„საქართველოს სოფლის მეურნეობის სამინისტროს ცენტრალური აპარატის მოხელეთა ვაკანტური თანამდებობების დასაკავებლად კანდიდატებისათვის დამატებითი საკვალიფიკაციო მოთხოვნების და საკონკურსო თემატიკის დამტკიცების თაობაზე“ საქართველოს სოფლის მეურნეობის მინისტრის 2013 წლის 13 ნოემბრის №2-247 ბრძანებაში ცვლილების შეტანის შესახებ

საქართველოს სოფლის მეურნეობის მინისტრის

2014 წლის 27 თებერვალი

ქ. თბილისი

ა) დანართს დაემატოს შემდეგი შინაარსის 8¹ და 8² მუხლები:

„მუხლი 8¹

ნიადაგის რესურსების მართვის სამმართველოს უფროსის თანამდებობის დასაკავებლად კანდიდატებისათვის დამატებითი საკვალიფიკაციო მოთხოვნებია:

ა) უმაღლესი  ტექნიკური  განათლება:

ბ) არანაკლებ 4-წლიანი სამუშაო გამოცდილება, მელიორაციის სფეროში არანაკლებ   2-წლიანი სამუშაო გამოცდილება;

გ) სავალდებულოა ინგლისური ან რუსული  ენის  ცოდნა;

დ) საოფისე კომპიუტერული პროგრამების ცოდნა (microsoft word, microsoft  Office Outlook, power point).

მუხლი 8²

ნიადაგის რესურსების მართვის სამმართველოს  მთავარი სპეციალისტის თანამდებობის დასაკავებლად კანდიდატებისათვის დამატებითი საკვალიფიკაციო მოთხოვნებია:

ა) უმაღლესი  ტექნიკური განათლება;

ბ) არანაკლებ  2-წლიანი სამუშაო გამოცდილება, მელიორაციის სფეროში მუშაობის  არანაკლებ 1-წლიანი გამოცდილება;

გ) სავალდებულოა ინგლისური ან რუსული ენის ცოდნა;

დ) საოფისე კომპიუტერული პროგრამების ცოდნა (Microsoft Word, Microsoft  Office Outlook, Excel, power point).“

ბ) დანართის მე-9 მუხლს დაემატოს შემდეგი შინაარსის მე-3 პუნქტი:

„3. საქართველოს სოფლის მეურნეობის სამინისტროს მელიორაციის პოლიტიკის დეპარტამენტის ნიადაგის რესურსების მართვის სამმართველოს მოხელეთა ვაკანტური თანამდებობების დასაკავებლად კანდიდატებისათვის დამტკიცდეს შემდეგი საკონკურსო თემატიკა:

ა) საქართველოს კონსტიტუცია -  I-II თავები;

ბ) „საჯარო სამსახურის შესახებ“ საქართველოს კანონი;

გ) „საქართველოს მთავრობის, სტრუქტურის, უფლებამოსილებისა და საქმიანობის წესის შესახებ“ საქართველოს კანონი;

დ) „ნიადაგის დაცვის შესახებ“ საქართველოს კანონი;

ე) „ნიადაგების კონსერვაციისა და ნაყოფიერების აღდგენა-გაუმჯობესების შესახებ“ საქართველოს კანონი;

ვ) „საქართველოს სოფლის მეურნეობის სამინისტროს დებულების დამტკიცების შესახებ“ საქართველოს  მთავრობის 2012 წლის 28 დეკემბრის №485 დადგენილება;

ზ) „ტექნიკური რეგლამენტის - „ნიადაგის ნაყოფიერების დონის განსაზღვრის” და „ნიადაგის კონსერვაციისა და ნაყოფიერების მონიტორინგის” დებულებების დამტკიცების შესახებ“ საქართველოს მთავრობის 2013 წლის 31 დეკემბრის №415 დადგენილებით  დამტკიცებული  „ნიადაგის ნაყოფიერების დონის განსაზღვრის შესახებ“ დებულება.“