აჭარის ავტონომიური რესპუბლიკის ტერიტორიაზე მცხოვრები სტიქიის შედეგად დაზარალებული ოჯახების დახმარების ზოგადი წესის დამტკიცების შესახებ

აჭარის ავტონომიური რესპუბლიკის ტერიტორიაზე მცხოვრები სტიქიის შედეგად დაზარალებული ოჯახების დახმარების ზოგადი წესის დამტკიცების შესახებ    აჭარის ავტონომიური რესპუბლიკის მთავრობის დადგენილება №5 2014 წლის 13 თებერვალი ქ. ბათუმი აჭარის ავტონომიური რესპუბლიკის ტერიტორიაზე მცხოვრები სტიქიის შედეგად დაზარალებული ოჯახების დახმარების ზოგადი წესის დამტკიცების შესახებ ,,აჭარის ავტონომიური რესპუბლიკის მთავრობის სტრუქტურის, უფ­ლე­­­ბამო­სი­ლე­ბი­სა და საქმიანობის წესის შესახებ“ აჭარის ავტონომიური რეს­პუ­ბლიკის კანონის მე-8 და მე-9 მუხლების შესაბამისად:  1. დამტკიცდეს აჭარის ავტონომიური რესპუბლიკის ტერიტორიაზე მცხოვრები სტიქიის შედეგად დაზარალებული ოჯახების დახმარების ზოგადი წესი, თანახმად №1 დანართისა . 2. დამტკიცდეს სტიქიის შედეგად დაზარალებული ოჯახის სოციალურ-სამართ­ლებრივი შესწავლის ცხრილის ფორმა, თანახმად №2 დანართისა.  3. ძალადაკარგულად გამოცხადდეს „აჭარის ავტონომიური რესპუბლიკის ტერიტო­რიაზე სტიქიის შედეგად დაზარალებული მოსახლეობის სოციალურ-სამართლებრივი მდგომარეობის შესწავლის, შეფასებისა და მათთვის დახმარების აღმოჩენის მიზნით ზოგადი კრიტერიუმების განსაზღვრის წესის დამტკიცების შესახებ“ აჭარის ავტონომიური რესპუბლიკის მთავრობის 2013 წლის 12 სექტემბრის №20 დადგენილება (სსმ ვებგვერდი, 17/09/2013, სარეგისტრაციო კოდი 280090030.32.057.016137). 4. დადგენილება ამოქმედდეს გამოქვეყნებისთანავე. აჭარის ავტონომიური რესპუბლიკის მთავრობის თავმჯდომარეარჩილ ხაბაძე                                                                                                             დანართი №1 აჭარის ავტონომიური რესპუბლიკის ტერიტორიაზე მცხოვრები სტიქიის შედეგად დაზარალებული ოჯახების დახმარების ზოგადი წესი მუხლი 1🔗. ზოგადი დებულებანი 1. აჭარის ავტონომიური რესპუბლიკის ტერიტორიაზე მცხოვრები სტიქიის შედეგად დაზარალებული ოჯახების დახმარების ზოგადი წესი განსაზღვრავს აჭარის ავტონომიური რესპუბლიკის ტერიტორიაზე სტიქიური მოვლენების შედეგად დაზარალებული ოჯახების სოციალურ-სამართლებრივი მდგომარეობის შესწავლის, შეფასებისა და მათთვის დახმარების აღმოჩენის მიზნით კრიტერიუმების განსაზღვრის წესს  (შემდგომში - წესი). 2. წესის მიზანია აჭარის ავტონომიური რესპუბლიკის ტერიტორიაზე სტიქიური მოვლენების შედეგად დაზარალებული ოჯახებისათვის დახმარების აღმოჩენა და მათი სოციალური რეაბილიტაცია. მუხლი 2🔗. ტერმინთა განმარტება 1. წესში გამოყენებულ ტერმინებს აქვს შემდეგი მნიშვნელობა: ა)  მთავრობა - აჭარის ავტონომიური რესპუბლიკის მთავრობა; ბ) მთავრობის თავმჯდომარე - აჭარის ავტონომიური რესპუბლიკის მთავრობის თავმჯდომარე; გ) სამინისტრო - აჭარის ავტონომიური რესპუბლიკის ჯანმრთელობისა და სოციალური დაცვის სამინისტრო; დ) სამთავრობო კომისია - აჭარის ავტონომიურ რესპუბლიკაში სტიქიური მოვლენების შედეგად მიყენებული ზარალის სალიკვიდაციო შერეული სამთავრობო კომისია; ე) დეპარტამენტი - აჭარის ავტონომიური რესპუბლიკის ჯანმრთელობისა და სოციალური დაცვის სამინისტროს სტიქიით დაზარალებულთა საქმეების დეპარტამენტი; ვ) ადგილობრივი კომისია – თვითმმართველი ერთეულის გამგეობის/მერიის მიერ შექმნილი სტიქიის შედეგად დაზარალებული ოჯა­ხე­ბის მდგომარეობის შემსწავლელი ადგი­ლო­ბ­რივი კომისია; ზ) გამგეობა - აჭარის ავტონომიური რესპუბლიკის ტერიტორიაზე არსებული მუნიციპალიტეტის გამგეობა; თ) მერია – თვითმმართველი ქალაქი ბათუმის მერია; ი) დაზარალებული ოჯახი - სტიქიური მოვლენების (მეწყერის, ღვარცოფის, ზვავის, წყალდიდობის, მიწის­ძვ­რის და სხვა ბუნებრივი ხასიათის მოვლენები) შედეგად დაზა­რა­ლე­­ბული ოჯახი, რომელიც შედგება განცალკევებულ საცხოვრებელ ფართზე მუდმივად მცხოვრები ნათესაური ან არანათესაური კავშირის მქონე პირთა წრისაგან და რომლებიც  ერთობლივად ეწევიან შინასამეურნეო საქმიანობას (ოჯახის შემადგენ­ლობაში არ გაი­თ­ვა­ლის­წინება პირი, რომელიც პირადობის დამადასტურებელი მოწმობის მიხედვით შეიძ­ლე­ბა რეგისტრირებულია, მაგრამ ფაქტობრივად არ ცხოვრობს აღნიშნული საცხოვ­რე­ბე­ლი ფარ­თის მისამართზე). ოჯახი შეიძლება იყოს ერთსულიანი; კ) დაზარალებული - ოჯახის ყველა სრულწლოვანი წევრი ან ოჯახის ერთ-ერთი წარ­მო­მა­დ­გენელი, რომელსაც კანონმდებლობით დადგენილი წესით ოჯახის სრულ­წლოვანი წევრების მიერ მინიჭებული აქვს წარმომადგენლობის უფლებამოსილება; ლ) I - კატეგორია - საცხოვრებელი სახლი (ან მისი ნაწილი) დანგრეულია სტიქიური მოვლენების შედეგად  (სახლი აღდგენას არ ექვემდებარება); მ) II - კატეგორია - საცხოვრებელი სახლი არ არის დანგრეული, მაგრამ დაზიანებულია სტიქიური მოვლენების შედეგად და საცხოვრებლად გამოუსადეგარია (სახლი აღდგენას არ ექვემდებარება); ნ) III - კატეგორია - საცხოვრებელი სახლი დაზიანებულია სტიქიური მოვლენების შედეგად, რომელშიც ამჟამად ცხოვრობენ (სახლი აღდგენას ექვემდებარება); ო) IV - კატეგორია  - საცხოვრებელი სახლი არ არის დაზიანებული, მაგრამ ამ  ტერი­ტო­რი­ა­ზე მცხოვრები პირები იმყოფებიან ბუნებრივი ან ანთროპოგენური კატასტროფების ანდა ისეთი რისკების ზონაში, რაც საფრთხეს უქმნის მათ სიცოცხლეს, ჯანმრთელობას ან/და საკუთრებაში/სარგებლობაში არსებულ ქონებას; პ) დოკუმენტაცია - აჭარის ავტონომიურ რესპუბლიკის ტერიტორიაზე სტიქიური მოვ­ლე­ნე­ბის შედეგად დაზარალებული ოჯახების სოციალურ-სამართ­ლე­ბ­­რივი მდგომარეობის შესწავლისა და შეფასების მიზნით გამგეობის/­მერიის ადგი­ლო­ბ­რი­ვი კომისიების მიერ წარდგენილი სათანადო კორესპონდენცია; ჟ) დახმარება - აჭარის ავტონომიური რესპუბლიკის ტერიტორიაზე მცხოვრები, სტიქიური მოვლენების შედეგად დაზარალებული ოჯახებისათვის გაწეული ნებისმიერი სახის დახმარება. მუხლი 3🔗. ადგილობრივი კომისია 1. სწავლობს და აანალიზებს თვითმმართველ ერთეულებში სტიქიის შედეგად დაზარალებული ოჯახების მდგომარეობას, გეგმას პრობლემების გადაჭრის გზებს და აღნიშნულთან დაკავშირებით სამთავრობო კომისიას წარუდგენს სარეკომენდაციო ხასიათის წინადადებებს. 2. დაზარალებული ოჯახების განსახლებისათვის საცხოვრებელი ფონდის შექმნის მიზნით აგროვებს ინფორმაციას თვითმმართველ ერთეულებში არსებული შენობებისა და მიწის რეზერ­ვე­ბის თაობაზე და სამთავრობო კომისიას წარუდგენს სარეკომენდაციო ხასიათის წინადადებებს. 3. შეისწავლის სტიქიის შედეგად დაზარალებული ოჯახების სოციალურ-სამართლებრივ მდგომარეობას და სათანადო დოკუმენტაციას წარადგენს სამინისტროში სამთავრობო კომისიაზე განხილვის მიზნით. უფლებამოსილია წარადგინოს წინადადება ხანძრის შედეგად დაზარალებული ოჯახების დახმარების თაობაზე. 4. ადგილობრივი კომისიების მიერ მომზადებული დოკუმენტაცია უნდა შეიცავდეს: ა) ადგილობრივი კომისიის მიერ შედგენილ სხდომის ოქმს; ბ) ადგილობრივი კომისიის მიერ ადგილზე გასვლით შედგენილ ვიზუალური დათვალიერების აქტს; გ) დაზარალებულის განცხადებას; დ) დაზარალებულის პირადობის დამადასტურებული მოწმობის ასლს ან სხვა დოკუმენტს, რომლითაც შესაძლებელია პირის იდენტიფიცირება; ე) ფოტომასალას; ვ) ამ დადგენილების მე-2 მუხლით დამტკიცებულ დანართი N-2 – ის შესაბამისად შევსებულ ცხრილს, რომელსაც ხელმოწერით ადასტურებს ადგილობრივი კომისიის თავმჯდომარე და დასმული აქვს შესაბამისი მუნიციპალიტეტის გამგეობის ბეჭედი. ცხრილს უნდა ერთვოდეს მასში მოცემული ინფორმაციის დამადასტურებელი დოკუმენტაციის შემდეგი ჩამონათვალი: ვ.ა) კომპეტენტური სამსახურების/სპეციალისტების მიერ, დაზარალებულის სახლზე სტიქიური მოვლენის შედეგად მიღებული დაზიანების ამსახველ ინფორმაცია/ცნობა/აქტი; ვ.ბ) კომპეტენტური სამსახურების/სპეციალისტების მიერ საცხოვრებელ სახლზე შედგენილი დეფექტური აქტი (საჭიროების შემთხვევაში); ვ.გ) კომპეტენტური სამსახურების/სპეციალისტების მიერ დაზა­რა­ლე­­ბულის სახლის აშენების, აღდგენა/რეკონ­ს­ტ­რუ­ქ­ციის ან ადგილმონაცვლეობისათვის საჭირო საპროექტო - სახარჯთააღრიცხვო ან ხარჯთაღრიცხვის ამსახველი დოკუმენტი;   ვ.დ) ამონაწერი სოციალურად დაუცველი ოჯახების მონაცემთა ბაზიდან (ასეთის არსებობის შემთხვევაში); ვ.ე) შესაძლებლობების შეზღუდვის შესახებ საბუთი ან/და ჯანმრთელობის მდგომარეობის შესახებ ცნობა (საჭიროების შემთხვევაში); ზ) ზარალის შეფასების აქტი იმ შემთხვევაში, თუ დახმარების განხილვის მო­ცე­მული ეტაპისათვის კომპენსაციის გაცემა განიხილება დაზარალებულ ოჯახებზე სტიქიის შედეგად მიყენებული ზიანის პროპორციულად. 5. მრავალსაცხოვრებლიან სახლებზე, ასევე საზოგადოებრივი დანიშნულების შენობებზე (მიუხედავად საკუთრების ფორმისა) ადგილობრივი კომისიების მიერ მომზადებული დოკუმენტაცია უნდა შეიცავდეს: ა) ადგილობრივი კომისიის მიერ შედგენილ ოქმს; ბ) კომპეტენტური სამსახურების/სპეციალისტების მიერ სახლზე სტიქიური მოვლენის შედეგად მიღებული ზიანების ამსახველ ინფორმაციას/ცნობას/აქტს; გ) კომპეტენტური სამსახურების/სპეციალისტების მიერ დაზიანებული სახლის აშენების, აღდგენა/რეკონ­ს­ტ­რუ­ქ­ციის ან ადგილმონაცვლეობისათვის საჭირო საპროექტო - სახარჯთააღრიცხვო ან ხარჯთაღრიცხვის ამსახველ დოკუმენტს; დ) ზარალის შეფასების აქტს (საჭიროებისამებრ); 6. წარმოდგენილ დოკუმენტაციაში ასახულ ინფორმაციაზე პასუხისმგებლობა ეკისრება ადგილობრივ კომისიას. მუხლი 4🔗. დეპარტამენტის უფლებამოსილება 1. დეპარტამენტი უფლებამოსილია მოამზადოს ადგილობრივი კომისიების მიერ წარმოდგენილი დოკუმენტაცია სამთავრობო კომისიაზე გასატანად. ამ მიზნით: ა) ამოწმებს წარმოდგენილი დოკუმენტაციის, წინამდებარე წესის მე-3 მუხლით დადგენილ მოთხოვნასთან შესაბამისობას; ბ) არასრულად წარმოდგენის შემთხვევაში უფლებამოსილია დაუბრუნოს დოკუმენტაცია ადგილობრივ კომისიებს ხარვეზების აღმოსაფხვრელად ან დამატებით გამოითხოვოს მისთვის საჭირო ინფორმაციას; 2. ასრულებს სამთავრობო კომისიის ცალკეულ მითითებებს. 3. საჭიროების შემთხვევაში გამგეობიდან/მერიიდან ან ადგილობრივ კომისიებიდან დამატებით გამოითხოვს საჭირო ინფორმაციას. 4. ხელს უწყობს სამთავრობო, ადგილობრივ კომისიებსა და დაზარელებულ ოჯახებს შორის ეფექტური კომუნიკაციის დამყარებას. 5. უწევს  მეთოდურ დახმარებას და სხვადასხვა სახის კონსულტაციებს ადგი­ლო­ბ­რივ კომისიებს. 6. უზრუნველყოფს ადგილობრივი კომისიების მიერ წარმოდგენილი დოკუ­მენ­ტაციების სამთავრობო კომისიის სხდომაზე გატანას. 7. დეპარტამენტი სამინისტროში შესული განცხადების/საჩივრის საფუძველზე შეის­წავ­ლის დაზარალებულსა და ადგილობრივ კომისიას შორის წარმოშობილ უთანხმოებას, ახორციელების მედიატორის ფუნქციას და მხარეებს აძლევს რეკომენდაციებს.  მუხლი 5🔗. სამთავრობო კომისიის უფლებამოსილება 1. სამთავრობო კომისია უფლებამოსილია: ა) განიხილოს და მიიღოს გადაწყვეტილება სტიქიური მოვლენების (მეწყერის, ღვარცოფის, ზვავის, წყალდიდობის, მიწის­ძვ­რის და სხვა ბუნებრივი ხასიათის მოვლენების) შედეგად დაზარალებული ოჯახების დახმარების თაობაზე; ბ) განიხილოს და მიიღოს გადაწყვეტილება ხანძრის შედეგად დაზარალებული ოჯახების დახმარების თაობაზე. 2. სამათავრობო კომისია იკრიბება საჭიროებისამებრ. 3. დაზარალებული ოჯახებისათვის დახმარების მიზნით: ა) აძლევს სათანადო  მითითებებს დეპარტამენტსა და ადგილობრივ კომისიებს; ბ) გამოითხოვს საჭირო ინფორმაციას შესაბამისი დაწესებულებებიდან. 4. წარმოდგენილი დოკუმენტაციების, ადგი­ლო­ბ­რი­ვი კომისიების რეკომენდაციებისა და წინამდებარე წესის გათვალისწინებით, დაზარალებულ ოჯახებზე კომპენსაციის გაცემის განხილვისას, ღებულობს ყველაზე მისაღებ გადა­წ­ყვე­ტი­ლე­ბას მოცემული ეტაპზე არსებული შესაძლებლობიდან გამომდინარე. 5. დაზარალებული ოჯახების დახმარების მიზნით, წარადგენს შესაბამის სარეკომენდაციო ხასიათის წინა­დადებებს მთავრობაში ან/და მთავრობის თავმჯდომარესთან. მუხლი 6🔗. დახმარება 1. დროის სხვადასხვა მონაკვეთში გაწეული დახმარება განისაზღვრება განხილვის ეტა­პი­სა­თვის არსებული შესაძლებლობებისა და შექმნილი გარემოებების გათვა­ლის­წი­ნე­ბით, რაც არ ითვალისწინებს მანამდე გაწეული დახმარების სტანდარტული ფორ­მა­ტის დაწე­სე­ბას. 2. დახმარების სახეები: ა) საცხოვრებელი პირობებით უზ­რუნველყოფა, რომელიც შეიძლება იყოს დროებითი (თავშესაფარი ხელმი­საწ­ვ­დომ საბინაო ფონდებში, ქირით უზრუნველყოფა ან სხვა ალ­ტერ­ნა­ტიული საშუალებების გამოძებნა) და გრძელვადიანი (გამოვლენილი საც­ხოვ­რე­ბე­ლი ფონდის რეზერვები, ბინების ან ინდივიდუალური სახლების მშენებლობა/შეძენა) განსახ­ლე­ბა როგორც რეგიონში ისე რეგიონის ფარგლებს გარეთ; ბ) ფინანსური დახმარება, რომელიც არ უნდა აღემატებოდეს დაზა­რა­ლე­­ბული ოჯა­ხი­სა­თვის საცხოვრებელი ფართის აშენების, აღდგენა/რეკონ­ს­ტ­რუ­ქ­ციის ან/და ადგილ­მო­ნაცვ­ლე­ობის მიზნით შესაბამისი სამსახურების/სპეციალისტების მიერ მომზადებულ ხარჯ­თ­აღ­რიცხვაზე მითითებულ ფულად ოდენობას. 3. საცხოვრებელი პირობებით უზ­რუნველყოფის დროს საცხოვრებელი ფარ­თის ადგილ­მ­დე­­ბარეობის შერჩევისას პრიორიტეტი მიენიჭება იმ მუნი­ციპა­ლი­ტე­ტებს, სადაც დაზარა­ლე­ბული ოჯახები ცხოვრობენ და შესა­ბა­მისად ინტეგრი­რე­ბუ­ლ­ნი არიან. 4. სამთავრობო კომისიამ ადგილობრივი კომისიების მიერ გაწეული არგუმენტირებული დასაბუთების საფუძველზე შეიძლება იმსჯელოს ისეთი დაზარალებული ოჯახის დახმა­რე­ბის თაობაზე, რომელსაც ადრე გაეწია ფინანსური ან/და სხვა სახის დახმარება, მაგრამ ვერ შეიქმნა უსაფრთხო საცხოვრისი. 5.დაზარალებული ოჯახი დაკმაყოფილებულად ჩაითვლება შეთავაზებული დახმარების თაობაზე, სათანადო მხარეებს შორის გაფორმებული წერილობითი შეთანხმების საფუძველზე. 6. დაზარალებულთა საცხოვრებელით უზრუნველყოფის პროცესში, სამთავრობო კომისია უფლებამოსილია მისცეს რეკომენდაცია აჭარის ავტონომიური რესპუბლიკის ფინანსთა და ეკონომიკის სამინისტროს, საცხოვრებელი ფართის გადაცემის თაობაზე შედგენილ ხელ­შეკრულებაში გაითვალისწინოს დაზარალებულისათვის ფართის გადა­ცე­მის სპეცია­ლუ­­რი პირობები (გადასაცემ ფართში რამდენიმე წლიანი სავალდებულო ცხოვრების პირობა, დაზიაინებული მიწის ფართის სახელმწიფოზე გადაცემა ან/და სპეციალური დამუშავების ვალდებულება და სხვა). მუხლი 7🔗. პრიორიტეტების განსაზღვრა დახმარების აღმოჩენის დროს 1. დაზარალებული ოჯახებისათვის დახმარების პროცესის გრძელ­ვა­დია­ნო­ბის გამო ეს წესი ითვალისწინებს მოცდისა და რიგითობის პრინციპს, რომლის დროსაც: ა) საცხოვრებელი ფართით ერთ ეტაპზე დაკმაყოფილების შემთხვევაში, პრიორიტეტი მიენიჭება ბუნებრივი მოვლენების, ანთროპოგენური და ტექნოგენური ხასიათის საგანგებო სიტუაციების შედეგად, მუდმივი საცხოვრებელი ადგილიდან იძულებით გადაადგილებას დაქვემდებარებულ ოჯახებს. გადაადგილებას დაქვემდებარებული  ოჯახების დაკმაყოფილებისას რიგითობის აუცილებლობის წარმოშობის შემთხვევაში დაზარალებულთაგან პრიორიტეტი მიენიჭებათ ამ წესის მე-7 მუხლის 1-ლი პუნქტის ,,ბ“ -ქვეპუნქტით განსაზღვრული პრიორიტეტის მიხედვით. ბ) დროის ერთ მონაკვეთში ფინანსური დახმარების მიღების შემთხვევაში, სტიქიით დაზარალებულთაგან პრიორიტეტი ენიჭებათ:   ბ.ა) მარჩენალდაკარგულების (ერთ-ერთი ან ორივე გარდაცვლილი მშობლის შვილი (შვილები) 18 წლის ასაკამდე) ოჯახებს; ბ.ბ) მრავალშვილიან  ოჯახებს (18 წლამდე ასაკის სამი და მეტი შვილი); ბ.გ) შეზღუდული შესაძლებლობების მქონე პირთა ოჯახებს; ბ.დ) მარტოხელა დედის (არარეგისტრირებული ქორწინებიდან დაბა­დე­ბუ­ლი­/შვილად აყვანილი ბავშვის/ბავშვების დედა, რომელიც დამოუ­კიდ­ებ­ლად ზრდის შვილს/შვილებს), ოჯახებს; გ) სოციალურად დაუცველი ოჯახების მონაცემთა ერთიან ბაზაში რეგის­ტ­რი­რე­ბულ ოჯახებს, რომელთაც მინიჭებული აქვთ 70 000-ის ჩათვლით სარეიტინგო ქულა; დ) ტერიტორიული მთლიანობისთვის ომში მონაწილეთა, ომში დაღუპულთა და/ან ომის ვეტერანთა დაზარალულ ოჯახებს; ე) დაზარალებულ ოჯახებს, რომლებიც ზემოაღნიშნულ ჩამონათვალში გათვა­ლის­წი­ნე­ბულ სტანდარტებს არ მიესადაგებიან, მაგრამ შექმნილი განსაკუთ­რებუ­ლი­ მიზეზის გამო შესაბამისი ადგილობრივი კომისიები უწევენ არგუმენტირებულ შუამდგომლობას. 2. აჭარის ავტონომიურ რესპუბლიკაში სტიქიის შედეგად დაზარალებული მოსახლეობის სოციალურ-სამართლებრივი მდგომარეობის შესწავლის, შეფასებისა და მათთვის დახ­მა­რე­ბის აღმოჩენის მიზნით წინამდებარე წესი გამიზნულია ზოგადი ხელმძღვა­ნე­ლო­ბი­სათვის, თუმცა აღნიშნულ წესში გათვალისწინებული ვერ იქნე­ბა ყველა შემთხვევა, რომლის წამოჭრის დროს უფლებამოსილმა ორგანომ უნდა იხელმძღვანელოს საჯარო და კერძო ინტერესების გათვალისწინებით და მიიღოს სათანადო გადა­წყვე­ტი­ლე­ბა. მუხლი 8🔗. გამგეობების/მერიის შუალედური როლი 1. აქტიურად თანამშრომლობს სამთავრობო კომი­სი­ა­ს­თან, დეპარტამენტსა და ნებისმიერ სხვა სამთავრობო თუ ადგილობრივ ორგანიზაციებთან, პრობლემის დროული რეაგი­რე­ბისა და ეფექტური გადაწყვე­ტი­ლე­ბის მიღების მიზნით. 2. ოპერატიულად აწვდის საჭირო ინფორმაციას დაინ­ტე­რე­სე­ბულ/უფლე­ბა­მ­ოსილ ორგა­ნოებს, წარადგენს სარეკომენდაციო წინადადებებს სტიქიისგან დაზარალებული ოჯახების დახმარებისა და ბუნებრივი მოვლენების, ანთროპოგენური და ტექნოგენური ხასიათის საგანგებო სიტუაციების წარმოქმნის საწინააღმდეგო ზომების გატარების თაობაზე. 3. მკაცრ კონტროლს აწესებს სტიქია საშიშ ზონებში ჩასახლების/მშენებლობის პროცესის მართლზომიერების თაობაზე. 4. წარადგენს ინფორმაციას მათდამი დაქვემდებარებულ ტერი­ტო­რი­ებ­ზე მიწისა ან/და საცხოვრებელი ფართების სარეზერვო ფონდების არსებობის შესა­ხებ. მუხლი 9🔗. მართვა და კოორდინაცია 1. სამთავრობო კომისიის მიერ მიღებული გადაწყვეტილებები იქნება კონკ­რე­ტუ­ლი და დროში გაწერილი, ხოლო საჭიროების შემთხვევაში დაეფუძნება კომპეტენტურ ტექ­ნიკურ ექსპერტიზას და სპეცია­ლის­ტე­ბის რჩევებს. 2. სამთავრობო კომისიის მიერ გაკეთებული რეკომენდაციები და წინა­და­დე­ბები მთავრობასა და მთავრობის თავმჯდომარეს შეიძლება მიეწოდოს სტრატეგიის, გეგმის ან  სხვა სახით – წერილობითი ფორმით. 3. სამთავრობო კომისია უზრუნველყოფს გან­ხორ­ციელებული ღონისძიებების გამჭვირ­ვა­ლო­ბას, ფინანსური და ტექნიკური მხარ­დაჭერის აღმო­ჩენის მიზნით სხვადასხვა სამთავ­რო­ბო, საერთა­შო­რისო და არასამთავრობო ორგანიზაციებთან ურთიერთობას. მუხლი 10🔗. წესში ცვლილებებისა და დამატებების შეტანა ამ წესში ცვლილებებისა და დამატებების შეტანა ხორციელდება საქართველოს კანონმდებლობით დადგენილი წესით.                                                                                                             დანართი №2 სტიქიის შედეგად დაზარალებული ოჯახის სოციალურ-სამართლებრივი შესწავლის ცხრილი დაზარალებულის სახელი, გვარი ....................................................... პირადი № ადგილობრივი კომისიის მიერ მინიჭებული დაზარალების კატეგორია  ფაქტობრივი საცხ/მის: ტელ/მობ. №- დაზარალებულის ოჯახის შემადგენლობა № სახელი  გვარი პირადი № ნათესაური კავშირი 1 2 3 4 5 6 7 8 ოჯახის სოციალურ-ეკონომიური მდგომარეობის მოკლე აღწერა შესაბამისი სამსახურების/სპეციალისტების მიერ,დაზარალებულის სახლზე სტიქიური მოვლენის შედეგად მიღებული ზიანის ამსახველი მოკლე ინფორმაცია ხარჯთაღრიცხვა (ლარებში)  საკუთრ/მფლ-ში არსებული სხვა საცხ.  ან/და მიწის ფართი.  ამ წესის მე-7 მუხლის 1-ლი პუნქტის ,,ბ“ -ქვეპუნქტით განსაზღვრული ოჯახის  სოციალური  სპეციფიკა სარეიტინგო ქულა -სოც.დაუცველთა ერთიან ბაზაში