განჩინება შპს „მცხეთის რაიონის სასწრაფო სამედიცინო დახმარების სამსახური-03“-ს გაკოტრებულად გამოცხად

საქმე №2/5295-14

განჩინება

საქართველოს სახელით

მოვალის გაკოტრებულად გამოცხადების და რეგისტრაციის

გაუქმების შესახებ

2014 წლის 23 ივნისი

ქ. თბილისი

 

თბილისის საქალაქო სასამართლოს სამოქალაქო საქმეთა კოლეგია

მოსამართლე: თამარ ჭუნიაშვილი

განმცხადებელი – შპს „მცხეთის რაიონის სასწრაფო სამედიცინო დახმარების სამსახური – 03”

(საიდენტიფიკაციო კოდი – 236085080)

დირექტორი – ვარო ვარსიმაშვილი

მოთხოვნა – გაკოტრების საქმის წარმოების გახსნა

სასამართლომ ზეპირი მოსმენის გარეშე განიხილა შპს ”მცხეთის რაიონის სასწრაფო სამედიცინო დახმარების სამსახური – 03”-ის გაკოტრებულად გამოცხადების და საწარმოს რეგისტრაციის გაუქმების საკითხი

გამოარკვია:

თბილისის საქალაქო სასამართლოს სამოქალაქო საქმეთა კოლეგიას 2014 წლის 2 აპრილს განცხადებით მიმართა შპს „მცხეთის რაიონის სასწრაფო სამედიცინო დახმარების სამსახური-03”-ის დირექტორმა ვარო ვარსიმაშვილმა და ითხოვა შპს „მცხეთის რაიონის სასწრაფო სამედიცინო დახმარების სამსახური – 03”-ის მიმართ გაკოტრების საქმის წარმოების დაწყება, ვინაიდან შპს „მცხეთის რაიონის სასწრაფო სამედიცინო დახმარების სამსახურ – 03”-ს არ შესწევს უნარი დააკმაყოფილოს კრედიტორების ვადამოსული მოთხოვნები, აგრეთვე მას არ გააჩნია არანაირი ქონება.

თბილისის საქალაქო სასამართლოს სამოქალაქო საქმეთა კოლეგიის 2014 წლის 4 აპრილის განჩინებით განმცხადებელს დაუდგინდა ხარვეზი, განესაზღვრა 5 (ხუთი) სამუშაო დღე ხარვეზის შესავსებად.

თბილისის საქალაქო სასამართლოს სამოქალაქო საქმეთა კოლეგიის 2014 წლის 22 აპრილის განჩინებით განმცხადებელს 2014 წლის 4 აპრილის განჩინებით დადგენილი ხარვეზის გამოწორების მიზნით დანიშნული საპროცესო ვადა გაუგრძელდა განჩინების ასლის გადაცემიდან 5 (ხუთი) სამუშაო დღით.

2014 წლის 29 აპრილს შპს „მცხეთის რაიონის სასწრაფო სამედიცინო დახმარების სამსახური – 03”-ის დირექტორის ვარო ვარსიმაშვილის მიერ შევსებულ იქნა სასამართლოს მიერ დადგენილი ხარვეზი.

  2014 წლის 30 აპრილს თბილისის საქალაქო სასამართლოს სამოქალაქო საქმეთა კოლეგიის განჩინებით შპს „მცხეთის რაიონის სასწრაფო სამედიცინო დახმარების სამსახურ – 03”-ს უარი ეთქვა განცხადების წარმოებაში მიღებაზე, ვინაიდან მოვალე თავისი ქონებით ვერ უზრუნველყოფდა საპროცესო ხარჯების დაფარვას. ამასთან, განემარტათ კრედიტორებს, რომ შეეძლოთ მოემართათ სასამართლოსათვის შპს „მცხეთის რაიონის სასწრაფო სამედიცინო დახმარების სამსახური – 03”-ის მიმართ გადახდისუუნარობის შესახებ საქმის წარმოების დაწყებისა და მოვალის ქონებიდან მათი მოთხოვნის დაკმაყოფილების თაობაზე სასამართლოში გადახდისუუნარობის შესახებ განცხადების შეტანის გზით. თუ განჩინების გამოქვეყნებიდან 1 თვის ვადაში კრედიტორი გადახდისუუნარობის შესახებ განცხადებას არ შეიტანდა სასამართლოში, სასამართლო მოვალეს გაკოტრებულად გამოაცხადებდა, რაც მოვალის რეგისტრაციის გაუქმების საფუძველი იყო.

თბილისის საქალაქო სასამართლოს სამოქალაქო საქმეთა კოლეგიის 2014 წლის 30 აპრილის განჩინება გაკოტრების საქმის წარმოებაში მიღებაზე უარის თქმის შესახებ ,,საქართველოს საკანონმდებლო მაცნეში’’ გამოქვეყნდა 2014 წლის 6 მაისს. განჩინების გამოქვეყნებიდან 1 თვის ვადაში გადახდისუუნარობის შესახებ განცხადებით მომართა მხოლოდ ერთმა კრედიტორმა სს ,,ვისოლ პეტროლიუმ ჯორჯიას’’ გენერალურმა დირექტორმა ვასილ ხორავამ და მოითხოვა შპს „მცხეთის რაიონის სასწრაფო სამედიცინო დახმარების სამსახური – 03”-ის მიმართ გადახდისუუნარობის საქმის წარმოების დაწყება.

თბილისის საქალაქო სასამართლოს სამოქალაქო საქმეთა კოლეგიის 2014 წლის 9 ივნისის განჩინებით განმცხადებელს უარი ეთქვა გადახდისუუნარობის საქმის წარმოების დაწყების შესახებ განცხადების წარმოებაში მიღებაზე.

,,გადახდისუუნარობის საქმის წარმოების შესახებ” საქართველოს კანონის მე-20 მუხლის მიხედვით, თუ მოვალე გადახდისუუნარობის შესახებ განცხადებით მოითხოვს გაკოტრებას და სასამართლო ამ კანონის მე-19 მუხლის პირველი პუნქტით განსაზღვრულ ვადაში მოვალის მიერ ამავე კანონის მე-16 მუხლით გათვალისწინებული გადახდისუუნარობის შესახებ განცხადების საფუძველზე დაადგენს, რომ გადახდისუუნარობის შესახებ განცხადების შეტანის დროისათვის გაკოტრების დაწყების შემთხვევაში მოვალე თავისი ქონებით ვერ უზრუნველყოფს საპროცესო ხარჯების დაფარვას, სასამართლოს გამოაქვს განჩინება გადახდისუუნარობის შესახებ განცხადების წარმოებაში მიღებაზე უარის თქმის შესახებ და მასში უთითებს, რომ მოვალე გაკოტრებულად გამოცხადდება რეგისტრაციის გაუქმების გზით, თუ ამ განჩინების გამოქვეყნებიდან 1 თვის ვადაში კრედიტორმა იმავე მოვალის მიმართ არ შეიტანა სასამართლოში გადახდისუუნარობის შესახებ განცხადება.

,,გადახდისუუნარობის საქმის წარმოების შესახებ” საქართველოს კანონის მე-20 მუხლის მე-9 პუნქტის მიხედვით, თუ ამ მუხლის მე-5 პუნქტით გათვალისწინებული ინფორმაციის გამოქვეყნებიდან 1 თვის ვადაში კრედიტორი ამავე მუხლის მე-7 პუნქტით განსაზღვრულ გადახდისუუნარობის შესახებ განცხადებას არ შეიტანს სასამართლოში, სასამართლო მოვალეს გაკოტრებულად აცხადებს, რაც მოვალის რეგისტრაციის გაუქმების საფუძველია.

მოცემულ შემთხვევაში სს ,,ვისოლ პეტროლიუმ ჯორჯიას’’ უარი ეთქვა განცხადების მიღებაზე, ამდენად სასამართლოს მიაჩნია, რომ, შპს „მცხეთის რაიონის სასწრაფო სამედიცინო დახმარების სამსახური – 03” უნდა გამოცხადდეს გაკოტრებულად და გაუქმდეს შპს „მცხეთის რაიონის სასწრაფო სამედიცინო დახმარების სამსახური – 03”-ის რეგისტრაცია სამეწარმეო რეესტრში.

სასამართლომ იხელმძღვანელა ,,გადახდისუუნარობის საქმის წარმოების შესახებ” საქართველოს კანონის 1-ლი, მე-5, მე-7, მე-8, მე-9, მე-19, მე-20 მუხლებით, სამოქალაქო საპროცესო კოდექსის 284-ე, 285-ე მუხლებით,

დ ა ა დ გ ი ნ ა :

1. შპს „მცხეთის რაიონის სასწრაფო სამედიცინო დახმარების სამსახური – 03” (ს/კ. 236085080) გამოცხადდეს გაკოტრებულად და გაუქმდეს შპს „მცხეთის რაიონის სასწრაფო სამედიცინო დახმარების სამსახური – 03”-ის რეგისტრაცია სამეწარმეო რეესტრში.

2. განჩინება გამოქვეყნდეს ,,საქართველოს საკანონმდებლო მაცნეში” .

3. განჩინებაზე შეიძლება კერძო საჩივრის შეტანა თბილისის საქალაქო სასამართლოს სამოქალაქო საქმეთა კოლეგიაში (ქ.თბილისი, დავით აღმაშენებლის ხეივანი, მე-12 კმ., №6) განჩინების გამოქვეყნებიდან 5 დღის ვადაში.

მოსამართლე                                                     თამარ ჭუნიაშვილი