ახალციხის მუნიციპალიტეტის საკუთრებაში, ახალციხის მუნიციპალიტეტის მიერ დაფუძნებული სამეწარმეო და არასამეწარმეო (არაკომერციული) იურიდიული პირების, არსებული (ბალანსზე რიცხული) ქონების განკარგვის, გადაცემის, ინვენტარიზაციისა და ამორტიზებული ან/და გამოუყენებელი ქონების ჩამოწერის წესის განსაზღვრის შესახებ

ახალციხის მუნიციპალიტეტის საკუთრებაში, ახალციხის მუნიციპალიტეტის მიერ დაფუძნებული სამეწარმეო და არასამეწარმეო (არაკომერციული) იურიდიული პირების, არსებული (ბალანსზე რიცხული) ქონების განკარგვის, გადაცემის, ინვენტარიზაციისა და ამორტიზებული ან/და გამოუყენებელი ქონების ჩამოწერის წესის განსაზღვრის შესახებ ახალციხის მუნიციპალიტეტის საკრებულოს დადგენილება №54 2014 წლის 11 დეკემბერი ქ. ახალციხე ახალციხის მუნიციპალიტეტის საკუთრებაში, ახალციხის მუნიციპალიტეტის მიერ დაფუძნებული სამეწარმეო და არასამეწარმეო (არაკომერციული) იურიდიული პირების, არსებული (ბალანსზე რიცხული) ქონების განკარგვის, გადაცემის, ინვენტარიზაციისა და ამორტიზებული ან/და გამოუყენებელი ქონების ჩამოწერის წესის განსაზღვრის შესახებ „ადგილობრივი თვითმმართველობის შესახებ“ საქართველოს ორგანული კანონის მე-16 მუხლის მე-2 პუნქტის „ბ“ ქვეპუნქტის, 24-ე მუხლის 1 პუნქტის  „ე.ა“ ქვეპუნქტის და „საბიუჯეტო ორგანიზაციებში ქონების, მოთხოვნებისა და ვალდებულებების ინვენტარიზაციის ჩატარების წესის დამტკიცების შესახებ“ საქართველოს ფინანსთა მინისტრის 2010 წლის 23 ივლისის №605 ბრძანებით შესაბამისად, ახალციხის  მუნიციპალიტეტის საკრებულომ დაადგინა: მუხლი 1🔗 დამტკიცდეს ახალციხის მუნიციპალიტეტის საკუთრებაში არსებული, ახალციხის მუნიციპალიტეტის ბალანსზე რიცხული ქონების ინვენტა­რიზაცი­ის და ამორტიზებული ან/და გამოუყენებელი ქონების ჩამოწერის წესი (დანართი №1) თანდართული ფორმებით (ფორმა 1-1, 1-2, 1-3, 1-4,1-5,1-6, 1-7). მუხლი 2🔗 დამტკიცდეს ახალციხის მუნიციპალიტეტის მიერ დაფუძნებული სამეწარმეო და არასამეწარმეო (არაკომერციული) იურიდიული პირების საკუთრებაში არსებული ქონების განკარგვის, გადაცემის, ინვენტარიზაციისა და ამორტიზებული ან/და გამოუყენებელი ქონების ჩამოწერის წესი (დანართი №2) თანდართული ფორმებით (ფორმა 2-1, 2-2, 2-3, 2-4,2-5,2-6, 2-7). მუხლი 3🔗 დადგენილება ამოქმედდეს გამოქვეყ­ნე­ბისთანავე.ახალციხის მუნიციპალიტეტის საკრებულოს თავმჯდომარედავით ლომიძე დანართი №1 ახალციხის მუნიციპალიტეტის საკუთრებაში არსებული ქონების ინვენტარიზაციისა და ამორტიზებული ან/და გამოუყენებელი ქონების ჩამოწერის წესი მუხლი 1🔗. ზოგადი დებულებები წინამდებარე წესი განსაზღვრავს ახალციხის მუნიციპალიტეტის საკუთრებაში არსებული ქონების ინვენტარიზაციისა და ამორტიზებული ან/და გამოუყენებელი ქონების ჩამოწერის წესს. მუხლი 2🔗. ტერმინთა განმარტებები 1. ქონება – საქართველოს სამოქალაქო კოდექსით გათვალისწინებული ნებისმიერი ნივთი. 2. ჩამოსაწერი ქონება – ამორტიზებული ან/და გამოუყენებელი ქონება. 3. შესაბამისი ორგანიზაცია (შემდგომში – ორგანიზაცია) – ახალციხის მუნიციპალიტეტი 4. საინვენტარიზაციო კომისია (შემდგომში – კომისია) – ქონების ინვენტარიზაციისა და ამორტიზებული ან/და გამოუყენებელი ქონების ჩამოწერის მიზნით შესაბამის ორგა­ნიზაციაში შექმნილი კომისია. მუხლი 3🔗. ინვენტარიზაციის მიზანი ორგანიზაციაში აქტივებისა და ვალდებულებების ინვენტარიზაციის მიზანს წარმოადგენს: ა) ფინანსური და არაფინანსური აქტივების დაცულობაზე კონტროლი; ბ) აქტივებისა და ვალდებულებების, ასევე ბალანსის საცნობარო მუხლებში ასახული მატერიალური ფასეულობების ფაქტობრივი ნაშთების დადგენა; გ) გამოუყენებელი აქტივების გამოვლენა; დ) არაფინანსური აქტივების ექსპლუატაციის წესების დაცვის შემოწმება; ე) ორგანიზაციის ბალანსზე რიცხული მოთხოვნებისა და ვალდებულებების რეალურობის შემოწმება. ვ ) აქტივებისა და ვალდებულებების ფაქტობრივი ნაშთების შედარება ორგანიზაციის სააღრიცხვო მონაცემებთან. მუხლი 4🔗. ინვენტარიზაციის ჩატარების პერიოდულობა ინვენტარიზაციის ჩატარება სავალდებულოა: ა) ყოველწლიურად, გარდა უძრავი ქონებისა და საბიბლიოთეკო ფონდებისა; ბ) უძრავი ქონების ინვენტარიზაცია – მინიმუმ სამ წელიწადში ერთხელ; გ) საბიბლიოთეკო ფონდების ინვენტარიზაცია – მინიმუმ ხუთ წელიწადში ერთხელ. 2.  სავალდებულო ინვენტარიზაციებს შორის პერიოდში, შერჩევითი ინვენტარიზაცია ტარდება ორგანიზაციის ხელმძღვანელის გადაწყვეტილებით შექმნილი კომისის მიერ. 3.  შერჩევითი ინვენტარიზაცია ტარდება: ა) მატერიალური პასუხისმგებლობის პირების შეცვლისას, მხოლოდ მათ პასუხისმგებლობაში არსებული აქტივებისათვის; ბ) ორგანიზაციულ-სამართლებრივი ფორმის შეცვლის დროს; გ) აქტივების დატაცების, დაზიანების ფაქტების დადგენისთანავე; დ) ხანძრის ან სტიქიური უბედურების შემდგომ. მუხლი 5🔗. ინვენტარიზაციის ჩატარება 1. ორგანიზაციაში ინვენტარიზაცია ტარდება „საბიუჯეტო ორგანიზაციებში ქონების, მოთხოვნებისა და ვალდებულებების ინვენტარიზაციის ჩატარების წესის დამტკიცების შესახებ“ საქართველოს ფინანსთა მინისტრის 2010 წლის 23 ივლისის №605 ბრძანებისა და წინამდებარე წესის  გათვალისწინებით. 2. დაწესებულების ბალანსზე რიცხული ქონების ჩამოწერა ხდება ყოველი წლის ბოლოს ჩატარებული აქტივებისა და ვალდებულებათა ინვენტარიზაციის საფუძველზე, ხოლო ჩამოწერის შედეგები აისახება დაწესებულების წლიურ ბალანსზე. გამონაკლის შემთხვევებში, თუ ამას დაწესებულების ინტერესები მოითხოვს, ქონების ჩამოწერა შეიძლება განხორციელდეს წლის სხვა პერიოდშიც. მუხლი 6🔗. საინვენტარიზაციო კომისია 1. ახალციხის მუნიციპალიტეტის საკუთრებაში არსებული ქონების ინვენტა­რიზაციისა და ამორტიზებული ან/და გამოუყენებელი ქონების ჩამოწერის მიზნით იქმნება საინვენტარიზაციო კომისია. 2. საინვენტარიზაციო კომისია იქმნება და მისი შემადგენლობა განისაზღვრება ახალციხის მუნიციპალიტეტის გამგებლის   ინდივიდუალური ადმინისტრაციულ-სამართლებრივი აქტით. 3. კომისია იქმნება წელიწადში ერთხელ საანგარიშო წლის დასრულებიდან არა უგვიანეს სამი თვის განმავლობაში, აგრეთვე შესაძლებელია კომისია შექიმნას საჭიროების შემთხვევაშიც. 4. საინვენტარიზაციო კომისია იქმნება შემდეგი შემადგენლობით: ა) საინვენტარიზაციო კომისიის თავმჯდომარე - რომელიც ხელმძღვანელობს კომისიას; ბ) საინვენტარიზაციო კომისიის თავმჯდომარის მოადგილე - კომისიის თავმჯდომარის არ ყოფნის შემთხვევაში ხელმძღვანელობს კომისიას; გ) საინვენტარიზაციო კომისიის მდივანი- რომელიც ადგენს კომისიის სხდომის ოქმს და პასუხისმგებელია მის სისწორეზე. დ) საინვენტარიზაციო კომისიის წევრები. 5. საჭიროების შემთხვევაში, დაწესებულების ხელმძღვანელმა კომისიის სრულყოფილად მუშაობის მიზნით  უფლებამოსილია  მოიწვიოს დარგის კვალიფიციური   სპეციალისტებიც. მოწვეული სპეციალისტები არ იღებენ მონაწილეობას გადაწყვეტილების მიღების პროცესში. 6. კომისია საკითხს განიხილავს და გადაწყვეტილებას იღებს სხდომაზე, კომისიის სხდომის შესახებ დგება ოქმი, რომელშიც აღინიშნება კონკრეტული საკითხის განხილვისას კომისიის წევრების მიერ გამოთქმული  მოსაზრებები და მიღებული გადაწყვეტილებები. კომისიის სხდომის ოქმს ხელს აწერს სხდომის თავმჯდომარე, კომისიის მდივანი და კომისიის დამსწრე ყველა წევრი. 7. კომისია უფლებამოსილია განიხილოს საკითხი, თუ მის სხდომას ესწრება კომისიის სრული შემადგენლობა. ინვენტარიზაციის ჩატარება საინვენტარიზაციო კომისიის წევრთა არასრული შემადგენლობით დაუშვებელია. საინვენტარიზაციო კომისიის არასრული შემადგენლობით ჩატარებული ინვენტარიზაციის შედეგები ითვლება ბათილად., 8. კომისია სწავლობს ჩამოსაწერი ქონების ფაქტობრივ ფიზიკურ მდგომარეობას, სათანადო საფუძვლის არსებობას, ასაბუთებს მისი ბალანსიდან ჩამოწერის აუცილებლობას და ამზადებს ქონების ჩამოწერისათვის საჭირო დოკუმენტაციას: ა)  ინვენტარიზაციის დაწყებამდე ამოწმებს საინვენტარო ბარათების არსებობას, ტექნიკური პასპორტების ან/და სხვა ტექნიკური დოკუმენტაციის არსებობას/მდგომარეობას. ბ) ადგილმდებარეობისა და მატერიალურად პასუხისმგებელი პირის მიხედვით ახორციელებს არაფინანსური და ფინანსური აქტივების აღრიცხვას. გ) ინვენტარიზაციის შედეგად დადგენილ ფაქტობრივ ნაშთებს  ადარებს სააღრიცხვო  მონაცემებს. დ) ორგანიზაციის საბუღალტრო და უფლებამოსილ სამსახურთან ერთად განსაზღვრავს ინვენტარიზაციის შედეგებს. ე) ინვენტარიზაციის პერიოდში გამოვლენილ დანაკლისის/ ზედმეტობის შესახებ, წერილობითი ფორმით წარუდგენს ინფორმაციას ხელმძღვანელობას ბუღალტრულ  აღრიცხვის მონაცემებთან შედარების  დასრულებისთანავე. ვ) კომისიის ყველაწევრი ხელს აწერს ინვენტარიზაციის აქტს. ზ) კომისიის წევრი, რომელიც არ ეთანხმება ინვენტარიზაციის  შედეგებს და უარს აცხადებს ინვენტარიზაციის აქტის ხელმოწერაზე წერილობით  (მიზეზის მითითებით)  წარუდგენს ორგანიზაციის ხელმძღვანელს, რომელიც თან დაერთვის ინვენტარიზაციის აქტს. 9. აღწერის წინ მატერიალურად პასუხისმგებელი პირი  იძლევა ხელწერილს მასზე, რომ მის პასუხისმგებლობაში  არსებული ქონება ბუღალტრული მონაცემების იდენტურია. 10. შედარების უწყისების შედგენამდე ორგანიზაციის ბუღალტერია ამოწმებს ყველა გაანგარიშების სისწორეს, რომელიც მოცემულია საინვენტარიზაციო აღწერილობაში. საინვენტარიზაციო აღწერილობებში შეცდომების გამოვლენის შემთხვევაში შეტანილი ცვლილებები დამოწმებული უნდა იყოს საინვენტარიზაციო კომისიის ყველა წევრის მიერ. 11. ინვენტარიზაციის შედეგების გამოსავლენად ორგანიზაციის ბუღალტერია ადგენს შესაბამის შედარების უწყისებს. 12. იმ აქტივებზე, რომლებიც არ არის აღრიცხული საბალანსო ან საცნობარო მუხლებში, დგება შესაბამისი შედარების უწყისი. 13. საინვენტარიზაციო კომისიის თავმჯდომარე განსაზღვრავს კომისიის წევრების ფუნქციებს და პასუხისმგებელია ახალციხის მუნიცპალიტეტის გამგებლის ინდივიდუალურ ადმინისტრაციულ- სამართლებრივი აქტით  დადგენილ ვადებში ინვენტარიზაციის ჩატარებასა და წესების დაცვაზე. 14. საინვენტარიზაციო კომისიის წევრებს ეკისრებათ პასუხისმგებლობა, მოქმედი კანონმდებლობის შესაბამისად მათზე დაკისრებული ფუნქციების შეუსრულებლობაზე, ასევე, საინვენტარიზაციო აღწერებში არასწორი მონაცემების შეტანაზე, ორგანიზაციის კუთვნილი მატერიალური ფასეულობების დანაკლისის ან ზედმეტობის დაფარვაზე. მუხლი 7🔗. ახალციხის  მუნიციპალიტეტის ბალანსზე რიცხული ამორტიზებული ან/და გამოუყენებელი ქონების ჩამოწერა 1. ახალციხის მუნიციპალიტეტის ბალანსზე რიცხული ამორტიზებული და გამოუყენებელი ქონების ჩამოწერის საფუძველს წარმოადგენს საინვენტარიზაციო კომისიის მიერ წარდგენილი ჩამოსაწერი ქონების აქტი, ძირითადი აქტივების ღირებულების დადგენის აქტი, საჭიროებისას ქონების სალიკვიდაციო აქტები და დამოუკიდებელი აუდიტის დასკვნა. 2. ქონების ჩამოწერის აქტი უნდა შეესაბამებოდეს „საბიუჯეტო ორგანიზაციების პირველადი საბუღალტრო და სააღრიცხვო რეგისტრების ფორმების დამტკიცების თაობაზე“ საქართველოს ფინანსთა მინისტრის 2013 წლის 31 დეკემბრის  №449 ბრძანების მოთხოვნებს. 3. ჩამოსაწერი ქონების აქტში მიეთითება მასალები, რომელიც ექვემდებარება ბალანსში მარაგის სახით ასახვას და შემდგომ გამოყენებას და ქონება, რომლის რაიმე სახით გამოყენება შეუძლებელია. 4. ქონება, რომლის რაიმე დანიშნულებით გამოყენება შეუძლებელია, ექვემდებარება განადგურებას. 5. ძირითადი აქტივების ჩამოწერის მიზნით საინვენტარიზაციო კომისია ამზადებს ჩამოსაწერი ძირითადი აქტივების ღირებულების დადგენის აქტს, თანახმად დანართებისა, ახდენს ქონების დასურათებას და განსაზღვრავს ვარგისი ნაწილებისა და ჯართის ოდენობას. 6. სალიკვიდაციო ქონების განსაზღვრის მიზნით საინვენტარიზაციო კომისია დამატებით ამზადებს ქონების სალიკვიდაციო აქტს თითოეულ ქონებაზე ცალ-ცალკე, თანახმად დანართებისა და ახდენს ქონების დასურათებას. 7. ახალციხის  მუნიციპალიტეტის ბალანსზე რიცხული ამორტიზებული და გამოუყენებელი ქონების ჩამოწერის აქტი (ძირითადი აქტივების ჩამოწერის აქტი და მცირეფასიანი აქტივების ჩამოსაწერი აქტი), ასევე საჭიროებისას ქონების სალიკვიდაციო აქტი საინვენტარიცაზიო კომისიის მიერ წარედგინება ახალციხის მუნიციპალიტეტის გამგებელს. 8. ახალციხის მუნიციპალიტეტის საკრებულო, ახალციხის  მუნიციპალიტეტის გამგებლის მიერ წარმოდგენილი დოკუმენტაციის საფუძველზე ღებულობს გადა­წყვეტილებას დადგენილი წესით წარდგენილი, ჩამოსაწერი ან/და სალიკვიდაციო ქონების  დამტკიცების შესახებ, რის საფუძველზეც ხორციელდება ქონების ჩამოწერა ან/და ლიკვიდაცია. 9. ახალციხის მუნიციპალიტეტის საკუთრებაში არსებული, ამორტიზებული და გამოუყენებელი ქონების ჩამოწერის მიზნით საინვენტარიზაციო კომისიის მიერ წარდგენილი ჩამოსაწერი ქონების აქტის, ძირითადი აქტივების ღირებულების დადგენის აქტის და ქონების სალიკვიდაციო აქტის სისწორეზე პასუხისმგებლობა ეკისრება საინვენტარიზაციო კომისიას. მუხლი 8🔗. ჩამოწერილი ქონების რეალიზაცია ქონების განკარგვა, რომელიც ჩამოსაწერი ქონების აქტის, თანახმად ექვემდებარება ბალანსში მარაგის სახით ასახვას, ხორციელდება საქართველოს კანონ­მდებ­ლობით დადგენილი წესით. მუხლი 9🔗. ჩამოწერილი და გამოუსადეგარი ქონების განადგურება 1. ჩამოსაწერი ქონების აქტში მითითებული ქონება, რომლის რაიმე დანიშნულებით გამოყენება შეუძლებელია, ექვემდებარება განადგურებას. 2. ქონების განადგურებას ახორციელებს საინვენტარიზაციო კომისია. 3. ქონების განადგურებას ტექნიკურად და ორგანიზაციულად უზრუნველყოფს შესაბამისი ორგანიზაცია. 4. ქონება უნდა განადგურდეს ამ მიზნით გამოყოფილ ადგილებში. 5. ქონების განადგურების თაობაზე დგება ოქმი, რომელსაც ხელს აწერენ ქონების განადგურების პროცესზე დამსწრე საინვენტარიზაციო კომისიის წევრები. 6. ქონების განადგურებისათვის აუცილებელი ხარჯები ფინანსდება შესაბამისი ორგანიზაციის მიერ. 7.განადგურების მართლზომიერებასა და შედეგებზე პასუხისმგებელია შესაბამისი ორგანიზაცია. დანართი №2 ახალციხის მუნიციპალიტეტის მიერ დაფუძნებული არასამეწარმეო (არაკომერციული) იურიდიული პირების საკუთრებაში არსებული ქონების განკარგვის, გადაცემის, ინვენტარიზაციისა და ამორტიზებული ან/და გამოუყენებელი ქონების ჩამოწერის წესი მუხლი 1🔗. ზოგადი დებულებები წინამდებარე წესი განსაზღვრავს ახალციხის მუნიციპალიტეტის მიერ დაფუძნებული არასამეწარმეო (არაკომერციული) იურიდიული პირების საკუთრებაში არსებული ქონების განკარგვის, გადაცემის, ინვენტარიზაციისა და ამორტიზებული ან/და გამოუყენებელი ქონების ჩამოწერის პრინციპებს. მუხლი 2🔗. ტერმინთა განმარტებები 1. ქონება – საქართველოს სამოქალაქო კოდექსით გათვალისწინებული ნებისმიერი ნივთი. 2. ჩამოსაწერი ქონება – ამორტიზებული ან/და გამოუყენებელი ქონება. 3. დაწესებულება – ახალციხის მუნიციპალიტეტის მიერ დაფუძნებული არასამეწარმეო (არაკომერციული) იურიდიული პირი (შემდგომში – ა(ა)იპ). 4. საინვენტარიზაციო კომისია (შემდგომში – კომისია) – ქონების ინვენტარიზაციის მიზნით დაწესებულებაში შექმნილი კომისია. მუხლი 3🔗. ქონების განკარგვისა და გადაცემის ფორმები 1. ა(ა)იპ-ის საკუთრებაში არსებული ძირითადი აქტივების საკუთრებაში ან სარგებ­ლობაში გადაცემა ხდება ა(ა)იპ-ის მიერ დამფუძნებლის  თანხმობით.. 2. ა(ა)იპ-ის საკუთრებაში ძირითადი აქტივების სახით არსებული მოძრავი ქონების სარგებლობაში გადაცემა, ასევე მცირეფასიანი აქტივების საკუთრებაში ან სარგებლობაში გადაცემა დასაშვებია განხორციელდეს საქართველოს სამოქალაქო კოდექსით დადგენილი წესით. მუხლი 4🔗. ინვენტარიზაციის მიზანი ორგანიზაციაში აქტივებისა და ვალდებულებების ინვენტარიზაციის მიზანს წარმოადგენს: ა) ფინანსური და არაფინანსური აქტივების დაცულობაზე კონტროლი; ბ) აქტივებისა და ვალდებულებების, ასევე ბალანსის საცნობარო მუხლებში ასახული მატერიალური ფასეულობების ფაქტობრივი ნაშთების დადგენა; გ) გამოუყენებელი აქტივების გამოვლენა; დ) არაფინანსური აქტივების ექსპლუატაციის წესების დაცვის შემოწმება; ე) ორგანიზაციის ბალანსზე რიცხული მოთხოვნებისა და ვალდებულებების რეალურობის შემოწმება. ვ ) აქტივებისა და ვალდებულებების ფაქტობრივი ნაშთების შედარება ორგანიზაციის სააღრიცხვო მონაცემებთან. მუხლი 5🔗. ინვენტარიზაციის ჩატარება ორგანიზაციაში ინვენტარიზაცია ტარდება „საბიუჯეტო ორგანიზაციებში ქონების, მოთხოვნებისა და ვალდებულებების ინვენტარიზაციის ჩატარების წესის დამტკიცების შესახებ” საქართველოს ფინანსთა მინისტრის 2010 წლის 23 ივლისის №605 ბრძანების შესაბამისად, წინამდებარე წესის  გათვალისწინებით. ა(ა)იპ-ის ბალანსზე რიცხული ქონების ჩამოწერა ხდება ყოველი წლის ბოლოს ჩატარებული აქტივებისა და ვალდებულებათა ინვენტარიზაციის საფუძველზე, ხოლო ჩამოწერის შედეგები აისახება ა(ა)იპ-ის წლიურ ბალანსზე. გამონაკლის შემთხვევებში, თუ ამას დაწესებულების ინტერესები მოითხოვს, ქონების ჩამოწერა შეიძლება განხორციელდეს წლის სხვა პერიოდშიც. მუხლი 6🔗. საინვენტარიზაციო კომისია 1. ა(ა)იპ-ის საკუთრებაში არსებული ქონების ინვენტარიზაციისა და ამორტიზებული ან/და გამოუყენებელი ქონების ჩამოწერის მიზნით იქმნება საინვენტარიზაციო კომისია. 2. საინვენტარიზაციო კომისია იქმნება და მისი შემადგენლობა განისაზღვრება ახალციხის მუნიციპალიტეტის გამგებლის   ინდივიდუალური ადმინისტრაციულ-სამართლებრივი აქტით. 3. კომისია იქმნება წელიწადში ერთხელ საანგარიშო წლის დასრულებიდან არა უგვიანეს სამი თვის განმავლობაში, აგრეთვე შესაძლებელია კომისია შექიმნას საჭიროების შემთხვევაშიც. 4. კომისია იქმნება შემდეგი შემადგენლობით: ა) საინვენტარიზაციო კომისიის თავმჯდომარე - რომელიც ხელმძღვანელობს კომისიას; ბ) საინვენტარიზაციო კომისიის თავმჯდომარის მოადგილე - კომისიის თავმჯდომარის არ ყოფნის შემთხვევაში ხელმძღვანელობს კომისიას; გ) საინვენტარიზაციო კომისიის მდივანი- რომელიც ადგენს კომისიის სხდომის ოქმს და პასუხისმგებელია მის სისწორეზე. დ) საინვენტარიზაციო კომისიის წევრები. 5. საჭიროების შემთხვევაში, დაწესებულების ხელმძღვანელმა კომისიის სრულყოფილად მუშაობის მიზნით  უფლებამოსილია  მოიწვიოს დარგის კვალიფიციური   სპეციალისტებიც. მოწვეული სპეციალისტები არ იღებენ მონაწილეობას გადაწყვეტილების მიღების პროცესში. 6. კომისია საკითხს განიხილავს და გადაწყვეტილებას იღებს სხდომაზე, კომისიის სხდომის შესახებ დგება ოქმი, რომელშიც აღინიშნება კონკრეტული საკითხის განხილვისას კომისიის წევრების მიერ გამოთქმული  მოსაზრებები და მიღებული გადაწყვეტილებები. კომისიის სხდომის ოქმს ხელს აწერს სხდომის თავმჯდომარე, კომისიის მდივანი და კომისიის დამსწრე ყველა წევრი. 7. კომისია უფლებამოსილია განიხილოს საკითხი, თუ მის სხდომას ესწრება კომისიის სრული შემადგენლობა. ინვენტარიზაციის ჩატარება საინვენტარიზაციო კომისიის წევრთა არასრული შემადგენლობით დაუშვებელია. საინვენტარიზაციო კომისიის არასრული შემადგენლობით ჩატარებული ინვენტარიზაციის შედეგები ითვლება ბათილად. 8. კომისია სწავლობს ჩამოსაწერი ქონების ფაქტობრივ ფიზიკურ მდგომარეობას, სათანადო საფუძვლის არსებობას, ასაბუთებს მისი ბალანსიდან ჩამოწერის აუცილებლობას და ამზადებს ქონების ჩამოწერისათვის საჭირო დოკუმენტაციას: ა)  ინვენტარიზაციის დაწყებამდე ამოწმებს საინვენტარო ბარათების არსებობას, ტექნიკური პასპორტების ან/და სხვა ტექნიკური დოკუმენტაციის არსებობას/მდგომარეობას. ბ) ადგილმდებარეობისა და მატერიალურად პასუხისმგებელი პირის მიხედვით ახორციელებს არაფინანსური და ფინანსური აქტივების აღრიცხვას. გ) ინვენტარიზაციის შედეგად დადგენილ ფაქტობრივ ნაშთებს  ადარებს სააღრიცხვო  მონაცემებს. დ) ორგანიზაციის საბუღალტრო და უფლებამოსილ სამსახურთან ერთად განსაზღვრავს ინვენტარიზაციის შედეგებს. ე) ინვენტარიზაციის პერიოდში გამოვლენილ დანაკლისის/ ზედმეტობის შესახებ, წერილობითი ფორმით წარუდგენს ინფორმაციას ხელმძღვანელობას ბუღალტრულ  აღრიცხვის მონაცემებთან შედარების  დასრულებისთანავე. ვ) კომისიის ყველაწევრი ხელს აწერს ინვენტარიზაციის აქტს. ზ) კომისიის წევრი, რომელიც არ ეთანხმება ინვენტარიზაციის  შედეგებს და უარს აცხადებს ინვენტარიზაციის აქტის ხელმოწერაზე წერილობით  (მიზეზის მითითებით)  წარუდგენს ორგანიზაციის ხელმძღვანელს, რომელიც თან დაერთვის ინვენტარიზაციის აქტს. 9. აღწერის წინ მატერიალურად პასუხისმგებელი პირი  იძლევა ხელწერილს მასზე, რომ მის პასუხისმგებლობაში  არსებული ქონება ბუღალტრული მონაცემების იდენტურია. 10. შედარების უწყისების შედგენამდე ორგანიზაციის ბუღალტერია ამოწმებს ყველა გაანგარიშების სისწორეს, რომელიც მოცემულია საინვენტარიზაციო აღწერილობაში. საინვენტარიზაციო აღწერილობებში შეცდომების გამოვლენის შემთხვევაში შეტანილი ცვლილებები დამოწმებული უნდა იყოს საინვენტარიზაციო კომისიის ყველა წევრის მიერ. 11. ინვენტარიზაციის შედეგების გამოსავლენად ორგანიზაციის ბუღალტერია ადგენს შესაბამის შედარების უწყისებს. 12. იმ აქტივებზე, რომლებიც არ არის აღრიცხული საბალანსო ან საცნობარო მუხლებში, დგება შესაბამისი შედარების უწყისი. 13. საინვენტარიზაციო კომისიის თავმჯდომარე განსაზღვრავს კომისიის წევრების ფუნქციებს და პასუხისმგებელია ახალციხის მუნიცპალიტეტის გამგებლის ინდივიდუალურ ადმინისტრაციულ- სამართლებრივი აქტით  დადგენილ ვადებში ინვენტარიზაციის ჩატარებასა და წესების დაცვაზე. 14. საინვენტარიზაციო კომისიის წევრებს ეკისრებათ პასუხისმგებლობა, მოქმედი კანონმდებლობის შესაბამისად მათზე დაკისრებული ფუნქციების შეუსრულებლობაზე, ასევე, საინვენტარიზაციო აღწერებში არასწორი მონაცემების შეტანაზე, ორგანიზაციის კუთვნილი მატერიალური ფასეულობების დანაკლისის ან ზედმეტობის დაფარვაზე. 15. საინვენტარიზაციო კომისიის თავმჯდომარე განსაზღვრავს კომისიის წევრების ფუნქციებს და პასუხისმგებელია ახალციხის მუნიცპალიტეტის გამგებლის ინდივიდუალურ ადმინისტრაციულ- სამართლებრივი აქტით  დადგენილ ვადებში ჩატარებასა და წესების დაცვაზე. 16. საინვენტარიზაციო კომისიის წევრებს ეკისრებათ პასუხისმგებლობა, მოქმედი კანონმდებლობის შესაბამისად მათზე დაკისრებული ფუნქციების შეუსრულებლობაზე, ასევე, საინვენტარიზაციო აღწერებში არასწორი მონაცემების შეტანაზე, ორგანიზაციის კუთვნილი მატერიალური ფასეულობების დანაკლისის ან ზედმეტობის დაფარვაზე. მუხლი 7🔗.  ამორტიზებული ან/და გამოუყენებელი ქონების ჩამოწერა 1. ა(ა)იპ-ის საკუთრებაში არსებული ამორტიზებული და გამოუყენებელი ქონების ჩამოწერის საფუძველს წარმოადგენს საინვენტარიზაციო კომისიის მიერ წარდგენილი ჩამოსაწერი ქონების აქტი, ძირითადი აქტივების ღირებულების დადგენის აქტი, საჭი­როებისას ქონების სალიკვიდაციო აქტები და დამოუკიდებელი აუდიტის დასკვნა. 2. ქონების ჩამოწერის აქტი უნდა შეესაბამებოდეს „საბიუჯეტო ორგანიზაციების პირველადი საბუღალტრო და სააღრიცხვო რეგისტრების ფორმების დამტკიცების თაობაზე“ საქართველოს ფინანსთა მინისტრის 2013 წლის 31 დეკემბრის  №449 ბრძანების მოთხოვნებს. 3. ჩამოსაწერი ქონების აქტში მიეთითება მასალები, რომელიც ექვემდებარება ბალანსში მარაგის სახით ასახვას და შემდგომ გამოყენებას და ქონება, რომლის რაიმე დანიშნულებით გამოყენება შეუძლებელია. 4. ქონება, რომლის რაიმე დანიშნულებით გამოყენება შეუძლებელია, ექვემდებარება განადგურებას. 5. ძირითადი აქტივების ჩამოწერის მიზნით საინვენტარიზაციო კომისია ამზადებს ჩამოსაწერი ძირითადი აქტივების ღირებულების დადგენის აქტს, თანახმად დანართებისა, ახდენს ქონების დასურათებას და განსაზღვრავს ვარგისი ნაწილებისა და ჯართის ოდენობას. 6. სალიკვიდაციო ქონების განსაზღვრის მიზნით საინვენტარიზაციო კომისია დამატებით ამზადებს ქონების სალიკვიდაციო აქტს თითოეულ ქონებაზე ცალ-ცალკე, თანახმად დანართებისა და ახდენს ქონების დასურათებას. 7. ა(ა)იპ-ის საკუთრებაში არსებული ამორტიზებული და გამოუყენებელი ძირითადი აქტივების ჩამოწერის ან/და ლიკვიდაციის მიზნით საინვენტარიზაციო კომისიის მიერ წარდგენილი ჩამოსაწერი ან/და სალიკვიდაციო ქონების აქტები წარედგინება ახალციხის  მუნიციპალიტეტის გამგებელს, რომლის მიერ,  მასალების წარედგენა ხდება ახალციხის   მუნიციპალიტეტის საკრებულოში საბოლოო გადაწყვეტილების მისაღებად. 8. ახალციხის მუნიციპალიტეტის საკრებულო, ახალციხის  მუნიციპალიტეტის გამგებლის მიერ წარმოდგენილი დოკუმენტაციის საფუძველზე ღებულობს გადა­წყვეტილებას დადგენილი წესით წარდგენილი, ჩამოსაწერი ან/და სალიკვიდაციო ქონების  დამტკიცების შესახებ, რის საფუძველზეც ხორციელდება ქონების ჩამოწერა /ლიკვიდაცია. 9. ა(ა)იპ-ის საკუთრებაში არსებული ამორტიზებული ან/და გამოუყენებელი ქონების ჩამოწერის მიზნით საინვენტარიზაციო კომისიის მიერ წარდგენილი ჩამოსაწერი ქონების აქტის, ძირითადი აქტივების ღირებულების დადგენის აქტის და ქონების სალიკვიდაციო აქტის სისწორეზე პასუხისმგებლობა ეკისრება საინვენტარიზაციო კომისიას. მუხლი 8🔗. ჩამოწერილი და გამოუსადეგარი ქონების განადგურება 1. ჩამოსაწერი ქონების აქტში მითითებული ქონება, რომლის რაიმე დანიშნულებით დამოყენება შეუძლებელია, ექვემდებარება განადგურებას. 2. ქონების განადგურებას ახორციელებს საინვენტარიზაციო კომისია. 3. ქონების განადგურებას ტექნიკურად და ორგანიზაციულად უზრუნველყოფს შესაბამისი დაწესებულება. 4. ქონება უნდა განადგურდეს ამ მიზნით გამოყოფილ ადგილებში . 5. ქონების განადგურების თაობაზე დგება ოქმი, რომელსაც ხელს აწერენ ქონების განადგურების პროცესზე დამსწრე საინვენტარიზაციო კომისიის წევრები. 6. ქონების განადგურებისათვის აუცილებელი ხარჯები ფინანსდება შესაბამისი ორგანიზაციის მიერ. 7. განადგურების მართლზომიერებასა და შედეგებზე პასუხისმგებელია დაწესებულება. -----