„საგზაო მოძრაობის უსაფრთხოების შესახებ“ საქართველოს კანონში დამატების შეტანის თაობაზე

საქართველოს კანონი

„საგზაო მოძრაობის უსაფრთხოების შესახებ“ საქართველოს კანონში დამატების შეტანის თაობაზე

                მუხლი 1.„საგზაო მოძრაობის უსაფრთხოების შესახებ“ საქართველოს კანონის (საქართველოს საკანონმდებლო მაცნე, №22(29), 1999 წელი, მუხ. 104) მე-11 მუხლს დაემატოს შემდეგი შინაარსის მე-4 პუნქტი:

„4. საქართველოს ტერიტორიაზე ექსპლუატაციაში არსებულ და დადგენილი წესით რეგისტრირებულ სატრანსპორტო საშუალებას ტექნიკური დათვალიერება არ ჩაუტარდება, თუ მათ მფლობელებს ტრანსპორტის დარგში ჩადენილი სამართალდარღვევისათვის ადმინისტრაციული სახდელის სახით შეფარდებული ჰქონდათ ჯარიმა და არ გადაუხდიათ საქართველოს კანონმდებლობით დადგენილი წესით.“.

    მუხლი 2. ეს კანონი ამოქმედდეს გამოქვეყნებიდან 30-ე დღეს.

 

საქართველოს პრეზიდენტი  მ. სააკაშვილი

თბილისი,

2005 წლის 23 ივნისი.

№1754– რს