ქობულეთის მუნიციპალიტეტის გამგეობის ეკონომიკის, ინფრასტრუქტურისა და საინვესტიციო განვითარების სამსახურის დებულების დამტკიცების შესახებ

ქობულეთის მუნიციპალიტეტის გამგეობის ეკონომიკის, ინფრასტრუქტურისა და საინვესტიციო განვითარების სამსახურის დებულების დამტკიცების შესახებ ქობულეთის მუნიციპალიტეტის საკრებულოს დადგენილება №26 2014 წლის 17 ნოემბერი ქ. ქობულეთი ქობულეთის მუნიციპალიტეტის გამგეობის ეკონომიკის, ინფრასტრუქტურისა და საინვესტიციო განვითარების სამსახურის დებულების დამტკიცების შესახებ საქართველოს ორგანული კანონის ,,ადგილობრივი თვითმმართველობის კოდექსის” 24-ე მუხლის პირველი  პუნქტის  „გ.ბ” ქვეპუნქტისა და  „ნორმატიული აქტების შესახებ“ საქართველოს კანონის 25-ე მუხლის  საფუძველზე  ქობულეთის მუნიციპალიტეტის საკრებულო ადგენს: მუხლი 1🔗 დამტკიცდეს ქობულეთის მუნიციპალიტეტის გამგეობის ეკონომიკის, ინფრასტრუქტურისა და საინვესტიციო განვითარების სამსახურის  დებულება თანახმად დანართისა. მუხლი 2🔗 ამ დადგენილების ძალაში შესვლისთანავე ძალადაკარგულად გამოცხადდეს ქობულეთის მუნიციპალიტეტის გამგეობის ეკონომიკის, ინფრასტრუქტურისა და საინვესტიციო განვითარების სამსახურის დებულების დამტკიცების შესახებ“ ქობულეთის მუნიციპალიტეტის საკრებულოს 2010 წლის 29 დეკემბრის   №31 დადგენილება. მუხლი 3🔗 დადგენილება ამოქმედდეს გამოქვეყნებისთანავე.ქობულეთის მუნიციპალიტეტის საკრებულოს თავმჯდომარესულხან ოქროპირიძე                                                                                                                                   დანართი ქობულეთის მუნიციპალიტეტის გამგეობის ეკონომიკის, ინფრასტრუქტურისა და საინვესტიციო განვითარების სამსახურის დ ე ბ უ ლ ე ბ ა თავი 1.   ზოგადი  დებულებანი მუხლი 1🔗.  1. ქობულეთის მუნიციპალიტეტის გამგეობის ეკონომიკის, ინფრასტრუქტურისა  და საინვესტიციო განვითარების სამსახური (შემდგომ -ეკონომიკის, ინფრასტრუქტურისა  და საინვესტიციო განვითარების სამსახური) არის ქობულეთის  მუნიციპალიტეტის გამგეობის სტრუქტურული ერთეული, რომელიც უზრუნველყოფს ეკონომიკური განვითარების მუნიციპალური პროგრამების შემუშავებასა და განხორციელებას, სათანადო სტატისტიკური ინფორმაციის შეგროვება-დამუშავებას და ინფრასტრუქტურის განვითარებას. 2. სამსახური საქმიანობას წარმართავს საქართველოს კანონმდებლობის, გამგეობის დებულების, ამ დებულებისა და მუნიციპალიტეტის სხვა სამართლებრივი აქტების შესაბამისად. 3. ეკონომიკის, ინფრასტრუქტურისა  და საინვესტიციო განვითარების სამსახური შექმნილია საქართველოს ორგანული კანონის ,,ადგილობრივი თვითმმართველობის კოდექსის“ და ქობულეთის მუნიციპალიტეტის საკრებულოს 2014 წლის 4 სექტემბრის №10 დადგენილების შესაბამისად.   4. ეკონომიკის, ინფრასტრუქტურისა  და საინვესტიციო განვითარების სამსახურის საშტატო განრიგი  განისაზღვრება გამგეობის საშტატო ნუსხით. 5. ეკონომიკის, ინფრასტრუქტურისა  და საინვესტიციო განვითარების სამსახური იყენებს კანონმდებლობით დადგენილი წესით დამტკიცებულ ტიტულიან ბლანკს საკუთარი დასახელების აღნიშვნით. 6. ეკონომიკის, ინფრასტრუქტურისა  და საინვესტიციო განვითარების სამსახურის იურიდიული მისამართია: ქ.ქობულეთი, დავით აღმაშენებლის გამზირი №141. 7. ეკონომიკის, ინფრასტრუქტურისა  და საინვესტიციო განვითარების სამსახურს აქვს ბეჭედი ქობულეთის მუნიციპალიტეტის გამგეობისა და საკუთარი დასახელების დამატების აღნიშვნით. თავი II. სამსახურის ამოცანები და ფუნქციები მუხლი 2🔗. თავისი კომპეტენციის ფარგლებში სამსახური: ა) უზრუნველყოფს მუნიციპალიტეტის სოციალურ-ეკონომიკური განვითარების პროგრამების მომზადებას;       ბ) აანალიზებს ეკონომიკური განვითარების არსებულ ტენდენციებს; გ) აანალიზებს მუნიციპალიტეტის ტერიტორიაზე საინვესტიციო განვითარების შესაძლებლობებს; დ) ახდენს ეკონომიკური განვითარებისა და საბიუჯეტო შემოსავლების პროგნოზირებას; ე) მონაწილეობს მუნიციპალიტეტის ეკონომიკური პოლიტიკისა და ეკონომიკური რეფორმების შემუშავებაში; ვ) უზრუნველყოფს თვითმმართველ ერთეულში კომუნალური მომსახურეობის მონიტორინგს და კეთილმოწყობისათვის საჭირო ღონისძიებების დაგეგმვა-რეალიზებას. მუხლი 3🔗. სამსახურის ძირითადი ფუნქციებია: ა) მუნიციპალიტეტის ეკონომიკური განვითარების პროგრამების შემუშავება და განხორციელება, მოკლე და საშუალო ვადიანი ეკონომიკური პროგნოზირება, სათანადო სტატისტიკური ინფორმაციის შეგროვება-დამუშავება; ბ) მუნიციპალიტეტის ტერიტორიების კეთილმოწყობის დაგეგმვა, შესაბამისი პროგრამებისა და პროექტების მომზადება,  მათი განხორციელების კოორდინაცია; გ) მუნიციპალიტეტის ტერიტორიაზე ელექტროფიცირების, გაზმომარაგების, კანალიზაციისა და წყალმომარაგების სამუშაოთა წარმოების დაგეგმვა და მონიტორინგი მათ განხორციელებაზე; დ) შიდა სარგებლობის გზების, ტროტუარების, ხიდების, გვირაბების, მდინარეთა ჯებირების და სხვა საინჟინრო ნაგებობათა შეკეთებისა და ექსპლუატაციის უზრუნველყოფა; ე) წინადადებების მომზადება მუნიციპალიტეტის გამგებლობაში შემავალი საზოგადოებრივი მომსახურეობის ტარიფების განსაზღვრის, აგრეთვე ამ მომსახურეობის მიმწოდებლებსა და მომხმარებლებს შორის ხელშეკრულებების მომზადების საკითხებზე; ვ) მუნიციპალური ინფრასტრუქტურის - ადგილობრივი მნიშვნელობის გზების, ხიდების, გარე განათების, სანიაღვრე მეურნეობის, მუნიციპალიტეტის გამგებლობაში არსებული კომუნიკაციების შექმნის, რეაბილიტაციისა და განვითარების დაგეგმვა, შესაბამისი პროგრამებისა და პროექტების მომზადება, მათი განხორციელების კოორდინაცია; ზ) დასახლებებში გარე განათების, სანიაღვრე და საკანალიზაციო ქსელების ფუნქციონირების უზრუნველყოფა; თ) წინადადებების, დასკვნებისა და რეკომენდაციების შემუშავება მუნიციპალური ინფრასტრუქტურის ობიექტების შექმნის, განვითარების და მათი ექსპლოატაციის საკითხებზე; მუნიციპალური ინფრასტრუქტურის ობიექტების შენახვა, რეკონსტრუქსია და მოვლა-პატრონობა; ი) წინადადებების მომზადება მუნიციპალური საზოგადოებრივი ტრანსპორტის შექმნის, რეაბილიტაციისა და განვითარების თაობაზე; კ)  წინადადებების შემუშავება ვაჭრობის და გარე რეკლამის რეგულირების საკითხებზე; ლ) საგზაო ნიშნების, გზაჯვარედინების მარეგულირებელი შუქნიშნების მოწესრიგება;  მ) ღონისძიებების დაგეგმვა წყალდიდობების შედეგების ლიკვიდაციის, ქუჩების და ტროტუარების თოვლისა და ყინულისაგან გასაწმენდად; ნ) ტერიტორიის კეთილმოწყობისა და გამწვანების, პარკების, სკვერების, ბულვარების, წყალსატევების, გამწვანების ზონების მოწყობის ორგანიზება; ო) მოსახლეობის საბინაო-კომუნალური მომსახურების ორგანიზება; პ) თვითმმართველი ერთეულის საკუთრებაში არსებული საცხოვრებელი და არასაცხოვრებელი ფონდის და კომუნალური მეურნეობის მართვა, შესაბამის ობიექტთა მოვლა-პატრონობა; ჟ) სასაფლაოების მოვლა-პატრონობა, შესაბამისი საზოგადოებრივი მომსახურების ორგანიზება; რ) წინადადებების, დასკვნებისა და რეკომენდაციების შემუშავება ეკონომიკური განვითარების მიზნით ინვესტიციების დაგეგმვის, ინვესტორებთან თანამშრომლობის, შესაბამისი საინვესტიციო პროგრამებისა და პროექტების მომზადების საკითხებზე; ს) მონაწილეობა მუნიციპალიტეტის ადგილობრივი ბიუჯეტის ფორმირებაში; ტ) უზრუნველყოფს გამგებლის, გამგებლის მოადგილეების ცალკეული დავალებების შესრულებას; უ) მოქმედი კანონმდებლობითა და მუნიციპალიტეტის სამართლებრივი აქტებით განსაზღვრული სხვა ფუნქციების განხორციელება. თავი III. სამსახურის ხელმძღვანელობა მუხლი 4🔗. 1. ეკონომიკის, ინფრასტრუქტურისა  და საინვესტიციო განვითარების სამსახურს ხელმძღვანელობს ეკონომიკის, ინფრასტრუქტურისა  და საინვესტიციო განვითარების სამსახურის უფროსი (შემდგომ - სამსახურის უფროსი), რომელსაც კანონის შესაბამისად ნიშნავს და თანამდებობიდან ანთავისუფლებს  გამგებელი. 2. ეკონომიკის, ინფრასტრუქტურისა  და საინვესტიციო განვითარების სამსახურის უფროსი: ა) უზრუნველყოფს სამსახურის საქმიანობას საქართველოს კონსტიტუციის,  საქართველოს ორგანული კანონის ,,ადგილობრივი თვითმმართველობის კოდექსის“, მუნიციპალიტეტის  გამგეობის დებულებისა და საქართველოს სხვა კანონმდებლობის შესაბამისად; ბ) წარმართავს სამსახურის საქმიანობას; გ) ადგენს სამსახურში მომზადებული საკითხების მოქმედ კანონმდებლობასთან შესაბამისობას და  მუნიციპალიტეტის გამგეობის საქმიანობიდან გამომდინარე  მისი მიზანშეწონილობის საკითხს. დ) შეიმუშავებს და მუნიციპალიტეტის გამგებელს განსახილველად წარუდგენს წინადადებებს სამსახურის თანამშრომელთა შორის ფუნქციათა განაწილების შესახებ; ე) ანაწილებს სამსახურში შემოსულ საკითხებს თანამშრომელთა შორის; ვ) შეიმუშავებს და მუნიციპალიტეტის გამგებელს განსახილველად წარუდგენს წინადადებებს თანამშრომელთა წახალისებისა და დისციპლინარული პასუხისმგებლობის დაკისრების შესახებ; ზ) იხილავს მის დაქვემდებარებაში მყოფ საჯარო მოსამსახურეთა სამსახურებრივი საქმიანობიდან გამომდინარე შეტანილ საჩივრებს და მუნიციპალიტეტის გამგებელს წარუდგენს შესაბამის დასკვნას რეაგირებისთვის; თ) საკუთარი კომპეტენციის ფარგლებში გამოსცემს სამართლებრივ აქტებს და უზრუნველყოფს სამსახურის კომპეტენციაში შემავალ საკითხებზე წინადადებების, დასკვნებისა და რეკომენდაციების მომზადებას და მუნიციპალიტეტის გამგებლისათვის წარდგენას; ი) მუნიციპალიტეტის გამგებელს წარუდგენს სამსახურის მიერ გაწეული საქმიანობის ანგარიშს; კ) უზრუნველყოფს სამსახურის კომპეტენციაში შემავალ საკითხებზე ადმინისტრაციული წარმოების წარმართვას; ლ) თავის კომპეტენციაში შემავალ საკითხებზე კონსულტაციებს უწევს მუნიციპალიტეტის გამგებელს, გამგებლის მოადგილეებს და სხვა  სტრუქტურულ ერთეულებს. მ) ხელმძღვანელობს და წარმოადგენს სამსახურს მესამე პირებთან სამართლებრივ ურთიერთობებში; ნ) მონაწილეობს გამგეობის საქმიანობიდან გამომდინარე შექმნილ კომისიებში; ო) ესწრება გამგებლის თათბირებს; პ) თავისი კომპეტენციის ფარგლებში ასრულებს მუნიციპალიტეტის გამგებელის და გამგებლის მოადგილეების ცალკეულ დავალებებს; ჟ) სამსახურის საქმიანობიდან გამომდინარე ახორციელებს სხვა უფლებამოსილებებს. 3. ეკონომიკის, ინფრასტრუქტურისა და საინვესტიციო განვითარების   სამსახურის უფროსის უფლებამოსილების შეწყვეტის  საკითხი წესრიგდება საქართველოს ორგანული კანონის „ადგილობრივი თვითმმართველობის კოდექსის“ შესაბამისად. 4. ეკონომიკის, ინფრასტრუქტურისა  და საინვესტიციო განვითარების სამსახურის უფროსის არყოფნისას, უფროსის მიერ უფლებამოსილების განხორციელების შეუძლებლობის შემთხვევაში ან თანამდებობიდან მისი გადადგომისას ან/და განთავისუფლებისას უფროსის მოვალეობის შესრულება  გამგებლის სამართლებრივი აქტის საფუძველზე ეკისრება სამსახურის ერთ-ერთი განყოფილების უფროსს. თავი IV. სამსახურის სტრუქტურა მუხლი 5🔗. 1. ეკონომიკის, ინფრასტრუქტურისა  და საინვესტიციო განვითარების სამსახური  შედგება სამსახურის უფროსისა და  სტრუქტურული ქვედანაყოფების- განყოფილებებისაგან. 2. ეკონომიკის, ინფრასტრუქტურისა  და საინვესტიციო განვითარების სამსახურის სტრუქტურული ქვედანაყოფია: ა) ინფასტრუქტურის განყოფილება;   ბ) საინვესტიციო განვითარებისა და ეკონომიკის განყოფილება; გ) კეთილმოწყობისა და კომუნალური მომსახურების განყოფილება; 3. სამსახურის მოხელეთა თანამდებობაზე დანიშვნა-განთავისუფლება ხორციელდება გამგეობის  დებულებით, ,,საჯარო სამსახურის შესახებ” საქართველოს კანონით. მუხლი 6🔗.  ინფრასტრუქტურის განყოფილება   ქობულეთის მუნიციპალიტეტის გამგეობის  ეკონომიკის, ინფრასტრუქტურისა  და საინვესტიციო განვითარების სამსახურის ინფასტრუქტურის განყოფილება (შემდგომ _ „განყოფილება“) არის   სამსახურის სტრუქტურული ქვედანაყოფი, რომელიც თავის საქმიანობაში ხელმძღვანელობს საქართველოს კონსტიტუციით, საქართველოს ორგანული კანონის „ადგილობრივი თვითმმართველობის კოდექსით“, „ქობულეთის მუნიციპალიტეტის გამგეობის დებულების დამტკიცების შესახებ“ ქობულეთის მუნიციპალიტეტის საკრებულოს 2014 წლის 4 სექტემბრის №10 დადგენილებით,  სხვა საკანონმდებლო აქტებით.  მუხლი 7🔗. განყოფილების ძირითადი ფუნქციები და ამოცანებია: ა) მუნიციპალური ინფრასტრუქტურის განვითარების პროგრამების შემუშავება და მათი განხორციელების მონიტორინგი; ბ) წინადადებების, დასკვნებისა და რეკომენდაციების შემუშავება მუნიციპალური ინფრასტრუქტურის ობიექტების შექმნის, განვითარების და მათი ექსპლოატაციის საკითხებზე; გ) მუნიციპალური ინფრასტრუქტურის ობიექტების მოვლა-პატრონობა; დ) წინადადებების, დასკვნებისა და რეკომენდაციების მომზადება მუნიციპალური ტრანსპორტის ორგანიზების საკითხებზე, შესაბამისი მუნიციპალური პროგრამების შემუშავება და მათი განხორციელების მონიტორინგი;  მუხლი 8🔗.  1. განყოფილებას ხელმძღვანელობს განყოფილების უფროსი, რომელსაც „საჯარო სამსახურის შესახებ“ საქართველოს კანონით დადგენილი წესით თანამდებობაზე ნიშნავს და თანამდებობიდან ანთავისუფლებს გამგებელი. 2. განყოფილების უფროსი: ა) უზრუნველყოფს განყოფილების საქმიანობას საქართველოს კონსტიტუციის, საქართველოს ორგანული კანონის „ადგილობრივი თვითმმართველობის კოდექსის“-ა და საქართველოს სხვა კანონმდებლობის შესაბამისად; ბ) კანონმდებლობით დადგენილი წესით უზრუნველყოფს განყოფილების თანამშრომელთა საქმიანობის სამსახურებრივი ზედამხედველობის განხორციელებას; გ) შეიმუშავებს წინადადებებს განყოფილების თანამშრომელთა შორის ფუნქციათა განაწილების შესახებ და შესაბამისი გადაწყვეტილების მისაღებად სამსახურის უფროსთან შეთანხმებით წარუდგენს გამგებელს; დ) განყოფილებაში შემოსულ საკითხებს ანაწილებს განსახილველად განყოფილების თანამშრომელთა  შორის. ე) გამგებლისათვის წარსადგენად   სამსახურის უფროსს წარუდგენს  წინადადებებს განყოფილების თანამშრომელთა წახალისებისა და დისციპლინური  პასუხისმგებლობის  დაკისრების შესახებ; ვ) ახორციელებს კანონმდებლობით გათვალისწინებულ სხვა ამოცანებსა და უფლება-მოვალეობებს. 3. განყოფილების უფროსის არყოფნისას, უფროსის მიერ უფლებამოსილების განხორციელების შეუძლებლობის შემთხვევაში ან თანამდებობიდან მისი გადადგომისას ან/და გათავისუფლებისას უფროსის მოვალეობის შესრულება გამგებლის სამართლებრივი აქტის საფუძველზე ეკისრება განყოფილების ერთ-ერთ სპეციალისტს. მუხლი 9🔗. 1. ამ დებულების შესაბამისად ქობულეთის მუნიციპალიტეტის გამგეობის ეკონომიკის, ინფრასტრუქტურისა  და საინვესტიციო განვითარების სამსახურის საშტატო ნუსხით განყოფილების შემადგენლობაში დგინდება შემდეგი თანამდებობები: ა) განყოფილების უფროსი; ბ) მთავარი  სპეციალისტები.   მუხლი 10🔗.  კეთილმოწყობისა და კომუნალური მომსახურების  განყოფილება ქობულეთის მუნიციპალიტეტის გამგეობის  ეკონომიკის, ინფრასტრუქტურისა  და საინვესტიციო განვითარების სამსახურის კეთილმოწყობისა და კომუნალური მომსახურების   განყოფილება (შემდგომ - „განყოფილება“) არის სამსახურის სტრუქტურული ქვედანაყოფი, რომელიც თავის საქმიანობაში ხელმძღვანელობს საქართველოს კონსტიტუციით, საქართველოს ორგანული კანონის „ადგილობრივი თვითმმართველობის კოდექსით“, „ქობულეთის მუნიციპალიტეტის გამგეობის დებულების დამტკიცების შესახებ“ ქობულეთის მუნიციპალიტეტის საკრებულოს 2014 წლის 4 სექტემბრის №10 დადგენილებით,  სხვა საკანონმდებლო აქტებით.  მუხლი 11🔗.  კეთილმოწყობისა და კომუნალური მომსახურების  განყოფილების ფუნქციები და ამოცანებია: ა) ტერიტორიის კეთილმოწყობის მუნიციპალური პროგრამებისა და პროექტების მომზადება და მათ განსახორციელებლად რეკომენდაციებისა და წინადადებების შემუშავება; ბ) წინადადებების შემუშავება ტერიტორიის დასუფთავების, ნარჩენების გატანის, გადამუშავებისა და უტილიზაციის საკითხებზე; გ) წინადადებების შემუშავება სასაფლაოების მოვლა-პატრონობისა და შესაბამისი საზოგადოებრივი მომსახურეობის ორგანიზების საკითხებზე; დ) წინადადებების შემუშავება დასუფთავების მოსაკრებელის შემოღება-გაუქმებისა და მისი ოდენობის განსაზღვრის, მოსაკრებელის ადმინისტრირების საკითხებზე; ე) წინადადებების შემუშავება გარე ვაჭრობის რეგულირების სფეროში; ვ) წინადადებების შემუშავება გარე რეკლამის განთავსების საკითხებზე; ზ) გარე ვაჭრობისა და რეკლამის განთავსების წესებზე ზედამხედველობა; თ) მოქმედი კანონმდებლობითა და მუნიციპალიტეტის სამართლებრივი აქტებით განსაზღვრული სხვა ფუნქციების განხორციელებას. მუხლი 12🔗. 1. განყოფილებას ხელმძღვანელობს განყოფილების უფროსი, რომელსაც „საჯარო სამსახურის შესახებ“ საქართველოს კანონით დადგენილი წესით თანამდებობაზე ნიშნავს და თანამდებობიდან ანთავისუფლებს გამგებელი. 2. განყოფილების უფროსი: ა) უზრუნველყოფს განყოფილების საქმიანობას საქართველოს კონსტიტუციის, საქართველოს ორგანული კანონის „ადგილობრივი თვითმმართველობის კოდექსის“-ა და საქართველოს სხვა კანონმდებლობის შესაბამისად; ბ) კანონმდებლობით დადგენილი წესით უზრუნველყოფს განყოფილების თანამშრომელთა საქმიანობის სამსახურებრივი ზედამხედველობის განხორციელებას; გ) შეიმუშავებს წინადადებებს განყოფილების თანამშრომელთა შორის ფუნქციათა განაწილების შესახებ და შესაბამისი გადაწყვეტილების მისაღებად სამსახურის უფროსთან შეთანხმებით წარუდგენს გამგებელს; დ) განყოფილებაში შემოსულ საკითხებს ანაწილებს განსახილველად განყოფილების თანამშრომელთა  შორის. ე) გამგებლისათვის წარსადგენად   სამსახურის უფროსს წარუდგენს  წინადადებებს განყოფილების თანამშრომელთა წახალისებისა და დისციპლინური  პასუხისმგებლობის  დაკისრების შესახებ; ვ) ახორციელებს კანონმდებლობით გათვალისწინებულ სხვა ამოცანებსა და უფლება-მოვალეობებს. 3. განყოფილების უფროსის არყოფნისას, უფროსის მიერ უფლებამოსილების განხორციელების შეუძლებლობის შემთხვევაში ან თანამდებობიდან მისი გადადგომისას ან/და გათავისუფლებისას უფროსის მოვალეობის შესრულება გამგებლის სამართლებრივი აქტის საფუძველზე ეკისრება განყოფილების ერთ-ერთ სპეციალისტს. მუხლი 13🔗. 1. ამ დებულების შესაბამისად ქობულეთის მუნიციპალიტეტის გამგეობის ეკონომიკის, ინფრასტრუქტურისა  და საინვესტიციო განვითარების სამსახურის საშტატო ნუსხით განყოფილების შემადგენლობაში დგინდება შემდეგი თანამდებობები: ა) განყოფილების უფროსი; ბ) მთავარი  სპეციალისტი; გ) წამყვანი სპეციალისტი. მუხლი 14🔗.   საინვესტიციო განვითარებისა და ეკონომიკის განყოფილება ქობულეთის მუნიციპალიტეტის გამგეობის  ეკონომიკის, ინფრასტრუქტურისა  და საინვესტიციო განვითარების სამსახურის საინვესტიციო განვითარებისა და ეკონომიკის განყოფილება  (შემდგომ - „განყოფილება“) არის   სამსახურის სტრუქტურული ქვედანაყოფი, რომელიც თავის საქმიანობაში ხელმძღვანელობს საქართველოს კონსტიტუციით, საქართველოს ორგანული კანონის „ადგილობრივი თვითმმართველობის კოდექსით“, „ქობულეთის მუნიციპალიტეტის გამგეობის დებულების დამტკიცების შესახებ“ ქობულეთის მუნიციპალიტეტის საკრებულოს 2014 წლის 4 სექტემბრის №10 დადგენილებით,  სხვა საკანონმდებლო აქტებით.   მუხლი 15🔗. საინვესტიციო განვითარებისა და ეკონომიკის განყოფილების ფუნქციები და ამოცანებია: ა) წინადადებების, დასკვნებისა და რეკომენდაციების შემუშავებას ეკონომიკური განვითარების მიზნით ინვესტიციების დაგეგმვის საკითხებზე; ბ) წინადადებების,დასკვნებისა და რეკომენდაციების მომზადებას მუნიციპალიტეტის პრიორიტეტების დოკუმენტთან დაკავშირებით; გ) მუნიციპალიტეტის ეკონომიკური განვითარების პროგრამების შემუშავებას და მათი განხორციელების კოორდინაციას; დ) მუნიციპალიტეტის ეკონომიკური კონკურენტუნარიანობის შეფასებას, ეკონომიკური განვითარების პრიორიტეტების ანალიზს, შესაბამისი დასკვნებისა და რეკომენდაციების მომზადებას მუნიციპალიტეტის პრიორიტეტების დოკუმენტის თაობაზე. მუხლი 16🔗. 1. განყოფილებას ხელმძღვანელობს განყოფილების უფროსი, რომელსაც „საჯარო სამსახურის შესახებ“ საქართველოს კანონით დადგენილი წესით თანამდებობაზე ნიშნავს და თანამდებობიდან ანთავისუფლებს გამგებელი. 2. განყოფილების უფროსი: ა) უზრუნველყოფს განყოფილების საქმიანობას საქართველოს კონსტიტუციის, საქართველოს ორგანული კანონის „ადგილობრივი თვითმმართველობის კოდექსის“-ა და საქართველოს სხვა კანონმდებლობის შესაბამისად; ბ) კანონმდებლობით დადგენილი წესით უზრუნველყოფს განყოფილების თანამშრომელთა საქმიანობის სამსახურებრივი ზედამხედველობის განხორციელებას; გ) შეიმუშავებს წინადადებებს განყოფილების თანამშრომელთა შორის ფუნქციათა განაწილების შესახებ და შესაბამისი გადაწყვეტილების მისაღებად სამსახურის უფროსთან შეთანხმებით წარუდგენს გამგებელს; დ) განყოფილებაში შემოსულ საკითხებს ანაწილებს განსახილველად განყოფილების თანამშრომელთა  შორის; ე) გამგებლისათვის წარსადგენად   სამსახურის უფროსს წარუდგენს  წინადადებებს განყოფილების თანამშრომელთა წახალისებისა და დისციპლინური  პასუხისმგებლობის  დაკისრების შესახებ; ვ) ახორციელებს კანონმდებლობით გათვალისწინებულ სხვა ამოცანებსა და უფლება-მოვალეობებს. 3. განყოფილების უფროსის არყოფნისას, უფროსის მიერ უფლებამოსილების განხორციელების შეუძლებლობის შემთხვევაში ან თანამდებობიდან მისი გადადგომისას ან/და გათავისუფლებისას უფროსის მოვალეობის შესრულება გამგებლის სამართლებრივი აქტის საფუძველზე ეკისრება განყოფილების ერთ-ერთ სპეციალისტს. მუხლი 17🔗. 1. ამ დებულების შესაბამისად ქობულეთის მუნიციპალიტეტის გამგეობის ეკონომიკის, ინფრასტრუქტურისა  და საინვესტიციო განვითარების სამსახურის   სამსახურის საშტატო ნუსხით განყოფილების შემადგენლობაში დგინდება შემდეგი თანამდებობები: ა) განყოფილების უფროსი; ბ) მთავარი  სპეციალისტი; თავი VI. სხვა დებულებები მუხლი 18🔗. 1. წინამდებარე დებულებაში ცვლილებებისა და დამატებების შეტანა შეიძლება საქართველოს ორგანული კანონის ,,ადგილობრივი თვითმმართველობის კოდექსის“ შესაბამისად ქობულეთის მუნიციპალიტეტის საკრებულოს დადგენილებით. 2. სამსახურის რეორგანიზაცია ან/და ლიკვიდაცია ხორციელდება საქართველოს ორგანული კანონის ,,ადგილობრივი თვითმმართველობის კოდექსის“ შესაბამისად ქობულეთის მუნიციპალიტეტის საკრებულოს დადგენილებით. .