დედოფლისწყაროს მუნიციპალიტეტის ადგილობრივი თვითმმართველობის ორგანოებში პრემიის გაცემისა და ოდენობის განსაზღვრის წესის დამტკიცების თაობაზე

დედოფლისწყაროს მუნიციპალიტეტის ადგილობრივი თვითმმართველობის ორგანოებში პრემიის გაცემისა და ოდენობის განსაზღვრის წესის დამტკიცების თაობაზე დედოფლისწყაროს მუნიციპალიტეტის საკრებულოს დადგენილება №59 2014 წლის 28 ნოემბერი ქ. დედოფლისწყარო დედოფლისწყაროს მუნიციპალიტეტის ადგილობრივი თვითმმართველობის ორგანოებში პრემიის გაცემისა და ოდენობის განსაზღვრის წესის დამტკიცების თაობაზე საქართველოს ორგანული კანონის ,,ადგილობრივი თვითმმართველობის კოდექსი“ მე-16 მუხლის მე-2 პუნქტის საფუძველზე და ,,საჯარო დაწესებულებებში პრემიის ოდენობის განსაზღვრის წესის დამტკიცების შესახებ“ საქართველოს მთავრობის 2014 წლის 15 ივლისის №449 დადგენილებით განსაზღვრული წესის და პრინციპების შესაბამისად, დედოფლისწყაროს მუნიციპალიტეტის საკრებულო ადგენს: მუხლი 1🔗 დამტკიცდეს დედოფლისწყაროს მუნიციპალიტეტის ადგილობრივი თვითმმართველობის ორგანოებში პრემიის გაცემისა და ოდენობის განსაზღვრის წესი დანართის შესაბამისად.(დანართი თან ერთვის). მუხლი 2🔗 დადგენილება ამოქმედდეს გამოქვეყნებისთანავე.დედოფლისწყაროს მუნიციპალიტეტის საკრებულოს თავმჯდომარეზვიად ჯავახიშვილი დანართი დედოფლისწყაროს მუნიციპალიტეტის ადგილობრივი თვითმმართველობის ორგანოებში პრემიის გაცემისა და ოდენობის განსაზღვრის წესი მუხლი 1🔗. ზოგადი დებულებები დედოფლისწყაროს მუნიციპალიტეტის ადგილობრივი თვითმმართველობის ორგანოებში პრემიის გაცემისა და ოდენობის განსაზღვრის წესი (შემდგომში – წესი) განსაზღვრავს დედოფლისწყაროს მუნიციპალიტეტის ადგილობრივი თვითმმართველობის ორგანოებში  დასაქმებულ თანამდებობის პირებზე (საკრებულო/გამგეობა) და სხვა საჯარო მოსამსახურეებზე (საკრებულოს აპარატი/გამგეობის მოსამსახურეები) პრემიების გაცემისა და  ოდენობის განსაზღვრისა წესსა და პირობებს. მუხლი 2🔗. ტერმინთა განმარტება პრემია - საჯარო დაწესებულებაში დასაქმებულ პირზე გაცემული შრომითი გასამრჯელო, რომელიც გაიცემა მის მიმართ დაკისრებული უფლებამოსილებების ზედმიწევნით და სანიმუშოდ შესრულებისათვის, ხანგრძლივი და კეთილსინდისიერი სამსახურისათვის, ან/და განსაკუთრებული სირთულის ან მნიშვნელობის დავალების შესრულებისათვის. მუხლი 3🔗. პრემიის  გაცემის საფუძველი და მიზნები 1. პრემია გაიცემა დედოფლისწყაროს მუნიციპალიტეტის ადგილობრივი თვითმმართველობის ორგანოებში დასაქმებული პირების მიერ შესრულებული სამუშაოს შეფასების (საჯარო დაწესებულებაში სამუშაოს შეფასების სისტემის არსებობის შემთხვევაში) ან/და დასაბუთების საფუძველზე. დასაბუთებაში უნდა მიეთითოს გასაცემი პრემიის ოდენობა, მისი პროცენტული მიმართება პირის თანამდებობრივ სარგოსთან, ინფორმაცია მიმდინარე წლის განმავლობაში აღნიშნულ პირზე პრემიის შესახებ. 2. პრემიის მიზნებია, დედოფლისწყაროს მუნიციპალიტეტის ადგილობრივი თვითმმართველობის ორგანოებში დასაქმებულ პირთა წახალისების და მოტივაციის გაზრდა, აგრეთვე, საჯარო დაწესებულებებში კვალიფიციური კადრების შენარჩუნება და მოზიდვა. მუხლი 4🔗. პრემიის გაცემის უფლებამოსილება 1. დედოფლისწყაროს მუნიციპალიტეტის წარმომადგენლობითი ორგანოს თანამდებობის პირის –საკრებულოს თავმჯდომარის, საკრებულოს თავმჯდომარის მოადგილის,  საკრებულოს კომისიის თავმჯდომარის, საკრებულოს ფრაქციის თავმჯდომარის, მიმართ პრემიის  გაცემის თაობაზე გადაწყვეტილებას იღებს საკრებულო, ხოლო საკრებულოს აპარატის უფროსის  მიმართ პრემიის გაცემის თაობაზე გადაწყვეტილებას იღებს საკრებულოს თავმჯდომარე საკუთარი  დისკრეციული უფლებამოსილების ფარგლებში და გამოსცემს შესაბამის ინდივიდუალურ-ადმინისტრაციულ სამართლებრივ აქტს (ბრძანებას). 2. გადაწყვეტილებას საკრებულოს აპარატში დასაქმებული  საჯარო მოსამსახურეების  მიმართ პრემიის გაცემის შესახებ იღებს  მუნიციპალიტეტის საკრებულოს თავმჯდომარე, შესაბამისი ინდივიდუალურ-ადმინისტრაციულ სამართლებრივი აქტის (ბრძანების) გამოცემით,  საკრებულოს აპარატის  უფროსის წარდგინების საფუძველზე. 3. დედოფლისწყაროს მუნიციპალიტეტის აღმასრულებელი ორგანოს ხელმძღვანელი პირის-გამგებლის, გამგებლის პირველი მოადგილის,  მოადგილეების,  სტრუქტურული ერთეულების ხელმძღვანელი პირების მიმართ  პრემიის გაცემის გადაწყვეტილებას იღებს დედოფლისწყაროს მუნიციპალიტეტის გამგებელი საკუთარი დისკრეციული უფლებამოსილების ფარგლებში და გამოსცემს შესაბამის ინდივიდუალურ-ადმინისტრაციულ სამართლებრივ აქტს (ბრძანებას). 4. დედოფლისწყაროს მუნიციპალიტეტის გამგეობის სტრუქტურულ ერთეულებში  დასაქმებულ  საჯარო მოსამსახურეებზე პრემიის გაცემის საკითხის ინიციირების უფლება აქვს შესაბამისი სტრუქტურული ერთეულების ხელმძღვანელს და გადაწყვეტილებას პრემიის გაცემის შესახებ იღებს  მუნიციპალიტეტის გამგებელი, შესაბამისი ინდივიდუალურ-ადმინისტრაციულ სამართლებრივი აქტის (ბრძანების)  გამოცემით. მუხლი 5🔗. პრემიის  გაცემის პერიოდულობა და ოდენობა 1. დედოფლისწყაროს მუნიციპალიტეტის ადგილობრივი თვითმმართველობის ორგანოებში  დასაქმებულ პირზე პრემია შეიძლება გაიცეს კვარტალში ერთხელ. 2. პრემია შესაძლებელია გაიცეს, ასევე, არაუმეტეს წელიწადში სამჯერ, საქართველოს შრომის კოდექსით განსაზღვრულ უქმე დღეებთან დაკავშირებით, ამ წესით დადგენილი ზღვრული ოდენობისა და პრინცი­პების დაცვით. 3. დედოფლისწყაროს მუნიციპალიტეტის ადგილობრივი თვითმმართველობის ორგანოებში  დასაქმებულ პირზე ერთჯერადად გაცემული პრემიის ოდენობა არ უნდა აღემატებოდეს აღნიშნული პირის თანამდებობრივ სარგოს.