ქალაქ ზუგდიდის მუნიციპალიტეტის მერიის ოფიციალური ვებ-გვერდის დებულების დამტკიცების შესახებ

ქალაქ ზუგდიდის მუნიციპალიტეტის მერიის ოფიციალური ვებ-გვერდის დებულების დამტკიცების შესახებ ქალაქ ზუგდიდის მუნიციპალიტეტის საკრებულოს დადგენილება №46 2014 წლის 11 სექტემბერი ქ. ზუგდიდი ქალაქ ზუგდიდის მუნიციპალიტეტის მერიის ოფიციალური ვებგვერდის დებულების დამტკიცების შესახებ საქართველოს ორგანული კანონის ,,ადგილობრივი თვითმმართველობის კოდექსის“,  ,,ნორმატიული აქტების შესახებ“ საქართველოს კანონის და ,,ქალაქ ზუგდიდის მუნიციპალიტეტის მერიის დებულების დამტკიცების შესახებ“ ქალაქ ზუგდიდის მუნიციპალიტეტის საკრებულოს 2014 წლის 14 ივლისის №3 დადგენილებით დამტკიცებული დებულების მე-40 მუხლის ,,ე“ პუნქტის შესაბამისად ქალაქ ზუგდიდის მუნიციპალიტეტის საკრებულო ადგენს: მუხლი 1🔗 დამტკიცდეს ქალაქ ზუგდიდის მუნიციპალიტეტის მერიის ოფიციალური ვებ-გვერდის   დებულება დანართი №1-ის შესაბამისად. (დანართი №1 თან ერთვის) მუხლი 2🔗 დადგენილება ამოქმედდეს გამოქვეყნებისთანავე.ქალაქ ზუგდიდის მუნიციპალიტეტის საკრებულოს თავმჯდომარემერაბ ქვარაია ქალაქ ზუგდიდის მუნიციპალიტეტის მერიის ოფიციალური ვებგვერდის დებულება მუხლი 1🔗. ზოგადი დებულებები 1. ეს დებულება ადგენს ქალაქ ზუგდიდის მუნიციპალიტეტის მერიის  ოფიციალური ვებ-გვერდის (ტექსტში შემდგომში - ვებგვერდი) შევსების, ორგანიზებისა და გამოყენების სამართლებრივ საფუძვლებს; 2. ვებგვერდის დანიშნულებაა: ა) ქალაქ ზუგდიდის მუნიციპალიტეტის პერსპექტიული განვითარების, სოციალურ-ეკონომიკური, კულტურული, საზოგადოებრივ-პოლიტიკური მდგომარეობის, თვითმმართველობის ორგანოების,  ქალაქ ზუგდიდის მუნიციპალიტეტის ტერიტორიაზე არსებული დაწესებულებების, ორგანიზაციებისა და საწარმოების საქმიანობის შესახებ ოფიციალური ინფორმაციის მიწოდება მუნიციპალიტეტის მოსახლეობისათვის და ყველა დაინტერესებული პირისა თუ ორგანიზაციისათვის; ბ) უზრუნველყოს ქალაქ ზუგდიდის მუნიციპალიტეტის მერის მუდმივი კავშირი ქალაქის მოსახლეობასთან, დაწესებულებებთან, ორგანიზაციებთან და საწარმოებთან; საშუალება მისცეს მოსახლეობას და იურიდიულ პირებს შეუფერხებლად მიმართონ და მიაწოდონ წინადადებები ქალაქ ზუგდიდის მუნიციპალიტეტის მერიის თანამდებობის პირებს ქალაქში არსებული მიმდინარე პრობლემების და მისაღებ გადაწყვეტილებათა პროექტების შესახებ; უზრუნველყოს   გადაწყვეტილების მიღებაში საზოგადოების ინტერესების მაქსიმალური გათვალისწინება. 3. ქალაქ ზუგდიდის მუნიციპალიტეტის მერიის ოფიციალური ვებგვერდის მისამართია: www.zugdidicity.ge მუხლი 2🔗. ვებ-გვერდის ადმინისტრირება 1. ვებ-გვერდის ადმინისტრირებას ახორციელებს ქალაქ ზუგდიდის მუნიციპალიტეტის მერიის ადმინისტრაციული სამსახურის საზოგადოებასთან ურთიერთობის განყოფილება (ტექსტში შემდგომ - საზოგადოებასთან ურთიერთობის განყოფილება); 2. ვებგვერდის ადმინისტრირება მოიცავს: ა) ვებგვერდის დიზაინის მომზადებას და მასში ცვლილებების შეტანას; ბ) ვებგვერდის ფუნქციონირების ტექნიკური გამართულობის უზრუნველყოფას; გ) ინფორმაციის განთავსებას; დ) ვებგვერდზე შემოსული წინადადებების და წერილების სისტემატიზაციას და გადაცემას ადმინისტრაციული სამსახურისათვის; ე) ვებ-გვერდის ფუნქციონირების პროგრამულ უზრუნველყოფას, მათ შორის ვებ-გვერდზე განთავსებული ინფორმაციის დაცვას არასანქცირებული ჩარევისაგან, ინფორმაციის შეცვლის, გაყალბების, დამახინჯების, წაშლის და დაბლოკვისაგან. 3. საზოგადოებასთან ურთიერთობის  განყოფილების მიმართვა ვებ-გვერდზე საჯარო ინფორმაციის განსათავსებლად სავალდებულოა შესასრულებლად თანამდებობის პირებისა და მერიის სტრუქტურული ერთეულებისათვის. მუხლი 3🔗. ინფორმაციის წყაროები, კატეგორიები და სტატუსი 1. ვებგვერდზე განთავსებული ინფორმაცია არის მერიის საკუთრება. იგი საჯარო და უსასყიდლოა; 2. ვებგვერდზე განთავსებულ ინფორმაციას შეიძლება ქონდეს ოფიციალური (შესაბამისი მითითებით) ან არაოფიციალური სტატუსი; 3. ვებგვერდზე განთავსებული ინფორმაციის გამოყენება თავისუფალია. საინფორმაციო საშუალებებს უფლება აქვთ გამოიყენონ ვებ-გვერდზე განთავსებული ინფორმაცია ვებ-გვერდის მისამართის სავალდებულო მითითებით; 4. ვებგვერდის შევსების წყაროებია: ა) ადგილობრივი თვითმმართველობის ორგანოები; ბ) მუნიციპალიტეტის მიერ დაფუძნებული იურიდიული პირები; გ) მუნიციპალიტეტის ტერიტორიაზე არსებული საჯარო დაწესებულებები; დ) მასობრივი საინფორმაციო საშუალებები და ინტერნეტ-რესურსები; ე) საზოგადოებრივი და პოლიტიკური ორგანიზაციები; ვ) მუნიციპალიტეტის ტერიტორიაზე არსებული საწარმოები, დაწესებულებები და ორგანიზაციები. 5. ვებ-გვერდის ინფორმაცია განახლების მიხედვით იყოფა შემდეგ კატეგორიებად: ა) მუდმივი (ყოველდღიური); ბ) პერიოდული (ყოველკვირეული, ყოველთვიური); გ) ერთჯერადი. მუხლი 4🔗. ვებგვერდზე ინფორმაციის გამოქვეყნება 1. ქალაქ ზუგდიდის მუნიციპალიტეტის მერია, იურიდიული პირები, ქალაქ ზუგდიდის მუნიციპალიტეტის ტერიტორიაზე არსებული საჯარო დაწესებულებები, საწარმოები და ორგანიზაციები საზოგადოებასთან ურთიერთობის  განყოფილებას აწვდიან ვებ-გვერდზე განსათავსებელ ინფორმაციას ელექტრონული ფორმით ამ დებულებით დადგენილი გადაცემისა და განახლების პერიოდულობის ვადების დაცვით; 2. ინფორმაციის მიწოდების დროულობასა და უტყუარობაზე პასუხისმგებელია ინფორმაციის მიმწოდებელი, ხოლო ვებ-გვერდზე დროულ, შესაბამის განყოფილებაში (ქვეგანყოფილებაში) განთავსებასა და მიწოდებული ინფორმაციის რედაქტირებაზე - საზოგადოებასთან ურთიერთობის განყოფილება. 3. ინფორმაციის მიწოდების ვადებია: ა) მუდმივად განახლებადის - ყოველი დღის 13.00 სთ; ბ) ყოველკვირეულის - ყოველი სამშაბათის 13.00 სთ; გ) ყოველთვიურის - ყოველი თვის 15 რიცხვის 13.00 სთ. 4. ამ მუხლის პირველი პუნქტით განსაზღვრული წყაროების გარდა სხვა წყაროდან მიღებული ინფორმაციის განთავსება ვებ-გვერდზე ხორციელდება ,,ქალაქ ზუგდიდის მუნიციპალიტეტის მერიის ოფიციალურ ვებ-გვერდზე ინფორმაციის განთავსებისა და ვებ-გვერდით სარგებლობის წესის" მიხედვით, ადმინისტრაციული სამსახურის უფროსის გადაწყვეტილების შესაბამისად. მუხლი 5🔗. ვებგვერდის ძირითადი სტრუქტურა ვებგვერდის სტრუქტურის ძირითადი განყოფილებებია: ა) მერია; ბ) საკრებულო; გ) სამართლებრივი აქტები; დ) პროაქტიული გამოქვეყნება; ე) ჩვენს შესახებ; ვ) ინფრასტრუქტურა; ზ) ბიზნესი; თ) ახალი ამბები; ი) მედია; კ) სამეურნეო განყოფილება; ლ) განათლება და მეცნიერება; მ) რელიგია; ნ) ბიუჯეტი; ო) კულტურა და სპორტი; პ) ტურიზმი; ჟ) პროგრამები და პროექტები; რ) საზოგადოება; ს) ცნობარი; ტ) ვაკანსია; უ) ფოტოარქივი; ფ) ვიდეოარქივი; ქ) კონტაქტი; მუხლი 6🔗. ვებგვერდის განყოფილებათა სტრუქტურა 1. მერიის განყოფილება იყოფა შემდეგ ქვეგანყოფილებებად: ა) მერიის დებულება; ბ) მერიის თანამდებობის პირები (თანამდებობა, მოკლე ბიოგრაფია, პროფესია, უფლებამოსილება, სამსახურის ტელეფონი, სამსახურის მისამართი და მიღების საათები); გ) მერიის სამსახურები; დ) მერიის სტრუქტურული ერთეულები  (პერსონალური შემადგენლობა თანამდებობის და სამსახურის ტელეფონის მითითებით); ე) მერიის იურიდიული პირები; ვ) მერიის ტერიტორიული ორგანოები; 2. საკრებულო; 3. სამართლებრივი აქტების განყოფილება იყოფა შემდეგ ქვეგანყოფილებებად:  ა) კანონები;  ბ) კანონქვემდებარე აქტები;  გ) ინდივიდუალურ-სამართლებრივი აქტები;  დ) დებულებები; 4. პროაქტიული გამოქვეყნება; 5. განყოფილება ,,ჩვენს შესახებ“  იყოფა შემდეგ ქვეგანყოფილებებად: ა) მუნიციპალიტეტის ძირითადი გეოგრაფიული და დემოგრაფიული მონაცემები; ბ) ისტორია; გ) მუნიციპალიტეტის რუკა; დ) სიმბოლიკა; ე) საპატიო ზუგდიდელები; ვ) დამეგობრებული ქალაქები; 6. ინფრასტრუქტურის განყოფილება იყოფა შემდეგ ქვეგანყოფილებებად: ა) ზუგდიდის მიწათსარგებლობის გენერალური გეგმა; ბ) ქალაქ ზუგდიდის მუნიციპალიტეტის განაშენიანების რეგულირების გეგმა; გ) მიწის ნორმატიული ფასი; დ) სივრცით-ტერიტორიული მოწყობა და მშენებლობა; ე) კომუნალური საწარმოები; ვ) ტრანსპორტი; ზ) გაზმომარაგება; თ) კავშირგაბმულობის ობიექტები; 7. ბიზნესის განყოფილება იყოფა შემდეგ ქვეგანყოფილებებად: ა) მსხვილი საწარმოები: ბ) მცირე და საშუალო საწარმოები; გ) ბანკები; დ) რესტორნები; ე) გაზმომარაგება; ვ) სავაჭრო იბიექტები; ზ) მომსახურების სფერო; 8. ახალი ამბების განყოფილებაში თავსდება ინფორმაცია თვითმმართველ ერთეულში მომხდარ და მიმდინარე მოვლენებზე; 9. მედია განყოფილება იყოფა შემდეგ ქვეგანყოფილებებად: ა) მედიასაშუალებები; ბ) მედიაპროექტები; გ) მედიააქტივობები; დ) გალერეა; ე) არქივი; 10. განათლებისა და მეცნიერების განყოფილება იყოფა შემდეგ ქვეგანყოფილებებად: ა) საჯარო სკოლები; ბ) კერძო სკოლები; გ) კოლეჯები; დ) უმაღლესი სასწავლებლები; ე) პროფესიულ-ტექნიკური სასწავლებლები; 11.  მართლწესრიგის განყოფილება იყოფა შემდეგ ქვეგანყოფილებებად: ა) პროკურატურა; ბ) სასამართლო; გ) ადვოკატურა; დ) სახალხო დამცველი; ე) პატრული; ვ) პოლიცია; 12. რელიგია; 13. ბიუჯეტი; 14. კულტურა და სპორტის განყოფილება იყოფა შემდეგ ქვეგანყოფილებებად: ა) მუზეუმი; ბ) თეატრი; გ) კინო; დ) კულტურული მემკვიდრეობის ძეგლები; ე) ბიბლიოთეკა; ვ) კულტურის ობიექტები; ზ) სპორტი; 15. ტურიზმის განყოფილება  იყოფა შემდეგ ქვეგანყოფილებებად: ა) ტურისტული სააგენტოები; ბ) ტურისტული მარშრუტები; გ) სასტუმროები; დ) კულტურისა და დასვენების ადგილები; 16. პროგრამების და პროექტების განყოფილება იყოფა შემდეგ ქვეგანყოფილებებად: ა) მუნიციპალური პროგრამები (მიმდიანრე, დასრულებული, დაგეგმილი); ბ) საინვესტიციო პროექტები; გ) კონკურსები; აუქციონები; დ) გადასახადები; ე) მოსაკრებლები; ვ) ტენდერები; 17. საზოგადოების განყოფილება იყოფა შემდეგ ქვეგანყოფილებებად: ა) პოლიტიკური პარტიები; ბ) არასამთავრობო ორგანიზაციები; გ) საერთაშორისო ორგანიზაციები; დ) კავშირები და გაერთიანებები; 18. ცნობარის განყოფილებაში თავსდება ქალაქ ზუგდიდის მუნიციპალიტეტის მერიის ტერიტორიაზე არსებული იურიდიული პირების საცნობარო ინფორმაცია (მოქმედების სფერო, მისამართი, ტელეფონი). 19. ვაკანსია; 20. ფოტოარქივი; 21. ვიდეოარქივი; 22.  კონტაქტი;