უცხო სახელმწიფოებისა და საერთაშორისო ორგანიზაციების წარმომადგენელთა, აგრეთვე სხვა მნიშვნელოვან სტუმართა ვიზიტის დროს მათი თანმხლები პირების მიერ იარაღისა და საბრძოლო მასალის საქართველოში შემოტანისა და საქართველოდან გატანის წესის დამტკიცების შესახებ

უცხო სახელმწიფოებისა და საერთაშორისო ორგანიზაციების წარმომადგენელთა, აგრეთვე სხვა მნიშვნელოვან სტუმართა ვიზიტის დროს მათი თანმხლები პირების მიერ იარაღისა და საბრძოლო მასალის საქართველოში შემოტანისა და საქართველოდან გატანის წესის დამტკიცების შესახებ საქართველოს მთავრობის დადგენილება №239 2014 წლის 18 მარტი ქ.თბილისი უცხო სახელმწიფოებისა და საერთაშორისო ორგანიზაციების წარმომადგენელთა, აგრეთვე სხვა მნიშვნელოვან სტუმართა ვიზიტის დროს მათი თანმხლები პირების მიერ იარაღისა და საბრძოლო მასალის საქართველოში შემოტანისა და საქართველოდან გატანის წესის დამტკიცების შესახებ მუხლი 1🔗 „იარაღის შესახებ“ საქართველოს კანონის 35-ე მუხლის მე-4 პუნქტის „ა.ე“ ქვეპუნქტის შესაბამისად, დამტკიცდეს თანდართული „უცხო სახელმწიფოებისა და საერთაშორისო ორგანიზაციების წარმომადგენელთა, აგრეთვე სხვა მნიშვნელოვან სტუმართა ვიზიტის დროს მათი თანმხლები პირების მიერ იარაღისა და საბრძოლო მასალის საქართველოში შემოტანისა და საქართველოდან გატანის წესი“. მუხლი 2🔗 დადგენილება ამოქმედდეს 2014 წლის 1 მარტიდან.პრემიერ-მინისტრიირაკლი ღარიბაშვილი უცხო სახელმწიფოებისა და საერთაშორისო ორგანიზაციების წარმომადგენელთა,  აგრეთვე სხვა მნიშვნელოვან სტუმართა ვიზიტის დროს მათი თანმხლები პირების მიერ იარაღისა და საბრძოლო მასალის საქართველოში შემოტანისა და საქართველოდან გატანის წესი უცხო სახელმწიფოსა და საერთაშორისო ორგანიზაციების წარმო­მად­გენელთა, აგრეთვე სახელმწიფო დაცვის სპეციალური სამსახურის აქტით გან­­საზღვრული რეესტრით გათვალისწინებულ სხვა მნიშვნელოვან პირთა ვი­ზი­ტის დროს მათ თანმხლებ პირთა მიერ იარაღისა და საბრძოლო მასალის სა­­ქართველოში შემოტანა და საქართველოდან გატანა, „იარაღის შესახებ“ სა­ქართველოს კანონის 24‑ე მუხლის მე‑3 პუნქტის თანახმად, ხორციელდება სა­ხელ­მწიფო დაცვის სპეციალური სამსახურის ნებართვით, რის შესახებაც ეც­ნო­ბება საქართველოს საგარეო საქმეთა სამინისტროსა და საქართველოს ში­ნა­გან საქმეთა სამინისტროს. მუხლი 2🔗 უცხო სახელმწიფოსა და საერთაშორისო ორგანიზაციების წარმომა­დგენელთა, აგრეთვე სხვა მნიშვნელოვან სტუმართა მოსალოდნელი ვიზიტე­ბის შესახებ, მათ თანმხლებ პირთა მიერ იარაღისა და საბრძოლო მასალის სა­ქართველოში შემოტანისა და საქართველოდან გატანის ნებართვის გაცემის მიზნით, დაუყოვნებლივ ეცნობება სახელმწიფო დაცვის სპეციალურ სამ­სა­ხურს. მუხლი 3🔗 მოსალოდნელი ვიზიტის შესაბამისად, სახელმწიფო დაცვის სპეცია­ლური სამსახური წერილობით შეტყობინებას იღებს საქართველოს პრეზი­დენ­ტის ადმინისტრაციიდან, საქართველოს პარლამენტიდან, საქართველოს მთავ­რობის კანცელარიიდან ან/და საქართველოს საგარეო საქმეთა სამი­ნის­ტროდან. მუხლი 4🔗 დოკუმენტში, რომლითაც სახელმწიფო დაცვის სპეციალური სამსახური უცხო სახელმწიფოებისა და საერთაშორისო ორგანიზაციების წარმომადგე­ნელ­თა, აგრეთვე სხვა მნიშვნელოვან სტუმართა მოსალოდნელი ვიზიტების შე­სახებ იღებს შეტყობინებას, როგორც წესი, აღინიშნება: ა) იმ პირის (პირების) შესახებ (ვინაობა, თანამდებობრივი მდგომარე­ო­ბა და/ან დიპლომატიური რანგი), რომელიც ვიზიტად უნდა ეწვიოს საქარ­თ­ველოს; ბ) ვიზიტის შესაძლო ხანგრძლივობა; გ) ვიზიტორის თანმხლებ შეიარაღებულ პირთა რაოდენობა და ვინაობა, მათ­ზე განპიროვნებული იარაღის მონაცემების (სახეობა, სატაბელო-ინდი­ვი­დუალური ნომერი, კალიბრი და ვაზნების რაოდენობა) მითითებით; დ) კავშირგაბმულობისა და სხვა სპეციალური საშუალებების ტექნ­ი­კუ­რი და საიდენტიფიკაციო მონაცემები, რომლითაც აღჭურვილნი იქნებიან ვი­ზიტორთა თანმხლები პირები. მუხლი 5🔗 სახელმწიფო დაცვის სპეციალური სამსახური გაცემული ნებართვის შესახებ წერილობით შეტყობინებას ამ წესის მე‑4 მუხლით გათვალის­წინებუ­ლი მონაცემებით აგზავნის საქართველოს შინაგან საქმეთა სამინისტროსა და საქარ­თველოს საგარეო საქმეთა სამინისტროში. მუხლი 6🔗 უცხო სახელმწიფოებისა და საერთაშორისო ორგანიზაციების წარმო­მა­დგე­ნელთა, აგრეთვე სხვა მნიშვნელოვან სტუმართა ვიზიტებისას მათი თან­მხლები პირების მიერ იარაღისა და საბრძოლო მასალის საქართველოში შე­მო­ტანისა და საქართველოდან გატანის ნებართვების გაცემის ფორმას განსაზ­ღ­ვრავს სახელმწიფო დაცვის სპეციალური სამსახურის უფროსი. მუხლი 7🔗 ვიზიტის შესახებ ინფორმაციის მიმწოდებელი უწყება უზრუნველყოფს  სახე­ლმწიფო დაცვის სპეციალური სამსახურიდან მიღებული ნებართვის შესა­ბამისი პირისათვის (პირებისათვის) გადაცემას. მუხლი 8🔗 ამ წესის მე-5 მუხლით გათვალისწინებული შეტყობინება წარმოადგენს საფუძველს იმისათვის, რომ საქართველოს შინაგან საქმეთა სამინისტროს სისტე­მის უფლებამოსილმა სამსახურებმა სახელმწიფო დაცვის სპეციალური სამ­სახურის ნებართვით გათვალისწინებულ პირს (პირებს) მისცენ მითი­თე­ბული იარაღითა და საბრძოლო მასალით ქვეყნის ტერიტორიაზე შემო­სვ­ლის, შეუფერხებელი გადაადგილებისა და ქვეყნიდან გასვლის საშუალება. მუხლი 9🔗 სახელმწიფო დაცვის სპეციალური სამსახური ნებართვას გასცემს მხო­ლოდ ვიზიტის ხანგრძლივობის ვადით. ნებართვა ძალადაკარგულად ითვ­ლე­ბა საქართველოში ვიზიტად მყოფი დელეგაციის მიერ ქვეყნის ტერიტო­რი­ის დატოვებისთანავე. მუხლი 10🔗 ვიზიტის გაგრძელების შემთხვევაში, ნებართვის მოქმედება გრძელდება ვი­ზიტის დასრულებამდე. მუხლი 11🔗 უცხო სახელმწიფოთა და საერთაშორისო ორგანიზაციების წარმო­მად­გენ­ე­ლთა, აგრეთვე სახელმწიფო დაცვის სპეციალური სამსახურის აქტით გა­ნ­საზღვრული რეესტრით გათვალისწინებულ სხვა მნიშვნელოვან პირთა ვიზ­ი­ტის დროს მათ და მათი თანმხლები პირების მიერ იარაღისა და საბ­რ­ძოლო მასალების გამოყენების შემთხვევებზე ვრცელდება იარაღის გამოყე­ნების შე­სახებ საქართველოს კანონმდებლობით დადგენილი მოთხოვ­ნე­ბი. მუხლი 12🔗 ამ წესით გათვალისწინებული მოთხოვნების შესრულების კონტროლს ახო­რციელებს სახელმწიფო დაცვის სპეციალური სამსახური.