„ოზურგეთის მუნიციპალიტეტის საკრებულოს რეგლამენტის დამტკიცების შესახებ“ ოზურგეთის მუნიციპალიტეტის საკრებულოს 2014 წლის 2 აგვისტოს №1 დადგენილებაში ცვლილების შეტანის შესახებ

„ნორმატიული აქტების შესახებ“ საქართველოს კანონის 20-ე მუხლის შესაბამისად, საკრებულომ:

მუხლი 1. „ოზურგეთის მუნიციპალიტეტის საკრებულოს რეგლამენტის დამტკიცების შესახებ“ ოზურგეთის მუნიციპალიტეტის საკრებულოს 2014 წლის 2 აგვისტოს  №1 დადგენილებაში („საქართველოს საკანონმდებლო მაცნეს“ ვებგვერდი, 06/08/2014, ს/კ: 010250040.35.113.016159) შევიდეს შემდეგი ცვლილებები :

1. დადგენილებით დამტკიცებული საკრებულოს რეგლამენტის 108-ე მუხლის 1,- ლი  მე -2, და მე 5. პუნქტები ჩამოყალიბდეს შემდეგი რედაქციით:

ა) „1. საკრებულოს ნორმატიული აქტის პროექტი ქვეყნდება საკრებულოს ვებგვერდზე www.ozurgeti.org.ge ან/და ადგილობრივ გაზეთში, საკრებულოს აპარატში მისი რეგისტრაციიდან 5 დღის ვადაში, თუ ამ რეგლამენტით უფრო მოკლე ვადა არ არის დადგენილი.“;

ბ) „2. საკრებულოს რეგლამენტიდან ამოღებული იქნას 108-ე მუხლის მე-2 პუნქტი;

გ) „5. საკრებულოს ინდივიდუალური სამართლებრივი აქტი – საკრებულოს განკარგულება და საკრებულოს თავმჯდომარის ბრძანება, აგრეთვე საკრებულოს ბიუროს და საკრებულოს კომისიების ორგანიზაციულ საკითხზე მიღებული გადაწყვეტილებები ქვეყნდება საკრებულოს ვებგვერდზე www.ozurgeti.org.ge ან/და ადგილობრივ გაზეთში, საკრებულოს აპარატში მისი რეგისტრაციიდან 5 დღის ვადაში, თუ ამ რეგლამენტით უფრო მოკლე ვადა არ არის დადგენილი“.

2. საკრებულოს რეგლამენტის 119-ე მუხლს დაემატოს შემდეგი შინაარსის ახალი მე-3 პუნქტი:

ა) „3. საზოგადოებრივი დარბაზის ფუნქციონირების სამართლებრივ საფუძველს წარმოადგენს ეს რეგლამენტი და მის საფუძველზე მიღებული საზოგადოებრივი დარბაზის დებულება, რომელსაც, საკრებულოს თავმჯდომარის წარდგინებით, ამტკიცებს საკრებულო, საერთო წესის შესაბამისად“.

ბ) საკრებულოს რეგლამენტის 119-ე მუხლის მე-3, მე-4, მე-5, მე-6, მე-7 და მე-8 პუნქტების ამჟამინდელი ნუმერაცია შეიცვალოს და ისინი ჩაითვალოს, შესაბამისად, მე-4, მე-5, მე-6, მე-7, მე-8 და მე-9 პუნქტებად.