„ახალციხის მუნიციპალიტეტის საკრებულოს აპარატის დებულების დამტკიცების შესახებ”ახალციხის მუნიციპალიტეტის საკრებულოს 2014 წლის 8 აგვისტოს №25 დადგენილებაში ცვლილების შეტანის თაობაზე

ა) „მუხლი 4. აპარატის ხელმძღვანელობა და საჯარო მოსამსახურეები

1. წამყვანი საჯარო თანამდებობის პირი – აპარატის უფროსი;

2. უფროსი საჯარო თანამდებობის პირი – მთავარი სპეციალისტი იურიდიულ საკითხებში;

3. უფროსი საჯარო თანამდებობის პირი– მთავარი სპეციალისტი-საორგანიზაციო საკითხებში;

4.უფროსი საჯარო თანამდებობის პირი – მთავარი სპეციალისტი საზოგადოებასთან ურთიერთობის საკითხებში;

5. უმცროსი საჯარო თანამდებობის პირი – წამყვანი სპეციალისტი კადრებისა და წერილების  საკითხებში;

6. უმცროსი საჯარო თანამდებობის პირი – წამყვანი  სპეციალისტი ეკონომიკურ საკითხებში;”

ბ)  „მუხლი 6 .მთავარი  სპეციალისტი საორგანიზაციო საკითხებში

მთავარი  სპეციალისტი საორგანიზაციო საკითხებში:

ა. ახორციელებს საკრებულოს, საკრებულოს ბიუროს, საკრებულოს კომისიებისა და სამუშაო ჯგუფების სხდომების და მის მიერ სხვა ღონისძიებების ჩატარების ორგანიზაციულ უზრუნველყოფას;

ბ. ორგანიზაციულად უზრუნველყოფს სხდომებზე წესრიგის დაცვას, კენჭისყრის პროცედურის ჩატარებას, ხმების დათვლას, სხდომის ოქმების შედგენას, სხდომაზე გამოთქმული წინადადებებისა და შენიშვნების აღრიცხვას, მიღებულ გადაწყვეტილებათა გაფორმებას, რედაქტირებას, რეგისტრაციას და გამოქვეყნებას;

გ. ორგანიზაციას უწევს სხდომებზე პირთა მოწვევას და გაფრთხილებას, ახდენს მათ რეგისტრაციას;

დ. ორგანიზებას უწევს სხდომაზე განსახილველ საკითხთან დაკავშირებული მასალების გამრავლებას და დარიგებას;

დ. ორგანიზაციულ დახმარებას უწევს საკრებულოს წევრებს კანონით განსაზღვრული უფლებამოსილების განხორციელებაში;

ვ. აწარმოებს ინიციირების წესით შემოსულ საკითხთა რეგისტრაციას;

ე. უზრუნველყოფს გადაწყვეტილებათა პროექტების მომზადებისა და აღსრულების პროცედურულ საკითხთა შესრულებას;

ვ. საკრებულოს ორგანოების სამუშაო გეგმების საფუძველზე ამზადებს საკრებულოს წლიური სამუშაო გეგმის პროექტს, აკონტროლებს სამუშაო გეგმით გათვალისწინებული საკითხების განხილვის ვადების დაცვას;

ზ.  ორგანიზებას უწევს საკრებულოს, საკრებულოს თანამდებობის პირების, საკრებულოს კომისიების, საკრებულოს ფრაქციებისა და საკრებულოს სამუშაო ჯგუფების შეხვედრებს მოსახლეობასთან;

თ. ორგანიზაციულ მომსახურებას უწევს ოფიციალური დელეგაციების მიღებას და თვითმმართველი ერთეულის ოფიციალური დელეგაციების მივლინებას;

ი. ორგანიზებას უწევს საკრებულოს ურთიერთობას გამგეობასთან, სახელმწიფო ხელისუფლების ორგანოებთან, დაწესებულებებთან, საწარმოებთან, საზოგადოებრივ ორგანიზაციებთან და მოქალაქეებთან;

კ. უზრუნველყოფს საკრებულოს თანამდებობის პირების, საკრებულოს ბიუროს და საკრებულოს კომისიების დავალებათა შესრულების კონტროლს;“

გ)   „მუხლი 9.  მთავარი  სპეციალისტი საზოგადოებასთან ურთიერთობის საკითხებში

მთავარი სპეციალისტი საზოგადოებასთან ურთიერთობის საკითხებში:

ა.  უზრუნველყოფს გამართულ კომუნიკაციას  საკრებულოს და საკრებულოს თავმჯდომარისა მოქალაქეებთან, მასმედიის საშუალებებთან, სახელმწიფო ორგანოებთან, იურიდიულ პირებთან და სხვა გაერთიანებებთან;

ბ.  მოქალაქეთა საინფორმაციო მომსახურეობას და საჯარო ინფორმაციის ხელმისაწვდომობას;“