,,საქართველოს სასჯელაღსრულებისა და პრობაციის სამინისტროს მმართველობის სფეროში მოქმედი საჯარო სამართლის იურიდიული პირი - არასაპატიმრო სასჯელთა აღსრულებისა და პრობაციის ეროვნული სააგენტოს ადმინისტრაციული სამმართველოს, ეკონომიკური სამმართველოს, აღსრულების კონტროლის, სტატისტიკისა და ანალიზის სამმართველოს, საერთაშორისო, საზოგადოებასთან ურთიერთობისა და ინფორმაციული ტექნოლოგიების სამმართველოსა და არასაპატიმრო სასჯელთა აღსრულებისა და პრობაციის ბიუროების ვაკანტური თანამდებობების დასაკავებლად კანდიდატებისთვის დამატებითი საკვალიფიკაციო მოთხოვნებისა და საკონკურსო თემატიკის დამტკიცების თაობაზე” საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2013 წლის 4 ივლისის №167 ბრძანებაში ცვლილების შეტანის შესახებ

1. მე-7 მუხლის შემდეგ დაემატოს 7¹ მუხლი შემდეგი რედაქციით:

,,1. ადმინისტრაციული სამმართველოს არქივარიუსის ვაკანტური თანამდებობის დასაკავებლად კანდიდატებისათვის დადგენილია შემდეგი საკვალიფიკაციო მოთხოვნები:

ა) უმაღლესი განათლება;

ბ) ელექტრონული არქივის წარმოების არანაკლებ 2 წლიანი გამოცდილება;

გ) სამუშაოს შესასრულებლად აუცილებელი საკანონმდებლო ბაზის ცოდნა;

დ)  ინგლისური და რუსული ენების ცოდნა (სასურველი);

ე) ელექტრონული დოკუმენტბრუნვის (EDOC; EFLOW) პროგრამაში მუშაობის  გამოცდილება (სასურველი).

2. ადმინისტრაციული სამმართველოს არქივარიუსის ვაკანტური თანამდებობის დასაკავებლად კანდიდატებისათვის დადგენილია შემდეგი საკონკურსო თემატიკა:

ა) საქართველოს კონსტიტუცია (II თავი);

ბ) საქართველოს ადმინისტრაციული კოდექსი (III და IV თავები);

გ)  „საჯარო სამსახურის შესახებ“ საქართველოს კანონი;

დ) ,,პერსონალურ მონაცემთა დაცვის შესახებ“ საქართველოს კანონი;

ე),,არასაპატიმრო სასჯელთა აღსრულების წესისა და პრობაციის შესახებ” საქართველოს კანონი;

ვ) ,,ეროვნული საარქივო ფონდისა და ეროვნული არქივის შესახებ“ საქართველოს კანონი.

ზ) ,,საქართველოს სასჯელაღსრულებისა და პრობაციის სამინისტროს მმართველობის სფეროში მოქმედი საჯარო სამართლის იურიდიული პირის _ არასაპატიმრო სასჯელთა აღსრულებისა და პრობაციის ეროვნული სააგენტოს დებულების დამტკიცების თაობაზე“ საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2009 წლის 29 დეკემბრის №903 ბრძანება;

თ) ,,თავისუფლების შეზღუდვის დაწესებულების ტიპური დებულების დამტკიცების შესახებ“ საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2013 წლის 30 დეკემბრის №373 ბრძანება;

ი) ,,დაწესებულებათა არქივების მუშაობის წესების შესახებ“ საქართველოს იუსტიციის მინისტრის 2007 წლის 15 ივნისის № 174 ბრძანება.“.

2. მე-16 მუხლის პირველი პუნქტის ,,ბ“ ქვეპუნქტი ჩამოყალიბდეს შემდეგი რედაქციით:

,,ბ) მუშაობის არანაკლებ 2 წლიანი გამოცდილება. უპირატესობა მიენიჭება კონტროლის/მონიტორინგის ან/და ანალიტიკური საქმიანობის სფეროში მუშაობის გამოცდილებას;“.