ჭიათურის მუნიციპალიტეტის საპატიო მოქალაქის წოდების მინიჭების წესის დადგენის შესახებ

ჭიათურის მუნიციპალიტეტის საპატიო მოქალაქის წოდების მინიჭების წესის დადგენის შესახებ ჭიათურის მუნიციპალიტეტის საკრებულოს  დადგენილება №26 2014 წლის 24 სექტემბერი ქ. ჭიათურა ჭიათურის მუნიციპალიტეტის საპატიო მოქალაქის წოდების მინიჭების წესის დადგენის შესახებ          საქართველოს ორგანული კანონის "ადგილობრივი თვითმმართველობის კოდექსი"  24-ე მუხლის პირველი ნაწილის „ა.დ“ ქვეპუნქტის, 54–ე მუხლის პირველი ნაწილის „ე.ზ“ ქვეპუნქტისა და 61-ე მუხლის მე-2 ნაწილის შესაბამისად ჭიათურის მუნიციპალიტეტის საკრებულო ადგენს: მუხლი 1🔗 დადგინდეს ჭიათურის მუნიციპალიტეტის საპატიო მოქალაქის წოდების მინიჭების წესი თანდართული ფორმით (დანართი №1). მუხლი 2🔗 დამტკიცდეს ჭიათურის მუნიციპალიტეტის საპატიო მოქალაქის მოწმობის თანდართული ფორმა (დანართი №2). მუხლი 3🔗 ეს დადგენილება ამოქმედდეს გამოქვეყნებისთანავე.ჭიათურის მუნიციპალიტეტის საკრებულოს თავმჯდომარეალექსანდრე ციცქიშვილი დანართი №1 ჭიათურის მუნიციპალიტეტის საპატიო მოქალაქის წოდების მინიჭების წესი მუხლი 1🔗. ზოგადი დებულებები 1. ჭიათურის მუნიციპალიტეტის საპატიო მოქალაქის (შემდგომში – საპატიო მოქალაქის) წოდების მინიჭება ერთგვარი ხელშემწყობი ფაქტორია ღვაწლმოსილ პიროვნებათა დამსახურების აღიარებისა და მომავალი თაობების ღირსეულად აღზრდისათვის. 2. საპატიო მოქალაქის წოდება შეიძლება მიენიჭოს როგორც საქართველოს, ასევე მსოფლიოს ნებისმიერი ქვეყნის სრულწლოვან მოქალაქეს (სიცოცხლეში ან გარდაცვალების შემდეგ), განურჩევლად ეროვნებისა, სოციალური ცენზისა, საზოგადოებრივ-პოლიტიკური შეხედულებისა და რელიგიური აღმსარებლობისა, თუ მისი მოღვაწეობა და გაცხადებული იდეები მიმართული არ არის საქართველოში დამკვიდრებული კულტურული ტრადიციების, ზნეობრივი, ეთიკური ნორმებისა და სულიერი ცხოვრების წესის წინააღმდეგ. 3. საპატიო მოქალაქის წოდება ენიჭება პირს ჭიათურის მუნიციპალიტეტის წინაშე განსაკუთრებული ღვაწლისა და დამსახურებისათვის, მუნიციპალიტეტთან მეგობრული კავშირების განმტკიცებაში შეტანილი მნიშვნელოვანი წვლილისათვის, საგანგებო ვითარებისას გაწეული უანგარო სამსახურისათვის, რომლის საქმიანობა და აქტიური ცხოვრებისეული პოზიცია სამაგალითოა ჭიათურელთა ყველა თაობისათვის. 4. დაუშვებელია საპატიო მოქალაქის წოდების მინიჭება მხოლოდ ნამსახურევი წლებისა და საიუბილეო თარიღის გამო. 5. საპატიო მოქალაქის წოდება ყოველწლიურად შეიძლება მიენიჭოს არა უმეტეს 3 პირს. 6. საპატიო მოქალაქის წოდების ჩამორთმევა დაუშვებელია, გარდა განსაკუთრებული შემთხვევებისა. პირს საპატიო მოქალაქის წოდება შეიძლება ჩამოერთვას ჭიათურის მუნიციპალიტეტის საკრებულოს გადაწყვეტილებით, თუ მის მიერ ჩადენილი იქნა: ა) საქართველოს სისხლის სამართლის კოდექსით გათვალისწინებული დანაშაული; ბ) ქმედება, რომელიც ეწინააღმდეგება მორალურ-ეთიკურ ნორმებს. მუხლი 2🔗. საპატიო მოქალაქის წოდების მისანიჭებლად კანდიდატურის წარდგენა 1. საპატიო მოქალაქის წოდების მისანიჭებლად კანდიდატურის წარდგენის უფლებამოსილება აქვს: ა) მუნიციპალიტეტის თვითმმართველობის ორგანოებს; ბ) არასამთავრობო და საზოგადოებრივ ორგანიზაციებს; გ) მოქალაქეთა საინიციატივო ჯგუფებს. 2. საპატიო მოქალაქის წოდების მისანიჭებლად ამ მუხლის პირველი პუნქტით განსაზღვრული პირები კანდიდატურას წერილობითი ფორმით წარუდგენენ ჭიათურის მუნიციპალიტეტს რასაც თან უნდა ერთოდეს: ა) საპატიო მოქალაქის წოდების მისანიჭებლად კანდიდატურის წარმდგენის რეკომენდაცია, სადაც უნდა წარმოჩინდეს საპატიო მოქალაქის წოდებაზე წარდგენილი კანდიდატის ღვაწლი და დამსახურება; ბ) შესაბამისი ოქმი ან მოქალაქეთა ჯგუფის ხელმოწერები სახელის, გვარის, საცხოვრებელი ადგილისა და პირადობის ნომრის ჩვენებით. გ) კანდიდატის ბიოგრაფიული ცნობები; დ) კანდიდატის ღირსების, ღვაწლისა და დამსახურების ამსახველი საზოგადოებისათვის უკვე ცნობილი და საპატიო მოქალაქის წოდებაზე წარდგენის დღემდე უცნობი დოკუმენტური და სხვა სახის მასალები (ასეთის არსებობის შემთხვევაში); ე) კანდიდატის პირადობის დამადასტურებელი დოკუმენტი, ორი ფოტოსურათი და წერილობითი თანხმობა (გარდაცვლილი კანდიდატის შემთხვევაში ოჯახის თანხმობა). მუხლი 3🔗. საპატიო მოქალაქის წოდების მისანიჭებლად კანდიდატურების შემრჩევი კომისია 1. წარდგენილი კანდიდატების შესახებ ცნობების შეჯერებას და განხილვას აწარმოებს კომისია, რომელსაც ქმნის ჭიათურის მუნიციპალიტეტის საკრებულო და  ამტკიცებს მის პერსონალურ შემადგენლობას. 2. კომისია ირჩევს კომისიის თავმჯდომარეს და მდივანს. კომისიას უფლება აქვს, მოითხოვოს დამატებითი ცნობები (მონაცემები) საპატიო მოქალაქის წოდების მინიჭებისათვის წარდგენილი კანდიდატის შესახებ. 3. კომისია კანდიდატის შესახებ გადაწყვეტილებას იღებს კომისიის წევრთა ხმების უმრავლესობით. თანაბარი ხმების დაგროვების შემთხვევაში გადამწყვეტი ხმის უფლება ენიჭება კომისიის თავმჯდომარეს. 4. კომისია უფლებამოსილია, უარი თქვას იმ კანდიდატის წარდგენაზე, რომელიც არ აკმაყოფილებს ამ წესით დადგენილ პირობებს და წარმდგენს წერილობით აცნობოს დასაბუთებული უარი კანდიდატურის განხილვიდან სამი სამუშაო დღის განმავლობაში. 5. კომისია დასკვნას შერჩეული კანდიდატების თაობაზე განსახილველად წარუდგენს საკრებულოს წოდების მინიჭებამდე არანაკლებ ხუთი დღისა. 6. საკრებულო წარდგენილი კანდიდატებიდან არჩევს არაუმეტეს სამ კანდიდატს და დასამტკიცებლად უგზავნის მუნიციპალიტეტის გამგებელს. 7. გამონაკლის შემთხვევაში საკრებულოს გადაწყვეტილებით შეიძლება შერჩეული იქნეს მეტი კანდიდატი, მაგრამ არა უმეტეს ხუთისა, თუკი ამის განსაკუთრებული აუცილებლობა და მიზანშეწონილობა გაჩნდება და პასუხობს ჭიათურის მუნიციპალიტეტის ინტერესებს. 8. მუნიციპალიტეტის გამგებელი ინდივიდუალური სამართლებრივი აქტით ამტკიცებს შერჩეულ კანდიდატებს. მუხლი 4🔗. დაჯილდოება 1. საპატიო მოქალაქის წოდება მოქალაქეს ენიჭება საერთო-სახალხო ზეიმის „ჭიათურობის“ დღეს. ეს წესი არ გამორიცხავს ამ წოდების მინიჭების უფლებას ნებისმიერ დროს, თუკი ამის განსაკუთრებული აუცილებლობა და მიზანშეწონილობა გაჩნდება და პასუხობს ჭიათურის მუნიციპალიტეტის ინტერესებს. 2. მუნიციაპლიტეტის გამგებელი ან მის მიერ უფლებამოსილი პირი საპატიო მოქალაქის წოდების მინიჭებისას მოქალაქეს გადასცემს საპატიო მოქალაქის მოწმობას. 3. საპატიო მოქალაქეს საპატიო წოდების მინიჭების დღეს შეიძლება გადაეცეს ფასიანი საჩუქარი ან ფულადი ჯილდო. მუხლი 5🔗. საპატიო მოქალაქის უფლებები 1. საპატიო მოქალაქე, ცხოვრებისა და მოღვაწეობის ადგილის მიუხედავად, სარგებლობს ყველა იმ სიკეთითა და შეღავათებით, რითაც სარგებლობენ ჭიათურის მუნიციპალიტეტში მცხოვრები მოქალაქეები. 2. საპატიო მოქალაქეებს უფლება აქვთ: ა) გაერთიანდნენ საზოგადოებრივ ორგანიზაციაში, დამოუკიდებლად შექმნან საპატიო მოქალაქეთა საზოგადოებრივი კოლეგიალური ორგანო, რომელიც შეიმუშავებს ჭიათურის მუნიციპალიტეტის სოციალურ-ეკონომიკური და კულტურული განვითარების წინადადებებსა და რეკომენდაციებს; ბ) მონაწილეობა მიიღონ მუნიციპალიტეტის საპატიო სტუმრებთან შეხვედრებში, დიალოგებში, დისკუსიებში, მუნიციპალიტეტის საკეთილდღეო ღონისძიებების შემუშავებაში; გ) ჩაერთონ მუნიციპალიტეტის თვითმმართველობის წამომადგენლობით დელეგაციებში, მონაწილეობა მიიღონ დაძმობილებულ ქალაქებთან სოციალურ-ეკონომიკური და კულტურული თანამშრომლობის ხელშეკრულებათა პროექტის შემუშავებაში; დ) მუნიციპალიტეტის წინაშე დააყენონ საკითხი ნიჭიერი, უნარიანი და კეთილსინდისიერი თანაქალაქელების თვითრეალიზაციისათვის ხელშემწყობი პირობების შექმნის თაობაზე, გასცენ შუამდგომლობები და რეკომენდაციები. დანართი №2 ჭიათურის მუნიციპალიტეტის საპატიო მოქალაქის მოწმობის ფორმა        ჭიათურის მუნიციპალიტეტის საპატიო მოქალაქის მოწმობის ფორმა ივსება ქართულ და ინგლისურ ენებზე და ხელს აწერენ მუნიციპალიტეტის გამგებელი და საკრებულოს თავმჯდომარე. საქართველოს მცირე გერბი ჭიათურის მუნიციპალიტეტის საპატიო მოქალაქე Honorary Citizen of Chiatura Municipality   ჭიათურის მუნიციპალიტეტის საკრებულოს ––––––––––––––– № __ განკარგულებითა და                                                                                          (თარიღი)   By order of Chiatura Municipality Council         ––––––––––––––– № __        and   ჭიათურის მუნიციპალიტეტის გამგებლის ––––––––––––––– № __  ბრძანებით                                                                                       (თარიღი)   By order of The Governor of Chiatura Municipality   ––––––––––––––– № __ ჭიათურის მუნიციპალიტეტის საპატიო მოქალაქის წოდება მიენიჭა The Title of The Honorary Citizen Was Awarded to ______________________________/________________________________ (სახელი და გვარი)                                           (name, last name)   ჭიათურის მუნიციპალიტეტის გამგებელი    ________________            _______________                                                                                     (სახელი და გვარი)                 (ხელმოწერა)   Governor of Chiatura Municipality                     ________________            _______________                                                                                      (name, last name)                     (signature)   ჭიათურის მუნიციპალიტეტის   საკრებულოს თავმჯდომარე                              ________________            _______________                                                                                   (სახელი და გვარი)                      (ხელმოწერა)   Chairman of Chiatura Municipality Council          ________________            _______________                                                                                             (name, last name)                   (signature)