ქალაქ მცხეთის მუნიციპალიტეტის მერიის ჯანმრთელობისა და სოციალური დაცვის სამსახურის დებულების დამტკიცების შესახებ

ქალაქ მცხეთის მუნიციპალიტეტის მერიის ჯანმრთელობისა და სოციალური დაცვის სამსახურის დებულების დამტკიცების შესახებ ქალაქ მცხეთის მუნიციპალიტეტის საკრებულოს დადგენილება №15 2014 წლის 27 აგვისტო ქ. მცხეთა ქალაქ მცხეთის მუნიციპალიტეტის მერიის ჯანმრთელობისა და სოციალური დაცვის სამსახურის დებულების დამტკიცების შესახებ    საქართველოს ორგანული კანონის     „ ადგილობრივი თვითმმართველობის კოდექსის“   24-ე მუხლის პირევლი პუნქტის „გ.ბ“  ქვეპუნქტის, 54-ე მუხლის პირველი პუნქტის“ ა.ბ“  ქვეპუნქტის და 61-ე მუხლის მეორე პუნქტის  შესაბამისად,  ქალაქ  მცხეთის მუნიციპალიტეტის საკრებულო ადგენს: მუხლი 1🔗 დამტკიცდეს „ქალაქ მცხეთის მუნიციპალიტეტის მერიის ჯანმრთელობისა და სოციალური დაცვის სამსახურის დებულება’’  დანართი №1 -ის შესაბამისად. მუხლი 2🔗 დადგენილება ამოქმედდეს გამოქვეყნებისთანავე.ქალაქ მცხეთის მუნიციპალიტეტის საკრებულოს თავმჯდომარეილია ჯიშკარიანი                                                           დანართი №1 ქალაქ მცხეთის მუნიციპალიტეტის მერიის ჯანმრთელობისა  და სოციალური დაცვის სამსახურის დებულება მუხლი 1🔗. ჯანმრთელობისა და სოციალური დაცვის სამსახური 1.ეს დებულება, საქართველოს ორგანული კანონის „ადგილობრივი თვითმმართველობის კოდექსის“ ქალაქ მცხეთის მუნიცპალიტეტის მერიის  დებულების და სხვა საკანონმდებლო და კანონქვემდებარე აქტების შესაბამისად, განსაზღვრავს  ქალაქ მცხეთის მუნიციპალიტეტის მერიის (შემდგომში ,, ქ. მცხეთის მერია“), ჯანმრთელობისა და სოცილაური დაცვის სამსახურის  (შემდგომში – ,,სამსახური“) შექმნისა და ფუნქციონირების ძირითად პრინციპებს, ანგარიშვალდებულებას, უფლება-მოვალეობას და მუშაობის ორგანიზაციას. 2. ქალაქ მცხეთის მერიის ჯანმრთელობისa და სოციალური დაცვის სამსახური, არის ქალაქ მცხეთის მუნიციპალიტეტის მერიის სტრუქტურული ერთეული, რომელიც უზრუნველყოფს ჯანმრთელობისა და სოციალური დაცვის სფეროში მუნიციპალური პროგრამების მომზადებასა და განხორციელებას. 3. სამსახური იქმნება და საქმიანობას წარმართავს მოქმედი კანონმდებლობის, ქალაქ მცხეთის მერიის დებულების, ამ დებულებისა და ქალაქ მცხეთის მუნიციპალიტეტის სხვა სამართლებრივი აქტების შესაბამისად. 4. სამსახურის საშტატო განრიგი და მოხელეთა თანამდებობრივი სარგოები განისაზღვრება ქ. მცხეთის მერიის საშტატო ნუსხით. მუხლი 2🔗. სამსახურის საქმიანობის პრინციპები 1. სამსახურის საქმიანობის პრინციპებია: ა)  მოქალაქეთა კონსტიტუციური უფლებებისა და თავისუფლებების დაცვა; ბ) კანონის წინაშე თანასწორობა და სოციალური სამართლიანობა; გ) საქმიანობა კანონმდებლობის საფუძველზე; დ) დისკრეციული უფლებამოსილებების განხორციელება კანონმდებლობის საფუძველზე; ე) საქმიანობის განხორციელება საჯარო და კერძო ინტერესების ურთიერთგაწონასწორებით; ვ) მიუკერძოებლობა; ზ) საჯაროობა; მუხლი 3🔗. სამსახურის სტრუქტურა 1. სამსახური შედგება სამსახურის უფროსის, წამყვანი (ჯანმრთელობის საკითხებში) და  უმცროსი (სოციალური დაცვის საკითხებში) სპეციალისტისაგან. 2. სამსახურის საქმიანობას წარმართავს სამსახურის უფროსი, რომლის უფლებამოსილებები და სამსახურებრივი ფუნქციები განისაზღვრება ქალაქ მცხეთის მერიის დებულებით, ამ დებულებით და სამსახურის უფროსის სამუშაოთა აღწერილობით. სამსახურის უფროსი ანგარიშვალდებულია მერის წინაშე.  სამსახურის  უფროსის არყოფნის შემთხვევაში, მერის ბრძანებით სამსახურის უფროსის უფლება-მოვალეობებს ახორციელებს სამსახურის ერთ-ერთი თანამშრომელი. 3. სამსახურის მოხელეთა თანამდებობაზე დანიშვნა-გათავისუფლებისა და სამსახურებრივი კარიერის გავლის წესები განისაზღვრება ქალაქ მცხეთის მერიის დებულებით, ,,საჯარო სამსახურის შესახებ' საქართველოს კანონის შესაბამისად. მუხლი 4🔗. სამსახურის უფროსის ფუნქციები 1. სამსახურის უფროსი დადგენილი  წესით უზრუნველყოფს: ა) ჯანმრთელობის, სოციალური დაცვისა და დასაქმების მუნიციპალური პროგრამების შემუშავებასა და განხორციელებას;  ბ) ქალაქ მცხეთის მუნიციპალიტეტის მერიისათვის დელეგირებული საზოგადოებრივი ჯანდაცვის უფლებამოსილებათა განხორციელებას;  გ) ჯანდაცვის მუნიციპალური ობიექტების მუშაობის კოორდინაციას; დ) უმუშევართა რეგისტრაციას, მათი პროფესიული გადამზადებისა და სოციალური რეაბილიტაციის ხელშეწყობას; ე) წინადადებების შემუშავებას ჯანმრთელობისა და სოციალური დაცვის დაწესებულებათა შექმნისა და რეორგანიზაციის საკითხებზე; ვ) პროექტების მომზადებას სოციალურად დაუცველ (ვეტერანები, ლტოლვილები და იძულებით გადაადგილებულ) პირთა მიმართ დამატებითი სოციალური შეღავათების და დახმარებების თაობაზე; ზ) მთავრობის დადგენილების საფუძველზე,  2017 წლისათვის საცხოვრებელი ფართებით  ლტოლვილების უზრუნველყოფისათვის, შესაბამისი ქმედებების გატარებას; თ) მოქმედი კანონმდებლობითა და ქალაქ მცხეთის მუნიციპალიტეტის სამართლებრივი აქტებით განსაზღვრული სხვა ფუნქციების განხორციელებას. მუხლი 5🔗. ჯანმრთელობის საკითხებში წამყვანი სპეციალისტის ფუნქციები: 1.ჯანმრთელობის საკითხებში სპეციალისტი დადგენილი წესით უზრუნველყოფს: ა) ჯანმრთელობის საკითხებში მუნიციპალური პროგრამების შემუშავებას; ბ) ჯანმრთელობის დაცვის მუნიციპალურ პროგრამათა განხორციელების კოორდინაციას; გ) საზოგადოებრივი ჯანდაცვის სფეროში მუნიციპალიტეტისათვის დელეგირებული უფლებამოსილებების განხორციელებას; დ) ჯანმრთელობის დაცვის მუნიციპალური დაწესებულებების მართვის კოორდინაციას; ე) მოქმედი კანონმდებლობითა და მუნიციპალიტეტის სამართლებრივი აქტებით განსაზღვრული სხვა ფუნქციების განხორციელებას. მუხლი 6🔗. სოციალური დაცვის  საკითხებში უმცროსი სპეციალისტის ფუნქციები: 1.სოციალური დაცვის სპეციალისტი დადგენილი წესით უზრუნველყოფს: ა) სოციალური დაცვის მუნიციპალური პროგრამების შემუშავებას; ბ) დასაქმების მუნიციპალური პროგრამების შემუშავებას; გ) სოციალური დაცვისა და დასაქმების მუნიციპალურ პროგრამათა განხორციელების კოორდინაციას; დ) უმუშევართა რეგისტრაციას, მათი პროფესიული გადამზადებისა და სოციალური რეაბილიტაციის ხელშეწყობას; ე) სოციალური დაცვის მუნიციპალურ დაწესებულებათა მართვის კოორდინაციას; ვ) პროექტების მომზადებას სოციალურად დაუცველ (ვეტერანები, ლტოლვილები და იძულებით გადაადგილებულ) პირთა მიმართ დამატებითი სოციალური შეღავათების და დახმარებების თაობაზე. ზ) მოქმედი კანონმდებლობითა და მუნიციპალიტეტის სამართლებრივი აქტებით განსაზღვრული სხვა ფუნქციების განხორციელებას. მუხლი 7🔗. გარდამავალი დებულებები 1. ყველა ის საკითხი, რომელსაც არ ითვალისწინებს წინამდებარე დებულება რეგულირდება საქართველოს კანონმდებლობითა და შესაბამისი ადმინისტრაციულ-სამართლებრივი აქტებით; 2. დებულებაში ცვლილებების შეტანის წესი განისაზღვრება საქართველოს მოქმედი კანონმდებლობით; 3. ეს დებულება ძალაში შედის მისი გამოქვეყნებისთანავე.