ასპინძის მუნიციპალიტეტის საკრებულოს კულტურის, განათლების, სპორტის და ახალგაზრდულ საქმეთა კომისიის დებულების დამტკიცების შესახებ

ასპინძის მუნიციპალიტეტის საკრებულოს კულტურის, განათლების, სპორტის და ახალგაზრდულ საქმეთა კომისიის დებულების დამტკიცების შესახებ                   ასპინძის მუნიციპალიტეტის საკრებულოს დადგენილება  №13 2014 წლის 22 ივლისი დაბა ასპინძა ასპინძის მუნიციპალიტეტის საკრებულოს კულტურის, განათლების, სპორტისა და ახალგაზრდულ საქმეთა კომისიის დებულების დამტკიცების შესახებ    საქართველოს ორგანული კანონის „ადგილობრივი თვითმმართველობის კოდექსი“ 24-ე მუხლის პირველი პუნქტის ,,ბ.დ“ ქვეპუნქტისა და 61-ე მუხლის მე-2 პუნქტის შესაბამისად, ასპინძის მუნიციპალიტეტის საკრებულო ადგენს: მუხლი 1🔗 დამტკიცდეს ასპინძის მუნიციპალიტეტის საკრებულოს კულტურის, განათლების,  სპორტისა და ახალგაზრდულ საქმეთა კომისიის დებულება დანართის შესაბამისად. მუხლი 2🔗 დადგენილება ამოქმედდეს გამოქვეყნებისთანავე.ასპინძის მუნიციპალიტეტის საკრებულოს თავმჯდომარემამუკა მელიქიძე დანართი ასპინძის მუნიციპალიტეტის  საკრებულოს კულტურის, განათლების, სპორტის და ახალგაზრდულ  საქმეთა კომისიის დებულება   ეს დებულება, საქართველოს ორგანული კანონის „ადგილობრივი თვითმმართველობის კოდექსი' და საკრებულოს  რეგლამენტის  შესაბამისად  განსაზღვრავს  ასპინძის მუნიციპალიტეტის   საკრებულოს კულტურის, განათლების, სპორტისა  და ახალგაზრდულ საქმეთა კომისიის უფლბემოსილებას სტრუქტურას და თანმდებობის პირთა უფლება-მოვალეობებს. მუხლი 1🔗. კომისიის სტატუსი 1. კულტურის   განათლების   და   ახალგაზრდულ   საქმეთა   კომისია     (შემდგომ   ,,კომისია')   წარმოადგენს საკრებულოს   მუდმივმოქმედ   ორგანოს,   რომელიც   უზრუნველყოფს   ადგილობრივი   თვითმმართველობის კოდექსით,     საკრებულოს     რეგლამენტით     და    ამ    დებულებით     განსაზღვრულ     უფლებამოსილებათა განხორციელებას. 2. კომისია იქმნება ადგილობრივი თვითმმართველობის კოდექსის 28-ე მუხლით,  საკრებულოს რეგლამენტით და ამ დებულებით დადგენილი წესით. 3. კომისია იქმნება ამ დებულებით დადგენილი საკითხების საკრებულოში წინასწარი მომზადების, გადაწყვეტილებათა შესრულებისათვის  ხელის შეწყობის, გამგეობის/მერიის და მისი სტრუქტურული ერთეულების, აგრეთვე შესაბამისი მიმართულებით მუნიციპალიტეტის მიერ დაფუძნებული იურიდიული პირების  კონტროლის მიზნით. 4.  კომისიის  საქმიანობის  წესი ადგილობრივი  თვითმმართველობის  კოდექსის  28-ე  მუხლის  მე-3  პუნქტის შესაბამისად, განისაზღვრება საკრებულოს რეგლამენტით. მუხლი 2🔗. კომისიის უფლებამოსილება 1. კომისია განიხილავს და საკრებულოს წარუდგენს წინადადებებს, რეკომენდაციებს და დასკვნებს: ა) განათლების, კულტურის, სპორტის და ახალგაზრდულ საქმეთა  მუნიციპალურ პროგრამების პროექტების შესახებ; ბ)  სკოლამდელი   და   სკოლისგარეშე   სააღმზრდელო   დაწესებულებების   არასამეწარმეო   (არაკომერციულ) იურიდიული პირის ფორმით შექმნისა და მათი ფუნქციონირებასთან დაკავშირებული საკითხების შესახებ; გ) ადგილობრივი   მნიშვნელობის  ბიბლიოთეკების,   მუზეუმების,   თეატრების,  გამოფენების,  სპორტულ-გამაჯანსაღებელი ობიექტების საქმიანობის ხელშემწყობი მუნიციპალურ პროგრამათა პროექტების შესახებ; დ) ახალგაზრდულ  საქმეთა სფეროში  ერთიანი სახელწიფო  პოლიტიკის  გატარება, სპორტული  ობიექტების რეაბილიტაცია და ინფარსტრუქტურის განვითარება. ე)  ახალგაზრდებისათვის   სამართლებრივი   ეკონომიკური   და   სოციალური   მხარდაჭერის   კომპლექსური ღონისძიებების შემუშავება და განხორციელება; ვ) ახალგაზრდების დასაქმების საკითხების გადაწყვეტა; ზ) ადგილობრივი თვითმყოფადობის,  შემოქმედებითი  საქმიანობის და კულტურული მემკვიდრეობის დაცვა- განვითარების მუნიციპალურ პროგრამათა დამტკიცება; თ) ახალგაზრდული  პოლიტიკის  განვითარების,   საზოგადოებრივი   განათლებისა   და  მასობრივი  სპორტის ხელშეწყობის მუნიციპალურ პროგრამათა დამტკიცება; ი) გენდერული თანასწორობის ხელშეწყობის ღონისძიებათა დაგეგმვა და დამტკიცება. 2.  კომისია თავის  უფლებამოსილებას  მიკუთვნებულ საკითხებზე:  ა)  შეიმუშავებს  წინადადებებს, სამართლებრივი აქტების პროექტებს და განსახილველად წარუდგენს საკრებულოს; ბ) იღებს რეკომენდაციებს და, საჭიროების შემთხვევაში, განსახილველად წარუდგენს საკრებულოს ან გზავნის დანიშნულებისამებრ; გ)  წყვეტს თავისი საქმიანობის ორგანიზაციულ საკითხებს; 3. კომისია ახორციელებს საკრებულოს რეგლამენტით და საკრებულოს დავალებით მისთვის მინიჭებულ სხვა უფლებამოსილებებს. 4. ადგილობრივი  თვითმმართველობის  ორგანოების  თანამდებობის  პირები  კომისიის  მოთხოვნით ვალდებულნი   არიან   კომისიის   მიერ   დადგენილ   ვადაში   წარუდგინონ   მას   შესაბამისი   დოკუმენტები, დასკვნები და სხვა მასალები, დაესწრონ კომისიის სხდომებს, პასუხი გასცენ სხდომაზე დასმულ შეკითხვებზე და წარმოადგინონ გაწეული საქმიანობის ანგარიში. მუხლი 3🔗. კომისიის თავმჯდომარე 1. კომისიის      თავმჯდომარის      თანამდებობაზე      არჩევა      და      გადარჩევა      ხდება      ადგილობრივი თვითმმართველობის   კოდექსის   28-ე   და   საკრებულოს   რეგლამენტის   26-ე,  102-ე  და  103-ე  მუხლებით  დადგენილი წესით. 2. კომისიის თავმჯდომარე: ა) იწვევს და წარმართავს კომისიის სხდომას; ბ) ადგენს,   კომისიის   სხდომაზე   განიხილავს   და  საკრებულოს   დასამტკიცებლად   წარუდგენს   კომისიის დებულებას; გ) არის კომისიის წარმომადგენელი, გამოდის კომისიის სახელით საკრებულოში და მის ფარგლებს გარეთ; დ) ანაწილებს ფუნქციებს კომისიის წევრებს შორის; ე) ამ დებულების შესაბამისად ქმნის კომისიის სამუშაო ჯგუფებს; ვ)  ადგენს    და    საკრებულოს     ბიუროს     დასამტკიცებლად     წარუდგენს    კომისიის    სამუშაო გეგმებს; უზრუნველყოფს სამუშაო გეგმით გათვალისწინებულ ღონისძიებათა განხორციელებას; ზ) აძლევს დავალებებს კომისიის წევრებს; თ) კომისიის  სხდომაში  მონაწილეობისათვის  იწვევს  ადგილობრივი  თვითმმართველობის  და სახელმწიფო ორგანოების წარმომადგენლებს, ექსპერტებსა და სპეციალისტებს; ი) საკრებულოს ბიუროს მიერ დადგენილი კვოტის ფარგლებში კომისიაში სამუშაოდ იწვევს ექსპერტ-სპეციალისტებს და წარუდგენს მათ კანდიდატურებს საკრებულოს თავმჯდომარეს შრომითი ხელშეკრულების გასაფორმებლად; კ) ნიშნავს კომისიის საკონსულტაციო საბჭოს შემადგენლობას; ლ) აკონტროლებს კომისიის მიერ მიღებულ გადაწყვეტილებათა შესრულებას; მ) საკრებულოს წარუდგენს წლიურ ანგარიშს კომისიის მიერ გაწეული საქმიანობის შესახებ; ნ)  ხელს  აწერს  კომისიის  მიერ  მიღებულ  გადაწყვეტილებებს,   დასკვნებს,  რეკომენდაციებს  და  კომისიის სხდომის ოქმებს; ო) ახორციელებს  საქართველოს  კანონმდებლობით,  საკრებულოს  რეგლამენტით  და კომისიის  დებულებით მისთვის მინიჭებულ სხვა უფლებამოსილებებს. 3. კომისიის  თავმჯდომარის  არყოფნის,  აგრეთვე კომისიის თავმჯდომარის გადადგომის, გადაყენების, მის მიერ უფლებამოსილების განხორციელების შეუძლებლობის ან მისი, როგორც საკრებულოს წევრის უფლებამოსილების ვადამდე შეწყვეტის შემთხვევაში, კომისიის თავმჯდომარისდავალებით კომისიის ერთ-ერთი  წევრი ასრულებს  კომისიის თავმჯდომარის მოვალეობას. ამ საკითხზე კომისიის თავმჯდომარის დავალების    არ   არსებობის   შემთხვევაში,   კომისიის   თავმჯდომარის    უფლება-მოვალეობებს    ასრულებს კომისიის უხუცესი წევრი. მუხლი 4🔗. კომისიის სამუშაო ჯგუფები 1.  კომისიის   უფლებამოსილებათა   ფუნქციური   დაჯგუფების   მიხედვით,  კომისიის  წევრებისაგან  იქმნება  კომისიის სამუშაო ჯგუფები. 2. კომისიის  წევრთა  გადანაწილებას  სამუშაო  ჯგუფებში  კომისიის  წევრთა  სურვილის  გათვალისწინებით ახდენს  კომისიის  თავმჯდომარე.  კომისიის  წევრი  შეიძლება  იყოს კომისიის  რამოდენიმე  სამუშაო ჯგუფის  წევრი. 3. სამუშაო  ჯგუფის  ფუნქციაა  თავის უფლებამოსილების  ფარგლებში  განიხილოს  და მოამზადოს  კომისიის სხდომაზე განსახილველი საკითხები. 4. კომისიაში იქმნება შემდეგი სამუშაო ჯგუფები: ა)  კულტურისა და  განათლების საკითხთა სამუშაო ჯგუფი; ბ) სპორტისა და  ახალგაზრდულ საქმეთა  სამუშაო ჯგუფი. 5.  კულტურისა    და    განათლების    საკითხთა    სამუშაო    ჯგუფი    წინასწარ    განიხილავს    და   კომისიას განსახილველად წარუდგენს ამ დებულების მე-2 მუხლის ,,ა" ,,ბ’’ ,,გ’’ პუნქტებით განსაზღვრულ საკითხებს. 6. ახალგაზრდულ საქმეთა სამუშაო ჯგუფი წინასწარ განიხილავს და კომისიას განსახილველად წარუდგენს ამ დებულების მე-2 მუხლის ,,გ-დ-ვ-თ " პუნქტებით განსაზღვრულ საკითხებს. მუხლი 5🔗. კომისიის საკონსულტაციო საბჭოები 1.  კომისიის     საკონსულტაციო     საბჭოები     იქმნება    შესაბამისი    დარგის    კომპეტენტური,     სათანადო გამოცდილების    მქონე,   მოწვეული   ექსპერტ-კონსულტანტების,    ასევე   არასამეწარმეო   (არაკომერციული)  იურიდიული პირების წარმომადგენლებისაგან. 2.  კომისიის   საბჭოების   პერსონალურ   შემადგენლობას   მოწვეულ   პირებთან   შეთანხმებით   განსაზღვრავს კომისიის თავმჯდომარე. 3. საკონსულტაციო საბჭოები კომისიის თავმჯდომარის წინადადებით წინასწარ განიხილავენ კომისიის სხდომაზე განსახილველ საკითხებს, შეიმუშავებენ შესაბამის რეკომენდაციებს და წინადადებებს, განიხილავენ  კომისიის გამგებლობას მიკუთვნებულ სფეროში არსებულ პრობლემებს და მათი გადაწყვეტის შესაძლო გზებს. მუხლი 6🔗. კომისიის საქმიანობის უზრუნველყოფა 1. კომისიის,   კომისიის   სამუშაო   ჯგუფებისა   და   კომისიის   საკონსულტაციო   საბჭოების   ორგანიზაციულ-ტექნიკურ მომსახურებას და საქმისწარმოებას უზრუნველყოფს საკრებულოს აპარატი.     2. კონკრეტული საკითხების დასამუშავებლად, საკრებულოს ბიუროს მიერ განსაზღვრული კვოტების ფარგლებში, კომისიის თავმჯდომარის წინადადებით, საკრებულოს თავმჯდომარე, არა უმეტეს 6 თვის ვადით, შრომითი ხელშეკრულების საფუძველზე, კომისიაში სამუშაოდ იწვევს ექსპერტ-კონსულტანტებს.