„საქართველოს რეგიონული განვითარებისა და ინფრასტრუქტურის სამინისტროს გამგებლობაში არსებული სახელმწიფო საქვეუწყებო დაწესებულების – საქართველოს საავტომობილო გზების დეპარტამენტის დებულების დამტკიცების შესახებ“ საქართველოს რეგიონული განვითარებისა და ინფრასტრუქტურის მინისტრის 2009 წლის 14 აგვისტოს №8/ნ ბრძანებაში ცვლილების შეტანის თაობაზე

ა) დებულების მე-4 მუხლს დაემატოს შემდეგი შინაარსის მე–13-მე–15 პუნქტები:

,,13. დეპარტამენტის თავმჯდომარე ამტკიცებს დეპარტამენტის შინაგანაწესსю

14. დეპარტამენტის თავმჯდომარე  ინდივიდუალური ადმინისტრაციულ-სამართლებრივი აქტის საფუძველზე დეპარტამენტის (მათ შორის, ტერიტორიული ორგანოს) თანამშრომლებს ანიჭებს შესაბამის უფლებამოსილებებს, ახორციელებს დეპარტამენტის თანამშრომლებს შორის ფუნქციების განაწილებას; ასევე ახორციელებს დეპარტამენტის (მათ შორის, ტერიტორიული ორგანოს) თანამშრომლებისთვის შესაბამისი დავალებების გაცემას.

15. დეპარტამენტის საქმიანობიდან გამომდინარე, დეპარტამენტის თავმჯდომარე ახორციელებს მისთვის კანონმდებლობით მინიჭებულ სხვა უფლებამოსილებებს.“.

ბ) დებულების მე-9 მუხლის ,,ვ“ პუნქტი ჩამოყალიბდეს შემდეგი რედაქციით:

  ,,ვ) საჭიროებიდან გამომდინარე, სათანადო საფუძვლის/შუამდგომლობის არსებობისას ხელშეკრულებებში შესაბამისი ცვლილებების თაობაზე პროექტების მომზადება (გარდა საერთაშორისო დონორი ორგანიზაციების დაფინანსებით გაფორმებული ხელშეკრულებებისა), ასევე გასაფორმებელი ხელშეკრულებებისა და მათი ცვლილებების სამართლებრივი კუთხით ვიზირება;“;

გ) დებულების მე-10 მუხლს დაემატოს შემდეგი შინაარსის ,,ზ¹“ ქვეპუნქტი:

,,ზ¹) საჭიროებიდან გამომდინარე, სათანადო საფუძვლის/შუამდგომლობის არსებობისას საერთაშორისო დონორი ორგანიზაციების დაფინანსებით გასაფორმებელი ხელშეკრულებების პროექტებისა და მათში შესაბამისი ცვლილებების თაობაზე პროექტების მომზადება და ვიზირება.“

დ) დებულების 14¹ მუხლს დაემატოს შემდეგი შინაარსის ”ვ¹” ქვეპუნქტი:

”ვ¹) განსახლების პროცედურების განხორციელებასა და დეპარტამენტის ფუნქციონირებასთან დაკავშირებით, საჭიროების შემთხვევაში, საკადასტრო აზომვითი ნახაზების მომზადება და შესაბამისი ბეჭდით დამოწმება.“.