა და უფლებრივი ზონირების განხორციელებაზე მონიტორინგის განხორციელება;
გ) ამ წესებში ცვლილებებისა და დამატებების მომზადება;
დ) თვითმმართველობის სტრუქტურათა კოორდინაციის განხორციელება ქალაქის ტერიტორიების გამოყენებისა და განაშენიანების საკითხებში;
ე) ამ წესების განმარტება და დაინტერესებულ პირთათვის კონსულტაციების გაწევა;
ვ) საჯარო მოსმენების ორგანიზება სპეციალური (ზონალური) შეთანხმების საკითხებზე (საჯარო მოსმენებში სახელმწიფო, საზოგადოებრივი და არასამთავრობო ორგანიზაციების ფართოდ მონაწილეობა);
ზ) ქალაქის მუნიციპალიტეტის საკრებულოსათვის რეგულარული მოხსენებების მომზადება;
თ) ქალაქის ტერიტორიაზე უფლებრივი ზონირების სამუშაოებზე სატენდერო სტრატეგიის განსაზღვრა, დოკუმენტაციის მომზადების ორგანიზება და სატენდერო კომისიების ფორმირებაში მონაწილეობა;
ი) ქალაქის ტერიტორიების გამოყენებისა და განაშენიანების საკითხებზე საზოგადოებრივი ინფორმირების სამუშაოთა და განხილვათა ორგანიზება;
კ) ამ წესებით გათვალისწინებულ შემთხვევებში ცაგერის მუნიციპალიტეტის გამგეობის არქიტექტურისა და სამშენებლო ზედამხედველობის სამსახურის მიერ მომზადებული სპეციალური ზონალური ნებართვების გაცემასთან დაკავშირებით დასკვნების მომზადება;
ლ) ქალაქის უფლებრივი (ზოგადი და კონკრტული) ზონირების რუკების დამტკიცებისათვის მუნიციპალიტეტის საკრებულოს დადგენილებების პროექტების მომზადება;
მ) ქალაქთმშენებლობითი დოკუმენტაციის განხილვის და დამტკიცების თაობაზე თვითმმართველობის ადმინისტრაციული შენობის წინ, თვალსაჩინო ადგილას საინფორმაციო დაფის განთავსება ინფორმაციით:
- დამუშავებული დოკუმენტაციის შესახებ ადმინისტრაციული წარმოების სავარაუდო თუ დაზუსტებული ვადების ჩვენება.