„საქართველოს სოფლის მეურნეობის სამინისტროს დებულების დამტკიცების შესახებ“ საქართველოს მთავრობის 2012 წლის 28 დეკემბრის №485 დადგენილებაში ცვლილების შეტანის თაობაზე

1. მე-7 მუხლის პირველი - მე-4 პუნქტები  ჩამოყალიბდეს შემდეგი რედაქციით:

„1. სამინისტროს სტრუქტურული ქვედანაყოფებია:

ა) სოფლის მეურნეობის  და სურსათის დეპარტამენტი;

ბ) ადმინისტრაციული დეპარტამენტი;

გ) იურიდიული და პარლამენტთან ურთიერთობის დეპარტამენტი;

დ) შიდა აუდიტის დეპარტამენტი;

ე) საფინანსო - ეკონომიკური დეპარტამენტი;

ვ) მელიორაციისა და მიწის მართვის დეპარტამენტი;

ზ) საზოგადოებასთან ურთიერთობის დეპარტამენტი;

თ) პოლიტიკისა და ანალიტიკის  დეპარტამენტი;

ი) საერთაშორისო ურთიერთობების დეპარტამენტი;

კ) ინფორმაციული ტექნოლოგიების დეპარტამენტი;

ლ) ევროინტეგრაციის დეპარტამენტი;

მ) რეგიონებთან კოორდინაციის დეპარტამენტი.

2. სოფლის მეურნეობის  და სურსათის დეპარტამენტის ძირითადი ამოცანებია:

ა) მეცხოველეობის, მემცენარეობის, მეთევზეობის დარგების განვითარების მიზნით  პროგრამების შემუშავება;

ბ)  აგრარული სექტორის განვითარების პრიორიტეტულ მიმართულებათა განსაზღვრა;

გ) კომპეტენციის ფარგლებში, სტატისტიკის სფეროში მონაცემთა საინფორმაციო ბაზის შექმნაში მონაწილეობა;

დ) ქვეყანაში სურსათის უვნებლობის, ვეტერინარიისა და მცენარეთა დაცვის დარგებში  პოლიტიკის შემუშავების მიზნით, წინადადებების მომზადება;

ე) სოფლის მეურნეობის, სურსათის უვნებლობის, ვეტერინარიის და მცენარეთა დაცვის სფეროების მარეგულირებელი სამართლებრივი ბაზის ჩამოყალიბებისა და სრულყოფის მიზნით, ნორმატიული აქტების პროექტების მომზადება და/ან მომზადებაში მონაწილეობის მიღება;

ვ) სოფლის მეურნეობის, სურსათის უვნებლობის, ვეტერინარიის და მცენარეთა დაცვის სფეროებში მეთოდური მითითებებისა და რეკომენდაციების შემუშავება და/ან შემუშავებაში მონაწილეობის მიღება;

ზ) თანამედროვე სასოფლო-სამეურნეო ტექნიკისა და ტექნოლოგიების გამოყენებისა და  დანერგვის ხელშეწყობა და კოორდინაცია.

3. ადმინისტრაციული დეპარტამენტის ძირითადი ამოცანებია:

ა) სამინისტროს საქმიანობის ადმინისტრაციული და ორგანიზაციული  საქმიანობის უზრუნველყოფა;

ბ) მინისტრის თათბირებისა და სხდომების ორგანიზება;

გ) მინისტრის მიერ შექმნილი კომისიებისა და საბჭოების სხდომების მომზადების უზრუნველყოფა და ოქმების შედგენა;

დ) პროტოკოლით გათვალისწინებულ ღონისძიებათა განხორციელება;

ე) სამინისტროს ადამიანური რესურსების  მართვის ერთიანი  პოლიტიკის შემუშავება, სამინისტროს ცენტრალური აპარატის ერთიანი საქმისწარმოებისა და საიდუმლო საქმისწარმოების უზრუნველყოფა;

ვ) სამინისტროს საგანგებო სიტუაციების მართვის და სამობილიზაციო გეგმის მომზადება.

4. იურიდიული და პარლამენტთან ურთიერთობის დეპარტამენტის ძირითადი ამოცანებია:

ა) სამინისტროს სისტემის საქმიანობის სამართლებრივი უზრუნველყოფა და საქართველოს პარლამენტთან ურთიერთობების კოორდინაცია;

ბ) სამინისტროსა და მის სისტემაში შემავალი დაწესებულებების მიერ მომზადებული საკანონმდებლო და კანონქვემდებარე ნორმატიული აქტების პროექტების საქართველოს მთავრობასა და საქართველოს პარლამენტში წარდგენის უზრუნველყოფის კოორდინაცია;

გ) სამინისტროში მომზადებული საკანონმდებლო და კანონქვემდებარე აქტების სამართლებრივი ექსპერტიზა კომპეტენციის ფარგლებში;

დ) სამინისტროს ინტერესების დაცვა სასამართლოებში;

ე) სამინისტროში კანონშემოქმედებითი საქმიანობისა და საქართველოს პარლამენტთან ურთიერთობის წარმართვის უზრუნველყოფა;

ვ) მთავრობათაშორისი და უწყებათშორისი საერთაშორისო ხელშეკრულებების პროექტების სამართლებრივი ექსპერტიზა.“.

2. მე-7 მუხლის მე-7 პუნქტი ჩამოყალიბდეს შემდეგი რედაქციით:

„7. მელიორაციისა და მიწის მართვის დეპარტამენტის ძირითადი ამოცანებია:

 ა) მელიორაციის სფეროს განვითარების ერთიანი  პოლიტიკის შემუშავება;

 ბ) მიწის რაციონალურად გამოყენების, ნიადაგის კონსერვაციის, ნაყოფიერების აღდგენა-გაუმჯობესების სფეროში ერთიანი  პოლიტიკის განსაზღვრისა და ღონისძიებათა განხორციელების ხელშეწყობა; 

 გ) სასოფლო-სამეურნეო სავარგულების მიხედვით მიწათსარგებლობისა და ნიადაგის ხარისხობრივი მაჩვენებლების (ნიადაგის ატლასი) ერთიანი გეოინფორმაციული სისტემის შექმნაში მონაწილეობის მიღება;

დ) ნიადაგის ეროზიის საწინააღმდეგო ღონისძიებების, ნაყოფიერების აღდგენისა და შენარჩუნების მიზნობრივი პროგრამების მომზადების ორგანიზება;

ე) მიწის გამოყენებასთან დაკავშირებით მომზადებული  პროექტების განხილვა.“.

3. მე-7 მუხლის მე-10 პუნქტი ჩამოყალიბდეს შემდეგი რედაქციით:

„10. საერთაშორისო ურთიერთობების დეპარტამენტის ძირითადი ამოცანებია:

ა) სამინისტროს საერთაშორისო ურთიერთობების წარმართვა უცხოეთის სახელმწიფოებსა და საერთაშორისო ორგანიზაციებთან;

ბ) სამინისტროს კომპეტენციის ფარგლებში, საერთაშორისო ხელშეკრულებების პროექტების მომზადების, შესაბამისი მოლაპარაკებების გამართვისა და ხელშეკრულებათა ხელმოწერის  პროცესის კოორდინაცია;

გ) მთავრობათაშორის კომისიებში სამინისტროს ჩართულობის უზრუნველყოფა, კომისიის ოქმის პროექტის მომზადებაში მონაწილეობა, ოქმის შესრულების მდგომარეობის შესახებ ინფორმაციის მომზადება;

დ) ორმხრივი და მრავალმხრივი ურთიერთობების ფორმატის  შეხვედრებისა  და ვიზიტებისათვის საჭირო სასაუბრო და  ანალიტიკური მასალების მომზადება;

ე) სამინისტროს შესაბამის სამსახურებთან შეთანხმებით, უცხოეთის დელეგაციებისა და სპეციალისტების საქართველოში ვიზიტებისათვის, ასევე, საქართველოდან უცხოეთში ქართველი სპეციალისტების ვიზიტების პროგრამების შედგენა და ამ პროგრამების შესრულების კოორდინაცია;

ვ) შესაბამის საერთაშორისო ორგანიზაციებთან კოორდინაციის უზრუნველყოფა და თანამშრომლობის საკითხების რეგულირება;

ზ) დონორებისა და საქართველოს მთავრობის ფინანსური მხარდაჭერით აგრარულ სექტორში  პროექტების  დაგეგმვა, მართვის ხელშეწყობა და მონიტორინგი საქართველოს მთავრობისა და დონორთა შეთანხმების შესაბამისად;

თ) კომპეტენციის ფარგლებში, საერთაშორისო  ხელშეკრულებებისა და კონვენციების შესახებ დასკვნების მომზადება;

ი) ქართული პროდუქციის საერთაშორისო ბაზრებზე დამკვიდრების მხარდამჭერი წინადადებების შემუშავება.“.

4. მე-7 მუხლს დაემატოს  შემდეგი შინაარსის მე-11, მე-12 და მე-13 პუნქტები:

„11. ინფორმაციული ტექნოლოგიების დეპარტამენტის ძირითადი ამოცანებია:

ა) სამინისტროსათვის ერთიანი ინფორმაციული ტექ­ნოლოგიური პოლიტიკის შემუშავება და მისი დანერგვის უზრუნველყოფა სამინისტროს ცენტრალურ აპარატში, ტერიტორიულ ორგანოებსა და სისტემაში შემავალ უწყებებში;

ბ) ინფორმაციული უსაფრთხოების უზრუნველყოფა;

გ) სამინისტროს საჭიროებებიდან გამომდინარე, ტექნიკური და კომპიუტერული მოწყობილო­ბე­ბის ახალი ინოვაციური მოწყობილობებით ჩანაცვლება და მათზე მონიტორინგის წარმოების უზრუნველყოფა;

 დ) სამინისტროში არსებული კომპიუტერული ქსელის სისტემების ადმინისტრირებისა და მართვის უზრუნველყოფა, ამასთან, მისი შიდა და გარე ქსელური პერიმეტრის დაცვა;

ე)  მოქალაქეთა და ინვესტორთათვის სამინისტროს მიერ დაგეგმილ ღონის­ძიებებსა და პროექტებთან დაკავშირებით ინფორმაციაზე ხელმისაწვდომობის უზრუნველ­ყოფა;

ვ) არსებული სერვისების მხარდაჭერისა და ახალი ინოვა­ციური მომსა­ხუ­რების დანერგვის, მონაცემთა უწყვეტობისა და მათი უსა­ფრთ­ხოების უზრუნველყოფა;

ზ) ერთიანი, ცენტრალური მონაცემთა ბაზების შექმნა და შესაბამისი ანგარიშგების უზრუნველყოფა;

თ) სერვისების კატალოგების შექმნა და მათზე წვდომის დონეების მართვა;

ი) ტექნიკური მხარდაჭერის უზრუნველყოფა.

12.  ევროინტეგრაციის დეპარტამენტის ძირითადი ამოცანებია:

ა) სოფლის მეურნეობის დარგის მარეგულირებელი სამართლებრივი აქტების ევროკავშირის კანონმდებლობასთან ჰარმონიზაციის უზრუნველყოფა;

ბ) ევროკავშირთან ინტეგრაციის პროცესში განსაზღვრული ვალდებულებების, მათ შორის, საპროგრამო დოკუმენტების და სამოქმედო გეგმების  შესრულების მიზნით, სამინისტროს სტრუქტურული ქვედანაყოფებისა და სისტემაში შემავალი უწყებების საქმიანობის კოორდინაცია;

გ) ევროკავშირსა და საქართველოს შორის დადებული ასოცირების შეთანხმების იმპლემენტაციის მიზნით შექმნილ სამთავრობო საკოორდინაციო მექანიზმში მონაწილეობა;

დ) ევროკავშირსა და საქართველოს შორის დადებულ ასოცირების შეთანხმებაში, რომელიც მოიცავს ღრმა და ყოვლისმომცველი თავისუფალი სავაჭრო სივრცის შესახებ შეთანხმებას, სამინისტროს კომპეტენციას მიკუთვნებულ საკითხებზე სამართლებრივი დაახლოებისა­თვის-/ჰარმონიზაციისა­­თ­ვის აუცილებელი ზომების განხორციელება;

ე) ევროკავშირსა და საქართველოს შორის დადებული ღრმა და ყოვლისმომცველი თავისუფალი სავაჭრო სივრცის შესახებ შეთანხმებით განსაზღვრული ევროკავშირის რეგულაციებთან, გადაწყვეტილებებსა და დირექტივებთან საქართველოს კანონმდებლობის დაახლო­ების/ჰარმონიზაციის მიზნით, სამინისტროს კომპეტენციას მიკუთვნებულ საკითხებზე სხვადასხვა უწყების მიერ შემუშავებული ნორმატიული აქტების პროექტებისა და თანმდევი დოკუმენტების განხილვა და დასკვნის მომზადება;

ვ) საქართველოს სოფლის მეურნეობის სექტორში ევროინტეგრაციის პრიორიტეტების მოთხოვნათა შესრულების ხელშეწყობა, გეგმით გათვალისწინებული ღონისძიებების მონიტორინგი და შესაბამისი ანგარიშგების წარმოება;

ზ) სამინისტროს კომპეტენციის ფარგლებში ევროპული ინტეგრაციის საკითხების თაობაზე წინადადებების შემუშავება.

13. რეგიონებთან კოორდინაციის დეპარტამენტის ძირითადი ამოცანებია:

ა) სამინისტროსა და მის სისტემაში შემავალი უწყებების ტერიტორიული ორგანოების  კოორდინაცია;

ბ) რეგიონულ განვითარებასთან დაკავშირებით, აგრარული პოლიტიკის შემუშავება;

გ) რეგიონებში აგრარული სექტორის განვითარების პრიორიტეტულ მიმართულებათა განსაზღვრა;

დ) სოფლის მეურნეობისა და მასთან დაკავშირებული სასოფლო-სამეურნეო ინფრასტრუქტურის, ფერმერთა და აგრომეწარმეთა საკონსულტაციო მომსახურების (ექსტენციის) სისტემის განვითარების ხელშეწყობა;

ე) კომპეტენციის ფარგლებში, სტატისტიკის სფეროში, მონაცემთა საინფორმაციო ბაზის შექმნაში მონაწილეობა, აღნიშნული საქმიანობის კოორდინაცია და რეკომენდაციების მომზადება;

ვ) კომპეტენციის ფარგლებში, მიზნობრივი პროგრამების შემუშავებაში მონაწილეობის მიღება;

ზ) სახელმწიფო და ადგილობრივი თვითმმართველობის ორგანოებთან, საერთაშორისო დონორ ორგანიზაციებთან აქტიური თანამშრომლობა;

თ) რეგიონებში დარგობრივი განვითარების გეგმის შესრულების კონტროლი და შესაბამისი ანგარიშგების წარმოება.“.

5. მე-8 მუხლის პირველი და მე-2 პუნქტები ჩამოყალიბდეს შემდეგი რედაქციით:

„1. სამინისტროს ტერიტორიული ორგანოებია სამინისტროს რეგიონალური სამმართველოები და მუნიციპალიტეტებში სამინისტროს საინფორმაციო-საკონსულტაციო სამსახურები. ტერიტორიული ორგანოები საკუთარი კომპეტენციის ფარგლებში,  წარმოადგენენ  საქართველოს სოფლის მეურნეობის სამინისტროს.

2. სამინისტროს ტერიტორიული ორგანოებია:

ა) რეგიონალური სამმართველოები:

ა.ა) საქართველოს სოფლის მეურნეობის სამინისტროს კახეთის რეგიონალური სამმართველო;

ა.ბ) საქართველოს სოფლის მეურნეობის სამინისტროს შიდა ქართლის რეგიონალური სამმართველო;

ა.გ) საქართველოს სოფლის მეურნეობის სამინისტროს ქვემო ქართლის  რეგიონალური სამმართველო;

ა.დ) საქართველოს სოფლის მეურნეობის სამინისტროს მცხეთა-მთიანეთის რეგიონალური სამმართველო;

ა.ე) საქართველოს სოფლის მეურნეობის სამინისტროს სამცხე-ჯავახეთის რეგიონალური სამმართველო;

ა.ვ) საქართველოს სოფლის მეურნეობის სამინისტროს იმერეთის რეგიონალური სამმართველო;

ა.ზ) საქართველოს სოფლის მეურნეობის სამინისტროს რაჭა-ლეჩხუმისა და ქვემო სვანეთის  რეგიონალური სამმართველო;

ა.თ) საქართველოს სოფლის მეურნეობის სამინისტროს სამეგრელო-ზემო სვანეთის რეგიონალური სამმართველო;

ა.ი) საქართველოს სოფლის მეურნეობის სამინისტროს გურიის რეგიონალური სამმართველო;

ბ) მუნიციპალიტეტებში სამინისტროს საინფორმაციო-საკონსულტაციო სამსახურები:

ბ.ა) საქართველოს სოფლის მეურნეობის სამინისტროს საგარეჯოს მუნიციპალიტეტის საინფორმაციო-საკონსულტაციო სამსახური;

ბ.ბ) საქართველოს სოფლის მეურნეობის სამინისტროს გურჯაანის მუნიციპალიტეტის საინფორმაციო-საკონსულტაციო სამსახური;

ბ.გ) საქართველოს სოფლის მეურნეობის სამინისტროს სიღნაღის მუნიციპალიტეტის საინფორმაციო-საკონსულტაციო სამსახური;

ბ.დ) საქართველოს სოფლის მეურნეობის სამინისტროს  დედოფლისწყაროს მუნიციპალიტეტის საინფორმაციო-საკონსულტაციო სამსახური;

ბ.ე) საქართველოს სოფლის მეურნეობის სამინისტროს ლაგოდეხის მუნიციპალიტეტის საინფორმაციო-საკონსულტაციო სამსახური;

ბ.ვ) საქართველოს სოფლის მეურნეობის სამინისტროს ყვარლის მუნიციპალიტეტის საინფორმაციო-საკონსულტაციო სამსახური;

ბ.ზ) საქართველოს სოფლის მეურნეობის სამინისტროს ახმეტის მუნიციპალიტეტის საინფორმაციო-საკონსულტაციო სამსახური;

ბ.თ) საქართველოს სოფლის მეურნეობის სამინისტროს გარდაბნის მუნიციპალიტეტის საინფორმაციო-საკონსულტაციო სამსახური;

ბ.ი) საქართველოს სოფლის მეურნეობის სამინისტროს ბოლნისის მუნიციპალიტეტის საინფორმაციო-საკონსულტაციო სამსახური;

ბ.კ) საქართველოს სოფლის მეურნეობის სამინისტროს დმანისის მუნიციპალიტეტის საინფორმაციო-საკონსულტაციო სამსახური;

ბ.ლ) საქართველოს სოფლის მეურნეობის სამინისტროს თეთრიწყაროს მუნიციპალიტეტის საინფორმაციო-საკონსულტაციო სამსახური;

ბ.მ) საქართველოს სოფლის მეურნეობის სამინისტროს წალკის მუნიციპალიტეტის საინფორმაციო-საკონსულტაციო სამსახური;

ბ.ნ) საქართველოს სოფლის მეურნეობის სამინისტროს კასპის მუნიციპალიტეტის საინფორმაციო-საკონსულტაციო სამსახური;

ბ.ო) საქართველოს სოფლის მეურნეობის სამინისტროს ქარელის მუნიციპალიტეტის საინფორმაციო-საკონსულტაციო სამსახური;

ბ.პ) საქართველოს სოფლის მეურნეობის სამინისტროს ხაშურის  მუნიციპალიტეტის საინფორმაციო-საკონსულტაციო სამსახური;

ბ.ჟ) საქართველოს სოფლის მეურნეობის სამინისტროს ასპინძის მუნიციპალიტეტის საინფორმაციო-საკონსულტაციო სამსახური;

ბ.რ) საქართველოს სოფლის მეურნეობის სამინისტროს ადიგენის მუნიციპალიტეტის საინფორმაციო-საკონსულტაციო სამსახური;

ბ.ს) საქართველოს სოფლის მეურნეობის სამინისტროს ბორჯომის მუნიციპალიტეტის საინფორმაციო-საკონსულტაციო სამსახური;

ბ.ტ) საქართველოს სოფლის მეურნეობის სამინისტროს ახალქალაქის მუნიციპალიტეტის საინფორმაციო-საკონსულტაციო სამსახური;

ბ.უ) საქართველოს სოფლის მეურნეობის სამინისტროს ნინოწმინდის მუნიციპალიტეტის საინფორმაციო-საკონსულტაციო სამსახური;

ბ.ფ) საქართველოს სოფლის მეურნეობის სამინისტროს დუშეთის  მუნიციპალიტეტის საინფორმაციო-საკონსულტაციო სამსახური;

ბ.ქ) საქართველოს სოფლის მეურნეობის სამინისტროს თიანეთის მუნიციპალიტეტის საინფორმაციო-საკონსულტაციო სამსახური;

ბ.ღ) საქართველოს სოფლის მეურნეობის სამინისტროს ყაზბეგის  მუნიციპალიტეტის საინფორმაციო-საკონსულტაციო სამსახური;

ბ.ყ) საქართველოს სოფლის მეურნეობის სამინისტროს საჩხერის მუნიციპალიტეტის საინფორმაციო-საკონსულტაციო სამსახური;

ბ.შ) საქართველოს სოფლის მეურნეობის სამინისტროს  ჭიათურის მუნიციპალიტეტის საინფორმაციო-საკონსულტაციო სამსახური;

ბ.ჩ) საქართველოს სოფლის მეურნეობის სამინისტროს ხარაგაულის მუნიციპალიტეტის საინფორმაციო-საკონსულტაციო სამსახური;

ბ.ც) საქართველოს სოფლის მეურნეობის სამინისტროს ვანის მუნიციპალიტეტის საინფორმაციო-საკონსულტაციო სამსახური;

ბ.ძ) საქართველოს სოფლის მეურნეობის სამინისტროს ბაღდათის მუნიციპალიტეტის საინფორმაციო-საკონსულტაციო სამსახური;

ბ.წ) საქართველოს სოფლის მეურნეობის სამინისტროს ხონის მუნიციპალიტეტის საინფორმაციო-საკონსულტაციო სამსახური;

ბ.ჭ) საქართველოს სოფლის მეურნეობის სამინისტროს  წყალტუბოს მუნიციპალიტეტის საინფორმაციო-საკონსულტაციო სამსახური;

ბ.ხ) საქართველოს სოფლის მეურნეობის სამინისტროს თერჯოლის მუნიციპალიტეტის საინფორმაციო-საკონსულტაციო სამსახური;

ბ.ჯ) საქართველოს სოფლის მეურნეობის სამინისტროს ტყიბულის მუნიციპალიტეტის საინფორმაციო-საკონსულტაციო სამსახური;

 ბ.ჰ) საქართველოს სოფლის მეურნეობის სამინისტროს სამტრედიის მუნიციპალიტეტის საინფორმაციო-საკონსულტაციო სამსახური;

ბ.ჰ₁) საქართველოს სოფლის მეურნეობის სამინისტროს აბაშის მუნიციპალიტეტის საინფორმაციო-საკონსულტაციო სამსახური;

ბ.ჰ²)საქართველოს სოფლის მეურნეობის სამინისტროს სენაკის მუნიციპალიტეტის საინფორმაციო-საკონსულტაციო სამსახური;

ბ.ჰ³) საქართველოს სოფლის მეურნეობის სამინისტროს ხობის მუნიციპალიტეტის საინფორმაციო-საკონსულტაციო სამსახური;

ბ.ჰ⁴) საქართველოს სოფლის მეურნეობის სამინისტროს წალენჯიხის მუნიციპალიტეტის საინფორმაციო-საკონსულტაციო სამსახური;

ბ.ჰ⁵) საქართველოს სოფლის მეურნეობის სამინისტროს მარტვილის მუნიციპალიტეტის საინფორმაციო-საკონსულტაციო სამსახური;

ბ.ჰ⁶) საქართველოს სოფლის მეურნეობის სამინისტროს ჩხოროწყუს მუნიციპალიტეტის საინფორმაციო-საკონსულტაციო სამსახური;

ბ.ჰ⁷) საქართველოს სოფლის მეურნეობის სამინისტროს მესტიის მუნიციპალიტეტის საინფორმაციო-საკონსულტაციო სამსახური;

ბ.ჰ⁸) საქართველოს სოფლის მეურნეობის სამინისტროს ონის მუნიციპალიტეტის საინფორმაციო-საკონსულტაციო სამსახური;

ბ.ჰ⁹) საქართველოს სოფლის მეურნეობის სამინისტროს ცაგერის მუნიციპალიტეტის საინფორმაციო-საკონსულტაციო სამსახური;

ბ.ჰ¹⁰) საქართველოს სოფლის მეურნეობის სამინისტროს ლენტეხის მუნიციპალიტეტის საინფორმაციო-საკონსულტაციო სამსახური;

ბ.ჰ¹¹) საქართველოს სოფლის მეურნეობის სამინისტროს ჩოხატაურის მუნიციპალიტეტის საინფორმაციო-საკონსულტაციო სამსახური;

ბ.ჰ¹²) საქართველოს სოფლის მეურნეობის სამინისტროს ლანჩხუთის მუნიციპალიტეტის საინფორმაციო-საკონსულტაციო სამსახური.“.