შემსყიდველი ორგანიზაციების მიერ თანამედროვე ტექნოლოგიებში ლიცენზირებული საავტორო პროგრამების შეძენის პროცესის მაკოორდინირებელი კომისიის შექმნის შესახებ

შემსყიდველი ორგანიზაციების მიერ თანამედროვე ტექნოლოგიებში ლიცენზირებული საავტორო პროგრამების შეძენის პროცესის მაკოორდინირებელი კომისიის შექმნის შესახებ საქართველოს მთავრობის დადგენილება №484 2014 წლის 12 აგვისტო ქ.თბილისი შემსყიდველი ორგანიზაციების მიერ თანამედროვე ტექნოლოგიებში ლიცენზირებული საავტორო პროგრამების შეძენის პროცესის მაკოორდინირებელი კომისიის შექმნის შესახებ მუხლი 1🔗 „საქართველოს მთავრობის სტრუქტურის, უფლებამოსი­ლებისა და საქმიანობის წესის შესახებ“ საქართველოს კანონის 29-ე მუხ­ლისა და „სახელმწიფო შესყიდვების შესახებ“ საქართველოს კანონის შე­სა­ბამისად, საქართველოში ინოვაციური და ტექნოლოგიური ეკოსისტე­მის გაძლიერების, შემსყიდველი ორგანიზაციების მიერ თანამედროვე ტექ­­ნოლოგიებში ლი­ცენ­ზირებული საავტორო პროგრამების შეძენის პრო­­ცესის კოორდინა­ციის, საავტორო უფლებების მფლობელებთან სა­ქართვე­ლოს მთავრობის მიერ გასაფორმებელი ურთიერთგაგების მემო­რან­დუ­მების მომზადებისა და  ზემოაღნიშნულთან დაკავშირებით, საჭი­რო­ების შემთხვევაში, სათა­ნა­დო საკანონმდებლო ბაზის დასახვეწად წი­ნა­და­დე­ბე­ბის შემუშავების მიზნით, შეიქმნას შემსყიდველი ორგანიზაციების მიერ თანამედროვე ტექნოლოგიებში ლიცენზირებული საავტორო პროგრამების შეძენის პროცესის მაკოორდინირებელი კომისია (შემდგომში - კომისია) შემდეგი შემადგენ­ლობით: ილია ბეგიაშვილი ‑ საქართველოს მთავრობის კანცელარიის ად­მინისტრაციული დე­პარ­ტა­მენტის უფროსი, კომი­სიის თავმჯდომარე; ლევან რაზმაძე ‑ სსიპ ‑ სახელმწიფო შეს­ყიდვების სააგენტოს თავმჯდომარე, კომისიის წევრი; დიმიტრი ქუმსიშვილი ‑ საქართველოს ეკონომიკისა და მდგრადი გან­ვი­თარების მინისტრის პირველი მოად­გილე, კომისიის წევრი; გიორგი ჯავახიშვილი ‑ საქართველოს ფინანსთა მინისტრის მოად­გი­ლე, კომისიის წევრი; დავით ხუციშვილი - საქართველოს შინაგან საქმეთა მინისტრის მოა­დ­გილე, კომისიის წევრი; ალექსი ბატიაშვილი ‑ საქართველოს თავდაცვის მინისტრის მოად­გილე, კომისიის წევრი; ქეთევან ნატრიაშვილი ‑ საქართველოს განათლებისა და მეცნიერების მინისტრის პირველი მოადგილე, კომისიის წევრი; ლაშა ვერულავა - სსიპ - განათლების მართვის საინფორმაციო სისტემის უფროსი, კომისიის წევრი; ავთანდილ კასრაძე ‑ სსიპ - საქართველოს ინოვაციების და ტექნო­ლოგიების სააგენტოს თავმჯდომარის მოად­გილე, კომისიის წევრი; თენგიზ აბაზაძე ‑ საქართველოს მთავრობის კანცელარიის სა­ფინანსო დეპარტამენტის უფროსის მოვალე­ო­ბის შემსრულებელი, კომისიის წევრი; გიორგი ცინაძე ‑ საქართველოს მთავრობის კანცელარიის ად­მინისტრაციული დეპარტამენტის საინფო­რ­მა­ციო ტექნოლოგიების სამსახურის უფრო­სი, კომისიის წევრი; ვახტანგ ბაჩიაშვილი ‑ საქართველოს მთავრობის კანცელარიის იუ­რი­დიული დეპარტამენტის სამართლებრივი უზრუნველყოფის სამმართველოს უფროსი, კომისიის წევრი; ქეთევან ქადაგიძე ‑ სსიპ - სახელმწიფო შესყიდვების სააგენტოს კონსოლიდირებული ტენდერების ორ­გა­ნი­ზე­­ბის სამმართველოს უფროსი, კომისიის წე­ვ­რი. მუხლი 2🔗 კომისიამ, 2014 წლის 31 დეკემბრამდე, ხელი შეუწყოს თა­ნამედროვე ტექნოლოგიებში ლიცენზირებული საავტორო პროგრამების მფლობელთა ინტერესის გაზრდას საქართველოს ინოვაციური და ტექნო­ლოგიური განვითარების ხელშესაწყობად და ამ მიზნით: ა) შეისწავლოს თანამედროვე ტექნოლოგიებში ლიცენზირებული სა­ავტორო პროგრამების მფლობელთა მიერ შექმნილი პროდუქტების „სახელ­მწიფო შესყიდვების შესახებ“ საქართველოს კანონით განსაზღვრული შე­მ­სყიდველი ორგანიზაციების მიერ შესყიდვის მიზანშეწონილობა; ბ) უზრუნველყოს ამ მუხლის „ა“ ქვეპუნქტის გათვალისწინებით შე­რ­ჩეული საავტორო პროგრამის მფლობელთან საქართველოს მთავ­რო­ბის მიერ გასაფორმებელი ურთიერთგაგების მემორანდუმის პროექტის  მომზადება; გ) აუცილებლობის შემთხვევაში, შეიმუშავოს შესაბამისი წინადადე­ბები საკანონმდებლო ბაზის სრულყოფის მიზნით. მუხლი 3🔗 დამტკიცდეს კომისიის თანდართული დებულება. მუხლი 4🔗 დადგენილება ამოქმედდეს გამოქვეყნებისთანავე.პრემიერ-მინისტრიირაკლი ღარიბაშვილი შემსყიდველი ორგანიზაციების მიერ თანამედროვე ტექნოლოგიებში ლიცენზირებული საავტორო პროგრამების შეძენის პროცესის მაკოორდინირებელი კომისიის დებულება მუხლი 1🔗. ზოგადი დებულებანი 1. შემსყიდველი ორგანიზაციების მიერ თანამედროვე ტექნოლო­გი­ებში ლიცენზირებული საავტორო პროგრამების შეძენის პროცესის მაკო­ორდინირებელი კომისია (შემდგომში - კომისია) შექმნილია საქართვე­ლოს მთავრობის დადგენილებით. 2. კომისიის უფლებამოსილება და საქმიანობის წესი გა­ნისაზღვრება ამ დებულებით. 3. კომისია თავის საქმიანობაში ხელმძღვანელობს საქართველოს კო­ნსტიტუციით, საერთაშორისო სამართლებრივი აქტებით, საქართვე­ლოს საკანონმდებლო და კანონქვემდებარე ნორმატიული აქტებითა და ამ დებულებით. მუხლი 2🔗. კომისიის  უფლებამოსილება კომისია უფლებამოსილია: ა) სახელმწიფო უწყებებიდან და სხვა დაწესებულებებიდან გამო­ით­ხოვოს დასკვნები და სხვა საჭირო ინფორმაცია; ბ) განსაზღვროს მისი ცალკეული წევრების ფუნქციები; გ) კომისიის თავმჯდომარის წარდგინებით, შექმნას სამუშაო ჯგუფი მასალის ანალიზისა და სხვა დავალებების შესასრუ­ლებ­ლად  და დაამ­ტ­კი­ცოს მისი ხელმძღვანელი; დ) კონსულტაციისთვის მოიწვიოს ექსპერტი ან/და დარგის სპეცია­ლისტი. მუხლი 3🔗. კომისიის საქმიანობის წესი 1. კომისიას ხელმძღვანელობს კომისიის თავმჯდომარე, ხოლო მისი არყოფნის შემთხვევაში - თავმჯდომარის დავალებით, კომისიის ერთ-ერ­თი წევრი. 2. კომისიის სხდომა მოიწვევა თვეში ერთხელ კომისიის თავმჯ­დო­მარის მი­ერ. რიგგარეშე კომისიის სხდომა მოიწვევა კომისიის მინიმუმ ორი წევ­რის მოთხოვნის შემთხვევაში. კომისიის სხდომა უფლება­მოსი­ლია, თუ მას ესწრება კომისიის წევ­რთა სრული შემადგენლობის ნახევარ­ზე მეტი. 3. კომისიის სხდომის დღის წესრიგს ამტკიცებს კომისიის თავმჯ­დო­მარე. კომისიის სხდომაზე  საკითხის ინიცირების უფლება აქვთ კომი­სიის თავმჯდომარეს ან/და წევრებს. 4. კომისიის სხდომაზე გადაწყვეტილება მიიღება კომისიის დამ­ს­წ­რე წევრთა ხმათა უმრავლესობით, მაგრამ არანაკლებ კომისიის სრული შემადგენლობის ერთი მესამედისა. ხმათა თანაბრად გაყოფის შემთხ­ვე­ვა­ში, გადამწყვეტია კომისიის თავმჯდომარის ხმა. 5. კომისიის წევრს, რომელიც არ ეთანხმება კომისიის გადაწყვეტი­ლებას, უფლება აქვს, წერილობით წარადგინოს თავისი აზრი, რომელიც უნდა დაერთოს კომისიის გადაწყვეტილებას. 6. კომისიის ნებისმიერი გადაწყვეტილება აისახება ოქმში, რომელ­საც ხელს აწერს კომისიის დამსწრე ყველა წევრი. 7. კომისიის ორგანიზაციულ საქმიანობას უზრუნველყოფს საქარ­თვე­ლოს მთავრობის კანცელარიის ად­მინისტრაციული დეპარტამენტის საინფო­რ­მა­ციო ტექნოლოგიების სამსახური. მუხლი 4🔗. სამუშაო ჯგუფი 1. სამუშაო ჯგუფის მიერ შესასრულებელი დავალების განსაზღვრა ხორციელდება კომისიის წერილობითი გადაწ­ყვეტილების საფუძველზე. 2. სამუშაო ჯგუფი შესრულებული სამუშაოს შესახებ აცნობებს კო­მი­სიას წერილობითი ანგარიშის წარდგენის სახით. 3. სამუშაო ჯგუფი თავისი შემადგენლობიდან ირჩევს სამუშაო ჯგუ­­ფის მომხსენებელს, რომელიც სამუშაო ჯგუფის მიერ შესრულებული სამუშაოს შესახებ მოახსენებს კომისიას. 4. სამუშაო ჯგუფის საქმიანობაზე პასუხისმგებელია სამუშაო ჯგუ­ფის ხელმძღვანელი, რომელსაც ამ დებულების მე-2 მუხლის „გ“ ქვეპუნ­ქ­ტის შესაბამისად, ამტკიცებს კომისია.