ხაშურის მუნიციპალიტეტის ადგილობრივი თვითმმართველობის მოხელეთა საკონკურსო-საატესტაციო კომისიის დებულების დამტკიცების შესახებ

ხაშურის მუნიციპალიტეტის ადგილობრივი თვითმმართველობის მოხელეთა საკონკურსო-საატესტაციო კომისიის დებულების დამტკიცების შესახებ ხაშურის მუნიციპალიტეტის საკრებულოს დადგენილება №62 2014 წლის 22 ოქტომბერი ქ. ხაშური ხაშურის მუნიციპალიტეტის ადგილობრივი თვითმმართველობის მოხელეთა საკონკურსო-საატესტაციო კომისიის დებულების დამტკიცების შესახებ საქართველოს ორგანული კანონის „ადგილობრივი თვითმმართველობის კოდექსის“ 61-ე  მუხლის 1-ლი მე-2 პუნქტის, ,,ნორმატიული აქტების შესახებ“ საქართველოს კანონის 25-ე მუხლის, 1-ლი პუნქტის ,,ბ“ ქვეპუნქტის,  „საჯარო სამსახურის შესახებ“ საქართველოს კანონის შესაბამისად,  ხაშურის  მუნიციპალიტეტის  საკრებულო   ადგენს: მუხლი 1🔗 დამტკიცდეს ადგილობრივი თვითმმართველობის მოხელეთა საკონკურსო-საატესტაციო  კომისიის დებულება. მუხლი 2🔗 ძალადაკარგულად  გამოცხადდეს  ხაშურის  მუნიციპალიტეტის საკრებულოს 2013 წლის 25 ნოემბრის ,,ხაშურის მუნიციპალიტეტის ადგილობრივი თვითმმართველობის მოხელის თანამდებობათა დასაკავებლად კონკურსის ჩატარების ინსტრუქციის დამტკიცების შესახებ“ №81 დადგენილება (სსმ29.11.2013/ 010250020.35.143. 016216) მუხლი 3🔗 დადგენილება ძალაში შევიდეს  გამოქვეყნებისთანავე.ხაშურის მუნიციპალიტეტის საკრებულოს თავმჯდომარევაჟა შუბითიძე დანართი  №1 ხაშურის  მუნიციპალიტეტის ადგილობრივი თვითმმართველობის მოხელეთა საკონკურსო-საატესტაციო კომისიის დებულება თავი I ზოგადი დებულება მუხლი 1🔗. გამოყენების სფერო 1. ადგილობრივი თვითმმართველობის მოხელეთა საკონკურსო-საატესტაციო კომისიის (შემდგომში - კომისია) დებულება აწესრიგებს საკრებულოს აპარატისა და გამგეობის   მოხელეთა კონკურსის ან/და ატესტაციის წარმოების პროცესს. 2. ხაშურის  მუნიციპალიტეტის საკონკურსო-საატესტაციო კომისია იქმნება და საქმიანობს „საჯარო სამსახურის შესახებ“ საქართველოს კანონის, საქართველოს მთავრობის 2014 წლის 18 ივნისის №411,  №412 დადგენილებების, სსიპ - საჯარო სამსახურის ბიუროს უფროსის 2014 წლის 10 სექტემბრის №73/სა ბრძანების და ამ დებულების საფუძველზე.  მუხლი 2🔗. ტერმინთა განმარტება დებულებაში გამოყენებულ ტერმინებს აქვთ შემდეგი მნიშვნელობა: ა) საკონკურსო - საატესტაციო კომისია - მუდმივმოქმედი ორგანო, რომელიც მუშაობს როგორც კონკურსის პროცესში, ასევე ატესტაციის დროს. ბ) ადგილობრივი თვითმმართველობის მოხელეთა კონკურსი (შემდგომში - კონკურსი) - საქართველოს კანონმდებლობით დადგენილი წესით, კანდიდატის შესაბამისობის  დადგენა ვაკანტური თანამდებობის მოთხოვნებთან; გ) ადგილობრივი თვითმმართველობის მოხელეთა ატესტაცია (შემდგომში - ატესტაცია) - საქართველოს კანონმდებლობით დადგენილი წესით, მოხელის სამსახურებრივი საქმიანობის, პროფესიული ჩვევების, კვალიფიკაციის, შესაძლებლობებისა და  პიროვნული თვისებების შესაბამისობის შეფასება დაკავებული ან დასაკავებელი თანამდებობის მოთხოვნებთან; მუხლი 3🔗. კონკურსის ან/და ატესტაციის პრინციპები კონკურსის ან/და ატესტაციის პრინციპებია: ა) კანონიერება; ბ) სამართლიანობა; გ) საჯაროობა; დ) გამჭვირვალობა; ე) არადისკრიმინაციულობა; ვ) ობიექტურობა; ზ) მიუკერძოებლობა; თ) კოლეგიალურობა ი) კორექტულობა; მუხლი 4🔗. კონკურსის ან/და ატესტაციის მიზანი და ამოცანები 1. კონკურსის მიზანია, ვაკანტური თანამდებობის დასაკავებლად დადგენილ მოთხოვნათა გათვალისწინებით, შესაბამისი კანდიდატის შერჩევა; 2. კონკურსის ამოცანებია: ა) საქართველოს მოქალაქეთათვის ვაკანტურ თანამდებობათა თანაბრად ხელმისაწვდომობის უზრუნველყოფა; ბ) ვაკანტურ თანამდებობაზე დასანიშნი კანდიდატების შერჩევის და მათი თანამდებობაზე დანიშვნის პროცესის გამჭვირვალობის უზრუნველყოფა; გ) კონკურსში მონაწილე კანდიდატების კვალიფიკაციის, პროფესიული დონის, ცოდნის, პიროვნული თვისებების, მოტივაციის და უნარ-ჩვევების შეფასება; დ) შერჩეული კანდიდატების ვაკანტური თანამდებობების მოთხოვნებთან შესაბამისობის დონის განსაზღვრა; 3.ატესტაციის მიზნებია: ა) ატესტაციას დაქვემდებარებული პირის პროფესიული ჩვევების, კვალიფიკაციის, შესაძლებლობებისა და პიროვნული თვისებების  შესაბამისობის განსაზღვრა დაკავებული ან დასაკავებელი თანამდებობის მოთხოვნებთან; ბ) მოხელის მიერ საატესტაციო პერიოდში შესრულებული პროფესიული სამსახურებრივი საქმიანობის შეფასება; გ) საკლასო ჩინისა და სპეციალური წოდების მინიჭებასთან დაკავშირებით გადაწყვეტილების მიღება; დ) მოხელის პროფესიული დონის გამოყენების პერსპექტივების განსაზღვრა; ე) მოხელის კვალიფიკაციის ამაღლების, პროფესიული მომზადების ან გადამზადების საჭიროების დადგენა; ვ) მოხელის პროფესიული ზრდის სტიმულირება. მუხლი 5🔗. კონკურსის გამოცხადება და ატესტაციის ჩატარების დრო 1. კონკურსი ცხადდება, მხოლოდ ვაკანტური თანამდებობის დასაკავებლად; 2. კანდიდატს განცხადების წარსადგენად ეძლევა არანაკლებ ათდღიანი ვადა კონკურსის გამოცხადების დღიდან; 3. კონკურსის შესახებ შეტყობინება უნდა შეიცავდეს შემდეგ მონაცემებს: ა) კონკურსის წესით შესავსები ვაკანტური თანამდებობის დასახელებას; ბ) კანდიდატის მიმართ წაყენებულ მოთხოვნებს; გ) შესასრულებელ სამუშაოს; დ) თანამდებობრივი სარგოს ოდენობას; ე) განცხადებისა და სხვა აუცილებელი დოკუმენტების წარდგენის ვადას; ვ) შესაბამისი კომისიის მისამართს; ზ) კონკურსის ეტაპებს; თ) კომისიის მიერ საბოლოო გადაწყვეტილების მიღების ვადას; ი) კომისიის მიერ გადაწყვეტილების მიღების ფორმას. 4. ატესტაციის ჩატარების დროს განსაზღვრავს დაწესებულების ხელმძღვანელი საკონკურსო-საატესტაციო კომისიის თავმჯდომარესთან შეთანხმებით. 5. ატესტაციას დაქვემდებარებულ მოხელეთა სიას და ატესტაციის ჩატარების გრაფიკს ამზადებს დაწესებულების ადამიანური რესურსების მართვის სამსახური და საკონკურსო-საატესტაციო კომისიის თავმჯდომარის წარდგინებით, ამტკიცებს დაწესებულების ხელმძღვანელი. 6. ატესტაციის გრაფიკი, ინფორმაცია ატესტაციის ჩატარების პრინციპების, პროცედურების, ფორმებისა და პირობების შესახებ, ასევე საკონკურსო-საატესტაციო კომისიის მიერ გადაწყვეტილების მიღების ფორმა, ატესტაციას დაქვემდებარებულ პირს და საჯარო სამსახურის ბიუროს უნდა ეცნობოს ატესტაციის დაწყებამდე ორი კვირით ადრე მაინც. 7. ატესტაციას ექვემდებარება; 1) ა) მოხელე 3 წელიწადში ერთხელ (საატესტაციო პერიოდი); ბ) კანდიდატი მოხელის თანამდებობაზე, თუ თანამდებობა კონკურსის წესით უნდა დაიკავოს. 2) მოხელე, რომელიც საატესტაციო პერიოდის უკანასკნელი წლის მანძილზე სამსახურებრივ  მოვალეობას ასრულებდა 6 (ექვსი) თვეზე ნაკლები ვადით, ატესტაციას ექვემდებარება მომდევნო წელს. 3)   მოხელე, რომელსაც უფლებამოსილება შეჩერებული აქვს „საჯარო სამსახურის შესახებ“ საქართველოს კანონის მოთხოვნათა თანახმად, ატესტაციას გადის მომდევნო წელს. 8. ამ მუხლის მე-8 პუნქტში აღნიშნული ინფორმაციის საჯაროობას უზრუნველყოფს საკონკურსო-საატესტაციო კომისიის თავმჯდომარე. თავი II საკონკურსო - საატესტაციო კომისია მუხლი 6🔗. კომისიის მიზანი, ამოცანები, შექმნისა და მუშაობის წესი 1.კომისიის საქმიანობის მიზანია ვაკანტური თანამდებობის დასაკავებელად, დადგენილ მოთხოვნათა გათვალისწინებით, შესაბამისი კანდიდატის შერჩევა. დაკავებულ ან დასაკავებელ თანამდებობასთან ატესტაციას დაქვემდებარებული პირის შესაბამისობის შეფასება. 2. კომისიის ამოცანებია:  კონკურსის ჩატარების ზოგადი პირობების რეალიზება: ა) საქართველოს მოქალაქეთათვის ვაკანტურ თანამდებობათა თანაბრად ხელმისაწვდომობის უზრუნველყოფა; ბ) ვაკანტურ თანამდებობაზე დასანიშნი კანდიდატების შერჩევის და მათი თანამდებობებზე  დანიშვნის პროცესის გამჭვირვალობის უზრუნველყოფა; გ)  კონკურსში მონაწილე კანდიდატების კვალიფიკაციის, პროფესიული დონის, ცოდნის,  პიროვნული თვისებების, მოტივაციის და უნარ-ჩვევების შეფასება; დ) შერჩეული კანდიდატების ვაკანტური თანამდებობის მოთხოვნებთან შესაბამისობის  დონის განსაზღვრა. 3.  საკონკურსო-საატესტაციო კომისიის თავმჯდომარეს, დაწესებულების ხელმძღვანელის (გამგებელის) წარდგინებით ნიშნავს ადგილობრივი თვითმმართველობის ორგანო. დაწესებულების მოხელეთა კომისიის თავმჯდომარედ, როგორც წესი, ინიშნება იმავე დაწესებულების ხელმძღვანელი, ან მისი მოადგილე. 4. კომისიის წევრთა რაოდენობასა და შემადგენლობას განსაზღვრავს კომისიის თავმჯდომარე, აუცილებელი საჭიროების გათვალისწინებით. კომისიის შემადგენლობაში მონაწილეობენ მოხელეთა პროფესიული კავშირების წევრები, დამოუკიდებელი სპეციალისტები (პირები, რომლებიც სამსახურებრივად არ არიან დაკავშირებულნი შესაბამის დაწესებულებასთან) და ასევე, შესაძლებელია მონაწილეობდნენ ადამიანური რესურსების მართვისათვის პასუხისმგებელი პირები. 5. კომისიის თავმჯდომარე, კომისიის წევრთაგან ნიშნავს თავმჯდომარის მოადგილეს, რომელიც ცვლის მას არყოფნის შემთხვევაში. 6.  კომისიის თავმჯდომარეს შეუძლია პროფესიული, ან ტერიტორიული პრინციპის მიხედვით, შექმნას  სპეციალიზებული შემადგენლობით დაკომპლექტებული კომისია და დანიშნოს ასეთი სპეციალიზებული კომისიის თავმჯდომარე. სპეციალიზებული კომისიის საქმიანობა ხორციელდება ამ დებულებით განსაზღვრული  პრინციპებითა და პროცედურებით. 7. საკონკურსო-საატესტაციო კომისიის შემადგენლობაში შედიან კომისიის თავმჯდომარე, თავმჯდომარის მოადგილე და  წევრები. კომისიის წევრი ვალდებულია, კონკურსის ეტაპების დაწყებამდე, წინასწარ განაცხადოს ყველა იმ გარემოების თაობაზე, რომელმაც შეიძლება მას ხელი შეუშალოს კანდიდატის ობიექტურად შეფასებასა და კანდიდატის მიმართ გადაწყვეტილების მიუკერძოებლად გამოტანაში. ასეთი გარეომების არსებობისას, კომისიის წევრი ვალდებულია განაცხადოს თვითაცილება. წინააღმდეგ შემთხვევაში, მის მიერ კანდიდატის შეფასება (ასეთი ფაქტის კონკურსის მიმდინარეობის დროს გამოვლენის შემთხვევაში) არ იქნება გათვალისწინებული საბოლოო გადაწყვეტილების მიღებისას. 8. კონკურსის პროგრამას, ეტაპებს, პირობებს, შეფასების ფორმებსა და ჩატარების გრაფიკს განსაზღვრავს კომისია, დაწესებულების ხელმძღვანელთან (გამგებელთან) შეთანხმებით. 9. კომისია უფლებამოსილია მიიღოს გადაწყვეტილება, თუ სხდომას ესწრება წევრთა ნახევარზე მეტი, მაგრამ არანაკლებ სამი წევრისა. გადაწყვეტილება მიღებულად ითვლება თუ მას მხარს დაუჭერს სხდომაზე დამსწრე წევრთა ნახევარზე მეტი. ხმების თანაბრად გაყოფის შეემთხვევაში, გადამწყვეტად ითვლება სხდომის თავმჯდომარის ხმა. 10. კომისია აფასებს კანდიდატის შესაბამისობას ვაკანტური თანამდებობის დასაკავებლად დადგენილ მოთხოვნებთან, რა დროსაც უფლებამოსილია მიიღოს გადაწყვეტილება ქულათა სისტემით, ასევე ისმენს თანამდებობაზე დანიშვნის უფლების მქონე პირის აზრს და გამოაქვს შესაბამისი გადაწყვეტილება. 11. კომისიის გადაწყვეტილება ფორმდება ოქმით რომელსაც ხელს აწერენ სხდომის თავმჯდომარე და კომისიის დამსწრე წევრები. კომისიის წევრს უფლება აქვს თავისი განსხვავებული აზრი დაურთოს ოქმს, რის შესახებაც ოქმში კეთდება შესაბამისი ჩანაწერი. კონკურსის შედეგების მიხედვით, კომისია თითეულ ვაკანტურ თანამდებობაზე დასანიშნად წარადგენს ერთ კანდიდატს, ან უარს აცხადებს კანდიდატის წარდგენაზე. 12. კონკურსი ითვლება ჩაშლილად, თუ მასში მონაწილეობის მისაღებად არ იქნა წარდგენილი არც ერთი განცხადება, აგრეთვე იმ შემთხვევაში, თუ კომისია უარს განაცხადებს თანამდებობაზე დასანიშნად კანდიდატის წარდგენაზე. 13. კომისია ვალდებულია საბოლოო გადაწყვეტილება მიიღოს განცხადების წარდგენის ვადის დასრულებიდან არაუგვიანეს სამი თვის ვადაში. იმ შემთხვევაში თუ კომისიის მიერ წინასწარ განსაზღვრულია უფრო მცირე ვადა, კომისია უფლებამოსილია გაზარდოს იგი ვადის ამოწურვამდე, რა შემთხვევაშიც,  თავდაპირველად განსაზღვრული და გაზრდილი ვადის ჯამი არ უნდა აღემატებოდეს სამ თვეს. 14 კომისიის თავმჯდომარე ან კომისიის სხვა უფლებამოსილი პირი, საბოლოო გადაწყვეტილების მიღებიდან არაუგვიანეს ხუთი სამუშაო დღისა, წერილობით ან ელექტრონული ფოსტით აცნობებს თითოეულ კანდიდატს მის მიმართ გამოტანილ გადაწყვეტილებას, ხოლო თანამდებობაზე დამნიშვნელ პირს - კომისიის მიერ წარდგენილი კანდიდატის ან კანდიდატის წარდგენაზე უარის შესახებ. 15. კომისია, კონკურსის დასრულებიდან (შემაჯამებელი გადაწყვეტილების მიღებიდან) ერთ კვირაში, ბიუროს წარუდგენს ინფორმაციას ჩატარებული კონკურსის შესახებ: ვაკანტური თანამდებობების დასახელების, შესული განცხადებების რაოდენობის, კონკურსის ეტაპების, პროცედურების და კონკურსის შედეგების მითითებით. 16. კომისიის მოწვეულ წევრთა შრომა შესაძლებელია ანაზღაურდეს საქართველოს კანონმდებლობით დადგენილი წესით. თავი III კონკურსის გამოცხადება, კონკურსის ან/და ატესტაციის ჩატარების პროცედურა                      და საკონკურსო- საატესტაციო კომისიის შედეგების გასაჩივრების წესი მუხლი 7🔗. კონკურსის გამოცხადება 1. კონკურსს, მუნიციპალიტეტის ადგილობრივ თვითმმართველობის ორგანოებში  ვაკანტური თანამდებობის დასაკავებლად, აცხადებს დაწესებულების ხელმძღვანელი. 2. კონკურსის გამოცხადების ხარჯებს ანაზღაურებს მუნიციპალიტეტი. 3. შეტყობინება კონკურსის გამოცხადების შესახებ უნდა შეიცავდეს: ა) დაწესებულების და კონკურსის წესით შესავსები ვაკანტური თანამდებობის დასახელებას; ბ) კანდიდატის მიმართ წაყენებულ მოთხოვნებს; გ) შესასრულებელ სამუშაოს; დ) თანამდებობრივი სარგოს ოდენობას; ე) განცხადებისა და სხვა აუცილებელი დოკუმენტების წარდგენის ვადას; ვ) შესაბამისი კომისიის მისამართს; ზ) კონკურსის ეტაპებს; თ) კომისიის მიერ საბოლოო გადაწყვეტილების მიღების ვადას; ი) კომისიის მიერ გადაწყვეტილების მიღების ფორმას; კ) დაწესებულების გადაწყვეტილებით, შესაძლებელია, აისახოს სხვა ინფორმაციაც. მუხლი 8🔗. კონკურსში მონაწილეობისათვის განცხადების წარდგენა 1. კონკურსში მონაწილეობისათვის განცხადების წარდგენა შეიძლება მხოლოდ ელექტრონული ფორმით, საჯარო სამსახურის ბიუროს მიერ ადმინისტრირებული ვებგვერდის  მეშვეობით. 2. შეტყობინების გამოქვეყნებიდან კანდიდატს ეძლევა არანაკლებ ათდღიანი ვადა განცხადების წარსადგენად. 3. კანდიდატს შეუძლია განცხადებაში შეიტანოს ცვლილება განცხადების წარდგენისთვის  განსაზღვრული ვადის ამოწურვამდე. 4. კანდიდატს უფლება აქვს, გამოცხადებულ კონკურსში მონაწილეობის  თაობაზე განცხადება წარადგინოს ერთდროულად არაუმეტეს ხუთ ვაკანსიაზე. მუხლი 9🔗. კონკურსში მონაწილეობის უფლების მქონე პირი კონკურსში მონაწილეობის უფლება აქვს საქართველო მოქალაქეს, რომელიც: ა) ქმედუნარიანია - არ არსებობს სასამართლოს გადაწყვეტილება მისი შეზღუდულ ქმედუნარიან პირად ან ქმედუუნაროდ   ცნობის შესახებ; ბ) ფლობს საქართველოს სახელმწიფო ენას; გ) მიაღწია 18 წლის ასაკს; დ) აქვს საშუალო განათლება მაინც. მუხლი 10🔗. კონკურსის ჩატარების პროცედურა 1. კონკურსს ატარებს ადგილობრივი თვითმმართველობის მოხელეთა საკონკურსო–საატესტაციო კომისია. 2. კონკურსი შესაძლებელია მოიცავდეს ოთხ (არანაკლებ სამ) შემდეგ ეტაპს: ა) განცხადების გადარჩევა - წარმოადგენს პირის საკვალიფიკაციო მოთხოვნებთან შესაბამისობის დადგენას წარდგენილი დოკუმენტების მიხედვით და სავალდებულო დოკუმენტაციის სრულად წარდგენის შემოწმებას. ბ) წერითი დავალება  -  შეიძლება მოიცავდეს როგორც ზოგადი უნარ-ჩვევების, ასევე პროფესიულ საკითხებს. წერილობითი დავალების ფორმას, შეფასების კრიტერიუმებს და კონკურსის შემდგომ ეტაპზე გადასასვლელ აუცილებელ ქულათა მინიმალურ ზღვრულ ოდენობას, კონკურსის გამოცხადებისთანავე, ადგენს და ამტკიცებს კომისია. გ) ტესტირება - წარმოადგენს წინასწარ განსაზღვრული ფორმით შედგენილ წერილობით ან ელექტრონულ დავალებას. ტესტირების ფორმას, შეფასების კრიტერიუმებს და შემდგომ ეტაპზე გადასასვლელ აუცილებელ ქულათა მინიმალურ ზღვრულ ოდენობას ადგენს და ამტკიცებს კომისია. დ) გასაუბრება -  კანდიდატისთვის წიანსწარ შემუშავებული კითხვარი, რომელითაც მიიღება ინფორმაცია ვაკანტური თანამდებობის დასაკავებლად საჭირო უნარ-ჩვევებზე, პროფესიულ კვალიფიკაციასა და გამოცდილებაზე. 3. „საჯარო სამსახურის შესახებ” საქართველოს კანონის  მე-16 მუხლით ადგილობრივი თვითმმართველობის მოხელისათვის დადგენილი ძირითადი მოთხოვნების პარალელურად, ამავე კანონის მე-19 მუხლის მოთხოვნათა შესაბამისად, დაწესებულების ხელმძღვანელი (გამგებელი) უფლებამოსილია დაადგინოს დამატებითი საკვალიფიკაციო მოთხოვნები კანონქვემდებარე ნორმატიული აქტით. 4. ამ მუხლის მე-3 პუნქტში აღნიშნული ინფორმაციის საჯაროობას უზრუნველყოფს საკონკურსო-საატესტაციო კომისიის თავმჯდომარე. მუხლი 11🔗. კონკურსის შედეგების გასაჩივრება 1. პირს უფლება აქვს, კონკურსის და ატესტაციის შედეგები გაასაჩივროს საპრეტენზიო კომისიაში (მისი არსებობის შემთხვევაში), ან არ გამოიყენოს საპრეტენზიო  კომისიისადმი მიმართვის უფლება და კონკურსის პროცედურებსა და შედეგებთან დაკავშირებული საჩივარი წარადგინოს პირველი ინსტანციის რაიონულ სასამართლოში. 2. კონკურსის პროცედურებსა და შედეგებთან დაკავშირებული დავა, დაწესებულებაში  საპრეტენზიო კომისიის არარსებობის შემთხვევაში, შესაძლებელია გადაწყდეს ადმინისტრაციული წესით. მუხლი 12🔗. საპრეტენზიო კომისია 1. კონკურსისა ან/და ატესტაციის პროცედურებსა და შედეგებთან დაკავშირებული პრეტენზიების განხილვის მიზნით, დაწესებულების ხელმძღვანელის (გამგებლის) ბრძანებით შესაძლებელია შეიქმნას საპრეტენზიო კომისია. 2. საპრეტენზიო კომისიის წევრთა რაოდენობასა და შემადგენლობას განსაზღვრავს: ა) საკრებულოს თავმჯდომარე, როდესაც კონკურსი ან/და ატესტაცია ტარდება საკრებულოს  აპარატში; ბ) გამგებელი  როდესაც კონკურსი ან/და ატესტაცია ტარდება გამგეობაში; გ) მუნიციპალიტეტის გამგებელი, როდესაც კონკურსი ან/და ატესტაცია ტარდება როგორც  საკრებულოს აპარატში, ისე გამგეობაში; 3. საპრეტენზიო კომისიის შემადგენლობაში შედიან კომისიის თავმჯდომარე, თავმჯდომარის მოადგილე და წევრები (მათ შორის მოწვეულები). კომისიის წევრი, რომელიც მონაწილეობდა კონკურსის ან/და ატესტაციის რომელიმე ეტაპის ჩატარებაში, არ შეიძლება იყოს საპრეტენზიო კომისიაში. 4. საპრეტენზიო კომისიის თავმჯდომარის არყოფნის შემთხვევაში, მის მოვალეობას ასრულებს  თავმჯდომარის მოადგილე. 5. საპრეტენზიო კომისიის სხდომა უფლებამოსილია, თუ მას ესწრება წევრთა ნახევარზე მეტი, კომისიის თითოეულ წევრს აქვს ერთი ხმის უფლება. 6. საპრეტენზიო კომისიის გადაწყვეტილება მიიღება დამსწრე წევრთა ხმების უბრალო  უმრავლესობით. ხმების თანაბრად გაყოფის შემთხვევაში, გადამწყვეტად ითვლება თავმჯდომარის ხმა. 7. საპრეტენზიო კომისიის გადაწყვეტილება ფორმდება ოქმით, რომელსაც ხელს აწერენ საპრეტენზიო კომისიის სხდომის თავმჯდომარე და დამსწრე კომისიის წევრები. 8. საპრეტენზიო კომისიის წევრს უფლება აქვს თავისი განსხვავებული აზრი დაურთოს ოქმს, რის შესახებაც ოქმში კეთდება შესაბამისი ჩანაწერი. 9. კონკურსის შემთხვევაში, პირს საპრეტენზიო კომისიისადმი მიმართვის უფლება აქვს  კონკურსის თითოეული ეტაპის შედეგების გამოცხადებიდან არაუგვიანეს 2 (ორი) სამუშაო დღისა. საპრეტენზიო კომისიის სახელზე შეტანილი განცხადება განიხილება არაუმეტეს 3 (სამი) სამუშაო დღეში. მიღებული გადაწყვეტილებების თანახმად, შედგება ოქმი გამოვლენილი ხარვეზის შესახებ და საბოლოო გადაწყვეტილების მისაღებად წარედგინება საკონკურსო-საატესტაციო კომისიას. 10. ატესტაციის შემთხვევაში, მოხელეს საპრეტენზიო კომისიისადმი მიმართვის უფლება აქვს  შედეგების გამოცხადებიდან არაუგვიანეს 2 (ორი) დღისა. საპრეტენზიო კომისიის სახელზე შეტანილი განცხადება განიხილება 3 (სამი) დღეში, მიღებული გადაწყვეტილების თანახმად შედგება ოქმი და საბოლოო გადაწყვეტილების მისაღებად წარედგინება საკონკურსო- საატესტაციო კომისიას. 11. საბოლოო გადაწყვეტილებას იღებს საკონკურსო-საატესტაციო კომისია საპრეტენზიო კომისიის გადაწყვეტილების გათვალისწინებით. საკონკურსო-საატესტაციო კომისიას უფლება აქვს, საჭიროების შემთხვევაში, მოიწვიოს გაფართოებული სხდომა საპრეტენზიო  კომისიის წევრთა მონაწილეობით. დანართი №2 კანდიდატთა შეფასების ფორმა შესარჩევი კონკურსი (თანამდებობის დასახელება) კანდიდატის სახელი და გვარი შესაფება შემფასებლის კომენტარი სუსტი ძლიერი 1 2 3 4 5 6 7 შემფასებლის სახელი, გვარი:      ____________________________________________ ხელმოწერა:   _________________________________________ დანართი №3 მოხელის დახასიათება სახელი, გვარი _____________________________________________________________________________ დაკავებული თანამდებობა__________________________________________________________________ ___________________________________________________________________________________________ საატესტაციო პერიოდში შესრულებულ საკითხთა ჩამონათვალი და შედეგების შეფასება ___________________________________________________________________________________________ ___________________________________________________________________________________________ ___________________________________________________________________________________________ ___________________________________________________________________________________________ პროფესიული და ინდივიდუალური ჩვევები __________________________________________________________________________________________ __________________________________________________________________________________________ __________________________________________________________________________________________ დადებითი და უარყოფითი მხარეები ___________________________________________________________________________________________ ___________________________________________________________________________________________ წახალისება ___________________________________________________________________________________________ ___________________________________________________________________________________________ ___________________________________________________________________________________________ დისციპლინური პასუხისმგებლობის ზომები ___________________________________________________________________________________________ ___________________________________________________________________________________________ წინადადებები კვალიფიკაციის ამაღლების, წახალისების, თანამდებობრივი დაწინაურების, სპეციალური წოდების ან საკლასო ჩინის მინიჭების შესახებ ___________________________________________________________________________________________ ___________________________________________________________________________________________ ___________________________________________________________________________________________ ხელმოწერა________________________ თარიღი______________________ . დანართი №4 საატესტაციო ფურცელი მოხელის სახელი, გვარი ____________________________________________________________ დაკავებული თანამდებობა და დანიშვნის თარიღი _______________________________________________________ თანამდებობრივი რანგი, საკლასო ჩინი, სპეციალური წოდება ___________________________________________________________________________________________ ___________________________________________________________________________________________ განათლება (სასწავლო დაწესებულება,სპეციალობა, ხარისხი) ___________________________________________________________________________________________ ___________________________________________________________________________________________ შრომის საერთო სტაჟი (მ.შ საჯარო სამსახურში) ___________________________________________________________________________________________ ___________________________________________________________________________________________ საკონკურსო-საატესტაციო კომისიის დასკვნა ___________________________________________________________________________________________ საკონკურსო-საატესტაციო კომისიის რეკომენდაცია _____________________________ ___________________________________________________________________________________________ ___________________________________________________________________________________________ ___________________________________________________________________________________________ შენიშვნა ___________________________________________________________ თარიღი ____________________________ კომისიის თავმჯდომარე __________________________ კომისიის წევრები ___________________________