საქართველოს ენერგეტიკის სამინისტროს მიერ დაკავებული ფართის მომსახურებისათვის საჭირო ხარჯების დაფარვის ღონისძიებათა შესახებ
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
საქართველოს მთავრობის
განკარგულება №1059
2013 წლის 15 აგვისტო
ქ. თბილისი
საქართველოს ენერგეტიკის სამინისტროს მიერ დაკავებული ფართის მომსახურებისათვის საჭირო ხარჯების დაფარვის ღონისძიებათა შესახებ
იმის გათვალისწინებით, რომ თბილისის იუსტიციის სახლში (მდებარე, ქ. თბილისი, სანაპიროს ქ. 2) საქართველოს ენერგეტიკის სამინისტროს მიერ დაკავებულ ფართზე სამინისტროს ცენტრალური აპარატის გარდა, ასევე განთავსებულია საქართველოს ენერგეტიკის სამინისტროს სისტემაში შემავალი საჯარო სამართლის იურიდიული პირი - ნავთობისა და გაზის სახელმწიფო სააგენტო (შემდგომში ‑ სააგენტო) ნება დაერთოს საქართველოს ენერგეტიკის სამინისტროს, მის და სააგენტოს მიერ დაკავებული ფართის მომსახურებისათვის გაწეული ერთობლივი დანახარჯების (ელექტროენერგია, გაზი, წყალი, კავშირგაბმულობის ხარჯები, შენობის დაცვის მომსახურება და ზემოაღნიშნული ფართის ფუნქციონირებასთან დაკავშირებული სხვა ხარჯები) დაფარვა განახორციელოს „საქართველოს 2013 წლის სახელმწიფო ბიუჯეტის შესახებ“ საქართველოს კანონით საქართველოს ენერგეტიკის სამინისტროს ცენტრალური აპარატისათვის დამტკიცებული ასიგნებებიდან.
პრემიერ-მინისტრი ბ. ივანიშვილი