„საქართველოს შეიარაღებული ძალების გენერალური შტაბის სამედიცინო დეპარტამენტის დებულების დამტკიცების შესახებ" საქართველოს თავდაცვის მინისტრის 2013 წლის 10 ოქტომბრის №1197 ბრძანებაში ცვლილების შეტანის თაობაზე

საქართველოს თავდაცვის მინისტრის

2014 წლის 6 მარტი

ქ. თბილისი

1. მე-2 მუხლს დაემატოს „ო¹“, „ო²“ და „ო³“ ქვეპუნქტები შემდეგი რედაქციით:

„ო¹) შეიარაღებული ძალების ქვედანაყოფებიდან სამედიცინო მომართვის საფუძველზე, პაციენტთა ფსიქიკური მდგომარეობის შეფასება, მონიტორინგი და შესაბამისი სამედიცინო რეკომენდაციის მომზადება;

ო²) სამშვიდობო მისიაში წარსაგზავნი და სამშვიდობო მისიიდან დაბრუნებული პირადი შემადგენლობის ფსიქოლოგიური მდგომარეობის შეფასება, ფსიქოლოგიური დახმარების გაწევა და შესაბამისი სამედიცინო რეკომენდაციების მომზადება, ასევე სამშვიდობო მისიაში დაშავებული პირადი შემადგენლობის  ფსიქოლოგიური დახმარება რეაბილიტაციის პროცესში;

ო³) სამინისტროს სამოქალაქო ოფისის, გენერალური შტაბის სტრუქტურული ქვედანაყოფების და სახმელეთო ჯარების სარდლობის მოსამსახურეთა  გადაუდებელი პირველადი სამედიცინო დახმარება;“.

2. მე-3 მუხლის მე-4 პუნქტი ჩამოყალიბდეს შემდეგი რედაქციით:

„4. დეპარტამენტის უფროსს ჰყავს ორი მოადგილე, რომლებსაც დეპარტამენტის უფროსის შუამდგომლობით და გენერალური შტაბის უფროსის წარდგინებით თანამდებობაზე ნიშნავს და თანამდებობიდან ათავისუფლებს მინისტრი.“.

3. მე-4 მუხლის:

ა) პირველი პუნქტის „დ“ ქვეპუნქტი ამოღებულ იქნეს;

ბ) პირველ პუნქტს დაემატოს „ე“ და „ვ“ ქვეპუნქტები შემდეგი რედაქციით:

„ე) რეაბილიტაციის კონტროლისა და მონიტორინგის სამმართველო;

ვ) ფსიქოლოგიური მონიტორინგისა და შეფასების სამმართველო.“;

გ) მე-2 პუნქტს დაემატოს „ე“ ქვეპუნქტი შემდეგი რედაქციით:

„ე) სამინისტროს სამოქალაქო ოფისის, გენერალური შტაბის სტრუქტურული ქვედანაყოფების და სახმელეთო ჯარების სარდლობის მოსამსახურეთა  გადაუდებელი პირველადი სამედიცინო დახმარება.“;

დ) მე-5 პუნქტი ამოღებულ იქნეს.

4. მე-4 მუხლს დაემატოს 5¹ და 5² პუნქტები შემდეგი რედაქციით:

„5¹. რეაბილიტაციის კონტროლისა და მონიტორინგის სამმართველო:

ა) ქვეყნის შიგნით და საერთაშორისო მისიებში დაშავებულების სარეაბილიტაციო მკურნალობის მონიტორინგი;

ბ) კომპეტენციის ფარგლებში საქართველოს სამხედრო და სამოქალაქო, ასევე პარტნიორი ქვეყნების სპეციალიზირებული პროფილის სამედიცინო დაწესებულებების რესურსების გამოყენება;

გ) ჩატარებული სარეაბილიტაციო მკურნალობის მონიტორინგის განხორციელება. 

5². ფსიქოლოგიური მონიტორინგისა და შეფასების სამმართველო:

ა) შეიარაღებული ძალების ქვედანაყოფებიდან სამედიცინო მომართვის საფუძველზე, პაციენტთა ფსიქიკური მდგომარეობის შეფასება, მონიტორინგი და შესაბამისი სამედიცინო რეკომენდაციის მომზადება;

ბ) სამშვიდობო მისიაში წარსაგზავნი პირადი შემადგენლობის დამატებითი ფსიქოლოგიური მდგომარეობის შეფასება და საჭიროების შემთხვევაში, ზემდგომი ხელმძღვანელობისათვის შესაბამისი რეკომენდაციების წარდგენა;

გ) სამშვიდობო მისიიდან დაბრუნებული პირადი შემადგენლობის ფსიქოლოგიური მდგომარეობის შეფასება, ფსიქოლოგიური დახმარების გაწევა და შესაბამისი სამედიცინო რეკომენდაციების მომზადება;

დ) შეიარაღებული ძალების სამეთაურო რგოლთან ფსიქოლოგიურ პრობლემებთან დაკავშირებული ბრიფინგების მოწყობა;

ე) სამშვიდობო მისიაში დაშავებული პირადი შემადგენლობის ფსიქოლგიური დახმარება რეაბილიტაციის პროცესში.“.