საჯარო სამართლის იურიდიული პირის – ფინანსთა სამინისტროს აკადემიის დაფუძნების შესახებ

საჯარო სამართლის იურიდიული პირის – ფინანსთა სამინისტროს აკადემიის დაფუძნების შესახებ საქართველოს მთავრობის დადგენილება №390 2014 წლის 11 ივნისი ქ. თბილისი საჯარო სამართლის იურიდიული პირის – ფინანსთა სამინისტროს აკადემიის დაფუძნების შესახებ მუხლი 1🔗 საქართველოს ფინანსთა სამინისტროს სისტემაში პროფესიული განვითარების სისტემის სრულყოფის მიზნით, ასევე, საქართველოს ფინანსთა სამინისტროს სისტემის თანამშრომელთა, სტაჟიორთა და სხვა დაინტერესებულ პირთა პროფესიული განვითარების უზრუნველსაყოფად,  „საჯარო სამართლის იურიდიული პირის შესახებ“ საქართველოს კანონის მე-5 მუხლის მე-2 პუნქტის „ბ“ ქვეპუნქტისა და „საჯარო  სამართლის იურიდიული პირის შესახებ“  საქართველოს კანონში ცვლილების შეტანის თაობაზე“ 2013 წლის 6 სექტემბრის №1016‑Iს საქართველოს კანონის მე-2 მუხლის მე-2 პუნქტის შესაბამისად,  დაფუძნდეს საჯარო სამართლის იურიდიული პირი – ფინანსთა სამინისტროს აკადემია (შემდგომში – აკადემია). მუხლი 2🔗 აკადემია  განისაზღვროს  „საჯარო სამართლის იურიდიული პირის – ფინანსთა სამინისტროს აკადემიის შექმნის შესახებ“ საქართველოს  პრეზიდენტის  2011 წლის 18 აპრილის  №212 ბრძანებულებით შექმნილი საჯარო სამართლის იურიდიული პირის –  ფინანსთა სამინისტროს აკადემიის უფლებამონაცვლე. მუხლი 3🔗 აკადემიის უფლებამოსილება განისაზღვრება აკადემიის დებულებით, რომელსაც ამტკიცებს საქართველოს ფინანსთა მინისტრი. მუხლი 4🔗 აკადემიის ხელმძღვანელს თანამდებობაზე ნიშნავს და თანამდებობიდან ათავისუფლებს საქართველოს ფინანსთა მინისტრი. მუხლი 5🔗 აკადემიის სახელმწიფო კონტროლს ახორციელებს საქართველოს ფინანსთა სამინისტრო. მუხლი 6🔗 დადგენილება ამოქმედდეს 2014 წლის 15 ივნისიდან. პრემიერ-მინისტრიირაკლი ღარიბაშვილი