საქართველოს მოქალაქეობის საკითხთა განხილვისა და გადაწყვეტის შესახებ დებულების დამტკიცების თაობაზე

საქართველოს მოქალაქეობის საკითხთა განხილვისა და გადაწყვეტის შესახებ დებულების დამტკიცების თაობაზე საქართველოს პრეზიდენტის ბრძანებულება №237 2014 წლის 10 ივნისი ქ.თბილისი საქართველოს მოქალაქეობის საკითხთა განხილვისა და გადაწყვეტის შესახებ დებულების დამტკიცების თაობაზე მუხლი 1🔗 „საქართველოს მოქალაქეობის შესახებ“ საქართველოს ორგანული კანონის 28-ე მუხლის შესაბამისად, დამტკიცდეს თანდართული საქართველოს მოქალაქეობის საკითხთა განხილვისა და გადაწყვეტის შესახებ დებულება. მუხლი 2🔗 „ნორმატიული აქტების შესახებ“ საქართველოს კანონის 25-ე მუხლის შესაბამისად, ძალადაკარგულად გამოცხადდეს: 1. „საქართველოს მოქალაქეობის საკითხებზე განცხადების და წარდგინების განხილვის წესის თაობაზე დებულების დამტკიცების შესახებ“ საქართველოს პრეზიდენტის 2009 წლის 30 იანვრის №34 ბრძანებულება. 2. „უცხო ქვეყნის მოქალაქისათვის საქართველოს მოქალაქეობის მინიჭების წესის შესახებ“ საქართველოს პრეზიდენტის 2006 წლის 26 იანვრის №80 ბრძანებულება. 3. „საქართველოს საპატიო მოქალაქეობის შესახებ“ დებულების დამტკიცების თაობაზე“ საქართველოს პრეზიდენტის 2008 წლის 15 ივლისის №370 ბრძანებულება. 4. „გარდამავალ პერიოდში საქართველოს მოქალაქეობის საკითხთა განხილვა-გადაწყვეტის მოწესრიგებისათვის აუცილებელი ღონისძიებების გატარების შესახებ“ საქართველოს პრეზიდენტის 2009 წლის 23 თებერვლის №66 ბრძანებულება. 5. „საქართველოს მოქალაქეობის დადგენის საკითხთა დაჩქარებული და გამარტივებული წესით განხილვა-გადაწყვეტის დროებითი რეჟიმის შემოღების შესახებ“ საქართველოს პრეზიდენტის 2001 წლის 17 აპრილის №136 ბრძანებულება. მუხლი 3🔗 ეს ბრძანებულება ამოქმედდეს 2014 წლის 11 ივნისიდან. საქართველოს პრეზიდენტიგიორგი მარგველაშვილი