ქალაქ ამბროლაურის მუნიციპალიტეტის ოფიციალური ვებგვერდის დებულების დამტკიცების შესახებ

ქალაქ ამბროლაურის მუნიციპალიტეტის ოფიციალური ვებგვერდის დებულების დამტკიცების შესახებ ქალაქ ამბროლაურის მუნიციპალიტეტის საკრებულოს დადგენილება №28 2014 წლის 22 აგვისტო ქ. ამბროლაური ქალაქ ამბროლაურის მუნიციპალიტეტის ოფიციალური ვებგვერდის დებულების დამტკიცების შესახებ „ადგილობრივი თვითმმართველობის კოდექსი“ საქართველოს ორგანული კანონის  61-ე მუხლის პირველი პუნქტის და  ქალაქ ამბროლაურის მუნიციპალიტეტის მერიის დებულების 35-ე მუხლის მე-3 პუნქტის და მე-40 მუხლის „ე“ ქვეპუნქტის შესაბამისად ქალაქ ამბროლაურის მუნიციპალიტეტის  საკრებულო ადგენს: მუხლი 1🔗 დამტკიცდეს ქალაქ ამბროლაურის მუნიციპალიტეტის ოფიციალური ვებგვერდის თანდართული დებულება (დანართი №1); მუხლი 2🔗 დადგენილება ამოქმედდეს გამოქვეყნებისთანავე.ქალაქ ამბროლაურის მუნიციპალიტეტის საკრებულოს თავმჯდომარის მოადგილედავით ვაჩაძე დანართი №1 ქალაქ ამბროლაურის მუნიციპალიტეტის ოფიციალური ვებგვერდის დებულება მუხლი 1🔗. ზოგადი დებულებები 1. დებულება ქალაქ  ამბროლაურის მუნიციპალიტეტის ოფიციალური ვებგვერდის შესახებ ადგენს ქალაქ ამბროლაურის მუნიციპალიტეტის ოფიციალური ვებგვერდის შევსების, ორგანიზებისა და გამოყენების სამართლებრივ საფუძვლებს.   2. ქალაქ ამბროლაურის მუნიციპალიტეტის ოფიციალური ვებ-გვერდის დანიშნულებაა:   ა) ქალაქ ამბროლაურის მუნიციპალიტეტის სოციალურ-ეკონომიური, კულტურული, საზოგადოებრივ-პოლიტიკური მდგომარეობის, მუნიციპალიტეტის პერსპექტიული განვითარების თვითმმართველობის ორგანოების საქმიანობის შესახებ ინფორმაციის მიწოდება ქალაქ ამბროლაურის მუნიციპალიტეტის მოსახლეობისათვის და ყველა დაინტერესებული პირისა თუ ორგანიზაციისათვის.   ბ) უზრუნველყოს თვითმმართველობის ორგანოების მუდმივი კავშირი თვითმმართველი ერთეულის მოსახლეობასთან, დაწესებულებებთან, ორგანიზაციებთან და საწარმოებთან, საშუალება მისცეს მოსახლეობას და იურიდიულ პირებს შეუფერხებლად მიმართონ და მიაწოდონ წინადადებები თვითმმართველი ერთეულის ორგანოებს და თანამდებობის პირებს თვითმმართველ ერთეულში არსებული მიმდინარე პრობლემების და მისაღებ გადაწყვეტილებათა პროექტების შესახებ უზრუნველყოს თვითმმართველობის ორგანოების მიერ გადაწყვეტილების მიღებაში საზოგადოების ინტერესების მაქსიმალური გათვალისწინება.  3. ქალაქ ამბროლაურის  მუნიციპალიტეტის ვებგვერდის ოფიციალური მისამართია www.Ambrolauri.gov.ge მუხლი 2🔗. ვებგვერდის ადმინისტრირება 1. ვებგვერდის ადმინისტრირებას ახორციელებს  ქალაქ ამბროლაურის მუნიციპალიტეტის მერიის ადმინისტრაციული სამსახური.   2. ვებგვერდის ადმინისტრირება მოიცავს:   ა) ვებგვერდის დიზაინის მომზადებას და მასში ცვლილებების შეტანას;   ბ) ვებგვერდის ფუნქციონირების ტექნიკური გამართულობის უზრუნველყოფას;   გ) ინფორმაციის განთავსებას;   დ) ვებგვერდზე შემოსული წინადადებისა და წერილების სისტემატიზაციას და გადაცემას მერიის ადმინისტრაციული სამსახურის უფროსისათვის;   ე) ვებგვერდის ფუნქციონირების პროგრამულ უზრუნველყოფას, მათ შორის ვებგვერდზე განთავსებული ინფორმაციის დაცვას არასანქცირებული ჩარევისაგან, ინფორმაციის შეცვლის, გაყალბების, დამახინჯების, წაშლის და დაბლოკვისაგან.   3. მერიის ადმინისტრაციული სამსახურის მოთხოვნა ინფორმაციის მიწოდების შესახებ ვებ-გვერდზე განსათავსებლად სავალდებულოა შესასრულებლად თვითმმართველობის ორგანოების, თანამდებობის პირებისა და ადმინისტრაციული დაწესებულებებისათვის. მუხლი 3🔗. ინფორმაციის წყაროები, კატეგორიები და სტატუსი. 1. ვებგვერდზე განთავსებული ინფორმაცია არის თვითმმართველი ერთეულის საკუთრება. იგი საჯარო და უსასყიდლოა.   2. ვებგვერდზე განთავსებულ ინფორმაციას აქვს ოფიციალური (შესაბამისი მითითებით) ან არაოფიციალური სტატუსი.   3. ვებგვერდზე განთავსებული ინფორმაციის გამოყენება თავისუფალია. საინფორმაციო საშუალებებს უფლება აქვთ გამოიყენონ ვებგვერდზე განთავსებული ინფორმაცია ვებ-გვერდის მისამართის სავალდებულო მითითებით.   4. ვებგვერდის შევსების წყაროებია:   ა) ადგილობრივი თვითმმართველობის ორგანოები;   ბ) თვითმმართველი ერთეულის მიერ დაფუძნებული იურიდიული პირები;   გ) თვითმმართველი ერთეულის ტერიტორიაზე არსებული საჯარო დაწესებულებები;   დ) მასობრივი საინფორმაციო საშუალებები და ინტერნეტ-რესურსები;   ე) საზოგადოებრივი და პოლიტიკური ორგანიზაციები;   5. ვებ-გვერდის ინფორმაცია განახლების მიხედვით იყოფა შემდეგ კატეგორიებად:   ა) მუდმივი (ყოველდღიური);   ბ) პერიოდული (ყოველკვირეული, ყოველთვიური);   გ) ერთჯერადი; მუხლი 4🔗. ვებგვერდზე ინფორმაციის გამოქვეყნება. 1. ადგილობრივი თვითმმართველობის ორგანოები, თვითმმართველი ერთეულის იურიდიული პირები, თვითმმართველი ერთეულის ტერიტორიაზე არსებული საჯარო დაწესებულებები მერიის ადმინისტრაციულ სამსახურს აწვდიან ვებ-გვერდზე განსათავსებელ ინფორმაციას ელექტრონული ფორმით ამ დებულებით დადგენილი გადაცემისა და განახლების პერიოდულობის ვადების დაცვით.    2. ინფორმაციის მიწოდების დროულობასა და უტყუარობაზე პასუხისმგებელია ინფორმაციის მიმწოდებელი, ხოლო ვებ-გვერდზე დროულ, შესაბამის განყოფილებაში (ქვეგანყოფილებაში) განთავსებასა და მიწოდებული ინფორმაციის რედაქტირებაზე ქალაქ ამბროლაურის მუნიციპალიტეტის მერიის ადმინისტრაციული სამსახური.    3. ინფორმაციის მიწოდების ვადებია:    ა) მუდმივად განახლებადი – ყოველი დღის 13.00 სთ.    ბ) ყოველკვირეული – ყოველი სამშაბათის 13.00 სთ.    გ) ყოველთვიური – ყოველი თვის 15 რიცხვის 13.00 სთ.    4. ამ მუხლის პირველი პუნქტით განსაზღვრული წყაროების გარდა სხვა წყაროდან მიღებული ინფორმაციის განთავსება ვებგვერდზე ხორციელდება ამ წესის მიხედვით, მერიის ადმინისტრაციული სამსახურის უფროსის გადაწყვეტილების შესაბამისად. მუხლი 5🔗. ვებგვერდის ძირითადი სტრუქტურა 1. ვებგვერდის ძირითადი სტრუქტურა მოიცავს: ქალაქ ამბროლაურის მუნიციპალიტეტის საკრებულოს, მერიის, სტრუქტურული ერთეულების ხელმძღვანელების, მუნიციპალიტეტის მერიის  მიერ დაფუძნებული იურიდიული პირების, სამართლებრივი აქტების, ჩატარებული ტენდერების, ქალაქ ამბროლაურის მუნიციპალიტეტში მომხდარი სიახლეებისა და სხვა სახის ინფორმაციის.    2. ვებ-გვერდის სტრუქტურის ძირითადი განყოფილებებია:    ა) მთავარი-ქალაქ ამბროლაურის მუნიციპალიტეტი;    ბ) მერია;    გ) საკრებულო;    დ) სამართლებრივი აქტები;    ე) განცხადებები;    ვ) ცნობარი;    ზ) პროგრამები და პროექტები.    თ) ახალი ამბები. მუხლი 6🔗. ვებგვერდის განყოფილებათა სტრუქტურა 1. ქალაქ ამბროლაურის მუნიციპალიტეტის განყოფილება იყოფა შემდეგ ქვეგანყოფილებად: ა) ზოგადი ინფორმაცია; ბ) მუნიციპალიტეტის სიმბოლიკა; გ) ბუნებრივი რესურსები; დ) ეკონომიკა: ე) ინფრასტრუქტურა; ვ) ჯანდაცვა; ზ) განათლება; თ) სპორტი და კულტურა. 2.  მერია იყოფა შემდეგ ქვეგანყოფილებებად: ა) მერიის დებულება; ბ) მერიის თანამდებობის პირები (თანამდებობა, მოკლე ბიოგრაფია, პროფესია, უფლებამოსილება,   სამსახურის ტელეფონი, სამსახურის მისამართი და მიღების საათები); გ) მერიის სტრუქტურა; დ) მერიის სტრუქტურული ერთეულები (სტრუქტურული ერთეულის დებულება, პერსონალური  შემადგენლობა თანამდებობის და სამსახურის ტელეფონის მითითებით); 3. საკრებულოს განყოფილება იყოფა შემდეგ ქვეგანყოფილებებად: ა) ბიურო (საკრებულოს თანამდებობის პირები – თანამდებობა, მოკლე ბიოგრაფია, პროფესია,  პარტიულობა, უფლებამოსილება, სამსახურის ტელეფონი, სამსახურის მისამართი და მიღების საათები); ბ) საკრებულოს წევრები (მოკლე ბიოგრაფია, პროფესია, პარტიულობა, სამსახურის ტელეფონი, სამსახურის მისამართი, საკრებულოს კომისიის (კომისიების) და ფრაქციის წევრობა); გ) საკრებულოს კომისიები (უფლებამოსილება, სამუშაო გეგმა, კომისიის შემადგენლობა; კომისიის დებულებები); დ) საკრებულოს დროებითი სამუშაო ჯგუფები (უფლებამოსილება, სამუშაო გეგმა, სამუშაო ჯგუფის შემადგენლობა); ე) საკრებულოს ფრაქციები (ფრაქციის წესდება; ფრაქციის შემადგენლობა); ვ) საკრებულოს აპარატი (აპარატის დებულება, აპარატის უფროსი (მოკლე ბიოგრაფია, პროფესია, სამსახურის ტელეფონი, მისამართი), აპარატის სტრუქტურა, პერსონალური შემადგენლობა თანამდებობის და სამსახურის ტელეფონის მითითებით); ზ) საკრებულოს დებულება (რეგლამენტი). 4. სამართლებრივი აქტების განყოფილება იყოფა შემდეგ ქვეგანყოფილებებად: ა) საკრებულოს სამართლებრივი აქტები: ა.ა) საკრებულოს დადგენილებები, საკრებულოს განკარგულებები, საკრებულოს თავმჯდომარის ბრძანებები; ბ) მერის ბრძანებები; გ) მერიის სტრუქტურული ერთულის ხელმძღვანელების ბრძანებები. 5. განცხადებების განყოფილება იყოფა შემდეგ ქვეგანყოფილებებად: ა) ტენდერები, აუქციონები; ბ) ვაკანსიები, კონკურსები. 6. ცნობარის განყოფილებაში თავსდება თვითმმართველი ერთეულის ტერიტორიაზე  არსებული იურიდიული პირების, ორგანიზაციების, მნიშვნელოვანი ინფრასტრუქტურული, კულტურული და ტურისტული ობიექტების და სხვა მუნიციპალიტეტის მნიშვნელოვანი საცნობარო ინფორმაცია. 7. პროგრამების და პროექტების განყოფილება იყოფა შემდეგ ქვეგანყოფილებებად: ა) მუნიციპალური პროგრამები; ბ) საინვესტიციო პროექტები. 8. ახალი ამბების განყოფილებაში თავსდება ინფორმაცია თვითმმართველ ერთეულში მომხდარ და მიმდინარე მოვლენებზე.