საქართველოს დაზვერვის სამსახურის დებულების დამტკიცების შესახებ

საქართველოს დაზვერვის სამსახურის დებულების დამტკიცების შესახებ საქართველოს მთავრობის დადგენილება №175 2014 წლის 19 თებერვალი    ქ.თბილისი საქართველოს დაზვერვის სამსახურის დებულების დამტკიცების შესახებ მუხლი 1🔗 „საქართველოს დაზვერვის სამსახურის შესახებ“ საქართველოს კა­ნონის მე-8 მუხლის მე-3 პუნქტის შესაბამისად, დამტკიცდეს საქართ­ვე­ლოს დაზვერვის სამსახურის თანდართული დებულება. მუხლი 2🔗 დადგენილება ამოქმედდეს გამოქვეყნებისთანავე. პრემიერ-მინისტრიირაკლი ღარიბაშვილი საქართველოს დაზვერვის სამსახურის დებულება თავი I ზოგადი დებულებანი მუხლი 1🔗. საქართველოს დაზვერვის სამსახური (შემდეგში – სამსახური) არის საქართველოს პრემიერ-მინისტრის უშუალო დაქვემდებარებაში არ­სებუ­­ლი აღმასრულებელი ხელისუფლების სპეციალური დანიშნუ­ლე­ბის დაწე­სებულება, რომელიც საქართველოს ეროვნული ინტერესების გატა­რე­ბისა და  დაცვის მიზნით ახორციელებს სადაზვერვო საქმიანობას. მუხლი 2🔗 თავისი ამოცანების განხორციელებისას სამსახური წარმოადგენს სახე­ლმწიფოს. მუხლი 3🔗 სამსახური თავის საქმიანობას წარმართავს საქართველოს კონსტი­ტუ­ციის, საქართველოს საერთაშორისო ხელშეკრულებებისა და შეთანხ­მე­ბების, „საქართველოს დაზვერვის სამსახურის შესახებ“ და „სადაზვერვო საქ­მი­ანობის შესახებ“ საქართველოს კანონების, ასევე, საქართველოს სხვა საკა­ნონ­­მდებლო და კანონქვემდებარე ნორმატიული აქტე­ბის, ამ დებულე­ბი­სა და შიდაუწყებრივი სამართლებრივი აქტების სა­ფუძველზე. მუხლი 4🔗 სამსახური არის ერთიანი, ცენტრალიზებული სისტემა და ეფუ­ძ­ნება ერ­თმმართველობის პრინციპს. მუხლი 5🔗 სამსახური თავის საქმიანობაში დამოუკიდებელია და ანგარი­შვალ­დებულია საქართველოს პრემიერ-მინისტრის წინაშე. სამსახურზე სამსა­ხურებრივ ზედამხედველობას ახორციელებს საქართველოს პრე­მიერ-მი­ნის­ტრი. მუხლი 6🔗 სამსახურის დაფინანსების წყაროა სახელმწიფო ბიუჯეტი. სამ­სახურს აქვს ბეჭედი საქართველოს სახელმწიფო გერბის გამოსახუ­ლე­ბითა და თა­ვისი სახელწოდებით და დამოუკიდებელი ბალანსი. სამ­სახურს აქვს კანონ­მდებლობით დადგენილი წესით დამტკიცებული საუწყებო დროშა და ემბ­ლემა. სამსახურის იურიდიული მისამართია: საქა­რთველო, ქ. თბილისი, 0179, კეკელიძის  ქ. № 4. მუხლი 7🔗 საკუთარი საქმიანობის კონსპირაციის უზრუნველყოფის მიზნით, სამ­სა­ხურის სტრუქტურულ დანაყოფებს შეუძლიათ გამოიყენონ პირობითი და­სა­ხელება და შესაბამისი რეკვიზიტები (ბეჭედი პირობითი დასახე­ლე­ბით, განსხვავებული საბანკო რეკვიზიტები და სხვ.). თავი II სამსახურის საქმიანობის სფერო, ფუნქციები და ამოცანები მუხლი 8🔗 სამსახური აწარმოებს სადაზვერვო საქმიანობას პოლიტიკურ, ეკო­ნომიკურ, სამეცნიერო-ტექნიკურ, სამხედრო-პოლიტიკურ, ინფორმა­ციულ, ეკო­ლოგიურ სფეროებში, ასევე, თავისი კომპეტენციის ფარგლებში მონა­წი­ლეობს საერთაშორისო ტერორიზმთან ბრძოლაში. მუხლი 9🔗 სამსახურის საქმიანობის სფერო, ძირითადი ფუნქციები და ამო­ცანებია: ა) საქართველოს ხელისუფლების უმაღლესი ორგანოების მიერ ეროვ­ნული უსაფრთხოების პოლიტიკის შემუშავებისა და გატარებისათვის ხელ­შე­წყობის მიზნით შესაბამისი სადაზვერვო ინფორმაციის მოპოვება-შეგრო­ვე­ბა, დამუშავება, ანალიზი, რეკომენდაციის შემუშავება და გავრცელება (მიწოდება); ბ) საქართველოს ეროვნული ინტერესების წინააღმდეგ მიმართული არსე­ბული და პოტენციური საგარეო საფრთხეების, რისკებისა და გამოწვე­ვების განსაზღვრა-გამოვლენა; გ) კომპეტენციის ფარგლებში ეროვნული, რეგიონალური და გლობა­ლური უსაფრთხოების პრობლემებთან დაკავშირებული საკითხების დამუ­შავება, მოვლენების შესაძლო განვითარების პროგნოზირება და კრიზი­სული სიტუაციის არსებობის ან მისი წარმოქმნის საფრთხის შემთხვევაში ქვეყნის ხელისუფლებისათვის  შესაბამისი შეფასებების და წინადადებების მიწოდება; დ) უსაფრთხოებისა და საგარეო პოლიტიკის სფეროებში საქართ­ვე­ლოს ეროვნული ინტერესების გატარებისა და დაცვისათვის ხელშეწყობის მიზ­ნით, უმაღლესი ხელისუფლების ორგანოებთან შეთანხმებით, სპეცია­ლუ­რი ფარული ღონისძიებების განხორციელება; ე) საზღვარგარეთის პირობებში საკუთარი ძალების, საშუალებებისა და ოპერაციების, ასევე, საქართველოს დიპლომატიური წარმომა­დგენ­ლო­ბების და საკონსულო დაწესებულებების და მათი საქმიანობის უსაფრთ­ხოე­ბის უზრუნველყოფის მიზნით საგარეო კონტრდაზვერვითი საქმია­ნობის გან­ხორციელება. თავი III სამსახურის საქმიანობის ძირითადი მიმართულებები და უფლებამოსილებანი მუხლი 10🔗 სამსახურის საქმიანობის ძირითადი მიმართულებები განისაზღვრება „სადაზვერვო საქმიანობის შესახებ“ საქართველოს კანონითა და საქარ­თველ­ოს პრემიერ-მინისტრის მიერ დამტკიცებული ეროვნული სადაზ­ვერ­ვო პროგრამით. მუხლი 11🔗  საკუთარი ფუნქციების განხორციელების და მის წინაშე მდგარი ამო­ცა­ნების გადაწყვეტის მიზნით, სამსახური: ა) კომპეტენციის ფარგლებში ახორციელებს საქართველოს პრემიერ-მინის­ტრის მიერ დამტკიცებულ ეროვნულ სადაზვერვო პროგრამას და მის საფ­უძველზე შეიმუშავებს სადაზვერვო დავალებებს; ბ) დამტკიცებული რიცხოვნობისა და ორგანიზაციული სტრუქტურის ფარგლებში ქმნის აუცილებელ ქვედანაყოფებს, სპეციალური მომზადების, სა­მე­ცნიერო-კვლევით, სამედიცინო-პროფილაქტიკურ დაწესებულებებს, არ­ქივს, უშვებს სპეციალურ გამოცემებს; გ) შეიმუშავებს და ახორციელებს სადაზვერვო საქმიანობის უსაფრ­თ­ხო­ებისა და განვითარებისათვის აუცილებელ სპეციალურ პროგრამებს; დ) ნებაყოფლობის საფუძველზე ღიად ან კონფიდენციალურად თანამ­შრო­მლობს საქართველოსა და უცხო ქვეყნის მოქალაქეებთან, მოქა­ლა­ქეობის არმქონე პირებთან, ქმნის სადაზვერვო პოზიციებს; ე) სამსახურში არსებულ, აგრეთვე, ყველა წყაროდან მოპოვე­ბუ­ლი/მიღებული ინფორმაციის ანალიზის საფუძველზე ქმნის საბოლოო სა­დაზ­­ვერვო ინფორმაციას (სადაზვერვო პროდუქტს); ვ) სადაზვერვო საქმიანობის განხორციელების მიზნით  აწარმოებს სადა­ზვერვო ინფორმაციის გაცვლის კოორდინაციას  საქართველოს დაზვე­რ­ვის სისტემაში შემავალ დაწესებულებებს შორის; ზ) კომპეტენციის ფარგლებში მონაწილეობს საქართველოს წინააღ­მდეგ მიმართული უცხო ქვეყნების სადაზვერვო საქმიანობის გამოვლენის, აგრე­თვე, საერთაშორისო ტერორიზმის წინააღმდეგ ბრძოლის  ღონისძი­ებე­ბში; თ) სადაზვერვო ინფორმაციის მოსაპოვებლად იყენებს ოპერატიულ, ოპერ­ატიულ-ტექნიკურ, საინჟინრო-ტექნიკურ, რადიოელექტრონულ და სხვა სპეციალურ საშუალებებს; ი) კონსპირაციის მიზნით, სადაზვერვო საქმიანობის აუცილებ­ლო­ბიდან გამომდინარე, ქმნის სხვადასხვა სამართლებრივი ფორმის ორგა­ნიზ­ა­ციებს; კ) კანონმდებლობით დადგენილი წესით ახორციელებს სახელმწიფო საიდუმლოების რეჟიმის დაცვის მეთოდურ, ორგანიზაციულ, ორგანიზა­ციულ-ტექნიკურ ღონისძიებებს როგორც საკუთარ ქვედანაყოფებში, ისე საქართველოს დიპლომატიურ წარმომადგენლობებსა და საკონსულო და­წესე­ულებებში; ლ) კანონმდებლობით დადგენილი წესით უზრუნველყოფს საკუთარ უსაფრთხოებას. თავისი მოსამსახურეებისა და მათი ოჯახის წევრების, ოპე­რა­ტი­ული ინფორმაციის წყაროების, საინფორმაციო და კავშირგაბმუ­ლობის სისტემების, საინფორმაციო მონაცემთა ბაზების, საკუთარი დოკუ­მენ­ტაციის, შენობა-ნაგებობების, სატრანსპორტო საშუალებების, სხვა ქონე­ბის უსა­ფ­რთხოების უზრუნველყოფის მიზნით ახორციელებს ოპერა­ტიულ, ოპე­რატიულ-ტექნიკურ და საინჟინრო-ტექნიკურ ღონი­სძი­ებებს; მ) საკუთარი უსაფრთხოების უზრუნველყოფის მიზნით  თანამშრო­მ­ლობს საქართველოს სხვა სახელმწიფო სტრუქტურებთან; ნ) სადაზვერვო ინფორმაციის დასაცავად სხვა მეთოდებთან ერთად ქმნის და/ან იყენებს კრიპტოგრაფიულ სისტემებსა და შიფრებს; ო) კომპეტენციის ფარგლებში ახორციელებს ოპერატიულ-სამძებრო საქ­მია­ნობას; პ) აუცილებლობის შემთხვევაში, ახორციელებს თავისი დოკუ­მენტა­ციის, საკადრო შემადგენლობის, ქვედანაყოფების, შენობა-ნაგებობებისა და სატრანსპორტო საშუალებების შენიღბვასა და დაშიფრვას, მათ შორის სხვა­დასხვა დოკუმენტების, სატრანსპორტო საშუალების სანომრე და სხვა ამო­სა­ცნობი ნიშნების გამოყენებით; ჟ) საწარმოებთან, დაწესებულებებსა და ორგანიზაციებთან (მათი სამა­რთლებრივი ფორმის მიუხედავად) დებს შესაბამის შეთანხმებებს, სადაზ­ვერვო საქმიანობის აუცილებლობიდან გამომდინარე; რ) შეიმუშავებს სამსახურის წლიური და გრძელვადიანი ბიუჯეტის პრო­ექტებს; ს) გლობალურ და რეგიონალურ საფრთხეებთან დაკავშირებულ საკ­ი­თხებზე თანამშრომლობს უცხო ქვეყნების შესაბამის სამსახურებთან. ტ) ახორციელებს საქართველოს კანონმდებლობით მინიჭებულ სხვა უფ­ლებამოსილებებს. თავი IV სამსახურის უფროსი მუხლი 12🔗 1. სამსახურს ხელმძღვანელობს სამსახურის უფროსი, რომელსაც თა­ნამ­დებობაზე ნიშნავს და თანამდებობიდან ათავისუფლებს საქართველოს პრე­­მიერ-მინისტრი. 2. სამსახურის უფროსი არის საქართველოს პრემიერ-მინისტრის მთა­ვარი მრჩეველი დაზვერვის საკითხებში. მუხლი 13🔗 სამსახურის უფროსი: ა) წარმოადგენს სამსახურს და ხელმძღვანელობს სამსახურის საქმია­ნობას; ბ) ხელმძღვანელობს საქართველოს პრემიერ-მინისტრის მიერ დამტ­კიცე­ბული ეროვნული სადაზვერვო პროგრამის განხორციელებას; გ) ეროვნული სადაზვერვო პროგრამიდან გამომდინარე განსაზღვრავს სამ­სა­ხურის სადაზვერვო საქმიანობასთან დაკავშირებულ ამოცანებსა და პრი­ორიტეტებს; დ) უზრუნველყოფს სადაზვერვო ინფორმაციის მიწოდებას ხელისუ­ფლების უმაღლესი ორგანოებისა და შესაბამისი სამთავრობო დაწესე­ბუ­ლებებისათვის; ე) კოორდინაციას უწევს სადაზვერვო ინფორმაციის დაცვის  კრიპტო­გრა­ფიული საშუალებებისა და შიფრების სახელმწიფო სტანდარტების შექმნასა და დანერგვას; ვ) პასუხისმგებელია სამსახურის კომპეტენციას მიკუთვნებულ სფე­როე­ბში საქართველოს კონსტიტუციის, საქართველოს კანონებისა და კან­ონ­ქვემდებარე აქტების შესრულებაზე; ზ) ამტკიცებს სამსახურის სტრუქტურული ქვედანაყოფების დებუ­ლე­ბებს; თ) სამსახურის გამგებლობის სფეროს მიკუთვნებული საკითხების გა­დაწყვე­ტის მიზნით, საქართველოს კანონმდებლობის საფუძველზე გამოს­ცემს სამართლებრივ აქტებს და კონტროლს უწევს მათ შესრულებას; ი) ამტკიცებს სამსახურის სტრუქტურული ქვედანაყოფების   თანამ­შრო­მე­ლთა ფუნქციონალურ მოვალეობებს; კ) თანამდებობაზე ნიშნავს და თანამდებობიდან ათავისუფლებს სამ­სა­ხურის მოსამსახურეებს; ლ) დადგენილი წესით განკარგავს სამსახურის ფულად სახსრებსა და მატე­რიალურ ფასეულობებს; მ) მოქმედი კანონმდებლობის შესაბამისად საწარმოებთან, დაწესებუ­ლებებთან და ორგანიზაციებთან (მიუხედავად მათი სამართლებრივი ფორ­მისა) დებს ხელშეკრულებებსა და შეთანხმებებს; ნ) საზღვარგარეთ საქართველოს დიპლომატიურ წარმომადგე­ნლო­ბებში შესაბამისი ქვეყნის სპეცსამსახურის ხელმძღვანელობასთან შეთან­ხმე­ბით განსაზღვრული ამოცანების შესასრულებლად მიავლენს დაზვერვის ოფი­­ციალურ წარმომადგენლებს; ო) საზღვარგარეთ საქართველოს დიპლომატიური წარმომადგენ­ლო­ბების, საკონსულო დაწესებულებებისა და სხვა ოფიციალური წარმო­მად­გენ­ლობების, მათი პერსონალის, საქმიანობის, უსაფრთხოების უზრუნ­ველ­ყოფისა და საიდუმლოების რეჟიმის დაცვის მიზნით მიავლენს უსაფრ­თხო­ების ოფიცერს; პ) საქართველოს პრემიერ-მინისტრთან შეთანხმებით სადაზვერვო საქ­მ­ია­ნობიდან გამომდინარე სახელმწიფო სტრუქტურებში ნიშნავს დაზ­ვერვის ოფიცერს; ჟ) აუცილებლობის შემთხვევაში, ხელშეკრულების საფუძველზე სამსა­ხუ­რში იწვევს მაღალკვალიფიციურ სპეციალისტებს; რ) ხელმძღვანელობს სამსახურის სამობილიზაციო მზადყოფნას და საჭი­როების შემთხვევაში, უზრუნველყოფს პირადი შემადგენლობის გა­დაყ­ვანას სამსახურის განსაკუთრებულ რეჟიმზე; ს) სამსახურის მოსამსახურეებს კანონმდებლობით დადგენილი წესით ანი­ჭებს სახელმწიფო-სპეციალურ ან სამხედრო წოდებებს პოლკოვნიკის ჩათ­­ვლით, ასევე, საკლასო ჩინებს; ტ) კანონმდებლობით დადგენილი წესით მოსამსახურეებზე გასცემს სამსა­ხურებრივ მოწმობებს, სამსახურებრივ-საშტატო და სამხედრო-საბრძო­ლო იარაღს, აგრეთვე, სხვა სპეციალურ საშუალებებს; უ) საქართველოს კანონმდებლობის შესაბამისად იღებს გადაწყვე­ტილებას სამსახურის იმ სამხედრო მოსამსახურეთათვის სამსახურის გაგრ­ძელების შესახებ, რომლებმაც მიაღწიეს სამხედრო სამსახურში ყოფნის ზღვ­რულ ასაკს, გარდა პოლკოვნიკთა და უმაღლესი სამხედრო წოდების ოფი­ცერთათვის; ფ) საქართველოს პრემიერ-მინისტრს განსახილველად წარუდგენს წი­ნა­დადებებს სადაზვერვო საქმიანობის მარეგულირებელი შესაბამისი კანონმდებლობის სრულყოფისათვის; ქ) დადგენილი წესით აღძრავს შუამდგომლობას სამსახურის მოსამსა­ხურ­ეებისა და უცხო ქვეყნის მოქალაქეების საქართველოს სახელმწიფო ჯილდოებით დაჯილდოებისა და მათთვის საპატიო წოდებების მინიჭების შესახებ; ღ) განსაზღვრავს ფულადი ჯილდოს (პრემია), აგრეთვე, განსაკუთ­რებულ შემთხვევებში,  ერთჯერადი დახმარების ოდენობას; ყ) წაახალისებს და დისციპლინურ პასუხისმგებლობას აკისრებს სამსა­ხუ­რის მოსამსახურეებს; შ) კანონმდებლობით დადგენილი წესით ასაჩუქრებს და/ან აჯილ­დოებს პირებს სამსახურის წინაშე მდგომი ამოცანების შესრულებაში აქტი­ური დახმარებისათვის; ჩ) ამტკიცებს სამსახურის სამხედრო ან სპეციალური წოდების მქონე მო­სამ­სახურეთათვის სამსახურის საუწყებო ფორმის ნიმუშებს და მათი ტარების წესს; ც) ამტკიცებს სამსახურის უწყებრივი მედლების ფორმასა და მედ­ლებ­ით დაჯილდოების წესს; ძ) სახელმწიფო ბიუჯეტიდან გამოყოფილი ასიგნებების ფარგლებში სამსა­ხურის მოსამსახურეთათვის განსაზღვრავს სოციალური დაცვის და­მატ­ებით ღონისძიებებსა და შეღავათებს; წ) წარმოადგენს სამსახურს საერთაშორისო და სხვა ორგანიზაციებთან ურ­თიერთობაში; ჭ) ახორციელებს სადაზვერვო ინფორმაციის მოპოვებას და საქართ­ვე­ლოს კანონმდებლობით მინიჭებულ სხვა უფლებამოსილებებს. თავი V სამსახურის უფროსის მოადგილეები მუხლი 14🔗 სამსახურის უფროსს ჰყავს პირველი მოადგილე და მოადგილე. მუხლი 15🔗 სამსახურის უფროსის პირველ მოადგილესა და მოადგილეს სამ­სახურის უფროსის წარდგინებით თანამდებობაზე ნიშნავს და თანამდე­ბო­ბიდან ათავისუფლებს საქართველოს პრემიერ-მინისტრი. მუხლი 16🔗 1. სამსახურის უფროსის პირველი მოადგილისა და მოადგილის უფ­ლე­ბამოსილება განისაზღვრება სამსახურის უფროსის სამართლებრივი აქტით. 2. სამსახურის უფროსის არყოფნისას, სამსახურის უფროსის გადა­წყვე­ტი­­ლებით, მის მოვალეობას ასრულებს ერთ-ერთი მოადგილე. თავი VI სამსახურის სტრუქტურული ქვედანაყოფები და მათი ამოცანები მუხლი 17🔗 სამსახურის სტრუქტურული ქვედანაყოფებია: ა) ოპერატიული დირექტორატი – უზრუნველყოფს სამსახურის უფ­რო­სის მიერ დამტკიცებული სადაზვერვო გეგმის შესაბამისად სადაზვერვო ინფორ­მაციის მოპოვებას ოპერატიული წყაროებიდან, მათ შორის, ტექ­ნიკური საშუალებების გამოყენებით, ახორციელებს საგარეო კონტრ­დაზვე­რვით საქმიანობას; ბ) ანალიტიკური დირექტორატი - უზრუნველყოფს ღია წყაროებიდან სადა­ზვერვო ინფორმაციის მოძიებას, სამსახურის მიერ მოპოვებული და სამსა­ხურში შესული სადაზვერვო ინფორმაციის დაგროვებას, სისტემურ დამუშავებას და ანალიზს, ასევე, სამსახურის მიერ გასავრცელებელი დო­კუმენტების მომზადებას; გ) ადმინისტრაციული დირექტორატი - ახორციელებს სამსახურის საკადრო, სამართლებრივ, საფინანსო-სამეურნეო, მატერიალურ უზრუ­ნვე­ლყოფას, საიდუმლო და არასაიდუმლო საქმისწარმოებას, საპროტო­კო­ლო ღონისძიებებს, სამსახურის საზოგადოებასთან და მასობრივი ინფორ­მაციის საშუალებებთან ურთიერთობის კოორდინაციას, ასევე, სადაზვერვო ინ­ფო­რმაციის მოპოვებას; დ) უსაფრთხოების დირექტორატი - უზრუნველყოფს სამსახურის საკუთარ უსაფრთხოებას, ახორციელებს სამსახურის სტრუქტურული დანა­ყოფების საქმიანობის ინსპექტირებას, ასევე, სადაზვერვო ინფორმაციის მო­პოვებას; ე) სპეციალური მომზადებისა და გადამზადების ცენტრი (დირექ­ტო­რატი) – უზრუნველყოფს მოსამსახურეთა სპეციალურ მომზა­დებას, კვალი­ფიკაციის ამაღლებას და გადამზადებას, სამეცნიერო-კვლევით საქმი­ანო­ბას, ასევე, სხვა სახელმწიფო უწყებების მოსამსახურეთა სპეცი­ა­ლურ მომ­ზა­დებას; ვ) არქივი (სამმართველო) - უზრუნველყოფს ოპერატიულ აღრიცხვას და საარქივო საქმისწარმოებას.