,,ლენტეხის მუნიციპალიტეტის 2014 წლის ადგილობრივი ბიუჯეტიდან სოციალური დახმარების გაცემის წესის დამტკიცების შესახებ“ ლენტეხის მუნიციპალიტეტის საკრებულოს 2014 წლის 31 იანვრის N03 დადგენილებაში ცვლილების შეტანის თაობაზე
🕸️ გრაფი — კავშირების ვიზუალიზაცია
📥 უკუმითითებები — 1 დოკუმენტი
მუნიციპალიტეტისა და თვითმმართველი ქალაქის საკრებულოს დადგენილება (1)
დოკუმენტის ტექსტი
|
ლენტეხის მუნიციპალიტეტის საკრებულოს დადგენილება №7 |
|
2014 წლის 28 თებერვალი დ. ლენტეხი |
„1. მძიმე ავადმყოფს (სიმსივნე III-ე, IV-ე სტადია, ასციტი, თირკმლის ქრონიკული უკმარისობა, ტეტრაპლეგია, გემიპლეგია, გულისა და ფილტვის II-III ხარ. უკმარისობა) და სხვა ქრონიკული დაავადებები. დახმარება გაეწევა ერთჯერადად, თანხის მაქსიმალური ოდენობა შეადგენს 200 ლარს.
2. დახმარება გაიცემა მძიმე კატეგორიის ავადმყოფებზე, რომლებიც პირველი ჯგუფის ინვალიდები არიან. ფორმა 100 გაიცემა უბნის ექიმების მიერ ნებისმიერი დიაგნოსტიკური ცენტრების გამოკვლევების და დიაგნოზის დადგენის შემდეგ. მძიმე ავადმყოფმა ან მისი ოჯახის სრულწლოვანმა წევრმა თანხის მისაღებად მუნიციპალიტეტში უნდა წარადგინოს:
ა) წერილობითი განაცხადი მუნიციპალიტეტის გამგებლის სახელზე;
ბ) განმცხადებლის (პაციენტის) პირადობის მოწმობის ასლი;
გ) ცნობა ჯანმრთელობის მდგომარეობის შესახებ (ფორმა №100), რომელიც შევსებული იქნება ნებისმიერი დიაგნოსტიკური ცენტრის გამოკვლევის საფუძველზე;
დ) ბანკში გახსნილი პირადი ანგარიშის რეკვიზიტები.“.
„3. ,,ბ“ შეზღუდული შესაძლებლობის მქონე პირებს, რომლებიც ვერ ახერხებენ დამოუკიდებლად გადაადგილებას (ცერებრალური დამბლა, დაუნის სინდრომი, ლეიკემია, შიდსი), ბავშვობიდან სრული სიბრმავე და გონებრივად ჩამორჩენილი პირები იმბეცილობის სტადიით დახმარება გაიცეს ყოველთვიურად 30 (ოცდაათი) ლარის ოდენობით.“.
|