„საქართველოს სასჯელაღსრულებისა და პრობაციის სამინისტროს საინფორმაციო ტექნოლოგიების დეპარტამენტის ვაკანტური თანამდებობების დასაკავებლად კანდიდატებისათვის დამატებითი საკვალიფიკაციო მოთხოვნებისა და საკონკურსო თემატიკის დამტკიცების თაობაზე“ საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2013 წლის 11 ნოემბრის №287 ბრძანებაში ცვლილების შეტანის შესახებ

1. პირველი მუხლის პირველი პუნქტი ჩამოყალიბდეს შემდეგი რედაქციით:

„1. საინფორმაციო ტექნოლოგიების დეპარტამენტის უფროსის ვაკანტური თანამდებობის დასაკავებლად კანდიდატებისათვის დადგენილია შემდეგი საკვალიფიკაციო მოთხოვნები:

ა) უმაღლესი განათლება (მაგისტრის ან დოქტორის აკადემიურ ხარისხს მიენიჭება უპირატესობა);

ბ) საინფორმაციო ტექნოლოგიების მიმართულებით მუშაობის არანაკლებ 5 წლიანი გამოცდილება;

გ)  მენეჯერულ პოზიციაზე მუშაობის გამოცდილებას მიენიჭება უპირატესობა;

დ) NET ტექნოლოგიების ცოდნა;

ე) ინფორმაციის შენახვისა და საკომუნიკაციო ტექნოლოგიების ცოდნა;

ვ) ITIL COBIT სერტიფიკატების ფლობა (სასურველია);

ზ) უცხო ენის ცოდნა;

თ) ტრენინგებში, ადგილობრივ ან საერთაშორისო კონფერენციებსა და სემინარებში მონაწილეობა (სასურველია).“.

2. მე-2 მუხლის:

ა)  პირველი პუნქტის „ლ“ ქვეპუნქტი ამოღებულ იქნეს.

ბ) მე-2 პუნქტის „გ“ ქვეპუნქტი ამოღებულ იქნეს.

3. მე-3 მუხლის პირველი პუნქტის „ლ“ ქვეპუნქტი ამოღებულ იქნეს.

4.  მე-4 მუხლის პირველი პუნქტის „ლ“ ქვეპუნქტი ამოღებულ იქნეს.

5.  მე-5 მუხლის პირველი პუნქტის „კ“ ქვეპუნქტი ამოღებულ იქნეს.