„აბაშის მუნიციპალიტეტის გამგეობის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის დებულების დამტკიცების შესახებ“ აბაშის მუნიციპალიტეტის საკრებულოს 2014 წლის 29 ივლისის №22 დადგენილებაში ცვლილების შეტანის თაობაზე

1.  დებულების მე-2  მუხლის მე-2 პუნქტი შეიცვალოს და ჩამოყალიბდეს  ახალი რედაქციით:

„2  . სამსახურის სტრუქტურული ქვედანაყოფებია:

ა) კულტურისა და ძეგლთა დაცვის განყოფილება;

ბ) განათლების განყოფილება:

გ) სპორტის და ახალგაზრდულ საქმეთა განყოფილება“.

2.  დებულების მე-3 მუხლის პირველ პუნქტს დაემატოს „უ“ ქვეპუნქტი:

 „უ) საზოგადოებრივი განათლებისა და გენდერული თანასწორობის ხელშეწყობის უზრუნველყოფისთვის შესაბამისი წინადადებების მომზადებას და ღონისძიებების დაგეგმვას.“

3. დებულების მე-4 მუხლი შეიცვალოს და ჩამოყალიბდეს ახალი რედაქციით:

„მუხლი 4. კულტურისა და ძეგლთა დაცვის განყოფილების ფუნქციები

სამსახურის კულტურისა და ძეგლთა დაცვის განყოფილება დადგენილი წესით უზრუნველყოფს:

ა) კულტურისა და  ძეგლთა დაცვის მუნიციპალური პროგრამების შემუშავებას;

ბ) კულტურისა და  ძეგლთა დაცვის  მუნიციპალურ პროგრამათა განხორციელების კოორდინაციას;

გ) მუნიციპალური მუზეუმების, კულტურის სახლების, თეატრების, სახელოვნებო სკოლების და კულტურის სხვა დაწესებულებების მართვას;

დ) მატერიალური და არამატერიალური კულტურული მემკვიდრეობის, კულტურის უძრავი და მოძრავი ძეგლების, ყოველ ისტორიულ ეპოქაში შექმნილი კულტურული და შემოქმედებითი მოღვაწეობის ნიმუშების (ფოლკლორის, ისტორიული, არქეოლოგიური, ეთნოგრაფიული და ა.შ.) აღრიცხვას, დაცვას, შენარჩუნებასა და პოპულარიზაციას;

ე) თეატრის, კინოს, მუსიკის, ქორეოგრაფიის, სახვითი, გამოყენებითი პროფესიული ხელოვნებისა და ხალხური ხელოვნების დარგების განვითარებისათვის ხელსაყრელი პირობების შექმნას, ტრადიციების შენარჩუნებასა და პოპულარიზაციას;

ვ) ეროვნული სიმდიდრის დაცვას და პოპულარიზაციას, გამოჩენილი პიროვნებების ხსოვნის უკვდავყოფის, კულტურის სფეროში დასაქმებულთა მოღვაწეობის წარმოჩინებისა და პოპულარიზაციის ხელშეწყობას:

ზ) მოქმედი კანონმდებლობითა და მუნიციპალიტეტის სამართლებრივი აქტებით განსაზღვრული სხვა ფუნქციების განხორციელებას.“

4. დებულებას დაემატოს 4 ¹ მუხლი შემდეგი რედაქციით :

„მუხლი 4¹. განათლების განყოფილების ფუნქციები“

1. განათლების სფეროში მუნიციპალური პროგრამების შემუშავება;

2. განათლების სფეროში მუნიციპალურ პროგრამათა განხორციელების კოორდინაცია;

3. სკოლამდელი და სკოლისგარეშე სააღმზრდელო დაწესებულებების მართვის კოორდინაცია;

4. წინადადებების შემუშავება განათლების დაწესებულებების შექმნისა და რეორგანიზაციის საკითხებზე;

5.  გამოჩენილი პიროვნებების ხსოვნის უკვდავყოფის, განათლების სფეროში დასაქმებულთა მოღვაწეობის წარმოჩინებისა და პოპულარიზაციის  ხელშეწყობა;

6. საზოგადოებრივი განათლებისა და გენდერული თანასწორობის ხელშეწყობის უზრუნველყოფისთვის შესაბამისი  წინადადებების მომზადება და  ღონისძიებების დაგეგმვა.

7. მოქმედი კანონმდებლობითა და მუნიციპალიტეტის სამართლებრივი აქტებით განსაზღვრული სხვა ფუნქციების განხორციელება.“.