,,ლაგოდეხის მუნიციპალიტეტის გამგეობის დებულების დამტკიცების შესახებ’’ ლაგოდეხის მუნიციპალიტეტის საკრებულოს 2014 წლის 25 ივლისის №20 დადგენილებაში ცვლილების შეტანის თაობაზე

1. გამგეობის დებულების პირველი მუხლს დაემატოს შემდეგი შინაარსის მე-3 და მე-4 პუნქტები:

,,3. გამგეობას აქვს ლაგოდეხის მუნიციპალიტეტის გერბით და საკუთარი დასახელებით შედგენილი ბეჭედი, შტამპი და ბლანკი.

4. გამგეობის ცალკეული უფლებამოსილებიდან გამომდინარე დასაშვებია სტრუქტურული ერთეულებისათვის ბეჭდის, შტამპის და ბლანკის არსებობა, რომელთა აღწერილობა და გამოყენების წესი განისაზღვრება შესაბამისი სტრუქტურული ერთეულის დებულებით“.

2. გამგეობის დებულების მე-6 მუხლის მე-3 პუნქტს დაემატოს შემდეგი შინაარსის ,,ე.დ.¹“ პუნქტი:

,,ე.დ.¹)  უზრუნველყოფს მუნიციპალიტეტის ტერიტორიაზე მშენებლობის ნებართვის გაცემას, მშენებლობაზე ზედამხედველობის განხორციელებას საქართველოს საკანონმდებლო აქტებით დადგენილი წესითა და დადგენილ ფარგლებში“.

3. გამგეობის დებულების მე-11 მუხლის მეოთხე პუნქტის ,,ა“ ქვეპუნქტი  ჩამოყალიბდეს შემდეგი რედაქციით:

,,ა) ადმინისტრაციული სამსახური, რომელსაც აქვს შემდეგი განყოფილებები:

ა.ა) მოქალაქეთა მომსახურებისა და საქმისწარმოების განყოფილება;

ა.ბ) ადამიანური რესურსების მართვისა და საინფორმაციო განყოფილება;

ა.გ) ადმინისტრაციულ-ერთეულებთან ურთიერთობისა და ოფიციალური ღონისძიებების დაგეგმა - ორგანიზების კოორდინაციის განყოფილება“.

4. ლაგოდეხის მუნიციპალიტეტის გამგეობის დებულების მე-15 მუხლის მესამე პუნქტი ჩამოყალიბდეს შემდეგი რედაქციით:

,,3. გამგებლის წარმომადგენელი:

ა) აკონტროლებს და გამგებელს წარუდგენს ინფორმაციას შესაბამის ადმინისტრაციული ერთეულის ტერიტორიაზე ადგილობრივი თვითმმართველობის ორგანოების მიერ მიღებული გადაწყვეტილებათა შესრულების მიმდინარეობის შესახებ;

ბ) გამგებელს წარუდგენს წინადადებებს შესაბამის ტერიტორიაზე არსებული პრობლემების და მათი შესაძლო გადაწყვეტის გზების შესახებ;

გ) უზრუნველყოფს მოქალაქეებზე საქონლის ადგილწარმოშობის და საქართველოს კანონმდებლობით გათვალისწინებული სხვა ცნობების გაცემას;

დ) უზრუნველყოფს ადმინისტრაციულ ერთეულში მცხოვრები მოქალაქეების მონაწილეობას ადმინისტრაციულ ერთეულში დასაგეგმი მუნიციპალური პროგრამების, პროექტების, აგრეთვე მუნიციპალიტეტის ბიუჯეტის შემუშავებაში;

ე) უზრუნველყოფს ადმინისტრაციულ ერთეულში მცხოვრები მოქალაქეების მიერ მუნიციპალიტეტის ბიუჯეტის პროექტის საჯარო განხილვებს, საჯარო განხილვებზე გამოთქმული შენიშვნებისა და წინადადებების სისტემატიზაციასა და წარდგენას გამგეობაში;

ვ) უზრუნველყოფს გამგეობის თანამდებობის პირების მიერ მოსახლეობის წინაშე ანგარიშგების მიზნით ადმინისტრაციულ ერთეულში მცხოვრებ მოქალაქეებთან საჯარო შეხვედრების ორგანიზებას;

ზ) უზრუნველყოფს ადმინისტრაციული ერთეულის მოსახლეობის კავშირს გამგეობასთან;

თ) ახორციელებს სხვა უფლებამოსილებებს გამგებლის დავალებით.’’.

5. ლაგოდეხის მუნიციპალიტეტის გამგეობის დებულების მე-15 მუხლის მეოთხე პუნქტი ჩამოყალიბდეს შემდეგი რედაქციით:

,,4. ა) გამგებლის წარმომადგენელი ანგარიშვალდებულია გამგებლის წინაშე;

 ბ) გამგებლის წარმომადგენელს აქვს ბეჭედი (ადმინისტრაციული ერთეულის დასახელებით), შტამპი და ბლანკი, რომელიც ინახება წარმომადგენელთან, გამოიყენება ამ დებულებით და სხვა სამართლებრივი აქტებით გათვალისწინებულ შემთხვევაში.’’.