„აფხაზეთის ეკონომიკის სამინისტროს საქვეუწყებო დაწესებულების – ადგილობრივი მნიშვნელობის საავტომობილო გზების დეპარტამენტის რეორგანიზაციისა და მის ბაზაზე აფხაზეთის ავტონომიური რესპუბლიკის ეკონომიკის სამინისტროს საქვეუწყებო დაწესებულების – ინფრასტრუქტურისა და დარგობრივ საკითხთა დეპარტამენტის შექმნის შესახებ“ აფხაზეთის მთავრობის 2011 წლის 28 ნოემბრის №13 დადგენილებაში ცვლილებების შეტანის თაობაზე

აფხაზეთის ავტონომიური რესპუბლიკის მთავრობის

დადგენილება №9

  2014  წლის  29 იანვარი

ქ. თბილისი

 „აფხაზეთის ეკონომიკის სამინისტროს საქვეუწყებო დაწესებულების – ადგილობრივი მნიშვნელობის საავტომობილო გზების დეპარტამენტის  რეორგანიზაციისა და მის ბაზაზე აფხაზეთის ავტონომიური რესპუბლიკის ეკონომიკის სამინისტროს საქვეუწყებო დაწესებულების – ინფრასტრუქტურისა და დარგობრივ საკითხთა დეპარტამენტის შექმნის შესახებ“ აფხაზეთის მთავრობის 2011 წლის 28 ნოემბრის №13 დადგენილებაში ცვლილებების შეტანის თაობაზე

დეპარტამენტის სტრუქტურული ქვედანაყოფებია:

ა) ინფრასტრუქტურის საკითხთა რეგულირებისა და დარგობრივ საკითხთა სამმართველო:

ა.ა) ინფრასტრუქტურისა და დარგობრივ საკითხთა განყოფილება;

ბ) ადმინისტრაციული განყოფილება.“.

10. დადგენილებით დამტკიცებული დებულების  მე-5 მუხლი ჩამოყალიბდეს შემდეგი რედაქციით:

,,მუხლი 5. დეპარტამენტის სტრუქტურული ერთეულები

1. ინფრასტრუქტურის საკითხთა რეგულირებისა და დარგობრივ საკითხთა სამმართველო:

ა)  შეიმუშავებს წინადადებებსა და კონცეფციებს ეკონომიკის დარგების (ტურიზმი, ტრანსპორტი, მშენებლობა, მრეწველობა, ვაჭრობა, ელექტროკომუნიკაცია და ფოსტა) განვითარების მიზნით;

ბ) ახორცილებს ადგილობრივი მნიშვნელობის საავტომობილო გზების მართვას;

გ) შეიმუშავებს ადგილობრივი მნიშვნელობის საავტომობილო გზების განვითარების პოლიტიკასა და სტრატეგიას და, დადგენილი წესით დამტკიცების შემდეგ, უზრუნველყოფს მათ რეალიზაციას;

დ) ორგანიზებას უწევს აფხაზეთის ავტონომიური რესპუბლიკის ტერიტორიაზე გამავალი ადგილობრივი მნიშვნელობის საავტომობილო გზების დაცვასა და აღრიცხვას;

ე) ხელს უწყობს აფხაზეთიდან დევნილთა მცირე და საშუალო ბიზნესის განვითარებას და ამ მიზნით მონაწილეობას იღებს  შესაბამისი პროგრამებისა და ბიზნესგეგმების შემუშავებაში;

ვ) სამინისტროსთან შეთანხმებით მონაწილეობას იღებს აფხაზეთის ავტონომიური რესპუბლიკის ტერიტორიაზე პოსტკონფლიქტური რეაბილიტაციის პოლიტიკის შემუშავებაში;

ზ) სამინისტროს თანხმობით ხელს უწყობს აფხაზეთიდან დევნილი მეწარმეების მიერ გამოშვებული პროდუქციის გამოფენა-გაყიდვის ორგანიზებას;

თ) სამინისტროს თანხმობით აწარმოებს მოლაპარაკებებს და დებს ხელშეკრულებებს საქართველოსა და უცხოეთის ფიზიკურ და იურიდიულ პირებთან ეკონომიკის დარგების განვითარების მიზნით;

ი) მოიპოვებს აფხაზეთის ტერიტორიაზე ეკონომიკის დარგების განვითარების მდგომარეობის შესახებ ინფორმაციას, ახორციელებს მათ ანალიზს და, შემდგომი რეაგირების მიზნით, აწოდებს სამინისტროს;

კ) დეპარტამენტის უფროსის დავალებით თანამშრომლობს საქართველოსა და აფხაზეთის ხელისუფლების შესაბამის უწყებებთან სივრცითი მოწყობის, ურბანული და ინფრასტრუქტურული განვითარების საკითხებში;

1.1. ინფრასტრუქტურისა და დარგობრივ საკითხთა განყოფილება:

ა) დეპარტამენტის უფროსის დავალებით ახორციელებს აფხაზეთიდან იძულებით გადაადგილებულ პირთა კოლექტიური ჩასახლების ცენტრების საინჟინრო-ტექნიკური მდგომარეობის შესწავლას, საჭირო-სარემონტო სამუშაოების მოცულობის დადგენასა და შესაბამისი დეფექტური აქტების შედგენას;

ბ) უზრუნველყოფს საქართველოსა და აფხაზეთის ავტონომიური რესპუბლიკის სამართლებრივი აქტებით გათვალისწინებული სხვა ამოცანების განხორციელებას.

2.  ადმინისტრაციული განყოფილება:

ა) უზრუნველყოფს დეპარტამენტის  ორგანიზაციულ და ადმინისტრაციულ საქმიანობას;

ბ) ახორციელებს ადამიანური რესურსების მართვას;

გ) ახორციელებს დეპარტამენტის დოკუმენტბრუნვას;

დ) უზრუნვეყოფს დეპარტამენტის საბუღალტრო აღრიცხვასა და ფინანსურ ანგარიშგებას;

ე) უზრუნველყოფს სამინისტროში დეპარტამენტის ბიუჯეტის შესახებ წინადადებების წარდგენას.“.

მთავრობის თავმჯდომარის

მოვალეობის შემსრულებელი                                                                  ვახტანგ ყოლბაია