„საქართველოს კულტურისა და ძეგლთა დაცვის სამინისტროს დებულების დამტკიცების შესახებ“ საქართველოს მთავრობის 2010 წლის 16 ივლისის №197 დადგენილებაში ცვლილების შეტანის თაობაზე

საქართველოს მთავრობის

დადგენილება №718

2014 წლის 26 დეკემბერი

ქ. თბილისი

 1. მე-5 მუხლი ჩამო­ყა­ლიბ­დეს შემდეგი რე­დაქციით:

„მუხლი 5. სამინისტროს ცენტრალური აპარატის სტრუქტურა

სამინისტროს ცენტრალური აპარატის სტრუქტურული ერ­თე­ულებია:

ა) მინისტრის აპარატი;

ბ) ხელოვნებისა და განათლების დეპარტამენტი;

გ) კულტურის პოპულარიზაციისა და რეგიონალური პროგრამების დე­პარტამენტი;

დ) საერთაშორისო ურთიერთობების დეპარტამენტი;

ე) ადმინისტრაციული დეპარტამენტი;

ვ) კულტურული მემკვიდრეობის დეპარტამენტი;

ზ) შიდა აუდიტისა და მონიტორინგის დეპარტამენტი;

თ) იურიდიული დეპარტამენტი;

ი) ფინანსური რესურსების მართვის დეპარტამენტი;

კ) პროექტების განხილვისა და მონიტორინგის დეპარტამენტი.“.

2. მე-8 მუხლის მე-2 პუნქტი ჩამოყალიბდეს შემდეგი რედაქციით:

„2. ხელოვნებისა და განათლების დეპარტამენტი შეიმუშავებს სამინისტროს პოლიტიკას დეპარტამენტის კომპეტენციის სფეროში შემავალი დარგების განვითარების ხელშეწყობის სტრატეგიული დაგეგმვის მიზნით, რომელიც მოიცავს შემდეგ მიმართულებებს:

ა) საქართველოს პროფესიული ხელოვნების დარგების (თეატრალური, კინო, მუსიკალური, სახვითი, ქორეოგრაფიული), საქართველოს ეროვნულ უმცირესობათა კულტურის, შეზღუდული შესაძლებლობების მქონე პირთა შემოქმედების, განვითარების და ხელშეწყობის პრიორიტეტების და პროგრამების შემუშავება, მიღწევების პოპულარიზაცია და მონიტორინგი;

ბ) ლიტერატურის განვითარების და საგამომცემლო საქმიანობის ხელშეწყობის პროგრამის შემუშავება, პოპულარიზაცია და მონიტორინგი;

გ) სახელოვნებო განათლების სტრატეგიის, სტანდარტების და პროგრამების შემუშავება და შესრულების მონიტორინგი;

დ) სახელოვნებო განათლების დაწესებულებების პედაგოგიური კადრების ტრენინგების, პროფესიული დაოსტატების, კვალიფიკაციის ამაღლების და გადამზადების ფორმების შემუშავება და აღნიშნულ სამუშაოთა შესრულების კოორდინაცია და მონიტორინგი;

ე) კულტურის სფეროში საზოგადოებრივი ცნობიერების ამაღლების მიზნით, საგანმანათლებლო და ახალგაზრდული (არაფორმალური განათლება) პროგრამების შემუშავება და ინიცირება;

ვ) კომპეტენციის ფარგლებში „უმაღლესი განათლების შესახებ“, „პროფესიული განათლების შესახებ“ და „ზოგადი განათლების შესახებ“ საქართველოს კანონებით სამინისტროსათვის მინიჭებულ უფლებამოსილებათა განხორციელებაში მონაწილეობა;

ზ) სამინისტროს სისტემაში არსებული სახელოვნებო განათლების დაწესებულებების და სახელოვნებო ორგანიზაციების მუშაობის კოორდინაცია, მონიტორინგი და კომპეტენციის ფარგლებში მეთოდური დახმარების გაწევა;

თ) სამინისტროს შესაბამის სამსახურებთან ერთად წინადადებების და რეკომენდაციების შემუშავება სამინისტროს სისტემაში არსებული საჯარო სამართლის იურიდიული პირების განვითარების ხელშეწყობის, ანგარიშგებისა და კოორდინაციის მიზნით;

ი) ხელოვნებისა და მეცნიერების დარგებში შოთა რუსთაველისა და ეროვნული პრემიების მინიჭების საორგანიზაციო საკითხების უზრუნველყოფა;

კ) კულტურისა სფეროს მუშაკების წახალისების შესახებ მინისტრისათვის წინადადებების წარდგენა;

ლ) საქართველოს ტერიტორიაზე მონუმენტური სახვითი ხელოვნების ძეგლის (ქანდაკების) განთავსების თაობაზე სამინისტროში შემოსული პროექტების განმხილველი კომისიის მუშაობის ორგანიზაციული უზრუნველყოფა.“.

3. მე-8 მუხლის მე-3 პუნქტი ჩამოყალიბდეს შემდეგი რედაქციით:

„3. კულტურის პოპულარიზაციისა და რეგიონალური პროგრამების დე­პარტამენტი საქართველოს ფარგლებს გარეთ და საქართველოს რეგიონებში ქართული კულტურის პოპულარიზაციისა და განვითარების მიზნით შეიმუშავებს სამინისტროს პოლიტიკას შემდეგ მიმართუ­ლებებზე:

 ა) ქართული კულტურის პოპულარიზაციის სტრატეგიის, პრიორიტეტების და საერთაშორისო და რეგიონალური პროგრამების შემუშავება და მონიტორინგი;

 ბ) სახელმწიფო ცერემონიების, კულტურული ღონისძიებების, გამოჩენილ შემოქმედთა საიუბილეო ღონისძიებების, შემოქმედებითი კოლექტივების, ცალკეულ ხელოვანთა და შემსრულებელთა საკონცერტო და საგასტროლო ღონისძიებების დაგეგმარება, პოპულარიზაცია, განხორციელება და მონიტორინგი;

 გ) კულტურის სფეროში საზოგადოებრივი ცნობიერების ამაღლების მიზნით, საგანმანათლებლო და ახალგაზრდული (არაფორმალური განათლება) პროგრამების შემუშავება და ინიცირება.“.

4. მე-8 მუხლის მე-4 პუნქტი ჩამოყალიბდეს შემდეგი რედაქციით:

„4. საერთაშორისო ურთიერთობების დეპარტამენტი შეიმუშავებს სამინისტროს პოლიტიკას , რომელიც მოიცავს შემდეგ მიმართულებებს:

ა) სამინისტროს საერთაშორისო პოლიტიკის და სტრატეგიის განსაზღვრა და კოორდინაცია;

ბ) კულტურის პოლიტიკის მოკლე და გრძელვადიან გეგმებზე მუშაობა;

გ) კულტურის სფეროში მიმდინარე ევროინტეგრაციის პროცესების კოორდინაცია;

დ) ასოცირების შესახებ შეთანხმებითა და ასოცირების დღის წესრიგით ნაკისრი ვალდებულებების კომპეტენციის ფარგლებში შესრულების უზრუნველყოფა;

ე) ევროკავშირის კულტურულ პროგრამებში საქართველოს მონაწილეობის ხელშეწყობა;

ვ) საზღვარგარეთის ქვეყნების შესაბამის უწყებებთან, საერთაშორისო და დონორ ორგანიზაციებთან ურთიერთობების დამყარება;

ზ) კომპეტენციის ფარგლებში, საერთაშორისო ხელშეკრულებების პროექტების მომზადებაში მონაწილეობა. საერთაშორისო ხელშეკრულებებით ნაკისრი ვალდებულებების შესრულების კოორდინაცია;

თ) სამინისტროს საქმიანობის ხელშეწყობა საერთაშორისო ურთიერთობებისა და პროექტების მართვის კუთხით;

ი) სამინისტროს საერთაშორისო სტრატეგიულ დოკუმენტებზე მუშაობა, სფეროს განვითარების პროგრამების შემუშავება და მათი განხორციელება;

კ) უცხოეთში საქართველოს საელჩოებთან და საქართველოში აკრედიტებულ საზღვარგარეთის ქვეყნების საელჩოებთან აქტიური თანამშრომლობა;

ლ) სამინისტროს საერთაშორისო ფორუმებში მონაწილეობის უზრუნველყოფა და ანალოგიურ ღონისძიებათა საქართველოში მოწყობა;

მ) საზღვარგარეთის ქვეყნებთან კულტურის სფეროში თანამშრომლობის მიზნით ხელშეკრულებებისა და შეთანხმების აქტების პროექტების მომზადება;

ნ) კულტურის სფეროში საზოგადოებრივი ცნობიერების ამაღლების მიზნით, საგანმანათლებლო და ახალგაზრდული (არაფორმალური განათლება) პროგრამების შემუშავება და ინიცირება.“.

5. მე-8 მუხლის მე-6 პუნქტი ჩამოყალიბდეს შემდეგი რედაქციით:

„6. კულტურული მემკვიდრეობის დეპარტამენტი შეიმუშავებს სამინისტროს პოლიტიკას, რომელიც მოიცავს შემდეგ მიმართულებებს:

ა) საქართველოს ტერიტორიაზე და მის ფარგლებს გარეთ არსებული კულტურული მემკვიდრეობის მოვლა-პატრონობისა და მართვის პოლიტიკის განსაზღვრა;

ბ) კულტურული მემკვიდრეობის დაცვის, მართვისა და პოპულარიზაციისათვის განსახორციელებელი ღონისძიებების სტრატეგიული დაგეგმვა და მათი მონიტორინგი;

გ) კულტურული მემკვიდრეობის სფეროში საერთაშორისო კონვენციებისა და ხელშეკრულებებით აღებული ვალდებულებების ეფექტური განხორციელების ხელშეწყობა;

დ) კულტურული მემკვიდრეობის მოვლა-პატრონობისა და მართვის საერთაშორისო სტანდარტების დანერგვის მიზნით, სახელმწიფო, საერთაშორისო, საზოგადოებრივ და კერძო ორგანიზაციებთან მჭიდრო თანამშრომლობა;

ე) კულტურული მემკვიდრეობის სფეროში საზოგადოებრივი ცნობიერების ამაღლების მიზნით, საგანმანათლებლო და ახალგაზრდული (არაფორმალური განათლება) პროგრამების შემუშავება და ინიცირება;

ვ) იუნესკოს მიერ დადგენილი სტანდარტების შესაბამისად, მსოფლიო კულტურული მემკვიდრეობის სიაში მყოფ ძეგლთა დაცვისა და ეფექტური მართვის მექანიზმების დანერგვა;

ზ) საქართველოში არსებული მატერიალური და არამატე­რიალური კულტურული მემკვიდრეობის გამოვლენისა და შენარ­ჩუნების ღონისძიებათა განხორ­ციე­ლება და მათი ხელშეწყობა; ძეგლებისა და კულტურული მემკვიდრეობის ობიექტების ექსპერტიზა, აღრიცხვა, პასპორ­ტიზაცია, კულტურული მემკვიდრეობის ერთიანი მონაცემთა ბაზის შექმნა;

თ) კულტურული მემკვიდრეობის დაცვის ღონისძიებათა განხორციელების უზრუნველყოფა, მისი შესწავლისა და მოვლა-პატრონობის მეთოდოლოგიის შემუშავება;

ი) კულტურული მემკვიდრეობის (კულტურული ფასეულობის) საქართველოდან გატანისა და საქართველოში შემოტანის კონტროლი და რეგულირება, კულტურული მემკვიდრეობის სფეროს ადმინისტ­რაციულ წარმოებაში კანონმდებლობით დადგენილი წესით მონაწილეობა, თავისი კომპეტენციის ფარგლებში მინისტრის სათათ­ბირო ორგანოებთან თანამშრომლობა;

კ) კომპეტენციის ფარგლებში არქეოლოგიური სამუშაოების, ძეგლზე სამუშაოების და კულტურული მემ­კვიდრეობის დამცავ ზონებში მიწისა და სამშენებლო სამუშა­ოების რეგუ­ლირება და ზედამხედველობა, კულტურული მემკვიდრეობის სფეროში სამართალდარღვევათა აღკვეთისა და გამოვლენილ სამართალდარღვევებზე რეაგირების მიზნით შესაბამის ადმი­ნისტრაციულ, სამართალდამცავ და საბაჟო ორგანოებთან თა­ნა­მშრომლობა;

ლ) ერთიანი სამუზეუმო სახელმწიფო პოლიტიკის გატარება, საქართველოს მუზეუმების სახელმწიფო რეესტრის წარმოება, ქვეყნის მასშტაბით სამუზეუმო საქმიანობის რეგულირება, სამუზეუმო კოლექციების დაცვისა და პოპულარიზაციისათვის ზრუნვა;

 მ) სამინისტროს შესაბამის სტრუქტურულ ერთეულებთან ერთად წინადადებების და რეკომენდაციების შემუშავება სამინისტროს სის­ტე­მა­ში არსებული საჯარო სამართლის იურიდიული პირების განვითარების ხელშეწყობის, ანგარიშგებისა და კოორდინაციის მიზნით.“.

6. მე-8 მუხლის მე-9 პუნქტი ჩამოყალიბდეს შემდეგი რედაქციით:

„9. ფინანსური რესურსების მართვის დეპარტამენტი შეიმუშავებს სამინისტროს პოლიტიკას, რომელიც მოიცავს შემდეგ მიმართულებებს:

ა) სამინისტროს სტრატეგიული გეგმებისა და პრიორიტეტული ამოცანების რეალიზაციისათვის საჭირო ფინანსური რესურსების საშუალო და გრძელვადიანი დაგეგმვა;

ბ) ქვეყნის ძირითადი მონაცემებისა და მიმართულებებისათვის სამინისტროს წინადადებების მომზადება;

გ) ყოველწლიური ბიუჯეტის პროექტების შედგენა, წარდგენა და დამტკიცებული ბიუჯეტის შესრულება;

დ) სამინისტროს ამოცანებისა და ფუნქციების შესრულების მიზნით, წლიური საბიუჯეტო კანონის საფუძველზე გამოყოფილი ფულადი სახსრების მართვა;

ე) წლიური ფინანსური შედეგების მიხედვით გაწეული ხარჯების ანალიზი;

ვ) საქართველოს საკანონმდებლო ბაზასთან ჰარმონიზაციით სამინისტროს სისტემაში ბუღალტრული აღრიცხვა-ანგარიშგების საერთაშორისო გამოცდილების გამოყენება;

ზ) სამინისტროს წლიური და კვარტალური სტატისტიკური ანგარიშებისა და ნაერთი ბალანსის შედგენა;

თ) სამინისტროს მიმდინარე საბუღალტრო აღრიცხვა-ანგარიშგების წარმოება;

ი) სამინისტროს შესაბამის დეპარტამენტებთან ერთად სახელმწიფო შესყიდვების განხორციელება საქართველოს კანონმდებლობის შესაბამისად;

კ) სამინისტროს ცენტრალური აპარატის თანამშრომელთა მატერიალური და სოციალური პირობების გაუმჯობესების მიზნით ფინანსური რესურსების ოპტიმალური წინადადებების შემუშავება;

ლ) სამინისტროში სამინისტროს მიერ რეალიზებული პროექტების ფინანსური იდენტურობის ანალიზი;

მ) პრიორიტეტების მიხედვით პროგრამების შესაბამის დეპარტამენტებთან ერთად ფინანსურ-ეკონომიკური ანალიზი და ეფექტიანობის შეფასება.“.

7. მე-8 მუხლს დაემატოს შემდეგი შინაარსის მე-10 პუნქტი:

„10. პროექტების განხილვისა და მონიტორინგის დეპარტამენტი ახორციელებს სამინისტროს პოლიტიკას შემდეგ მიმართულებებზე: 

ა) სამინისტროს დარგობრივი დეპარტამენტების მიერ შემუშავებული/ინიცირებული პროგრამების განხილვა, ასევე ფიზიკური და იურიდიული პირების და სამინისტროს სისტემაში არსებული საჯარო სამართლის იურიდიული პირების მიერ სამინისტროში შემოსული სააპლიკაციო განცხადებების/პროექტების განხილვა;

ბ) დარგობრივი დეპარტამენტების სტრატეგიის, პრიორიტეტების და პროგრამების დაგეგმვის კომპონენტში მონაწილეობა;

გ) სამინისტროში შემოსული სააპლიკაციო განცხადებე­ბის/პროექტე­ბის განხილვისა და დამუშავების შემდეგ მათი წარდგენა საქართველოს კულტურის სფეროს მდგრადობის უზრუნველყოფის საკითხების განმხილველი მუდმივმოქმედი კომისიისათვის;

დ) სამინისტროში შემოსული სააპლიკაციო განცხადებების/პროექტე­ბის შესრულების მონიტორინგი, ზედამხედველობა და კოორდინაცია;

ე) დარგობრივ და შესაბამის დეპარტამენტებთან კონსულტაციის გავლა სტრატეგიასთან, პრიორიტეტებთან, პროგრამებთან და კონკრეტული პროექტების შესაბამისობის დადგენასთან დაკავშირებით;

ვ) მიმდინარე და განხორციელებული პროექტის შესახებ ინფორმაციის სისტემატიზაცია, ანალიზი და ანგარიშგება;

ზ) სისტემატიზირებული ინფორმაციის საფუძველზე მუდმივმოქმედი კომისიისათვის და დარგობრივი დეპარტამენტებისათვის წინადადებე­ბისა და რეკომენდაციების წარდგენა კონკრეტულ პროექტებთან, პროგრამებთან, პრიორიტეტებთან და სტრატეგიასთან დაკავშირებით;

თ) საქართველოს კულტურის სფეროს მდგრადობის უზრუნველყოფის საკითხების განმხილველი მუდმივმოქმედი კომისიის მიერ მოწონებული პროექტის შესახებ ხელშეკრულების და მიღება-ჩაბარების აქტის პროექტის მომზადება;

ი) ხელშეკრულებების კოორდინაცია, ზედამხედველობა და შესრულების მონიტორინგი;

კ) მიღება-ჩაბარების აქტის გაფორმების და შესრულების კოორდინაცია და მონიტორინგი.“.

8. მე-8 მუხლს დაემატოს შემდეგი შინაარსის მე-11 პუნქტი:

„11. სამინისტროს სტრუქტურული ერთეულების ზოგადი უფლება-მოვალეობებია:

ა) სამინისტროს სტრუქტურულ ერთეულებს შორის კოორდინირე­ბუ­ლი მუშაობა, კომპეტენციის ფარგლებში დეპარტამენტების საკანონმდებ­ლო, კანონქვემდებარე და ადმინისტრაციული აქტების პროექტების, ასე­ვე ხელშეკრულების, მიღება-ჩაბარების აქტების შემუშავებაში მონაწი­ლეო­ბა/ვიზირება და დასკვნებისა და რეკომენდაციების მომზადება;

ბ) დეპარტამენტის კომპეტენციას მიკუთვნებულ საკითხებზე ინფორმაციის შეგროვება, სისტემატიზაცია, ანალიზი და ანგარიშგება;

გ) სისტემატიზირებული ინფორმაციის საფუძველზე პრიორიტეტების და პროგრამების შემუშავება, დაგეგმვა და მონიტორინგი და შესაბამისი დეპარტამენტებისათვის წინადადებებისა და რეკომენდაციების წარდგენა;

დ) პროექტების განხილვისა და მონიტორინგის დეპარტამენტის მოთხოვნის საფუძველზე შემოსულ მიმდინარე და განსახორციელებელ პროექტებთან დაკავშირებით დასკვნებისა და რეკომენდაციების მომზადება, მათ შორის პროექტის შინიაარსობრივ შესაბამისობასთან ხელშეკრულების საგანთან და მიღება-ჩაბარების აქტთან;

ე) კვარტალური და წლიური ანგარიშების მომზადება კურატორი მინისტრის მოადგილისთვისა და მინისტრისათვის;

ვ) სამინისტროსა და დეპარტამენტის დებულებით გათვალისწინებუ­ლი სხვა უფლებამოსილებების განხორციელება.“.