რაჭა-ლეჩხუმსა და ქვემო სვანეთის რეგიონში, ცაგერისა და ლენტეხის მუნიციპალიტეტებში, მდინარე ზესხოსა და ცხენისწყალზე ჰიდროელექტროსადგურების კასკადის მშენებლობის ტექნიკურ-ეკონომიკური შესწავლის, მშენებლობის, ფლობის და ოპერირების შესახებ ინტერესთა გამოხატვაში გამარჯვებული პირის გამოვლენის შესახებ

საქართველოს მთავრობის

განკარგულება №1344

2014 წლის 1 აგვისტო

ქ. თბილისი

რაჭა-ლეჩხუმსა და  ქვემო სვანეთის რეგიონში, ცაგერისა და ლენტეხის მუნიციპალიტეტებში, მდინარე ზესხოსა და ცხენისწყალზე ჰიდროელექტროსადგურების კასკადის მშენებლობის ტექნიკურ-ეკონომიკური შესწავლის, მშენებლობის, ფლობის და ოპერირების შესახებ ინტერესთა გამოხატვაში გამარჯვებული პირის გამოვლენის შესახებ

    1. საქართველოს მთავრობის 2013 წლის 21 აგვისტოს №214 დადგენილებით დამტკიცებული „საქართველოში ელექტროსადგურების მშენებლობის ტექნიკურ-ეკონომიკური შესწავლის, მშენებლობის, ფლობის და ოპერირების შესახებ ინტერესთა გამოხატვის წესის“ მე-6 მუხლის შესაბამისად, რაჭა-ლეჩხუმისა და ქვემო სვანეთის რეგიონში, ცაგერისა და ლენტეხის მუნიციპალიტეტებში, მდინარე ზესხოსა და ცხენისწყალზე ჰიდროელექტროსადგურების კასკადის მშენებლობის ტექნიკურ-ეკონომიკური შესწავლის, მშენებლობის, ფლობის და ოპერირების შესახებ ინტერესთა გამოხატვაში გამარჯვებულად გამოვლინდეს შპს „არ-ბი-აი გრუპი“.

    2. საქართველოს ენერგეტიკის სამინისტრომ უზრუნველყოს ინტერესთა გამოხატვაში გამარჯვებულ პირთან გასაფორმებელი ურთიერთგაგების მემორანდუმის პროექტის საქართველოს მთავრობის სხდომაზე განსახილველად წარდგენა.

 

პრემიერ-მინისტრი                                                      ირაკლი ღარიბაშვილი