„წყალტუბოს მუნიციპალიტეტის საკრებულოს რეგლამენტის დამტკიცების შესახებ“ წყალტუბოს მუნიციპალიტეტის საკრებულოს 2014 წლის 14 ივლისის №19 დადგენილებაში ცვლილების შეტანის თაობაზე

„მუხლი 16. საკრებულოს წევრის მოვალეობების შესრულებასთან დაკავშირებული ხარჯების ანაზღაურება

1.  საკრებულოს თითოეულ წევრს (გარდა საკრებულოს თანამდებობის პირებისა) საკრებულოს მიერ ინდივიდუალური ადმინისტრაციულ-სამართლებრივი აქტით განსაზღვრული ლიმიტის ფარგლებში ადგილობრივი თვითმმართველობის ერთეულის ბიუჯეტიდან საკრებულოს წევრის  მოვალეობების შესრულებასთან დაკავშირებით  ეძლევა სათანადო ანაზღაურება:

ა) ტრანსპორტით მგზავრობისათვის;

ბ) სასტუმროში ცხოვრების ან საცხოვრებელი ბინის დაქირავებისათვის;

გ) საკრებულოში მუშაობის პერიოდისათვის მისი ძირითადი სამუშაოდან განაცდურისათვის;

დ) სამივლინებო ხარჯები;

ე) სხვა ხარჯები.

2.  ამ მუხლის პირველი პუნქტის „ა“, „ბ“, „გ“ და „დ“ ქვეპუნქტებით განსაზღვრული ხარჯების ანაზღაურება ხდება საკრებულოს წევრის მიერ შესაბამისი დოკუმენტაციის წარმოდგენის საფუძველზე, კერძოდ:

ა) საკრებულოს სხდომებზე და კომისიების/ფრაქციების სხდომებზე დასასწრებად საჭირო სატრანსპორტო ხარჯების გამოსათვლელად საკრებულოს იმ წევრისათვის, რომელიც არ ცხოვრობს ადმინისტრაციულ ცენტრში: განისაზღვროს მანძილი (კილომეტრებში) მუნიციპალიტეტის ადმინისტრაციული ცენტრიდან საკრებულოს წევრის საცხოვრებელ დასახლებულ პუნქტამდე და გამრავლდეს 2-ზე. ანაზღაურება ხდება თვეში მაქსიმუმ 10 სხდომაზე დასწრებისათვის და ხარჯების დამადასტურებელ დოკუმენტად ჩაითვლება საკრებულოს და კომისიების/ფრაქციების სხდომებში მისი მონაწილეობის ამსახველი საოქმო ჩანაწერები.

ბ) საკრებულოს წევრის მოსახლეობასთან შეხვედრებისათვის სატრანსპორტო ხარჯების გამოსათვლელად: განისაზღვროს მანძილი (კილომეტრებში) მუნიციპალიტეტის ადმინისტრაციული ცენტრიდან იმ დასახლებულ პუნქტამდე, სადაც ტარდება შეხვედრა და გამრავლდეს 2-ზე. ანაზღაურება  ხდება თვეში მაქსიმუმ 5 შეხვედრაზე დასწრებისათვის და ხარჯების დამადასტურებელ დოკუმენტად ჩაითვლება მოსახლეობასთან შეხვედრის ოქმი.

გ) სატრანსპორტო ხარჯის გამოსათვლელად ა) და ბ) პუნქტების მიხედვით განსაზღვრული მანძილი მრავლდება 0.12-ზე და ბაზარზე არსებული საშუალო ხარისხის 1 ლიტრი ბენზინის ფასზე (საორიენტაციოდ-2,25 ლარი).

3. საკრებულოს წევრს სხვა ხარჯებისათვის(საფოსტო, ინტერნეტის, ქსეროასლების გადაღებისა და ა.შ.) ყოველთვიურად ფიქსირებულად ეძლევა 50 ლარი.

4. საკრებულოს წევრის მიერ წარმოდგენილი მოხსენებითი ბარათისა და თანდართული დოკუმენტაციის საფუძველზე  აპარატის უფროსი ინფორმაციას (მოხსენებით ბარათს) ადგენს, როგორც წესი, წინა თვის 21 რიცხვიდან მიმდინარე თვის 20 რიცხვის ჩათვლით არსებული მდგომარეობით (თუ შესაბამისი რიცხვი ემთხვევა საქართველოს კანონმდებლობით გათვალისწინებულ უქმე ან/და დასვენების დღეს - მომდევნო სამუშაო დღის) არა უგვიანეს მიმდინარე თვის 21 რიცხვის (ან შემდგომი სამუშაო დღის) მომდევნო სამუშაო დღეს.

5. მუნიციპალიტეტის გამგეობის შესაბამისი სამსახური, ამ წესის მიხედვით, საკრებულოს თავმჯდომარის მიერ გამოცემული ადმინისტრაციულ-სამართლებრივი აქტის საფუძველზე (ბრძანება), საკრებულოს წევრის მოვალეობების შესრულებასთან დაკავშირებული ხარჯების ანაზღაურების დარიცხვას უზრუნველყოფს მოქმედი კანონმდებლობის შესაბამისად.

6. საკრებულოს წევრის მოვალეობების შესრულებასთან დაკავშირებული ხარჯების ანაზღაურება (ზღვრული მოცულობების გათვალისწინებით), განხორციელდება შემდეგი თვის 10 რიცხვამდე.

7. დაუშვებელია მუნიციპალიტეტის საკრებულოს წევრისთვის ხარჯების ანაზღაურება პრემიებისა და დანამატების სახით.“