საქართველოს ფინანსთა სამინისტროს შემოსავლების სამსახურის შესახებ

საქართველოს ფინანსთა სამინისტროს შემოსავლების სამსახურის შესახებ /* Font Definitions */ @font-face {font-family:Sylfaen; panose-1:1 10 5 2 5 3 6 3 3 3;} @font-face {font-family:"Cambria Math"; panose-1:2 4 5 3 5 4 6 3 2 4;} @font-face {font-family:SPLiteraturuly;} @font-face {font-family:"SPLiteraturuly MT";} @font-face {font-family:SPGrotesk;} @font-face {font-family:Geo_dumM;} @font-face {font-family:SPAcademi;} @font-face {font-family:SPDumbadze;} /* Style Definitions */ p.MsoNormal, li.MsoNormal, div.MsoNormal {margin:0in; margin-bottom:.0001pt; font-size:12.0pt; font-family:"Times New Roman","serif";} h1 {margin-top:.25in; margin-right:0in; margin-bottom:6.0pt; margin-left:0in; text-align:center; page-break-after:avoid; font-size:12.0pt; font-family:"SPLiteraturuly MT"; layout-grid-mode:line; font-weight:bold;} h2 {margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; line-height:12.0pt; page-break-after:avoid; font-size:10.0pt; font-family:SPLiteraturuly; letter-spacing:2.75pt; font-weight:normal;} h3 {margin:0in; margin-bottom:.0001pt; text-align:center; line-height:12.0pt; page-break-after:avoid; font-size:10.0pt; font-family:"SPLiteraturuly MT"; letter-spacing:2.5pt; font-weight:bold;} h6 {margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; page-break-after:avoid; font-size:10.0pt; font-family:SPLiteraturuly; font-weight:bold;} p.MsoToc1, li.MsoToc1, div.MsoToc1 {margin:0in; margin-bottom:.0001pt; text-align:justify; font-size:12.0pt; font-family:SPLiteraturuly;} p.MsoToc2, li.MsoToc2, div.MsoToc2 {margin-top:0in; margin-right:0in; margin-bottom:0in; margin-left:12.0pt; margin-bottom:.0001pt; text-align:justify; font-size:12.0pt; font-family:SPLiteraturuly;} p.MsoToc3, li.MsoToc3, div.MsoToc3 {margin-top:0in; margin-right:0in; margin-bottom:0in; margin-left:24.0pt; margin-bottom:.0001pt; text-align:justify; font-size:12.0pt; font-family:SPLiteraturuly;} p.MsoToc4, li.MsoToc4, div.MsoToc4 {margin-top:0in; margin-right:0in; margin-bottom:12.0pt; margin-left:.5in; text-align:center; font-size:12.0pt; font-family:"SPLiteraturuly MT"; letter-spacing:5.0pt; font-weight:bold;} p.MsoFootnoteText, li.MsoFootnoteText, div.MsoFootnoteText {margin:0in; margin-bottom:.0001pt; text-align:justify; font-size:12.0pt; font-family:SPLiteraturuly;} p.MsoHeader, li.MsoHeader, div.MsoHeader {margin:0in; margin-bottom:.0001pt; font-size:12.0pt; font-family:"Times New Roman","serif";} p.MsoFooter, li.MsoFooter, div.MsoFooter {margin:0in; margin-bottom:.0001pt; font-size:12.0pt; font-family:"Times New Roman","serif";} span.MsoFootnoteReference {vertical-align:super;} p.MsoTitle, li.MsoTitle, div.MsoTitle {margin-top:300.0pt; margin-right:0in; margin-bottom:3.0pt; margin-left:0in; text-align:center; font-size:16.0pt; font-family:"SPGrotesk","sans-serif"; letter-spacing:3.0pt; font-weight:bold;} p.MsoBodyText, li.MsoBodyText, div.MsoBodyText {margin:0in; margin-bottom:.0001pt; text-align:justify; font-size:14.0pt; font-family:SPAcademi;} p.MsoBodyText2, li.MsoBodyText2, div.MsoBodyText2 {margin:0in; margin-bottom:.0001pt; text-align:justify; line-height:12.0pt; font-size:12.0pt; font-family:"Times New Roman","serif";} p.MsoPlainText, li.MsoPlainText, div.MsoPlainText {margin-top:6.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; page-break-before:always; font-size:10.0pt; font-family:SPLiteraturuly; font-style:italic;} p.MsoAutoSig, li.MsoAutoSig, div.MsoAutoSig {margin:0in; margin-bottom:.0001pt; font-size:12.0pt; font-family:"Times New Roman","serif";} p {margin-right:0in; margin-left:0in; font-size:12.0pt; font-family:"Times New Roman","serif";} p.parlamdrst, li.parlamdrst, div.parlamdrst {mso-style-name:parlamdrst; margin:0in; margin-bottom:.0001pt; text-align:justify; text-indent:14.2pt; font-size:11.0pt; font-family:SPLiteraturuly;} p.chveulebrivi, li.chveulebrivi, div.chveulebrivi {mso-style-name:chveulebrivi; margin:0in; margin-bottom:.0001pt; text-align:justify; text-indent:14.2pt; font-size:10.0pt; font-family:SPLiteraturuly; layout-grid-mode:line;} p.data, li.data, div.data {mso-style-name:data; margin:0in; margin-bottom:.0001pt; text-align:justify; font-size:10.0pt; font-family:SPLiteraturuly; layout-grid-mode:line; font-style:italic;} p.petiti, li.petiti, div.petiti {mso-style-name:petiti; margin-top:6.0pt; margin-right:0in; margin-bottom:0in; margin-left:14.2pt; margin-bottom:.0001pt; text-align:justify; font-size:8.5pt; font-family:SPLiteraturuly; layout-grid-mode:line; font-style:italic;} p.prezident, li.prezident, div.prezident {mso-style-name:prezident; margin:0in; margin-bottom:.0001pt; text-align:justify; font-size:10.0pt; font-family:SPLiteraturuly; layout-grid-mode:line;} p.kanoni, li.kanoni, div.kanoni {mso-style-name:kanoni; margin-top:.25in; margin-right:0in; margin-bottom:6.0pt; margin-left:0in; text-align:center; font-size:12.0pt; font-family:"Geo_dumM","serif"; letter-spacing:3.0pt; font-weight:bold;} p.kitxva, li.kitxva, div.kitxva {mso-style-name:kitxva; margin-top:0in; margin-right:0in; margin-bottom:5.65pt; margin-left:0in; text-align:justify; text-indent:14.2pt; text-autospace:none; font-size:12.0pt; font-family:SPLiteraturuly; font-weight:bold;} p.pasuxi, li.pasuxi, div.pasuxi {mso-style-name:pasuxi; margin-top:0in; margin-right:0in; margin-bottom:0in; margin-left:56.7pt; margin-bottom:.0001pt; text-align:justify; text-indent:-28.35pt; text-autospace:none; font-size:12.0pt; font-family:SPLiteraturuly;} p.Style1, li.Style1, div.Style1 {mso-style-name:Style1; margin-top:26.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; text-autospace:none; font-size:10.0pt; font-family:"SPLiteraturuly MT"; font-weight:bold;} p.chveulebrivi-wigni, li.chveulebrivi-wigni, div.chveulebrivi-wigni {mso-style-name:chveulebrivi-wigni; margin:0in; margin-bottom:.0001pt; text-align:justify; text-indent:22.7pt; text-autospace:none; font-size:10.0pt; font-family:SPLiteraturuly;} p.satauri, li.satauri, div.satauri {mso-style-name:satauri; margin:0in; margin-bottom:.0001pt; text-align:center; font-size:13.0pt; font-family:"SPLiteraturuly MT"; font-weight:bold;} p.satauri2, li.satauri2, div.satauri2 {mso-style-name:satauri2; margin:0in; margin-bottom:.0001pt; font-size:12.0pt; font-family:"Times New Roman","serif";} p.tarigi, li.tarigi, div.tarigi {mso-style-name:tarigi; margin:0in; margin-bottom:.0001pt; font-size:12.0pt; font-family:"Times New Roman","serif";} p.muxliparl, li.muxliparl, div.muxliparl {mso-style-name:muxli_parl; margin-top:12.0pt; margin-right:0in; margin-bottom:0in; margin-left:14.15pt; margin-bottom:.0001pt; text-indent:-14.15pt; font-size:11.0pt; font-family:"SPDumbadze","serif"; font-weight:bold;} p.muxlixml, li.muxlixml, div.muxlixml {mso-style-name:muxli_xml; margin-top:12.0pt; margin-right:0in; margin-bottom:0in; margin-left:42.5pt; margin-bottom:.0001pt; text-indent:-42.5pt; line-height:12.0pt; page-break-after:avoid; font-size:11.0pt; font-family:"Sylfaen","serif"; font-weight:bold;} p.tavisataurixml, li.tavisataurixml, div.tavisataurixml {mso-style-name:tavi_satauri_xml; margin-top:0in; margin-right:0in; margin-bottom:12.0pt; margin-left:0in; text-align:center; font-size:11.0pt; font-family:"Sylfaen","serif"; font-weight:bold;} p.tavixml, li.tavixml, div.tavixml {mso-style-name:tavi_xml; margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; font-size:11.0pt; font-family:"Sylfaen","serif"; font-weight:bold;} p.abzacixml, li.abzacixml, div.abzacixml {mso-style-name:abzaci_xml; margin:0in; margin-bottom:.0001pt; text-align:justify; text-indent:14.15pt; font-size:11.0pt; font-family:"Sylfaen","serif";} p.karixml, li.karixml, div.karixml {mso-style-name:kari_xml; margin-top:12.0pt; margin-right:0in; margin-bottom:0in; margin-left:42.5pt; margin-bottom:.0001pt; text-indent:-42.5pt; line-height:12.0pt; page-break-after:avoid; font-size:11.0pt; font-family:"Sylfaen","serif";} p.karisataurixml, li.karisataurixml, div.karisataurixml {mso-style-name:kari_satauri_xml; margin:0in; margin-bottom:.0001pt; text-align:justify; text-indent:14.15pt; font-size:11.0pt; font-family:"Sylfaen","serif";} p.petitixml, li.petitixml, div.petitixml {mso-style-name:petiti_xml; margin:0in; margin-bottom:.0001pt; text-align:justify; text-indent:14.15pt; font-size:11.0pt; font-family:"Sylfaen","serif";} p.cignixml, li.cignixml, div.cignixml {mso-style-name:cigni_xml; margin:0in; margin-bottom:.0001pt; font-size:12.0pt; font-family:"Sylfaen","serif";} p.sataurixml, li.sataurixml, div.sataurixml {mso-style-name:satauri_xml; margin:0in; margin-bottom:.0001pt; text-align:center; text-indent:14.15pt; font-size:13.0pt; font-family:"Sylfaen","serif"; font-weight:bold;} /* Page Definitions */ @page Section1 {size:8.5in 11.0in; margin:1.0in 45.0pt 1.0in .75in;} div.Section1 {page:Section1;} /* List Definitions */ ol {margin-bottom:0in;} ul {margin-bottom:0in;} საქართველოს კანონი საქართველოს ფინანსთა სამინისტროს შემოსავლების სამსახურის შესახებ თავი I ზოგადი დებულებანი     მუხლი 1🔗. კანონის მიზანი ეს კანონი განსაზღვრავს საქართველოს ფინანსთა სამინისტროს შემოსავლების სამსახურის (შემდგომში – სამსახური) სამართლებრივ სტატუსს, უფლებამოსილებებს, საქმიანობის სამართლებრივ საფუძვლებს, ძირითად პრინციპებსა და მიმართულებებს, სამსახურის მოსამსახურეთა სამსახურში მიღებისა და სამსახურის გავლის წესის საფუძვლებს და მათი სოციალური დაცვის გარანტიებს.     მუხლი 2🔗. სამსახურის საქმიანობის ძირითადი პრინციპები სამსახურის საქმიანობა ემყარება კანონიერების, პიროვნების პატივისა და ღირსების დაცვის, სოციალური სამართლიანობის, ჰუმანიზმისა და საჯაროობის, საქართველოს ფინანსთა სამინისტროს სისტემის ერთიანობისა და მისი ცენტრალიზებული მართვის პრინციპებს.     მუხლი 3🔗. სამსახურის საქმიანობის სამართლებრივი საფუძვლები სამსახურის საქმიანობის სამართლებრივი საფუძვლებია საქართველოს კონსტიტუცია, საქართველოს საერთაშორისო ხელშეკრულებები და შეთანხმებები, საგადასახადო და საბაჟო კანონმდებლობა, ეს კანონი და სხვა საკანონმდებლო და კანონქვემდებარე ნორმატიული აქტები. საქართველოს 2009 წლის 3 ნოემბრის კანონი №1929 - სსმ I, №32, 06.11.09 წ., მუხ.192     მუხლი 4🔗. სამსახურის სამართლებრივი სტატუსი      სამსახური არის საქართველოს ფინანსთა სამინისტროს სახელმწიფო საქვეუწყებო დაწესებულება. საქართველოს 2009 წლის 3 ნოემბრის კანონი №1929 - სსმ I, №32, 06.11.09 წ., მუხ.192     მუხლი 5🔗. სამსახურის საერთაშორისო ურთიერთობანი საქართველოს საერთაშორისო ხელშეკრულებებიდან და შეთანხმებებიდან გამომდინარე, სამსახური საქართველოს კანონმდებლობით დადგენილი წესით თანამშრომლობს სხვა სახელმწიფოთა სათანადო ორგანოებთან და საერთაშორისო ორგანიზაციებთან. თავი II სამსახურის საქმიანობის ძირითადი მიმართულებები     მუხლი 6🔗. სამსახურის ძირითადი ფუნქციები სამსახურის ძირითადი ფუნქციებია: ა) გადასახადის ან საბაჟო გადასახდელის გადამხდელისათვის მისი უფლებებისა და მოვალეობების შესახებ ინფორმაციის მიწოდება; ბ) გადასახადის ან საბაჟო გადასახდელის გადამხდელისათვის საგადასახადო და საბაჟო კანონმდებლობის ცვლილებების შესახებ ინფორმაციის დროულად მიწოდება; გ) თავისი კომპეტენციის ფარგლებში გადასახადების, საბაჟო გადასახდელების, სხვა სახელმწიფო და ადგილობრივი გადასახდელების, აგრეთვე შესაბამისი მოსაკრებლების ადმინისტრირება; დ) გადასახადითა და საბაჟო გადასახდელით დაბეგვრის საკითხებზე კანონპროექტებისა და სახელმწიფოთაშორისი ხელშეკრულებების პროექტების მომზადებაში მონაწილეობა; ე) საქართველოს საბაჟო ტერიტორიაზე საქონლის შემოტანასა და საქართველოს საბაჟო ტერიტორიიდან საქონლის გატანასთან დაკავშირებული პროცედურების, საბაჟო ზედამხედველობისა და საბაჟო კონტროლის განხორციელება; ვ) თავისი კომპეტენციის ფარგლებში საგადასახადო და საბაჟო კანონმდებლობის დაცვასა და შესრულებაზე კონტროლის უზრუნველყოფა; ზ) (ამოღებულია); თ) თავისი კომპეტენციის ფარგლებში ადმინისტრაციულ სამართალდარღვევათა პრევენცია და გამოვლენა საქართველოს ადმინისტრაციულ სამართალდარღვევათა კოდექსითა და სხვა ნორმატიული აქტებით მინიჭებული უფლებამოსილების საფუძველზე; ი) (ამოღებულია); კ) საქართველოს კანონმდებლობით გათვალისწინებული სხვა ფუნქციების განხორციელება. საქართველოს 2009 წლის 3 ნოემბრის კანონი №1929 - სსმ I, №32, 06.11.09 წ., მუხ.192     მუხლი 7🔗. სამსახურის ვალდებულებები და უფლებამოსილებები 1. სამსახური ვალდებულია თავისი კომპეტენციის ფარგლებში და საქართველოს კანონმდებლობით დადგენილი წესით: ა) დაიცვას გადამხდელთა უფლებები და სახელმწიფოს ინტერესები; ბ) დაიცვას საგადასახადო, საბაჟო და მის საქმიანობასთან დაკავშირებული სხვა სამართლებრივი აქტები, იმოქმედოს ამ კანონის, საგადასახადო, საბაჟო და მის საქმიანობასთან დაკავშირებული სხვა სამართლებრივი აქტების მოთხოვნათა შესაბამისად; გ) ჩაატაროს განმარტებითი მუშაობა საგადასახადო კანონმდებლობის გამოყენებასთან დაკავშირებით, გამოსცეს მეთოდური და ინსტრუქციული მითითებები, სახელმძღვანელოები და ბროშურები, მასობრივი ინფორმაციის საშუალებებში გამოაქვეყნოს კონსულტაციები და განმარტებები; დ) გააკონტროლოს გადასახადებისა და საბაჟო გადასახდელების გამოანგარიშების სისწორე, სისრულე და დროულად გადახდა, ჩაატაროს საგადასახადო შემოწმებები საქართველოს საგადასახადო და საბაჟო კოდექსებით დადგენილი წესით და ამ შემოწმებათა ჩატარებისას გააცნოს გადამხდელს მისი უფლებები და ვალდებულებები; ე) დაიცვას გადამხდელის შესახებ კონფიდენციალური ინფორმაციის საიდუმლოება; ვ) განიხილოს გადამხდელის წერილები, საჩივრები და შეკითხვები, მიაწოდოს მას ინფორმაცია მოქმედი გადასახადების/გადასახდელების, მათი გამოანგარიშებისა და გადახდის წესის შესახებ, აგრეთვე გადამხდელის უფლებებისა და ვალდებულებების თაობაზე; ზ) უზრუნველყოს გადამხდელთა დროულად აღრიცხვა; თ) შეასრულოს ამ კანონით, საგადასახადო, საბაჟო და მის საქმიანობასთან დაკავშირებული სხვა სამართლებრივი აქტებით განსაზღვრული ვალდებულებები საქართველოს კანონმდებლობით დადგენილი წესით. 2. სამსახური უფლებამოსილია: ა) თავისი კომპეტენციის ფარგლებში განახორციელოს საგადასახადო, საბაჟო და მის საქმიანობასთან დაკავშირებული სხვა სამართლებრივი აქტებით გათვალისწინებული საქმიანობა; ბ) გამოავლინოს, შეისწავლოს და აღკვეთოს მისი კომპეტენციისთვის მიკუთვნებული საგადასახადო და საბაჟო სამართალდარღვევები ან სხვა სამართალდარღვევები და შესაბამისი საფუძვლების არსებობისას იხელმძღვანელოს საქართველოს ადმინისტრაციულ სამართალდარღვევათა კოდექსის 244-ე, 245-ე, 247-ე, 248-ე და 249-ე მუხლებით. საქართველოს ადმინისტრაციულ სამართალდარღვევათა კოდექსის დებულებების გამოყენების უფლება აქვთ საბაჟო და საგადასახადო სამართალდარღვევების ოქმების შედგენაზე უფლებამოსილ მოსამსახურეებს; გ) (ამოღებულია); დ) (ამოღებულია). 3. სამსახურის კომპეტენციისთვის მიკუთვნებული სამართალდარღვევის გამოვლენისა და აღკვეთის მიზნით, სამსახურის ან მისი ტერიტორიული ორგანოს უფროსის ბრძანებით, დასახლებულ პუნქტებში, საგზაო მაგისტრალებზე და ტერიტორიულ წყლებში შეიძლება მოეწყოს შემოწმების პროცედურები. ამ დროს სამსახურის უფლებამოსილ მოსამსახურეს უფლება აქვს, გააჩეროს პირი და სატრანსპორტო საშუალება (გარდა საქართველოს სისხლის სამართლის საპროცესო კოდექსით გათვალისწინებული იმუნიტეტის მქონე პირებისა, დიპლომატიური, საკონსულო და მათთან გათანაბრებული წარმომადგენლობებისა), მოსთხოვოს მოქალაქეს პირადობის დამადასტურებელი საბუთი, სატრანსპორტო საშუალებისა და საქონლის თანმხლები საბუთები, მოახდინოს სატრანსპორტო საშუალების ვიზუალური დათვალიერება. 4. ოპერატიულ-სამძებრო და საგამოძიებო ფუნქციების მქონე თანამდებობის პირების მიერ საგადასახადო შემოწმების ინიციირებისას ასეთ შემოწმებას ატარებს მხოლოდ საგადასახადო ინსპექტორი საქართველოს საგადასახადო კოდექსითა და „სამეწარმეო საქმიანობის კონტროლის შესახებ“ საქართველოს კანონით დადგენილი წესით და დადგენილ ფარგლებში. საქართველოს 2009 წლის 3 ნოემბრის კანონი №1929 - სსმ I, №32, 06.11.09 წ., მუხ.192     მუხლი 8🔗. სამსახურის მოსამსახურეთა სპეციალური უფლებამოსილებები 1. ეს მუხლი ვრცელდება მხოლოდ საბაჟო გამშვები პუნქტებისა და საბაჟო საგუშაგოების სათანადოდ უფლებამოსილ მოსამსახურეებზე – სამსახურებრივი მოვალეობების შესრულებისას. 2. სამსახურებრივი მოვალეობის შესრულებისას სამსახურის უფლებამოსილ მოსამსახურეს მინიჭებული უფლებამოსილების ფარგლებში უფლება აქვს გამოიყენოს ფიზიკური იძულება, სპეციალური საშუალებები და ცეცხლსასროლი იარაღი. 3. სამსახურის მოსამსახურე ფიზიკურ იძულებას, სპეციალურ საშუალებებსა და ცეცხლსასროლ იარაღს იყენებს „პოლიციის შესახებ“ საქართველოს კანონის მე-10, მე-11, მე-12 (გარდა მე-12 მუხლის პირველი პუნქტის „გ“, „დ“, „ვ“ და „ზ“ ქვეპუნქტებისა) და მე-13 (გარდა მე-13 მუხლის მე-10 პუნქტისა) მუხლებითა და სხვა საკანონმდებლო აქტებით დადგენილ შემთხვევებში და დადგენილი წესით. 4. სამსახურის მოსამსახურის განკარგულებაში არსებული სპეციალური საშუალებების შენახვის, ტარებისა და გამოყენების, ცეცხლსასროლი იარაღის შენახვისა და ტარების წესებს ამ კანონით განსაზღვრული უფლებამოსილებების ფარგლებში ადგენს საქართველოს ფინანსთა მინისტრი. 5. სამსახურის შეიარაღებაში არსებული ცეცხლსასროლი იარაღისა და საბრძოლო მასალების ნუსხა დგინდება საქართველოს პრეზიდენტის ბრძანებულებით. საქართველოს 2009 წლის 3 ნოემბრის კანონი №1929 - სსმ I, №32, 06.11.09 წ., მუხ.192     მუხლი 9🔗. (ამოღებულია) საქართველოს 2009 წლის 3 ნოემბრის კანონი №1929 - სსმ I, №32, 06.11.09 წ., მუხ.192 თავი III  სამსახურის ორგანიზება     მუხლი 10🔗. სამსახურის სტრუქტურა 1. სამსახური არის ერთიანი ცენტრალიზებული სისტემა, რომელიც თავის საქმიანობას ახორციელებს საქართველოს კანონმდებლობის შესაბამისად შექმნილი სტრუქტურული ქვედანაყოფებისა და ტერიტორიული ორგანოების მეშვეობით. საქართველოს ფინანსთა მინისტრის ბრძანების საფუძველზე სამსახურის ტერიტორიული ორგანოები და სტრუქტურული ქვედანაყოფები, აგრეთვე სამსახური უფლებამოსილი არიან განახორციელონ საგადასახადო და საბაჟო კანონმდებლობით განსაზღვრული საგადასახადო ან/და საბაჟო ორგანოების ფუნქციები, აგრეთვე ამ კანონით განსაზღვრული ცალკეული ფუნქციები. 2. სამსახური შედის საქართველოს ფინანსთა სამინისტროს სისტემაში. 3. სამსახურის სტრუქტურული ქვედანაყოფებისა და ტერიტორიული ორგანოების შექმნის წესი, სტრუქტურა და უფლებამოსილებანი განისაზღვრება ამ კანონით, „მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონითა და სხვა ნორმატიული აქტებით. 4. საქართველოს ფინანსთა მინისტრი უფლებამოსილია ცალკეულ შემთხვევებში, განსაკუთრებული ნიშნის მიხედვით შექმნას სამსახურის სტრუქტურული ქვედანაყოფი, რომელიც უფლებამოსილია, თავისი საქმიანობა სამსახურის კომპეტენციას მიკუთვნებულ საკითხებზე განახორციელოს საქართველოს მთელ ტერიტორიაზე.     მუხლი 11🔗. წლიური ანგარიში სამსახური ყოველი საგადასახადო წლის დამთავრებიდან 3 თვის ვადაში აქვეყნებს ანგარიშს, რომელშიც აღინიშნება შესაბამისი ინფორმაცია სამსახურის საქმიანობის სხვადასხვა მიმართულებებზე. ანგარიშში აღინიშნება ყველა პირი, რომლის აღიარებული საგადასახადო დავალიანება აღემატება 100 000 ლარს. თავი IV  სამსახური და მის მოსამსახურეთა სოციალური დაცვის გარანტიები     მუხლი 12🔗. სამსახურის სამართლებრივი საფუძვლები 1. სამსახურის მოსამსახურეთა სამსახურში მიღებისა და სამსახურის გავლის წესის საფუძვლები და მათი სოციალური დაცვის გარანტიები რეგულირდება ამ კანონითა და მის შესაბამისად გამოცემული კანონქვემდებარე ნორმატიული აქტებით. 2. სამსახურში მიღებისა და სამსახურის გავლის წესი განისაზღვრება საქართველოს ფინანსთა მინისტრის ბრძანებით. სამსახურის მოსამსახურეთა საკვალიფიკაციო მოთხოვნები განისაზღვრება სამსახურში მიღებისა და სამსახურის გავლის წესის შესაბამისად დადგენილი ინდივიდუალური ადმინისტრაციულ-სამართლებრივი აქტით. „საჯარო სამსახურის შესახებ“ საქართველოს კანონის მოქმედება სამსახურის მოსამსახურეებზე ვრცელდება მხოლოდ იმ შემთხვევებში, თუ ამ კანონითა და ამ პუნქტში მითითებული წესით სხვაგვარად არ რეგულირდება შესაბამისი სამსახურებრივი ურთიერთობები. 3. სამსახურში მიღებისა და სამსახურის გავლის წესით (შემდგომში – სამსახურის გავლის წესი) განისაზღვრება სამსახურის მოსამსახურეებთან არსებული სამსახურებრივი ურთიერთობების საკითხები, მათ შორის, სამსახურის მოსამსახურის თანამდებობაზე დანიშვნისა და განთავისუფლების, სამსახურის გავლის, ატესტაციის, კვალიფიკაციის ამაღლების, წახალისების ფორმებისა და დისციპლინური პასუხისმგებლობის ზომების გამოყენების წესი და საფუძვლები. მითითებული წესით განისაზღვრება აგრეთვე სამსახურში სტაჟირების საკითხები. სამსახურის გავლის წესით არ შეიძლება დადგინდეს ისეთი დებულებები, რომლებიც შეიძლება ჩაითვალოს საქართველოს შრომის კოდექსის მე-2 მუხლის მე-4 და მე-5 ნაწილებით განსაზღვრული დისკრიმინაციული ხასიათის დებულებებად.     მუხლი 13🔗. სამსახურის მოსამსახურე 1. სამსახურის მოსამსახურე (შემდგომში – მოსამსახურე) არის სახელმწიფო მოსამსახურე. 2. მოსამსახურეს ენიჭება სპეციალური ფორმის ტანსაცმლის ტარების უფლება საქართველოს პრეზიდენტის ბრძანებულების შესაბამისად. 3. მოსამსახურეს თავისი ვინაობისა და უფლებამოსილების დასადასტურებლად ეძლევა სამსახურებრივი მოწმობა. 4. მოსამსახურე ვალდებულია პატივი სცეს და დაიცვას პიროვნების უფლებები და ძირითადი თავისუფლებები, მიუხედავად მისი მოქალაქეობისა, სოციალური და ქონებრივი მდგომარეობისა, რასობრივი და ეროვნული კუთვნილებისა, სქესისა, ასაკისა, განათლებისა, ენისა, სარწმუნოებისა, პოლიტიკური და სხვა შეხედულებებისა. 5. მოსამსახურეს ეკრძალება: ა) (ამოღებულია); ბ) პირად, კომერციულ, პროფესიულ ან/და სახელმწიფო საიდუმლოებას მიკუთვნებული, აგრეთვე კანონით დაცული სხვა ინფორმაციის გამჟღავნება, კანონით გათვალისწინებული შემთხვევების გარდა. აღნიშნული ვალდებულება ძალაშია მოსამსახურის სამსახურიდან განთავისუფლების შემდეგაც; გ) (ამოღებულია); დ) შეთავსებით მუშაობა ანაზღაურებად სამუშაოზე, გარდა სამეცნიერო, პედაგოგიური ან შემოქმედებითი საქმიანობისა, ან რაიმე თანამდებობის დაკავება რომელიმე სხვა სახელმწიფო დაწესებულებაში, ან რაიმე ანაზღაურებადი სამუშაოს შესრულება ანდა რაიმე თანამდებობის დაკავება სხვა ქვეყნის ორგანოში ან დაწესებულებაში. 6. (ამოღებულია). საქართველოს 2009 წლის 3 ნოემბრის კანონი №1929 - სსმ I, №32, 06.11.09 წ., მუხ.192     მუხლი 14🔗. მოსამსახურეთა სავალდებულო სამედიცინო შემოწმება 1. სამსახურის უფროსის გადაწყვეტილებით, წელიწადში ერთხელ მაინც ტარდება ამ კანონის მე-8 მუხლით გათვალისწინებული მოსამსახურეების სავალდებულო სამედიცინო შემოწმება. შემოწმების არადამაკმაყოფილებელი შედეგების შემთხვევაში შესაბამისი პირი განთავისუფლდება დაკავებული თანამდებობიდან ამ კანონის მე-16 მუხლის პირველი პუნქტის „ე.გ“ ქვეპუნქტის თანახმად. 2. ჯანმრთელობის მდგომარეობისადმი მოთხოვნებს სამსახურის შესაბამისი თანამდებობის მიხედვით ადგენს საქართველოს შრომის, ჯანმრთელობისა და სოციალური დაცვის მინისტრი. საქართველოს 2009 წლის 3 ნოემბრის კანონი №1929 - სსმ I, №32, 06.11.09 წ., მუხ.192     მუხლი 15🔗. შეზღუდვები სამსახურის გავლასთან დაკავშირებით სამსახურში არ შეიძლება მიღებულ იქნეს და მსახურობდეს: ა) პირი, რომელიც ნასამართლევია და მოხსნილი არა აქვს ნასამართლობა; ბ) პირი, თუ მისი ჯანმრთელობა არ აკმაყოფილებს მოცემული თანამდებობის დასაკავებლად დადგენილ მოთხოვნებს (ასეთი მოთხოვნების არსებობის შემთხვევაში); გ) ნარკოტიკული საშუალებების, ფსიქოტროპული ან ტოქსიკური ნივთიერებების მომხმარებელი; დ) პირი, რომელიც სასამართლოს მიერ ქმედუუნაროდ ან შეზღუდულქმედუნარიანად არის აღიარებული; ე) პირი, რომლის მიმართაც არსებობს „საჯარო სამსახურში ინტერესთა შეუთავსებლობისა და კორუფციის შესახებ“ საქართველოს კანონით დადგენილი თანამდებობრივი შეუთავსებლობის გარემოებები; ვ) სამსახურის გავლის წესით განსაზღვრული სხვა პირი.     მუხლი 16🔗. მოსამსახურის სამსახურიდან განთავისუფლება 1. მოსამსახურის სამსახურიდან განთავისუფლების საფუძველია: ა) სამსახურის გავლის წესით განსაზღვრული ასაკის მიღწევა ან ნამსახურობის ვადის ამოწურვა; ბ) სამედიცინო ცნობის საფუძველზე ჯანმრთელობის მდგომარეობის გაუარესება, დასახიჩრება ან ქრონიკული დაავადება, რომლის გამოც მოსამსახურეს აღარ შეუძლია სამსახურის გაგრძელება; გ) დანიშვნის ბრძანებით ან ხელშეკრულებით გათვალისწინებული ვადის გასვლა; დ) ხელშეკრულებით გათვალისწინებული მოთხოვნების შეუსრულებლობა; ე) დაკავებულ თანამდებობასთან შეუსაბამობა, რაც გულისხმობს მოსამსახურის სამსახურიდან განთავისუფლებას: ე.ა) ატესტაციის შედეგების საფუძველზე; ე.ბ) იმ დოკუმენტის არქონისას, რომელიც აუცილებელია მოცემული თანამდებობის დასაკავებლად; ე.გ) ჯანმრთელობის არადამაკმაყოფილებელი მდგომარეობის გამო (ამ კანონის მე-8 მუხლით გათვალისწინებული მოსამსახურეების შემთხვევაში); ე.დ) გამოსაცდელი ვადის არადამაკმაყოფილებლად შეფასების საფუძველზე; ე.ე) არადამაკმაყოფილებელი პროფესიული ჩვევების გამო; ვ) სამსახურებრივი დისციპლინის დარღვევა, თუ პირის მიმართ უკვე მოქმედებს დისციპლინური პასუხისმგებლობის ნებისმიერი სხვა ზომა, ან სამსახურებრივი დისციპლინის უხეში დარღვევა; ზ) შტატებით გათვალისწინებული თანამდებობის შემცირება; თ) სხვა სამსახურში გადასვლა; ი) პირადი განცხადება; კ) დანაშაულის ჩადენა – კანონიერ ძალაში შესული სასამართლოს გამამტყუნებელი განაჩენის საფუძველზე; ლ) თანამდებობრივი შეუთავსებლობა, თუ იგი არ აღმოიფხვრა შეუთავსებლობის გამოვლენიდან 10 დღის ვადაში; მ) ნარკოტიკული საშუალებების, ფსიქოტროპული ან ტოქსიკური ნივთიერებების მოხმარება; „ნ) სამსახურის, მისი სტრუქტურული ქვედანაყოფის ან ტერიტორიული ორგანოს რეორგანიზაცია ან/და ლიკვიდაცია; ო) გარდაცვალება; პ) მოქალაქეობის შეცვლა; ჟ) უგზოუკვლოდ დაკარგულად აღიარება; რ) ქმედუუნაროდ აღიარება; ს) სამსახურის გავლის წესით განსაზღვრული შემთხვევები. 2. მოსამსახურე არ შეიძლება განთავისუფლდეს ნამსახურობის ვადის გასვლის საფუძველზე, თუ მას დაკავებული აქვს ისეთი თანამდებობა, რომლიდანაც ამ საფუძვლით განთავისუფლების შემთხვევაში მასზე ვერ გავრცელდება „სახელმწიფო კომპენსაციისა და სახელმწიფო აკადემიური სტიპენდიის შესახებ“ საქართველოს კანონით გათვალისწინებული კომპენსაცია. საქართველოს 2009 წლის 3 ნოემბრის კანონი №1929 - სსმ I, №32, 06.11.09 წ., მუხ.192     მუხლი 17🔗. მოსამსახურის წახალისება მოსამსახურის მიერ სამსახურებრივ მოვალეობათა სანიმუშოდ შესრულებისათვის, ხანგრძლივი და კეთილსინდისიერი სამსახურისათვის, განსაკუთრებული სირთულის ან მნიშვნელობის დავალების შესრულებისათვის წესდება წახალისების შემდეგი ფორმები: ა) მადლობის გამოცხადება და მადლობის სიგელით დაჯილდოება; ბ) პრემიის მიცემა ან ფასიანი საჩუქრით დაჯილდოება; გ) 10 დღის დამატებითი შვებულების მიცემა; დ) სამსახურის სამკერდე ნიშნით დაჯილდოება; ე) მორიგი სპეციალური წოდების ვადამდე მინიჭება; ვ) დისციპლინური პასუხისმგებლობის ვადამდე მოხსნა; ზ) სამსახურებრივი მოვალეობის შესრულებისას გამოჩენილი ვაჟკაცობისა და მამაცობისათვის სახელმწიფო ჯილდოზე წარდგენა.     მუხლი 18🔗. მოსამსახურის დისციპლინური პასუხისმგებლობა სამსახურებრივი დისციპლინის დარღვევისთვის მოსამსახურის მიმართ გამოიყენება დისციპლინური პასუხისმგებლობის შემდეგი ზომები: ა) შენიშვნა; ბ) გაფრთხილება; გ) სამსახურებრივი მოვალეობის შესრულებისაგან ჩამოშორება ხელფასის გაცემის შეჩერებით; დ) უფრო დაბალი თანრიგის (რანგის) თანამდებობრივ სარგოზე გადაყვანა არა უმეტეს ერთი წლისა; ე) სპეციალური წოდების ერთი საფეხურით დაქვეითება; ვ) არა უმეტეს 10 სამუშაო დღის ხელფასის დაკავება; ზ) სამსახურიდან განთავისუფლება ამ კანონის საფუძველზე.     მუხლი 19🔗. მოსამსახურის სოციალური დაცვა 1. სახელმწიფო უზრუნველყოფს მოსამსახურის სოციალურ დაცვას. 2. მოსამსახურე ამ მუხლით დადგენილ შემთხვევებში და დადგენილი წესით სამსახურისათვის იღებს: ა) ხელფასს (თანამდებობრივი სარგო); ბ) თანამდებობრივ და სპეციალური წოდებისათვის დადგენილ დანამატებს; გ) კვების ულუფის ფინანსურ კომპენსაციას; დ) საქართველოს კანონმდებლობით გათვალისწინებულ სხვა დანამატებსა და კომპენსაციებს. 3. ამ მუხლის მე-2 პუნქტის „ბ“, „გ“ და „დ“ ქვეპუნქტებით გათვალისწინებული თანხების ოდენობას, ამ თანხების მიღებაზე უფლებამოსილი თანამდებობების ჩამონათვალს და მათი მიღების წინაპირობებს ადგენს საქართველოს ფინანსთა მინისტრი. მოსამსახურეთა ხელფასის (თანამდებობრივი სარგოს) ოდენობები განისაზღვრება „საჯარო სამსახურის შესახებ“ საქართველოს კანონის შესაბამისად. 4. სამსახურებრივი მოვალეობის შესრულებასთან დაკავშირებით მოსამსახურის დაღუპვის შემთხვევაში დაღუპულის მეუღლეს, შვილებსა და შრომისუუნარო მშობლებს სახელმწიფო ბიუჯეტის სახსრებიდან პროპორციულად მიეცემა ერთჯერადი დახმარება 15 000 ლარის ოდენობით. თუ ერთჯერადი დახმარების მიღების უფლება მხოლოდ მშობლებს აქვთ, მათ დახმარება ყველა შემთხვევაში მიეცემა. 5. სამსახურებრივი მოვალეობის შესრულებასთან დაკავშირებით მოსამსახურის დასახიჩრების ან შეზღუდული შესაძლებლობის სტატუსის დადგენის შემთხვევაში მოსამსახურეს სხეულის დაზიანების სიმძიმის ხარისხის შესაბამისად მიეცემა ერთჯერადი დახმარება არა უმეტეს 7 000 ლარისა. 6. ამ მუხლის მე-4 და მე-5 პუნქტებით დადგენილი გარანტიები ვრცელდება საქართველოს ფინანსთა მინისტრის ბრძანებით განსაზღვრულ თანამდებობის პირებზე.     მუხლი 20🔗. მოსამსახურის პასუხისმგებლობა 1. მოსამსახურის უკანონო ბრალეული ქმედებით მიყენებული ზიანი ანაზღაურდება სახელმწიფო ბიუჯეტიდან, საქართველოს კანონმდებლობით დადგენილი წესით. 2. მოსამსახურის მიერ სამსახურებრივი მოვალეობის შეუსრულებლობა ან არაჯეროვნად შესრულება იწვევს პასუხისმგებლობას საქართველოს კანონმდებლობით დადგენილი წესით.     მუხლი 21🔗. მოსამსახურის ინტერესთა კონფლიქტი მოსამსახურეს ეკრძალება პროფესიულ ვალდებულებათა შესრულება იმ პირის მიმართ: ა) რომელიც საქართველოს საგადასახადო კოდექსის შესაბამისად ითვლება მოსამსახურის ნათესავად; ბ) რომლის მიმართაც მას ან სხვა პირს, რომელიც საქართველოს საგადასახადო კოდექსის შესაბამისად ითვლება მოსამსახურის ნათესავად, ან მის ოჯახს აქვს პირდაპირი ან არაპირდაპირი ფინანსური ინტერესი. თავი V გარდამავალი და დასკვნითი დებულებანი     მუხლი 22🔗. გარდამავალი დებულებანი 1. საქართველოს ფინანსთა სამინისტროს ფინანსური პოლიციის, საგადასახადო და საბაჟო დეპარტამენტების წარმოებაში არსებული საქმეები ამ მუხლის მე-3 პუნქტის გათვალისწინებით გადაეცეს შემოსავლების სამსახურს მისი შექმნისთანავე. 2. საქართველოს ფინანსთა სამინისტროს ფინანსური პოლიცია, საგადასახადო და საბაჟო დეპარტამენტები აგრძელებენ ფუნქციონირებას ამ კანონის მიღებამდე მინიჭებული უფლებამოსილებების ფარგლებში, ფინანსური პოლიციის, საგადასახადო და საბაჟო დეპარტამენტების რეორგანიზაციის განხორციელებამდე. ფინანსური პოლიციის, საგადასახადო და საბაჟო დეპარტამენტების რეორგანიზაცია განხორციელდეს საქართველოს ფინანსთა მინისტრის ბრძანების შესაბამისად. რეორგანიზაცია შეიძლება განხორციელდეს ეტაპობრივად ან ერთიანად. საქართველოს ფინანსთა სამინისტრომ არა უგვიანეს 2007 წლის 1 აპრილისა უზრუნველყოს შემოსავლების სამსახურის დებულების დამტკიცება და მის საქმიანობასთან დაკავშირებული კანონქვემდებარე ნორმატიული აქტების გამოცემა. 3. თუ რეორგანიზაციის საწყის ეტაპზე მხოლოდ ორი უწყება გაერთიანდება, შემოსავლების სამსახურის უფლებამოსილებები მისი დებულებით მინიჭებული კომპეტენციების შესაბამისად განახორციელონ საქართველოს ფინანსთა სამინისტროს სათანადო საქვეუწყებო დაწესებულებებმა. საჭიროების შემთხვევაში საქართველოს ფინანსთა სამინისტროს ფინანსური პოლიციის, საგადასახადო და საბაჟო დეპარტამენტების კომპეტენციები შეიძლება გაიმიჯნოს საქართველოს ფინანსთა მინისტრის ინდივიდუალური ადმინისტრაციულ-სამართლებრივი აქტით. 4. კანონქვემდებარე ნორმატიული აქტები, რომლებიც არეგულირებს საქართველოს ფინანსთა სამინისტროს ფინანსური პოლიციის, საბაჟო და საგადასახადო დეპარტამენტების ორგანიზებასთან, ამ უწყებებში სამსახურში მიღებასა და სამსახურებრივ ურთიერთობებთან დაკავშირებულ საკითხებს, ძალაშია შესაბამისი უწყების შემოსავლების სამსახურში გაერთიანებამდე, მიუხედავად იმისა, შეესაბამება თუ არა ისინი ამ კანონის დებულებებს. ნორმატიულ აქტებში, რომლებშიც მითითებულია ფინანსური პოლიცია, საგადასახადო და საბაჟო დეპარტამენტები, შესაბამისი ცვლილებების განხორციელებამდე ამ აქტებით მინიჭებული უფლებამოსილებები განახორციელონ შესაბამისად საქართველოს ფინანსთა სამინისტროს სათანადო საქვეუწყებო დაწესებულებებმა. 5. შემოსავლების სამსახურში და სამსახურის ტერიტორიულ ორგანოებში, განსაკუთრებული ნიშნის მიხედვით შექმნილ სტრუქტურულ ქვედანაყოფებში ინიშნებიან საქართველოს ფინანსთა სამინისტროს ფინანსური პოლიციის, საგადასახადო და საბაჟო დეპარტამენტების რეორგანიზაციის შედეგად გაუქმებულ/რეორგანიზებულ თანამდებობებზე, ტერიტორიულ ორგანოებში და სტრუქტურულ ქვედანაყოფებში მომუშავე პირები. ის თანამშრომლები, რომელთა გადაყვანა შემოსავლების სამსახურში ვერ ხერხდება სამსახურის ან ფინანსური პოლიციის, საგადასახადო და საბაჟო დეპარტამენტების ნაწილის რეორგანიზების შედეგად შექმნილი ერთეულის საშტატო რიცხოვნობიდან ან შესაბამისი თანამდებობრივი რანგიდან გამომდინარე, ითვლებიან სამსახურიდან განთავისუფლებულებად. შემოსავლების სამსახურში დასანიშნ პირებს შესაბამისი თანამდებობის ქვემდებარეობის მიხედვით ნიშნავს შესაბამისად სამსახურის უფროსი ან საქართველოს ფინანსთა მინისტრი. აღნიშნულ დანიშვნაზე გადაწყვეტილების მიღებისას არ ვრცელდება დისკრეციული უფლებამოსილების საფუძველზე მიღებული გადაწყვეტილებების მიმართ წაყენებული მოთხოვნები. 6. გარდამავალ ეტაპზე ამ მუხლის მე-5 პუნქტში მითითებული პირები (გარდა სამსახურის უფროსისა და მისი მოადგილეებისა) შემოსავლების სამსახურში ინიშნებიან ხელშეკრულებით არა უმეტეს 6 თვის ვადით ან მოვალეობის შემსრულებლად ან გამოსაცდელი ვადით. ხელშეკრულების ვადის ამოწურვის შემდეგ სამსახურებრივი ურთიერთობის გაგრძელების შემთხვევაში მოსამსახურე ინიშნება განუსაზღვრელი ვადით, თუ იგი თანახმა არ არის, სამსახურებრივი ურთიერთობები გააგრძელოს ხელშეკრულებით დადგენილი ვადით. 7. თუ რეორგანიზაცია ეტაპობრივად ხორციელდება, ამ მუხლის მე-5, მე-6 და მე-8 პუნქტების მოთხოვნები შესაბამისი საგადასახადო და საბაჟო ორგანოების, ფინანსური პოლიციის ტერიტორიული ორგანოების მოსამსახურეებზე ვრცელდება მხოლოდ მათი რეორგანიზაციის შემდეგ. ამავე ორგანოების რეორგანიზაციამდე მოხდება შესაბამისი თანამდებობების პირების დანიშვნა შემოსავლების სამსახურის საგადასახადო და საბაჟო ორგანოების, ტერიტორიული ორგანოების შესაბამის თანამდებობებზე. 8. საქართველოს ფინანსთა სამინისტროს ფინანსური პოლიციის, საგადასახადო და საბაჟო დეპარტამენტების რეორგანიზაციის შედეგად სამსახურიდან განთავისუფლებულ პირებს მიეცემა კომპენსაცია სამსახურის შექმნის დღემდე არსებული 2 თვის თანამდებობრივი სარგოს ოდენობით. კომპენსაცია არ მიეცემა ამ მუხლის მე-6 პუნქტის საფუძველზე სამსახურში დანიშნულ პირებს.     მუხლი 23🔗. კანონის ამოქმედება ეს კანონი ამოქმედდეს 2007 წლის 1 იანვრიდან. საქართველოს პრეზიდენტი მ. სააკაშვილი თბილისი, 2006 წლის 29 დეკემბერი №4254რს შეტანილი ცვლილებები: 1. საქართველოს 2009 წლის 3 ნოემბრის კანონი №1929 - სსმ I, №32, 06.11.09 წ., მუხ.192 2. ძალადაკარგულია - საქართველოს 2010 წლის 23 თებერვლის კანონი №2666 - სსმ I, №7, 09.03.10 წ., მუხ.25