დეპოზიტების დაზღვევის სისტემის შემუშავებასთან დაკავშირებით, უწყებათშორისი სამუშაო ჯგუფის შექმნის შესახებ

საქართველოს მთავრობის

განკარგულება №33

2015 წლის 16 იანვარი

ქ. თბილისი

დეპოზიტების დაზღვევის სისტემის შემუშავებასთან დაკავშირებით, უწყებათშორისი სამუშაო ჯგუფის შექმნის შესახებ

    1. „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-5 მუხლის „თ“ და „ი“ ქვეპუნქტების საფუძველზე, დეპოზიტების დაზღვევის სისტემის შემუშავების მიზნით, შეიქმნას უწყებათშორისი სამუშაო ჯგუფი (შემდგომში - სამუშაო ჯგუფი) შემდეგი შემადგენლობით:

 

ნოდარ ხადური	-	საქართველოს ფინანსთა მინისტრი, სამუშაო ჯგუფის თავმჯდომარე;
გიორგი კვირიკაშვილი	-	ვიცე-პრემიერი, საქართველოს ეკონომიკისა და მდგრადი განვითარების მინისტრი, სამუშაო ჯგუფის თანათავმჯდომარე;
გიორგი გახარია	-	საქართველოს პრემიერ-მინისტრის თანაშემწე ეკონომიკურ საკითხებში - ეკონომიკური საბჭოს მდივანი, სამუშაო ჯგუფის წევრი;
გიორგი ქადაგიძე	-	საქართველოს ეროვნული ბანკის პრეზიდენტი, სამუშაო ჯგუფის წევრი;
დავით ლეჟავა	-	საქართველოს ფინანსთა მინისტრის მოადგილე, სამუშაო ჯგუფის წევრი;
ოთარ ნადარაია	-	საქართველოს ეროვნული ბანკის ვიცე - პრეზიდენტი, სამუშაო ჯგუფის წევრი;
ირმა ქავთარაძე	-	საქართველოს ეკონომიკისა და მდგრადი         განვითარების მინისტრის მოდგილე, სამუშაო ჯგუფის წევრი;
ლალი ღოღობერიძე	-	საქართველოს ეკონომიკისა და მდგრადი განვითრების სამინისტროს ეკონომიკური ანალიზისა და პოლიტიკის დეპარტამენტის უფროსი, სამუშაო ჯგუფის წევრი.

 

    2. სამუშაო ჯგუფმა, საქართველოს კანონმდებლობით დადგენილი წესით, საქართველოს მთავრობისთვის წარსადგენად მოამზადოს:

   ა) საქართველოში დეპოზიტების დაზღვევის სისტემის დანერგვის სამოქმედო გეგმა - არა უგვიანეს 2015 წლის პირველი ივნისისა;

   ბ) დეპოზიტების დაზღვევის შესახებ საქართველოს კანონის პროექტი - არა უგვიანეს 2015 წლის 30 ნოემბრისა.

   3. საქართველოს ფინანსთა სამინისტრომ უზრუნველყოს დეპოზიტების დაზღვევის სისტემის შემუშავებასთან დაკავშირებით სამუშაო ჯგუფის კოორდინაცია.

 

პრემიერ-მინისტრი              ირაკლი ღარიბაშვილი