2011 წლის 1 ივლისს დადებული ურთიერთგაგების მემორანდუმის შესახებ

საქართველოს მთავრობის

განკარგულება №1344

2012 წლის 13 ივლისი

ქ. თბილისი

2011 წლის 1 ივლისს დადებული ურთიერთგაგების მემორანდუმის შესახებ

1. მოწონებულ იქნეს „საქართველოს მთავრობას, შპს „აჭარ ენერჯი 2007“‑ს, შპს „ელექტროენერგეტიკული სისტემის კომერციულ ოპერატორსა“ და შპს „ენერგოტრანსს“ შორის 2011 წლის 1 ივლისს დადებულ ურთიერთგაგების მემორანდუმში ცვლილების შეტანის შესახებ“ საქართველოს მთავრობას, შპს „აჭარ ენერჯი 2007“‑ს, სს „ელექტროენერგეტიკული სისტემის კომერციულ ოპერატორსა“ და შპს „ენერგოტრანსს“ შორის დასადები შეთანხმების პროექტი.

2. „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის 27-ე მუხლის შესაბამისად, შეთანხმებას საქართველოს მთავრობის სახელით ხელი მოაწეროს საქართველოს ენერგეტიკისა და ბუნებრივი რესურსების მინისტრმა ალექსანდრე ხეთაგურმა.

 

პრემიერ-მინისტრი                                 ივანე მერაბიშვილი