საჯარო სამართლის იურიდიული პირის სოხუმის ილია ვეკუას ფიზიკა-ტექნიკის ინსტიტუტის დაფუძნების შესახებ

საჯარო სამართლის იურიდიული პირის სოხუმის ილია ვეკუას ფიზიკა-ტექნიკის ინსტიტუტის დაფუძნების შესახებ საქართველოს მთავრობის დადგენილება  №216 2014 წლის 10 მარტი    ქ. თბილისი საჯარო სამართლის იურიდიული პირის სოხუმის ილია ვეკუას ფიზიკა-ტექნიკის ინსტიტუტის დაფუძნების შესახებ მუხლი 1🔗 1. „საჯარო სამართლის იურიდიული პირის შესახებ“ საქართველოს კანონის მე-5 მუხლის მე-2 პუნქტის „ბ“ ქვეპუნქტისა და „საჯარო სამარ­თლის იურიდიული პირის შესახებ“ საქართველოს კანონში ცვლილების შეტანის თაობაზე“ 2013 წლის 6 სექტემბრის (№1016-Iს) საქართველოს კა­ნონის მე-2 მუხლის მე-2 პუნქტის შესაბამისად, საჯარო სამართლის იუ­რი­დი­ული პირის - სახელმწიფო სამხედრო სამეცნიერო‑ტექნიკურ ცენტრ „დელტას“ სისტემაში შემავალი სოხუმის ილია ვეკუას ფიზი­კა-ტექ­ნი­კის ინსტიტუტის ბაზაზე დაფუძნდეს საჯარო სამართლის იურიდიული პირი - სოხუმის ილია ვეკუას ფიზიკა-ტექნიკის ინსტიტუტი  (შემდ­გომ­ში ‑ ინსტიტუტი). 2. ინსტიტუტის უფლებამოსილება განისაზღვრება ინსტიტუტის დე­ბუ­ლებით, რომელსაც ამტკიცებს საქართველოს ეკონომიკისა და მდგ­რა­დი განვითარების მინისტრი. 3. ინსტიტუტის უფროსს თანამდებობაზე ნიშნავს და თანამდებო­ბიდან ათავისუფლებს საქართველოს ეკონომიკისა და მდგრა­დი განვი­თა­რების მინისტრი. 4. საქართველოს ეკონომიკისა და მდგრადი განვითარების სამინის­ტრომ: ა) განახორციელოს ინსტიტუტის სახელმწიფო კონტროლი; ბ) უზრუნველყოს ინსტიტუტის შექმნასთან დაკავშირებული კანონ­მ­დებლობით გათვალისწინებული ღონისძიებების განხორციელება. 5. ამ დადგენილების საფუძველზე, ინსტიტუტის დებულების ამოქ­მედებამდე, საჯარო სამართლის იურიდიული პირის ‑ სახელმწიფო სამ­ხე­დრო სამეცნიერო‑ტექნიკურ ცენტრ „დელტას“ სისტემაში შემავალმა სოხუმის ილია ვეკუას ფიზიკა-ტექნიკის ინსტიტუტმა იხელმძღვანელოს ამ დადგენილების ამოქმედებამდე არსებული დებულებით, საშტატო განრიგითა და სახელფასო ფონდით. 6. ინსტიტუტი ჩაითვალოს საჯარო სამართლის იურიდიული პი­რის - სახელმწიფო სამხედრო სამეცნიერო‑ტექნიკურ ცენტრ „დელტას“ სისტემაში შემავალი სოხუმის ილია ვეკუას ფიზიკა-ტექნიკის ინსტი­ტუ­ტის უფლებამონაცვლედ. მუხლი 2🔗 დადგენილება ამოქმედდეს გამოქვეყნებისთანავე. პრემიერ-მინისტრიირაკლი ღარიბაშვილი