„პოლიციის შესახებ“ საქართველოს კანონში დამატებების შეტანის თაობაზე

საქართველოს კანონი

„პოლიციის შესახებ“ საქართველოს კანონში დამატებების შეტანის თაობაზე

      მუხლი 1.

„პოლიციის შესახებ“ საქართველოს კანონში (საქართველოს პარლამენტის უწყებები, №9, 1993 წ., მუხ. 187) შეტანილ იქნეს შემდეგი დამატებები:

1. მე-8 მუხლს დაემატოს შემდეგი შინაარსის „გ¹“ ქვეპუნქტი:

„გ¹) თავისი კომპეტენციის ფარგლებში გააკონტროლოს ოჯახში ძალადობისაგან დამცავი ორდერით გათვალისწინებული შეზღუდვების შესრულება;“.

2. მე-9 მუხლის პირველ პუნქტს დაემატოს შემდეგი შინაარსის „დ¹“ ქვეპუნქტი:

„დ¹) ოჯახში ძალადობის ფაქტის უშუალოდ დაფიქსირებისთანავე დაუყოვნებლივ გამოსცეს შემაკავებელი ორდერი;“.

    მუხლი 2.

ეს კანონი ამოქმედდეს გამოქვეყნებისთანავე.

 

საქართველოს პრეზიდენტი მ. სააკაშვილი

თბილისი,

2006 წლის 25 მაისი.

№3145-Iს