ახმეტის მუნიციპალიტეტის ქონების პრივატიზების, სარგებლობისა და მართვის უფლებებით გადაცემის, საწყისი საპრივატიზებო საფასურის, ქირის საფასურის, ქირის საწყისი საფასურის განსაზღვრის და ანგარიშსწორების წესის დამტკიცების შესახებ

ახმეტის მუნიციპალიტეტის ქონების პრივატიზების, სარგებლობისა და მართვის უფლებებით გადაცემის, საწყისი საპრივატიზებო საფასურის, ქირის საფასურის, ქირის საწყისი საფასურის განსაზღვრის და ანგარიშსწორების წესის დამტკიცების შესახებ ახმეტის მუნიციპალიტეტის საკრებულოს  დადგენილება №6 2015 წლის 27 იანვარი ქ. ახმეტა ახმეტის მუნიციპალიტეტის ქონების პრივატიზების, სარგებლობისა და მართვის უფლებებით გადაცემის, საწყისი საპრივატიზებო საფასურის, ქირის საფასურის, ქირის საწყისი საფასურის განსაზღვრის და ანგარიშსწორების წესის დამტკიცების შესახებ საქართველოს ორგანული კანონის „ადგილობრივი თვითმმართველობის კოდექსი“ 24-ე მუხლის პირველი პუნქტის „ე.გ.“ ქვეპუნქტის, ,,ნორმატიული აქტების შესახებ“ საქართველოს კანონის 25-ე მუხლის პირველი პუნქტის ,,ბ“ ქვეპუნქტის და საქართველოს მთავრობის 2014 წლის 8 დეკემბრის №669 დადგენილების შესაბამისად, ახმეტის  მუნიციპალიტეტის საკრებულო ადგენს: მუხლი 1🔗 დამტკიცდეს ახმეტის მუნიციპალიტეტის ქონების პრივატიზების, სარგებლობისა და მართვის უფლებებით გადაცემის, საწყისი საპრივატიზებო საფასურის, ქირის საფასურის, ქირის საწყისი  საფასურის განსაზღვრის და ანგარიშსწორების წესი დანართის შესაბამისად. მუხლი 2🔗 დადგენილების ამოქმედებისთანავე ძალადაკარგულად გამოცხადდეს: ,,თვითმმართველი ერთეულის - ახმეტის მუნიციპალიტეტის ქონების აუქციონის ფორმით პრივატიზებისა და სარგებლობის უფლებით გადაცემის შესახებ დებულების დამტკიცების თაობაზე“ ახმეტის მუნიციპალიტეტის საკრებულოს 2011 წლის  5 აგვისტოს  №22 დადგენილება (www. matsne.gov.ge, 16/08 /2011, 040110030.35.162.016046). მუხლი 3🔗 დადგენილება ძალაშია გამოქვეყნებისთანავე. ახმეტის მუნიციპალიტეტის საკრებულოს თავმჯდომარეგელა ჯუგაშვილი დანართი ახმეტის მუნიციპალიტეტის ქონების პრივატიზების, სარგებლობისა და მართვის უფლებებით გადაცემის, საწყისი საპრივატიზებო საფასურის, ქირის საფასურის, ქირის საწყისი საფასურის განსაზღვრის და ანგარიშსწორების წესი თავი I ზოგადი დებულებები მუხლი 1🔗. ზოგადი დებულებები 1. ეს წესი განსაზღვრავს ახმეტის მუნიციპალიტეტის ქონების პრივატიზების, სარგებლობისა და მართვის უფლებებით გადაცემის, საწყისი საპრივატიზებო საფასურის, ქირის საფასურის, ქირის საწყისი საფასურის განსაზღვრის და ანგარიშსწორების წესებს. 2. წესში გამოყენებულ ტერმინებს აქვს შემდეგი მნიშვნელობა: ა)  მუნიციპალიტეტის  ქონების  მმართველი  -­  მუნიციპალიტეტის  აღმასრულებელი  ორგანო. ბ) მუნიციპალიტეტის აღმასრულებელი ორგანო - ­ გამგებელი. გ) მუნიციპალიტეტის ქონების შემძენი - ­ მუნიციპალიტეტის ქონების (გარდა მუნიციპალიტეტის    საკუთრებაში   არსებული   სასოფლო­სამეურნეო   დანიშნულების   მიწის   ნაკვეთისა)   პრივატიზების პროცესში მონაწილეობის უფლების მქონე ფიზიკური პირი ან კერძო სამართლის იურიდიული პირი ან ასეთ პირთა გაერთიანება, რომლის ქონებაშიც მუნიციპალიტეტის ან საქართველოს სახელმწიფო ხელისუფლების ორგანოს მონაწილეობის წილი 25 პროცენტზე ნაკლებია, ხოლო მუნიციპალიტეტის საკუთრებაში არსებული სასოფლო­სამეურნეო დანიშნულების მიწის ნაკვეთის პრივატიზებისას ­ კანონით განსაზღვრული პირი; დ) განკარგვა − მუნიციპალიტეტის ქონების პრივატიზება, სარგებლობის უფლებით გადაცემა, მართვის უფლებით გადაცემა ან სახელმწიფოსთვის საკუთრებაში უსასყიდლოდ გადაცემა; ე)  პრივატიზება−მუნიციპალიტეტის  ქონების ფიზიკური ან/და  იურიდიული  პირისთვის საკუთრებაში გადაცემა, საქართველოს ორგანული კანონით „ადგილობრივი თვითმმართველობის კოდექსით“ (შემდგომში ­ კოდექსი) დადგენილი ფორმითა და წესით; ვ) სარგებლობის უფლებით გადაცემა − მუნიციპალიტეტის ქონების ფიზიკური, საჯარო ან/და კერძო      სამართლის იურიდიული პირისთვის სარგებლობის უფლებით გადაცემა, კოდექსით დადგენილი წესით; ზ) მართვის უფლებით გადაცემა − მუნიციპალიტეტის საკუთრებაში არსებული წილებისა და აქციების ფიზიკური ან/და იურიდიული პირისთვის გადაცემა, კოდექსით დადგენილი წესით; თ) მუნიციპალიტეტის ქონების საპრივატიზაციო ობიექტების ნუსხა - ­ მუნიციპალიტეტის საკრებულოს მიერ დამტკიცებული მუნიციპალიტეტის ქონების საპრივატიზაციო ობიექტების ჩამონათვალი; ი) პრივატიზაციის გეგმა - ­ მუნიციპალიტეტის საკრებულოს მიერ დამტკიცებული, მუნიციპალიტეტის ქონების საპრივატიზაციო ობიექტების ნუსხის საფუძველზე შედგენილი გეგმა, რომელიც შეიცავს ინფორმაციას  მუნიციპალიტეტის  ქონების  საპრივატიზაციო ობიექტის  დასახელების,  მდებარეობის, საწყისი საპრივატიზებო საფასურის, აუქციონის ფორმის (უპირობო ან პირობებიანი), აუქციონის შემდგომ მუნიციპალიტეტის შეძენილი ქონების სრული ღირებულების გადახდის სავარაუდო პერიოდის ან/და პერიოდულობის შესახებ; კ)  წარმომადგენელი  (რწმუნებული) – ფიზიკური ან იურიდიული პირი, რომელიც უზრუნველყოფს მუნიციპალიტეტის  ქონების შემძენის,  სარგებლობის  ან  მართვის  უფლებით მიმღების მოძიებას  და პრივატიზების, სარგებლობის ან მართვის უფლებით გადაცემის ინიცირების გზით, მუნიციპალიტეტის ქონების  პრივატიზების,  სარგებლობის  ან  მართვის  უფლებით  გადაცემის  ხელშეწყობას,  რომელიც თავის უფლებამოსილებას ახორციელებს მუნიციპალიტეტის აღმასრულებელ ორგანოსთან გაფორმებული ხელშეკრულების საფუძველზე. წარმომადგენელი (რწმუნებული), საჭიროების შემთხვევაში,  ამზადებს  საკადასტრო აზომვით  ნახაზებს,  ხოლო აუქციონის ფორმით მუნიციპალიტეტის ქონების პრივატიზების, სარგებლობის ან მართვის უფლებით გადაცემისას ­ აუქციონის ორგანიზებას, ამ წესით დადგენილი წესით; ლ)   უპირობო   აუქციონი  - ­  აუქციონი,   რომლის   შედეგადაც   საკუთრების/სარგებლობის   უფლება  მიენიჭება  აუქციონში  მონაწილე  იმ  პირს,  რომელიც  ვაჭრობის  პროცესში  აუქციონატორს ყველაზე მაღალ ფასს შესთავაზებს; მ) პირობებიანი აუქციონი - ­ აუქციონი, რომლის შედეგადაც საკუთრების/სარგებლობის უფლება მიენიჭება აუქციონში მონაწილე იმ პირს, რომელიც აიღებს ვალდებულებას, დააკმაყოფილოს გამოცხადებული პირობები და ვაჭრობის პროცესში აუქციონატორს ყველაზე მაღალ ფასს შესთავაზებს; ნ)  ვადაგაგრძელებული  აუქციონი - ­ აუქციონი, რომელიც იმართება იმ  შემთხვევაში, თუ არ  მოხდა აუქციონის ფორმით გატანილი მუნიციპალიტეტის ქონების განკარგვა და ამასთან, მუნიციპალიტეტის აღმასრულებელმა  ორგანომ  მიიღო  გადაწყვეტილება,  ამ  ქონების  იმავე  პირობებით ვადაგაგრძელებული აუქციონის ფორმით განკარგვის შესახებ; ო) განმეორებითი აუქციონი - ­ აუქციონი, რომელიც იმართება იმ შემთხვევაში, თუ არ მოხდა აუქციონის ფორმით გატანილი მუნიციპალიტეტის ქონების განკარგვა და ამასთან, მუნიციპალიტეტის აღმასრულებელმა ორგანომ მიიღო გადაწყვეტილება, ამ ქონების შეცვლილი საწყისი საფასურით ან/და პირობებით, აუქციონის ფორმით განკარგვის შესახებ; პ) აუქციონატორი ­ - მუნიციპალიტეტის ქონების მმართველი/წარმომადგენელი (რწმუნებული); ჟ) განაცხადი - ­ აუქციონში მონაწილეობის მსურველის მიერ აუქციონატორისადმი აუქციონში მონაწილეობის სურვილის წერილობითი გამოხატვა, რითაც ადასტურებს, რომ გაეცნო და ეთანხმება აუქციონის წესსა და აუქციონის პირობებს (პირობებიანი აუქციონის შემთხვევაში). განაცხადში აღინიშნება ინფორმაცია აუქციონის მონაწილის შესახებ, მუნიციპალიტეტის ქონების დასახელება, ლოტის ნომერი, საფასური და სხვა ინფორმაცია; რ) უპირობო  და გამოუხმობი საბანკო გარანტია - ­ აუქციონში მონაწილეობის მისაღებად აუქციონში მონაწილეობის მსურველის მიერ წარსადგენი წინასწარ განსაზღვრული ოდენობის უპირობო და გამოუხმობი საბანკო გარანტია; ს) ბე - ­ აუქციონში მონაწილეობის მისაღებად აუქციონატორის მიერ მითითებულ ანგარიშზე აუქციონში მონაწილეობის მსურველის მიერ გადასახდელი თანხა; ბეს გადახდას უთანაბრდება აუქციონში მონაწილეობის მსურველის საბანკო ანგარიშზე არსებული თანხის გაყინვა, რომელიც აუქციონატორს გადაერიცხება აუქციონის მონაწილის აუქციონში გამარჯვებისთანავე ან კოდექსითა და ამ წესით დადგენილი წესისა და პირობების დარღვევის შემთხვევაში; ტ)  წილები  და  აქციები  -­  შესაბამის მარეგისტრირებელ ორგანოში  მუნიციპალიტეტის  საკუთრებად რეგისტრირებული წილები და აქციები; უ) უპირობო და გამოუხმობი საბანკო გარანტიის გააქტიურება - ელექტრონულად ­ საბანკო დაწესებულების მიერ გაცემული ელექტრონული საბანკო გარანტიის ამოქმედება, რომლის რეგისტრაციის  ნომრისა  და PIN  კოდის  წარდგენის შემდეგ, მომხმარებელი  ავტომატურად ერთვება ვაჭრობაში; ფ) ლოტი - ­ აუქციონის ფორმით განსაკარგად გატანილი მუნიციპალიტეტის ქონება. ერთ ლოტში შესაძლებელია, გაერთიანდეს მუნიციპალიტეტის რამდენიმე ქონება; ქ) მომხმარებელი ­ - შესაბამის ვებგვერდზე დარეგისტრირებული ელექტრონულ აუქციონში მონაწილეობის მსურველი; ღ) საგარანტიო თანხა - ­ მუნიციპალიტეტის აღმასრულებელი ორგანოს მიერ, ელექტრონულ აუქციონში მონაწილედ დარეგისტრირების უზრუნველსაყოფად, მუნიციპალიტეტის ქონების ელექტრონულ აუქციონზე გატანის მიზნით, მუნიციპალიტეტის ქონების შეძენით დაინტერესებული პირისათვის მოთხოვნილი თანხა. მუხლი 2🔗. ახმეტის მუნიციპალიტეტის ქონების პრივატიზების, სარგებლობისა და მართვის უფლებებით გადაცემასთან დაკავშირებული დავების გადაწყვეტის წესი 1. ახმეტის  მუნიციპალიტეტის ქონების პრივატიზების, სარგებლობისა და მართვის უფლებებით გადაცემასთან დაკავშირებული დავები განიხილება მოქმედი კანონმდებლობით დადგენილი წესით. 2. მუნიციპალიტეტის პრივატიზებულ ქონებასთან დაკავშირებული სადავო საკითხის სასარჩელო ხანდაზმულობის ვადაა 3 წელი. თავი II ელექტრონული აუქციონი მუხლი 3🔗. ელექტრონული აუქციონის ფორმით ახმეტის მუნიციპალიტეტის ქონების პრივატიზება 1. ელექტრონული აუქციონის ფორმით ახმეტის  მუნიციპალიტეტის ქონების პრივატიზების შესახებ გადაწყვეტილებას იღებს ახმეტის მუნიციპალიტეტის გამგებელი, საკრებულოს მიერ დამტკიცებული ახმეტის მუნიციპალიტეტის ქონების საპრივატიზაციო ობიექტების ნუსხის მიხედვით, ახმეტის  მუნიციპალიტეტის საკრებულოს მიერ დამტკიცებული პრივატიზაციის გეგმის შესაბამისად. 2. ელექტრონული აუქციონის ფორმით ახმეტის  მუნიციპალიტეტის ქონების პრივატიზება შეიძლება განხორციელდეს უპირობოდ ან პირობებით. უპირობო ელექტრონული აუქციონისას, ახმეტის მუნიციპალიტეტის ქონების შემძენის ვალდებულებას წარმოადგენს ახმეტის მუნიციპალიტეტის შეძენილი ქონების სრული ღირებულების გადახდა, ხოლო პირობებიანი ელექტრონული აუქციონისას, ახმეტის მუნიციპალიტეტის ქონების შემძენის ვალდებულებას წარმოადგენს შეძენილი ქონების სრული ღირებულების გადახდა და ახმეტის მუნიციპალიტეტის  გამგეობის მიერ განსაზღვრული ელექტრონული აუქციონის პირობების შესრულება. 3.   ელექტრონული   აუქციონის   ფორმით  ახმეტის მუნიციპალიტეტის   ქონების   პრივატიზების   მიზანია, საკუთრების  უფლება  მიენიჭოს ელექტრონულ აუქციონში  მონაწილე  იმ  პირს,  რომელიც ვაჭრობის პროცესში  აუქციონატორს ყველაზე მაღალ  ფასს შესთავაზებს, ხოლო თუ ელექტრონული აუქციონი გამოცხადდა  პირობებით -  საკუთრების  უფლება  მიენიჭოს ელექტრონულ აუქციონში მონაწილე იმ პირს,  რომელიც აიღებს ვალდებულებას,  დააკმაყოფილოს  გამოცხადებული პირობები და ვაჭრობის პროცესში აუქციონატორს ყველაზე მაღალ ფასს შესთავაზებს. 4. ელექტრონული აუქციონის ფორმით ახმეტის მუნიციპალიტეტის ქონების პრივატიზებას უზრუნველყოფს აუქციონატორი. 5. ელექტრონული   აუქციონის   ფორმით  ახმეტის მუნიციპალიტეტის   ქონების   პრივატიზებისას  საწყისი საპრივატიზებო საფასური განისაზღვრება ამ წესის მე­-6 თავის შესაბამისად. 6. ელექტრონული აუქციონის ფორმით ახმეტის მუნიციპალიტეტის ქონების (გარდა ახმეტის მუნიციპალიტეტის საკუთრებაში არსებული სასოფლო­-სამეურნეო დანიშნულების მიწის ნაკვეთისა) პრივატიზებისას  ახმეტის მუნიციპალიტეტის ქონების შემძენი შეიძლება იყოს ამ წესის პირველი მუხლის მე-2 პუნქტის „გ“ ქვეპუნქტით განსაზღვრული პირი ან პირთა გაერთიანება, ხოლო ახმეტის მუნიციპალიტეტის საკუთრებაში არსებული სასოფლო­-სამეურნეო დანიშნულების მიწის ნაკვეთის პრივატიზებისას ­- კანონით განსაზღვრული პირი. 7. ელექტრონული აუქციონის ფორმით ახმეტის მუნიციპალიტეტის ქონების პრივატიზებისას ელექტრონული აუქციონი ცხადდება აუქციონატორის მიერ. 8.  ელექტრონული  აუქციონის  ჩატარებამდე  ინფორმაცია  ელექტრონულ  აუქციონში  მონაწილეობის მსურველთა შესახებ (მათ შორის, ელექტრონულ აუქციონში მონაწილეობის მსურველთა რაოდენობის შესახებ) კონფიდენციალურია. მუხლი 4🔗. ელექტრონული აუქციონის ჩატარების ორგანიზება 1. ელექტრონული აუქციონის ჩატარების ორგანიზებას ახორციელებს აუქციონატორი. 2. ახმეტის მუნიციპალიტეტის გამგებელი უფლებამოსილია, ახმეტის მუნიციპალიტეტის ქონების შეძენით დაინტერესებულ პირს, ახმეტის მუნიციპალიტეტის ქონების ელექტრონულ აუქციონზე გატანის მიზნით, მოსთხოვოს ამ ქონების საწყისი საპრივატიზებო საფასურის არანაკლებ 10%-­ის ოდენობის საგარანტიო თანხა (ელექტრონულ აუქციონში მონაწილედ დარეგისტრირების უზრუნველსაყოფად), რომლის წარდგენაც შეიძლება განხორციელდეს საბანკო გარანტიის ან უნაღდო ანგარიშსწორების ფორმით. ამ პუნქტით გათვალისწინებული საბანკო გარანტიის მოქმედების ვადა არანაკლებ 10 დღით უნდა აღემატებოდეს ელექტრონული აუქციონის დასრულების ვადას. 3. თუ ამ მუხლის მე­-2 პუნქტით გათვალისწინებული საბანკო გარანტიის მოქმედების ვადა 15 კალენდარული დღით აღემატება ახმეტის მუნიციპალიტეტის შეძენილი ქონების სრული ღირებულების გადახდის ვადას, მაშინ შეიძლება, მისი ან ამ მუხლის მე­-2 პუნქტით გათვალისწინებული უნაღდო ანგარიშსწორების ფორმით გადახდილი საგარანტიო თანხის გამოყენება, ახმეტის მუნიციპალიტეტის ქონების შემძენის თანხმობით, ამ მუხლის მე-­6 პუნქტის „ე“ ქვეპუნქტით გათვალისწინებული მიზნისათვის, გარდა იმ შემთხვევისა, როდესაც უპირობო და გამოუხმობი საბანკო გარანტიის წარდგენა ხორციელდება გააქტიურებით (ელექტრონულად). 4. თუ ახმეტის მუნიციპალიტეტის ქონების შეძენით დაინტერესებულმა პირმა არ უზრუნველყო ელექტრონულ აუქციონში მონაწილედ დარეგისტრირება, მაგრამ ამის მიუხედავად ელექტრონული აუქციონი შედგა, ამ მუხლის მე-­2  პუნქტის საფუძველზე წარდგენილი საგარანტიო თანხა უბრუნდება მის წარმდგენს, მოთხოვნიდან 10 სამუშაო დღის ვადაში. 5. აუქციონატორი, ელექტრონული აუქციონის ფორმით ახმეტის მუნიციპალიტეტის ქონების პრივატიზებისას, ელექტრონული აუქციონის ფორმით ახმეტის მუნიციპალიტეტის ქონების პრივატიზების შესახებ ინფორმაციას აქვეყნებს თავის ვებგვერდზე www.myakhmeta.ge და ვებგვერდზე www.eauction.ge. 6. ამ მუხლის მე-­5 პუნქტით გათვალისწინებული ინფორმაცია უნდა შეიცავდეს შემდეგ მონაცემებს: ა) აუქციონატორის დასახელებას; ბ) საპრივატიზაციო ობიექტის დასახელებას; გ)  ელექტრონული  აუქციონის  დაწყების  და  დასრულების  დროს,  რომელიც  არ  უნდა  იყოს კალენდარულ 5  დღეზე ნაკლები და 45 კალენდარულ დღეზე მეტი; დ) საპრივატიზაციო ობიექტის საწყის საპრივატიზებო საფასურს;           ე)  უპირობო  და  გამოუხმობი  საბანკო  გარანტიის/ბეს  ოდენობას,  რომელიც  უნდა  შეადგენდეს საპრივატიზაციო ობიექტის საწყისი საპრივატიზებო საფასურის არანაკლებ 10%­ს და არა უმეტეს 80%­ ს. უპირობო და გამოუხმობი საბანკო გარანტიის მოქმედების ვადა არანაკლებ 15 კალენდარული დღით უნდა აღემატებოდეს ახმეტის მუნიციპალიტეტის შეძენილი ქონების სრული ღირებულების გადახდის ვადას; ვ) ელექტრონული აუქციონის ჩატარების წესს; ზ) ელექტრონული აუქციონის პირობებს (პირობებიანი ელექტრონული აუქციონის შემთხვევაში); თ) ბიჯის სიდიდეს; ი) აუქციონატორის საკონტაქტო ინფორმაციას; კ) ახმეტის მუნიციპალიტეტის ქონებასთან დაკავშირებულ სხვა ინფორმაციას. 7. აქციების ან წილების პრივატიზების შემთხვევაში, ამ მუხლის მე­-5 პუნქტით გათვალისწინებული ინფორმაცია, ამ მუხლის მე-­6 პუნქტით გათვალისწინებული მონაცემების გარდა, დამატებით, უნდა შეიცავდეს შემდეგ მონაცემებს: ა) იურიდიული პირის იურიდიულ მისამართს და საიდენტიფიკაციო ნომერს; ბ) გამოშვებული აქციების საერთო რაოდენობას; გ) ერთი აქციის ნომინალურ ღირებულებას; დ) აქციების ან წილების საწყის საპრივატიზებო საფასურს და წილს კაპიტალში; ე) ამონაწერს მეწარმეთა და არასამეწარმეო (არაკომერციული) იურიდიული პირების რეესტრიდან. 8. ახმეტის მუნიციპალიტეტის ქონების შემძენს უფლება აქვს, მიიღოს ახმეტის მუნიციპალიტეტის ქონების საპრივატიზაციო ობიექტის შესახებ აუქციონატორის ხელთ არსებული, კანონმდებლობით დაშვებული, ნებისმიერი ინფორმაცია. 9.  ამ  მუხლის  მე­-5 პუნქტით  გათვალისწინებული  ინფორმაციის  გამოქვეყნების  შემდეგ,  ყველა დაინტერესებულ პირს უფლება აქვს, წინასწარ გაეცნოს ახმეტის მუნიციპალიტეტის საპრივატიზაციო ობიექტს. 10. იმ შემთხვევაში, როდესაც ახმეტის მუნიციპალიტეტის გამგებელი  ელექტრონული აუქციონის ორგანიზატორის ფუნქციებს გადასცემს წარმომადგენელს  (რწმუნებული), მათ შორის იდება ხელშეკ­რულება, რომელშიც გათვალისწინებული უნდა იყოს: ა) ახმეტის მუნიციპალიტეტის საპრივატიზაციო ობიექტის საწყისი საპრივატიზებო საფასური; ბ) ელექტრონული აუქციონის ჩატარების ვადა; გ) ახმეტის მუნიციპალიტეტის საკრებულოს მიერ დადგენილ ფარგლებში, განსაზღვრული წარმომადგენელის (რწმუნებული) ავანსის ან/და მომსახურების ანაზღაურების ოდენობა და მისი გაცემის წესი; დ) ურთიერთვალდებულებანი და მხარეთა პასუხისმგებლობა ხელშეკრულების დარღვევისათვის; ე) ახმეტის მუნიციპალიტეტის ქონებასთან დაკავშირებული სხვა ინფორმაცია. მუხლი 5🔗. ელექტრონულ აუქციონში მონაწილეობის პირობები 1. ელექტრონული   აუქციონი   ტარდება   მისი   გამოცხადების   დღიდან   აუქციონატორის   მიერ განსაზღვრულ  ვადაში,  ამ  წესის  მე-­4  მუხლის  მე­-6  პუნქტის  „გ“  ქვეპუნქტის  გათვალისწინებით, რომლის  განმავლობაშიც,  დაინტერესებულ  პირებს,  რომლებიც  ამ  მუხლის  მე­-2  ­  მე-­4  პუნქტების შესაბამისად, გაივლიან რეგისტრაციას ელექტრონულად, საშუალება ეძლევათ, გააკეთონ სასურველი ფასის შეთავაზება, საწყის საპრივატიზებო საფასურზე დამატებით. 2. ელექტრონულ აუქციონში მონაწილეობის მისაღებად სავალდებულოა: ა)   შესაბამის   ვებგვერდზე   დარეგისტრირება (რეგისტრირდებიან   როგორც   ფიზიკური,   ასევე,  იურიდიული პირები); ბ) რეგისტრაციის დროს ელექტრონული აუქციონის წესების და აუქციონის პირობების (პირობებიანი აუქციონის შემთხვევაში) გაცნობა და მათზე თანხმობის გაცხადება; გ) „ინტერნეტ  ბანკინგის“  საშუალებით  ან  საბანკო  დაწესებულების  მეშვეობით,  ბეს  გადახდა ან უპირობო და გამოუხმობი საბანკო გარანტიის წარდგენა/გააქტიურება (ელექტრონულად). 3.  ელექტრონულ  აუქციონში  მონაწილეობის  მსურველმა,  რომელსაც  სურს,  მონაწილეობა  მიიღოს ახმეტის  მუნიციპალიტეტის  რამდენიმე  ლოტის  პრივატიზებისთვის  მოწყობილ  ელექტრონულ აუქციონში, უპირობო და გამოუხმობი საბანკო გარანტია უნდა წარადგინოს/გაააქტიუროს (ელექტრონულად) ან ბე უნდა გადაიხადოს ახმეტის მუნიციპალიტეტის თითოეული საპრივატიზაციო ობიექტისათვის ცალ­ცალკე. 4.  ელექტრონულ  აუქციონში  მონაწილეობის  მსურველს  შეიძლება  უარი  ეთქვას  ელექტრონულ აუქციონში მონაწილეობაზე, თუ: ა) ელექტრონულ აუქციონში მონაწილეობის მსურველი, მოქმედი კანონმდებლობის შესაბამისად, არ შეიძლება ცნობილ იქნეს ახმეტის მუნიციპალიტეტის ქონების შემძენად; ბ) დარღვეულია ამ მუხლის პირველი, მე­-2 ან/და მე-­3 პუნქტის მოთხოვნები. მუხლი 6🔗. ელექტრონული აუქციონის ჩატარების წესი 1. ელექტრონულ     აუქციონში     მონაწილეობის     მსურველი,     ელექტრონულ     აუქციონში მონაწილეობისთვის,  რეგისტრირდება  შესაბამის ვებგვერდზე,  ამ  წესის მე­-5  მუხლის  მე-2  პუნქტის შესაბამისად, რის შემდეგაც ელექტრონულ აუქციონში მონაწილეობის მსურველს ენიჭება ელექტრონულ აუქციონში მონაწილის სტატუსი. 2. ელექტრონული აუქციონი ტარდება ონლაინრეჟიმში. 3. ელექტრონული აუქციონის ვაჭრობის დროს ფასის მატება ჩანს ონლაინრეჟიმში. 4.  ელექტრონული  აუქციონის  დასაწყისად ითვლება  მისი  eauction.ge -ზე  გამოცხადების მომენტი. 5. ელექტრონულ აუქციონში მონაწილე პირს, რომელსაც სურს საწყისი საპრივატიზებო საფასურიდან დაიწყოს  ვაჭრობა,  ონლაინრეჟიმში  ამატებს ფასს  (რაც ნიშნავს საწყის საპრივატიზებო  საფასურზე ბიჯის  დამატებას),  რომელიც,  ასევე,  ფიქსირდება  ონლაინრეჟიმში.  ვაჭრობა  გრძელდება, მანამ სანამ რომელიმე  მონაწილე არ  დააფიქსირებს  ყველაზე მაღალ  ფასს. ახმეტის მუნიციპალიტეტის ქონება ითვლება გაყიდულად ელექტრონული აუქციონის იმ მონაწილეზე, რომლის მიერაც, ონლაინ რეჟიმში, ვაჭრობის დასრულების მომენტისთვის, შეთავაზებული იქნება ყველაზე მაღალი ფასი. 6.  თუ  ელექტრონული  აუქციონის  დასრულებამდე (მითითებული  უნდა  იყოს  ელექტრონული აუქციონის დასრულების ზუსტი დრო) ბოლო  5  წუთის განმავლობაში შეთავაზებული იქნება ახალი ფასი,  მაშინ  ფასის  შეთავაზების  დრო  გაგრძელდება  დასრულების  მითითებული  მომენტიდან  5 წუთით. თუ ამ დროის განმავლობაში შეთავაზებული იქნება ახალი ფასი, დრო კიდევ გაგრძელდება 5 წუთით, სანამ არ  დაფიქსირდება  საბოლოო თანხა. მაგრამ, თუ დამატებული დროის განმავლობაში ახალი  ფასი  არ  იქნება  შეთავაზებული,  ელექტრონულ აუქციონში  გამარჯვებულად  გამოცხადდება საბოლოო ფასის შემთავაზებელი პირი. 7.  ელექტრონული  აუქციონის გამოცხადებიდან  (დაწყებიდან) მის  დასრულებამდე  (არა  უგვიანეს  2 წუთისა) ნებისმიერ დროს მონაწილეს შეუძლია, გადაიხადოს ბე ან წარადგინოს/გაააქტიუროს (ელექტრონულად)  უპირობო  და  გამოუხმობი  საბანკო  გარანტია.  ბეს  გადახდა  შესაძლებელია  უნაღდო ანგარიშსწორებით. 8.  ვაჭრობის  დასრულებისას,  გამარჯვებულსა  და  ელექტრონული  აუქციონის  სხვა  მონაწილეებს, ელექტრონული გზით, გაეგზავნებათ ინფორმაცია ელექტრონული აუქციონის შედეგების შესახებ, რაც ჩაითვლება ოფიციალურ შეტყობინებად. 9.  ელექტრონულ  აუქციონში  გამარჯვებულს,  ელექტრონული  გზით,  ეცნობება  მუნიციპალიტეტის შეძენილი  ქონების  სრული  ღირებულების  სრულად  გადახდის  თარიღი  და ახმეტის მუნიციპალიტეტის შეძენილი ქონების გადაცემის პირობები, რაც ჩაითვლება ოფიციალურ შეტყობინებად. 10.   თუ   ელექტრონული   აუქციონი   არ   შედგა   იმ   მიზეზით,   რომ   ელექტრონულ   აუქციონში რეგისტრირებული  პირები,  რომლებმაც  ამ  წესის  მე­-4 მუხლის  მე-­6 პუნქტის „ე“  ქვეპუნქტის შესაბამისად, გადაიხადეს ბე ან წარადგინეს/გაააქტიურეს (ელექტრონულად) უპირობო და გამოუხმობი საბანკო გარანტია, არ მიიღებენ მონაწილეობას ვაჭრობაში, ელექტრონული აუქციონის მონაწილეების მიერ, ამ  წესის მე­-4  მუხლის  მე­-6  პუნქტის  „ე“  ქვეპუნქტის საფუძველზე,  გადახდილი  ბე ან წარდ­გენილი/გააქტიურებული  (ელექტრონულად)  უპირობო  და გამოუხმობი საბანკო გარანტია სრულად ირიცხება შესაბამის ბიუჯეტში. 11.  ელექტრონულ  აუქციონში  დამარცხებულ  მონაწილეებს  ბე/უპირობო  და  გამოუხმობი  საბანკო გარანტია დაუბრუნდებათ ელექტრონული აუქციონის დასრულებიდან 10 სამუშაო დღის ვადაში. 12. ელექტრონული აუქციონის შედეგები უქმდება და ელექტრონულ აუქციონში გამარჯვებულის მიერ წარდგენილი/გადახდილი   უპირობო   და  გამოუხმობი  საბანკო  გარანტია/ბე  სრულად   ირიცხება შესაბამის ბიუჯეტში, თუ: ა)  ელექტრონულ  აუქციონში  გამარჯვებულმა  ნასყიდობის  ხელშეკრულების  ხელმოწერაზე  უარი განაცხადა; ბ) ელექტრონულ აუქციონში გამარჯვებულმა, აუქციონატორის მიერ განსაზღვრულ ვადაში, სრულად არ გადაიხადა ახმეტის მუნიციპალიტეტის შეძენილი ქონების სრული ღირებულება. 13. უპირობო და გამოუხმობი საბანკო გარანტია/ბე, აგრეთვე, სრულად ირიცხება შესაბამის ბიუჯეტში, თუ აუქციონის მონაწილემ დაარღვია ელექტრონული აუქციონის კოდექსით და ამ წესით განსაზღვ­ რული წესი ან/და პირობები. მუხლი 7🔗. მხარეთა უფლებები და მოვალეობები 1. აუქციონატორი უფლებამოსილია: ა)  ნებისმიერ  დროს  შეცვალოს  ელექტრონულ  აუქციონში  მონაწილეობის  წესი და ელექტრონული აუქციონის   პირობები (პირობებიანი ელექტრონული აუქციონის  შემთხვევაში); ბ)  შეწყვიტოს  ნებისმიერი  მომსახურება  ტექნიკური  პრობლემის,  რაიმე  შეცდომის,  უზუსტობის, მომხმარებლის   მხრიდან უკანონო მოქმედებების განხორციელების ან სხვა მიზეზების გამო, რომლებმაც შეიძლება ზიანი გამოიწვიოს. გ) შეაჩეროს ან შეწყვიტოს რეგისტრაცია და შესვლა ვებგვერდზე (eauction.ge), თუ ჩათვლის, რომ მომხმარებელი მოქმედებს ამ წესის მოთხოვნათა დარღვევით; დ)   ელექტრონული აუქციონის პროცესში რაიმე დარღვევის აღმოჩენის შემთხვევაში, მიიღოს შესაბამისი ზომები. 2. აუქციონატორის  მიერ  ამ  მუხლის  პირველი  პუნქტის „ა“ ქვეპუნქტით გათვალისწინებული უფლებამოსილების  განხორციელების  შემთხვევაში,  ელექტრონულ  აუქციონში  მონაწილეს,  მისი წერილობითი  მიმართვის  საფუძველზე, 10  სამუშაო  დღის  ვადაში,  უბრუნდება  ბე/უპირობო  და გამოუხმობი  საბანკო  გარანტია,  თუ შეცვლილი წესითა და ელექტრონული აუქციონის პირობებით (პირობებიანი ელექტრონული აუქციონის შემთხვევაში) აღარ სურს ელექტრონულ აუქციონში მონაწილეობა. 3.  აუქციონატორი  ვალდებულია, კანონით დადგენილი  წესით,  გადასცეს ელექტრონულ აუქციონში გამარჯვებულს  საკუთრების უფლება ქონებაზე (ხოლო ვალდებულებების არსებობის შემთხვევაში  -  საკუთრების უფლება ვალდებულებებთან ერთად). 4. ახმეტის მუნიციპალიტეტის ქონების შემძენი უფლებამოსილია: ა) შეიძინოს ახმეტის მუნიციპალიტეტის ქონება; ბ) ნებისმიერ დროს განაახლოს თავისი პირადი მონაცემები. 5. ახმეტის მუნიციპალიტეტის ქონების შემძენი ვალდებულია: ა) დაიცვას ელექტრონულ აუქციონში მონაწილეობის წესები; ბ)  ახმეტის მუნიციპალიტეტის    გამგებლის     მიერ    დადგენილ    ვადაში  გადაიხადოს ახმეტის  მუნიციპალიტეტის  შეძენილი  ქონების  სრული  ღირებულება,  ხოლო პირობებიანი  ელექტრონული აუქციონის შემთხვევაში, დადგენილი წესით დააკმაყოფილოს  გამოცხადებული პირობები. მუხლი 8🔗. ანგარიშსწორება 1. მომხმარებლის მიერ სასურველ ლოტზე ბეს/უპირობო და გამოუხმობი საბანკო გარანტიის გადახდა, ასევე,   ელექტრონულ   აუქციონში   გამარჯვებულის   მიერ  შესაბამის   ლოტზე   ახმეტის მუნიციპალიტეტის შეძენილი ქონების სრული ღირებულების გადახდა შესაძლებელია როგორც საბანკო დაწესებულებაში, ასევე,  საბანკო  პლასტიკური  ბარათის  მეშვეობით.  უპირობო  და  გამოუხმობი  საბანკო  გარანტიის წარდგენა შესაძლებელია როგორც გააქტიურებით (ელექტრონულად), ასევე, წარდგენის საშუალებით. 2.  ელექტრონული აუქციონის შესაბამის ვებგვერდზე მომხმარებლისთვის  ხელმისაწვდომია ლოტის სრული ღირებულების გადახდის, ასევე, ბეს/უპირობო და გამოუხმობი საბანკო გარანტიის გადახდის ფორმები.  აღნიშნული  ფორმები  შეიცავს  ინფორმაციას  გადამხდელის,  ლოტის (ლოტის  სრული ღირებულების  მითითებით)  და  აუქციონატორის  შესახებ,  დასახელების  და ანგარიშის/ანგარიშების ნომრების  მითითებით.  მომხმარებელი  ირჩევს  ერთ­ერთ  ანგარიშს,  ბეჭდავს  შესაბამისი  გადახდის ფორმას და აღნიშნული ფორმის საფუძველზე, საბანკო დაწესებულებაში იხდის შესაბამის თანხას. 3.  საბანკო  პლასტიკური  ბარათით  გადახდის  შემთხვევაში,  მომხმარებლისთვის  ხელმისაწვდომია ლოტის   სრული   ღირებულების,   ასევე,   ბეს/უპირობო   და   გამოუხმობი   საბანკო   გარანტიის ელექტრონული  გადახდის  ფორმები.  აღნიშნული  ფორმები  შეიცავს  ინფორმაციას  გადამხდელის, ლოტის  (ლოტის სრული ღირებულების მითითებით) და  აუქციონატორის შესახებ, დასახელების და ანგარიშის/ანგარიშების (მომხმარებელი   ირჩევს   ერთ­ერთ   ანგარიშს)   ნომრების   მითითებით. მონაცემების  სისწორის  შემთხვევაში,  მომხმარებელი  აჭერს  გადახდის  ღილაკს  და  შესაბამისად, გადადის საბანკო პლასტიკური ბარათის საგადახდო სისტემაში, სადაც ავსებს საბანკო პლასტიკური ბარათის მონაცემებს და ახორციელებს გადახდას. 4. ოპერაციის წარმატებით განხორციელების შემთხვევაში, გადახდის ვებგვერდზე გამოდის შესაბამისი შეტყობინება. 5.  ახმეტის მუნიციპალიტეტის  ქონების  შემძენის  მიერ  გადახდილი   ქონების  სრული ღირებულება ირიცხება  ახმეტის   მუნიციპალიტეტის ბიუჯეტში. მუხლი 9🔗. გარიგებათა გაფორმების წესი 1.  ელექტრონულ  აუქციონში  გამარჯვების  დამადასტურებელი  ოქმი (შემდგომში ­ ოქმი)  არის ადმინისტრაციული ორგანოს დაპირება, რომელიც შეიცავს ახმეტის მუნიციპალიტეტის ქონების პრივატიზების ძირითად პირობებს და მხარეთა უფლება­მოვალეობებს. ოქმის საფუძველზე, 30 კალენდარული დღის ვადაში, ფორმდება ახმეტის მუნიციპალიტეტის ქონების მმართველსა და ახმეტის მუნიციპალიტეტის ქონების შემძენს შორის წერილობითი ნასყიდობის ხელშეკრულება (შემდგომში ­ ხელშეკრულება). 2. ელექტრონულ აუქციონში გამარჯვებული პირი ხელშეკრულების გაფორმებიდან 30 კალენდარული დღის ვადაში, ხოლო პირობებიანი ელექტრონული აუქციონის შემთხვევაში ­ ელექტრონული აუქციონის პირობებით გათვალისწინებულ ვადაში, იხდის ახმეტის   მუნიციპალიტეტის შეძენილი ქონების სრულ ღირებულებას. ახმეტის მუნიციპალიტეტის ქონების შემძენმა ოქმსა და ხელშეკრულებაში მითითებულ საბანკო ანგარიშზე  უნდა  შეიტანოს  თანხა,  რომელიც  შეესატყვისება  მის  მიერ  ელექტრონულ  აუქციონზე დასახელებულ საბოლოო ფასს. 3.  ელექტრონულ  აუქციონში  გამარჯვებულ  პირს  ბე/უპირობო  და  გამოუხმობი  საბანკო  გარანტია ეთვლება საბოლოო ანგარიშსწორებისას. 4. ოქმის მოქმედების პერიოდში შესაბამისი ხელშეკრულებით გათვალისწინებული ახმეტის მუნიციპალიტეტის შეძენილი ქონების სრული ღირებულების სრულად დაფარვამდე, ახმეტის მუნიციპალიტეტის ქონების შემძენს  ქონება  გადაეცემა  პირობადებულ  საკუთრებაში, ამასთან ახმეტის  მუნიციპალიტეტის ქონების შემძენი  პასუხისმგებელია  მიღებული ქონების მოვლა­პატრონობასა და დაცვაზე. 5.  ახმეტის მუნიციპალიტეტის  შეძენილ ქონებაზე საკუთრების  უფლება ახმეტის მუნიციპალიტეტის ქონების შემძენს გადაეცემა შეძენილი ქონების სრული ღირებულების ანაზღაურების შემდეგ, შესაბამისი   საკუთრების   დამადასტურებელი   მოწმობის   გაცემის   მომენტიდან,   ხოლო   პირობებით გამოცხადებული ელექტრონული აუქციონის შემთხვევაში, საკუთრების დამადასტურებელი მოწმობა გაიცემა ელექტრონული აუქციონის პირობების შესრულების შემდეგ. 6. ახმეტის   მუნიციპალიტეტის  ქონების პრივატიზებისას, ახმეტის მუნიციპალიტეტის ქონების შემძენზე საკუთრების უფლება გადადის შეძენილი ქონების სრული ღირებულების სრულად გადახდის, საკუთრების   დამადასტურებელი   მოწმობის   გაცემის და შეძენილი ქონების შესაბამის  მარეგისტრირებელ    ორგანოში    რეგისტრაციის    შემდეგ იმ შემთხვევაში,  თუ ახმეტის მუნიციპალიტეტის ქონების შემძენმა უნდა შეასრულოს ნაკისრი ვალდებულებები, ახმეტის მუნიციპალიტეტის ქონების შემძენზე საკუთრების უფლება გადადის ნაკისრი ვალდებულების შესრულების პირობით. 7. ახმეტის მუნიციპალიტეტის ქონების საკუთრების დამადასტურებელი მოწმობის ფორმას ამტკიცებს ახმეტის მუნიციპალიტეტის საკრებულო, ახმეტის მუნიციპალიტეტის გამგებლის წარდგინებით. მუხლი 10🔗. ახმეტის მუნიციპალიტეტის ქონების შემძენის პასუხისმგებლობა 1.  თუ  ახმეტის მუნიციპალიტეტის  ქონების  შემძენი  უპირობო ელექტრონულ  აუქციონში  გამარჯვებისას, დადგენილ  ვადებში  არ  გადაიხდის ახმეტის  მუნიციპალიტეტის  ქონების  სრულ  ღირებულებას,  მას  არ გადაეცემა საკუთრების უფლება ახმეტის მუნიციპალიტეტის ქონებაზე, ბე/უპირობო და გამოუხმობი საბანკო გარანტია არ დაუბრუნდება და გაწეული ხარჯები არ აუნაზღაურდება. 2. პირობებით გამოცხადებული ელექტრონული აუქციონის შემთხვევაში, ახმეტის მუნიციპალიტეტის ქონების შემძენი  ვალდებულია, ახმეტის  მუნიციპალიტეტის  შეძენილი  ქონების  შემდგომი  გამოყენებისას  დაიცვას ოქმითა  და  ხელშეკრულებით  ნაკისრი  ვალდებულებები  (ელექტრონული  აუქციონის  პირობები), მოქმედი  კანონმდებლობით გათვალისწინებული   მოთხოვნები   და   მოთხოვნისთანავე, მათი შესრულების თაობაზე წარუდგინოს ინფორმაცია ახმეტის   მუნიციპალიტეტის ქონების მმართველს. შესაძლებელია, ოქმითა და ხელშეკრულებით გათვალისწინებულ იქნეს ინფორმაციის წარდგენის სხვა ვადა. 3. ახმეტის მუნიციპალიტეტის ქონების შემძენს ახმეტის მუნიციპალიტეტის შეძენილ ქონებაზე საკუთრების უფლების დადასტურებამდე ახმეტის მუნიციპალიტეტის გამგებელთან შეთანხმების  გარეშე,  არა  აქვს უფლება გადაცემული ქონება საკუთრებაში ან სარგებლობის უფლებით გადასცეს სხვა პირს ან უფლებრივად  დატვირთოს.  ამასთან,  იგი  პასუხისმგებელია ახმეტის  მუნიციპალიტეტის მიღებული ქონების მოვლა­პატრონობასა და დაცვაზე. 4. საკუთრების უფლების გადაცემის შემდეგ, ხელშეკრულების მოქმედების პერიოდში, ახმეტის  მუნიციპალიტეტის   ქონების  შემძენის  მიერ  შეძენილი  ქონების  გასხვისების შემთხვევაში,  ახმეტის მუნიციპალიტეტის  ქონების  შემძენი  ვალდებულია, ქონება  ახალ მესაკუთრეზე გაასხვისოს იმავე პირობებით, რაც გათვალისწინებული იყო ოქმითა  და ხელშეკრულებით. ახმეტის მუნიციპალიტეტის ქონების შემძენის მიერ მუნიციპალიტეტის ქონების გასხვისების შესახებ ინფორმაცია წერილობით უნდა ეცნობოს მუნიციპალიტეტის ქონების მმართველს. 5. ოქმითა და ხელშეკრულებით ნაკისრი ვალდებულებები შესრულებულად ითვლება უფლებამოსილი ორგანოს მიერ მათი დადასტურების მომენტიდან. 6. ოქმითა და ხელშეკრულებით ნაკისრი ვალდებულებების შეუსრულებლობის  შემთხვევაში, ახმეტის მუნიციპალიტეტის  ქონების  შემძენი  იღებს  წერილობით  გაფრთხილებას,  რომელშიც  მიეთითება დარღვევის   გამოსწორების ვადა და პირგასამტეხლოს ოდენობა. პირგასამტეხლოს   ოდენობა განისაზღვრება ოქმითა და ხელშეკრულებით, ელექტრონული აუქციონის პირობებიდან გამომდინარე, კერძოდ: ა) ახმეტის მუნიციპალიტეტის ქონების სრული ღირებულების გადაუხდელობის შემთხვევაში, გადაუხდელი ქონების  სრული  ღირებულების 0.1%, დარღვევის  დღიდან  ყოველ ვადაგადაცილებულ დღეზე; ბ) საინვესტიციო ვალდებულებების შეუსრულებლობის შემთხვევაში, დარჩენილი განსახორციელებელი ინვესტიციის 0.1%, დარღვევის დღიდან ყოველ ვადაგადაცილებულ დღეზე; გ) ახმეტის მუნიციპალიტეტის ქონების შემძენის მიერ სხვა სააუქციონო და ოქმის/ხელშეკრულების პირობების შეუსრულებლობის ან არაჯეროვანი შესრულების შემთხვევაში, პირგასამტეხლოს ოდენობა წარმოადგენს  ყოველ  დარღვევაზე ელექტრონულ აუქციონზე დაფიქსირებული  ქონების  საბოლოო ფასის 0.05%­ს. 7.  ოქმისა  და  ხელშეკრულებით  გათვალისწინებული  პირობების  განმეორებით  შეუსრულებლობის შემთხვევა  და  დაწესებულ  ვადაში  პირგასამტეხლოს  გადაუხდელობა  ახმეტის   მუნიციპალიტეტის ქონების მმართველის მიერ განიხილება ელექტრონული აუქციონის შედეგების (ოქმის) გაუქმების საფუძვლად. 8. ახმეტის მუნიციპალიტეტის გამგებელი, ახმეტის მუნიციპალიტეტის საკრებულოს თანხმობით, უფლებამოსილია, გადაწყვიტოს ხელშეკრულებით ნაკისრი ვალდებულებების დარღვევისთვის დაკისრებული/დასაკისრებელი პირგასამტეხლოსგან განთავისუფლების საკითხი, აგრეთვე, პრივატიზებული ქონების მიმღების ამ ქონებასთან   დაკავშირებული პირობის (პირობების) შესრულების  ვალდებულებისგან განთავისუფლების  საკითხი, გარდა  ფინანსური და საინვესტიციო ვალდებულებების შესრულებასთან დაკავშირებული პირობებისა. მუხლი 11🔗. ელექტრონული აუქციონის ჩატარების წესი, სადაც შესაძლებელია შეთავაზებული იქნეს გამოცხადებულზე დაბალი ფასი 1.  თუ არ  მოხდება  ელექტრონული  აუქციონის  ფორმით  გატანილი ახმეტის მუნიციპალიტეტის  ქონების განკარგვა, ამ ქონების შეცვლილი საწყისი საფასურით ან/და პირობებით, ელექტრონული აუქციონის ფორმით განკარგვის შესახებ  გადაწყვეტილება განმეორებით  ელექტრონულ აუქციონად ჩაითვლება. განმეორებით ახმეტის  ელექტრონულ აუქციონზე მუნიციპალიტეტის ქონების საწყისი საფასური შეიძლება 50 პროცენტამდე შემცირდეს, ხოლო თუ  ახმეტის მუნიციპალიტეტის ქონება ამ საფასურად გამოტანის შემდეგაც არ გაიყიდა, საფასური შეიძლება კიდევ შემცირდეს. 2.  თუ  არ  მოხდება  ელექტრონული  აუქციონის  ფორმით  გატანილი  ახმეტის მუნიციპალიტეტის ქონების განკარგვა, ახმეტის მუნიციპალიტეტის გამგებელი უფლებამოსილია, მიიღოს გადაწყვეტილება ამ ქონების იმავე პირობებით, ვადაგაგრძელებული აუქციონის ფორმით განკარგვის შესახებ. 3.  ამ  მუხლის  პირველი  და  მე-­2  პუნქტებით  გათვალისწინებული  შემთხვევებისას,  გამოიყენება  ამ თავით დადგენილი ელექტრონული აუქციონის ჩატარების წესები. თავი III საჯარო აუქციონი მუხლი 12🔗. საჯარო აუქციონის ფორმით ახმეტის მუნიციპალიტეტის ქონების პრივატიზება საჯარო აუქციონის ფორმით ახმეტის მუნიციპალიტეტის ქონების პრივატიზება ხორციელდება ამ წესის მე­-3 მუხლით დადგენილი წესის შესაბამისად. მუხლი 13🔗. საჯარო აუქციონის ორგანიზება 1. საჯარო აუქციონის ორგანიზებას ახორციელებს აუქციონატორი. 2. იმ  შემთხვევაში, როდესაც ახმეტის  მუნიციპალიტეტის  გამგებელი საჯარო  აუქციონის ორგანიზატორის ფუნქციებს გადასცემს წარმომადგენელს (რწმუნებული), გამოიყენება ამ წესის მე-­4 მუხლის მე­-10 პუნქტით გათვალისწინებული მოთხოვნები. 3. აუქციონატორი   უზრუნველყოფს   საჯარო   აუქციონის   ფორმით  ახმეტის მუნიციპალიტეტის ქონების პრივატიზების  შესახებ  ინფორმაციის  გამოქვეყნებას   ვებგვერდზე www.myakhmeta.ge და ადგილობრივ  ან  სხვა ბეჭდვით საინფორმაციო გამოცემაში ან/და ვებგვერდზე www.eauction.ge. 4. ამ მუხლის მე-­3 პუნქტით გათვალისწინებული ინფორმაცია უნდა შეიცავდეს შემდეგ მონაცემებს: ა) აუქციონატორის დასახელებას; ბ) საჯარო აუქციონის პირობებს (პირობებიანი საჯარო აუქციონის შემთხვევაში); გ) საპრივატიზაციო ობიექტის დასახელებას; დ) განაცხადის მიღების დაწყების, დამთავრების და საჯარო აუქციონის ჩატარების თარიღს; ე) უპირობო და გამოუხმობი საბანკო გარანტიის/ბეს ოდენობას, რომელიც უნდა შეადგენდეს საწყისი საპრივატიზებო  საფასურის არანაკლებ  10%-­ს და არა უმეტეს  80%­-ს და რომლის მოქმედების ვადაც  არანაკლებ 30  დღით უნდა აღემატებოდეს ახმეტის მუნიციპალიტეტის   შეძენილი   ქონების   სრული ღირებულების  გადახდის  ვადას;  ბიჯის  სიდიდეს (ბიჯის სიდიდეს ახმეტის  მუნიციპალიტეტის  ყოველი კონკრეტული ქონებისათვის განსაზღვრავს ახმეტის მუნიციპალიტეტის გამგებელი)  და საჯარო აუქციონში   მონაწილის   ბილეთის   ფასს,   რომლის  ოდენობას   განსაზღვრავს  ახმეტის მუნიციპალიტეტის   საკრებულო; ვ) განაცხადის მიღების ადგილს (მისამართი) და საკონტაქტო ინფორმაციას; ზ) ახმეტის მუნიციპალიტეტის ქონებასთან დაკავშირებულ სხვა ინფორმაციას. 5. აქციების ან წილების პრივატიზების შემთხვევაში, ამ მუხლის მე-­3 პუნქტით გათვალისწინებული ინფორმაცია, ამ მუხლის მე­-4 პუნქტით გათვალისწინებული მონაცემების გარდა, დამატებით, უნდა შეიცავდეს ამ წესის მე­-4 მუხლის მე-7 პუნქტით დადგენილ მონაცემებს. 6.  ახმეტის მუნიციპალიტეტის  ქონების  შემძენს უფლება აქვს, მიიღოს საპრივატიზაციო ობიექტის შესახებ აუქციონატორის ხელთ არსებული, კანონმდებლობით დაშვებული, ნებისმიერი ინფორმაცია. 7.  ამ  მუხლის  მე-­3 პუნქტით  გათვალისწინებული  ინფორმაციის  გამოქვეყნების შემდეგ,  ყველა დაინტერესებულ პირს უფლება აქვს, წინასწარ გაეცნოს ახმეტის   მუნიციპალიტეტის საპრივატიზაციო ობიექტს. 8.  ახმეტის მუნიციპალიტეტის  გამგებელი  საჯარო  აუქციონის  ორგანიზების  მიზნით,  ქმნის მუდმივმოქმედ  სააუქციონო  კომისიას,  რომლის  შემადგენლობაშიც  შედიან  სააუქციონო  კომისიის თავმჯდომარე, სააუქციონო   კომისიის მდივანი და სააუქციონო კომისიის სხვა წევრები, და განსაზღვრავს  კომისიის  წევრების ფუნქციებს.  აღნიშნული სააუქციონო კომისია აუქციონატორის სახელით ადგენს საჯარო აუქციონში გამარჯვებულის დამადასტურებელ ოქმს. მუხლი 14🔗. საჯარო აუქციონში მონაწილეობის პირობები 1. საჯარო აუქციონში მონაწილეობის მისაღებად განაცხადების მიღება მთავრდება დადგენილ დღეს და საათს. დადგენილი ვადის გასვლის შემდეგ წარდგენილი განაცხადები არ მიიღება. 2. საჯარო აუქციონი ტარდება მისი გამოცხადების დღიდან ოცდამეათე კალენდარულ დღეს. საჯარო აუქციონში  მონაწილეობის  მისაღებად  განაცხადების  მიღება  მიმდინარეობს  საჯარო  აუქციონის ჩატარების  დღის ჩათვლით და გამყიდველის მიერ დადგენილ საათამდე. იმ შემთხვევაში, როდესაც საჯარო აუქციონის გამოცხადებიდან ოცდამეათე კალენდარული დღე ემთხვევა საქართველოს კანონმ­დებლობით  გათვალისწინებულ  უქმე  ან  დასვენების  დღეს,  განაცხადების  მიღება  გრძელდება  და წყდება მომდევნო პირველსავე სამუშაო დღეს, იმავე საათზე. 3. საჯარო აუქციონში მონაწილეობის მსურველი სააუქციონო კომისიის შესაბამის წევრს წარუდგენს: ა) განაცხადს; ბ)  უპირობო  და  გამოუხმობი  საბანკო  გარანტიის/ბეს  და საჯარო  აუქციონში  მონაწილის  ბილეთის საფასურის   გადახდის   დამადასტურებელ   დოკუმენტს (უპირობო   და   გამოუხმობი   საბანკო გარანტიის/ბეს  და  საჯარო  აუქციონში  მონაწილის  ბილეთის  საფასურის  გადახდა  უნდა  მოხდეს აუქციონატორის მიერ მითითებულ ანგარიშზე); გ) პირადობის დამადასტურებელი დოკუმენტის/პასპორტის ასლს (ფიზიკური პირის შემთხვევაში); დ) სანოტარო წესით დამოწმებულ მინდობილობას, თუ საჯარო აუქციონში მონაწილეობის მსურველი მოქმედებს სხვა პირის სახელით; ე)  განაცხადის შეტანის მომენტისთვის მოქმედ  ამონაწერს  მეწარმეთა და არასამეწარმეო (არაკომერციული) იურიდიული პირების რეესტრიდან (იურიდიული პირის შემთხვევაში). 4. საჯარო   აუქციონში   მონაწილეობის   მსურველმა,   რომელსაც   სურს,   მონაწილეობა   მიიღოს ახმეტის მუნიციპალიტეტის რამდენიმე  ქონების  პრივატიზებისათვის გამოცხადებულ  საჯარო  აუქციონში, ბე/უპირობო და გამოუხმობი საბანკო გარანტია და საჯარო აუქციონში მონაწილის ბილეთის საფასური უნდა გადაიხადოს ახმეტის მუნიციპალიტეტის თითოეული ქონებისათვის ცალ­ცალკე. 5.   თუ   საჯარო   აუქციონში  მონაწილეობის  მსურველის  მიერ  წარდგენილი  ყველა  დოკუმენტი აკმაყოფილებს ამ მუხლის მე-­3 პუნქტით დადგენილ მოთხოვნებს, სააუქციონო კომისიის შესაბამისი წევრი  აკეთებს  შესაბამის  ჩანაწერს  „აუქციონის  მონაწილეთა  რეგისტრაციის  ჟურნალში“,  იტოვებს წარდგენილ დოკუმენტაციას და პირს გადასცემს საჯარო აუქციონში მონაწილის ბილეთს. საჯარო აუქციონში მონაწილის ბილეთით პირი იღებს საჯარო აუქციონში მონაწილის  (შემდგომში ­ მონაწილე) სტატუსს. 7. მონაწილეს შეიძლება უარი ეთქვას საჯარო აუქციონში მონაწილეობაზე, თუ: ა) განაცხადის წარმდგენი პირი, მოქმედი კანონმდებლობის შესაბამისად, არ შეიძლება ცნობილ იქნეს ახმეტის  მუნიციპალიტეტის ქონების შემძენად; ბ) დარღვეულია ამ მუხლის პირველი, მე-­2, მე-­3 ან/და მე­-4 პუნქტის მოთხოვნები. 8. სხვადასხვა მუნიციპალიტეტის თანასაკუთრებაში არსებული ქონების პრივატიზებისას, კოდექსით და ამ წესით განსაზღვრული გადაწყვეტილებები მიიღება შესაბამისი მუნიციპალიტეტის საკრებულოსა და  აღმასრულებელი  ორგანოების  მიერ,  ხოლო  საჯარო  აუქციონი  ტარდება  ამ  წესის  შესაბამისად. საჯარო  აუქციონის  ორგანიზების,  ჩატარების, აგრეთვე,  ბეს/უპირობო  და  გამოუხმობი  საბანკო გარანტიის, საჯარო აუქციონში მონაწილის ბილეთის ფასის და საჯარო აუქციონში გამარჯვებულის მიერ მუნიციპალიტეტის შეძენილი ქონების სრული ღირებულების გადახდისა და ამ ღირებულების თანამესაკუთრეთა შორის განაწილების წესი, ამ წესით დადგენილი პრინციპების  დაცვით, განისაზღვრება შესაბამისი მუნიციპალიტეტების აღმასრულებელი ორგანოების წერილობითი შეთანხმებით. მუხლი 15🔗. საჯარო აუქციონის ჩატარების წესი 1.  მონაწილე  საჯარო  აუქციონის დაწყებამდე შედის  დარბაზში, სადაც ტარდება საჯარო აუქციონი, სააუქციონო კომისიის შესაბამის წევრს წარუდგენს საჯარო აუქციონში მონაწილის ბილეთს და იღებს სპეციალურ  დაფას,  რომლის  ნომერიც  შეესაბამება  მის  საჯარო  აუქციონში  მონაწილის  ბილეთზე აღნიშნულ ნომერს. 2.  სააუქციონო  კომისიის  შესაბამისი  წევრი  ადარებს  გაცემული  ნომრიანი  სპეციალური  დაფების რაოდენობას შესული განაცხადების რაოდენობასთან, რითაც აზუსტებს მონაწილეთა რაოდენობას. 3. საჯარო აუქციონს ატარებს სააუქციონო კომისიის შესაბამისი წევრი. 4. ახმეტის მუნიციპალიტეტის  თითოეულ  საპრივატიზებო  ქონებაზე  ვაჭრობის  დაწყებისას,  სააუქციონო კომისიის შესაბამისი წევრი  აცხადებს საპრივატიზაციო ობიექტის დასახელებას, მის   საწყის   საპრივატიზებო   საფასურს,   ბიჯს (ბიჯის   სიდიდეს  ახმეტის მუნიციპალიტეტის   ყოველი  კონკრეტული ქონებისათვის განსაზღვრავს ახმეტის მუნიციპალიტეტის გამგებელი). 5. საჯარო აუქციონზე ვაჭრობის დასაწყისად ითვლება ახმეტის მუნიციპალიტეტის საპრივატიზაციო ობიექტის საწყისი   საპრივატიზებო   საფასურის  გამოცხადების  მომენტი.  ვაჭრობის  მიმდინარეობის  დროს, დაუშვებელია მონაწილეთა დარბაზში გადაადგილება. 6. მონაწილე, რომელსაც სურს საწყისი საპრივატიზებო საფასურიდან დაიწყოს ვაჭრობა, სწევს თავის სპეციალურ  დაფას  (რაც ნიშნავს საწყის საპრივატიზებო საფასურზე ბიჯის დამატებას). სააუქციონო კომისიის  შესაბამისი  წევრი  აფიქსირებს  მას  და  სთხოვს  მონაწილეებს გააგრძელონ ვაჭრობა,  სანამ რომელიმე არ დაასახელებს ყველაზე მაღალ ფასს. ყველაზე მაღალი ფასის სამჯერ გამოცხადებისა და სააუქციონო კომისიის შესაბამისი წევრის მიერ ჩაქუჩის დარტყმის შემდეგ, ახმეტის მუნიციპალიტეტის ქონება ითვლება გასხვისებულად იმ მონაწილეზე, რომელმაც სააუქციონო კომისიის შესაბამის წევრს ყველაზე მაღალი ფასი შესთავაზა. 7. საჯარო  აუქციონის  ფორმით ახმეტის მუნიციპალიტეტის ქონების  პრივატიზებისას, საჯარო  აუქციონში გამარჯვების დამადასტურებელი ოქმი არის ადმინისტრაციული ორგანოს დაპირება, რომელიც შეიცავს ახმეტის მუნიციპალიტეტის ქონების პრივატიზების ძირითად პირობებს და მხარეთა უფლება­მოვალეობებს. აღნიშნული  ოქმის  საფუძველზე, 30 კალენდარული  დღის  ვადაში,  ფორმდება  ხელშეკრულება, რომელსაც   ხელს  აწერენ   ახმეტის მუნიციპალიტეტის   ქონების   შემძენი   და ახმეტის მუნიციპალიტეტის   ქონების მმართველი. 8. თუ საჯარო აუქციონში გამარჯვებული პირი უარს განაცხადებს საჯარო აუქციონში გამარჯვების დამადასტურებელი  ოქმის და შესაბამისი ხელშეკრულების ხელმოწერაზე, მას ჩამოერთმევა საჯარო აუქციონში გამარჯვებულის სტატუსი და შეტანილი ბე/უპირობო და გამოუხმობი საბანკო გარანტია არ დაუბრუნდება. 9. თუ საჯარო აუქციონი არ შედგება იმ მიზეზით, რომ მონაწილეები, რომლებიც ესწრებიან საჯარო აუქციონს,  არ  მიიღებენ  მონაწილეობას  ვაჭრობაში,  შედგება  ოქმი  არშემდგარი  საჯარო  აუქციონის შესახებ   და   მონაწილეებს   შეტანილი   ბე/უპირობო   და   გამოუხმობი   საბანკო   გარანტია   არ დაუბრუნდებათ. 10. სააუქციონო კომისია, საჯარო აუქციონის ჩატარებიდან 7 კალენდარული დღის ვადაში, ამზადებს მოხსენებით  ბარათს,  რომლის  საფუძველზეც  საჯარო  აუქციონში  მონაწილეებს,  რომლებმაც  ვერ გაიმარჯვეს  საჯარო  აუქციონში,  უბრუნდებათ მათ  მიერ გადახდილი  ბე/უპირობო და გამოუხმობი საბანკო  გარანტია,  მოთხოვნიდან 10 სამუშაო  დღის  ვადაში.  მოხსენებით  ბარათს  ხელს  აწერენ სააუქციონო კომისიის თავმჯდომარე და სააუქციონო კომისიის მდივანი. 11.  ახმეტის მუნიციპალიტეტის    ქონების  შემძენის  მიერ  გადახდილი    ქონების  სრული ღირებულება ირიცხება ახმეტის მუნიციპალიტეტის    ბიუჯეტში. მუხლი 16🔗. საჯარო აუქციონის ჩატარების წესი, სადაც  შესაძლებელია შეთავაზებული იქნეს გამოცხადებულზე დაბალი ფასი 1. თუ არ მოხდება საჯარო აუქციონის ფორმით გატანილი ახმეტის მუნიციპალიტეტის    ქონების განკარგვა, ამ ქონების შეცვლილი საწყისი საფასურით ან/და პირობებით, საჯარო აუქციონის ფორმით განკარგვის შესახებ   გადაწყვეტილება  განმეორებით   საჯარო  აუქციონად  ჩაითვლება.  განმეორებით  საჯარო აუქციონზე  ახმეტის მუნიციპალიტეტის   ქონების  საწყისი  საფასური შეიძლება  50  პროცენტამდე  შემცირდეს, ხოლო  თუ   ქონება  ამ  საფასურად  გამოტანის  შემდეგაც  არ  გაიყიდა,  საფასური შეიძლება კიდევ შემცირდეს. 2.  თუ  არ  მოხდება  საჯარო  აუქციონის ფორმით გატანილი ახმეტის მუნიციპალიტეტის   ქონების განკარგვა, ახმეტის მუნიციპალიტეტის   გამგებელი უფლებამოსილია, მიიღოს გადაწყვეტილება ამ ქონების იმავე პირობებით, ვადაგაგრძელებული აუქციონის ფორმით განკარგვის შესახებ. 3.  ამ  მუხლის  პირველი  და  მე­-2  პუნქტებით  გათვალისწინებული  შემთხვევებისას,  გამოიყენება  ამ თავით დადგენილი საჯარო აუქციონის ჩატარების წესები. მუხლი 17🔗. გარიგებათა გაფორმების წესი 1. საჯარო  აუქციონის  ფორმით ახმეტის მუნიციპალიტეტის ქონების პრივატიზებისას,  აუქციონატორისა და ახმეტის მუნიციპალიტეტის ქონების  შემძენის  მიერ  ხელმოწერილი ოქმის საფუძველზე, 30 კალენდარული დღის ვადაში, ფორმდება წერილობითი ხელშეკრულება. 2. საჯარო აუქციონის ფორმით ახმეტის მუნიციპალიტეტის   ქონების   პრივატიზებისას,   გარიგებათა გასაფორმებლად გამოიყენება ამ წესის მე­-9 მუხლის მე-­2 - მე-­7 პუნქტებით დადგენილი მოთხოვნები. მუხლი 18🔗. ახმეტის მუნიციპალიტეტის ქონების შემძენის პასუხისმგებლობა საჯარო აუქციონის შემთხვევაში საჯარო აუქციონის ფორმით ახმეტის მუნიციპალიტეტის   ქონების   პრივატიზებისას,   ახმეტის მუნიციპალიტეტის   ქონების შემძენის პასუხისმგებლობა განისაზღვრება ამ წესის მე-­10 მუხლით დადგენილი წესით. თავი IV ახმეტის მუნიციპალიტეტის   ქონების სარგებლობის უფლებით გადაცემა მუხლი 19🔗. ზოგადი დებულებები 1. ახმეტის მუნიციპალიტეტის ქონების სარგებლობის უფლებით გადაცემის ინიციატორები შეიძლება იყვნენ: ა) ახმეტის მუნიციპალიტეტის გამგებელი აუქციონის  ფორმით ახმეტის მუნიციპალიტეტის ქონების სარგებლობის უფლებით გადაცემისას; ბ) სხვა  მუნიციპალიტეტები,  საჯარო სამართლის იურიდიულ პირები (გარდა პოლიტიკური პარტიებისა),   მუნიციპალიტეტის   მიერ დაფუძნებული არასამეწარმეო  (არაკომერციული) იურიდიული პირები და მუნიციპალიტეტის  100­ პროცენტიანი  წილობრივი  მონაწილეობით  მოქმედი  საწარმოები, პირდაპირი  განკარგვის  წესით ახმეტის მუნიციპალიტეტის ქონების სარგებლობის უფლებით გადაცემისას; გ) ფიზიკური ან იურიდიული პირები, ადგილობრივი თვითმმართველობის კოდექსით გათვალისწინებული შემთხვევებისას. 2. ადგილობრივი თვითმმართველობის კოდექსით და ამ  წესით დადგენილ შემთხვევებში,ახმეტის მუნიციპალიტეტის    ქონების  სარგებლობის უფლებით გადაცემა შეიძლება: ა) ვადით და სასყიდლით; ბ) უსასყიდლოდ, ვადით ან უვადოდ. 3. ამ მუხლის პირველი პუნქტის  „ბ“ და  „გ“ ქვეპუნქტების შემთხვევაში, ახმეტის მუნიციპალიტეტის   ქონების სარგებლობის  უფლებით  გადაცემის  ინიციატორი  განაცხადს  წარუდგენს ახმეტის მუნიციპალიტეტის გამგებელს, რომელიც, თავის მხრივ, აღნიშნული საკითხის განხილვის შემდგომ, ახმეტის მუნიციპალიტეტის   საკრებულოს თანხმობით, იღებს გადაწყვეტილებას მისი სარგებლობის უფლებით გადაცემის შესახებ. მუხლი 20🔗. ახმეტის მუნიციპალიტეტის   ქონების სარგებლობის უფლებით გადაცემის ფორმები და ვადები 1. ახმეტის მუნიციპალიტეტის    ქონების  სარგებლობის  უფლებით  გადაცემა  შესაძლებელია  საქართველოს სამოქალაქო კოდექსით გათვალისწინებული ფორმებით: ა) აღნაგობა; ბ) უზუფრუქტი; გ) ქირავნობა; დ იჯარა; ე) თხოვება; ვ) საქართველოს სამოქალაქო კოდექსით გათვალისწინებული სარგებლობის სხვა ფორმებით. 2. ახმეტის მუნიციპალიტეტის   ქონების   სარგებლობის  უფლებით გადაცემა ხდება აუქციონის ფორმით ან პირდაპირი განკარგვის წესით. ახმეტის მუნიციპალიტეტის    ქონების სარგებლობის უფლებით გადაცემის შესახებ გადაწყვეტილებას  იღებს ახმეტის მუნიციპალიტეტის   გამგებელი ახმეტის მუნიციპალიტეტის   საკრებულოს თანხმობით. 3. ახმეტის მუნიციპალიტეტის   ქონების    სარგებლობის    უფლებით    გადაცემის    ვადას   განსაზღვრავს ახმეტის მუნიციპალიტეტის გამგებელი   გარდა ამ მუხლის მე­-4 პუნქტით გათვალისწინებული შემთხვევისა. 4.  პირდაპირი  განკარგვის  წესით ახმეტის მუნიციპალიტეტის   ქონების  სარგებლობის  უფლებით  გადაცემა შეიძლება სასყიდლით  ან  უსასყიდლოდ,  პირობებით  ან  უპირობოდ. ახმეტის მუნიციპალიტეტის ქონების სარგებლობის უფლებით უსასყიდლოდ გადაცემა დასაშვებია არა უმეტეს  2 წლის ვადით, გარდა ამ მუხლის მე-­5 პუნქტით გათვალისწინებული შემთხვევისა. 5.  ახმეტის მუნიციპალიტეტის გამგებელი ახმეტის მუნიციპალიტეტის საკრებულოს თანხმობით, ახმეტის მუნიციპალიტეტის ქონებას  უსასყიდლო  აღნაგობის,  უსასყიდლო  უზუფრუქტისა და თხოვების ფორმებით, აუქციონის გარეშე, გადასცემს სხვა მუნიციპალიტეტებს, საჯარო სამართლის იურიდიულ პირებს (გარდა პოლიტიკური პარტიებისა), ახმეტის მუნიციპალიტეტის  მიერ დაფუძნებულ  არასამეწარმეო (არაკომერციულ)  იურიდიულ  პირებსა  და მუნიციპალიტეტის 100%­-იანი წილობრივი მონაწილეობით დაფუძნებულ საწარმოებს. მუხლი 21🔗. ახმეტის მუნიციპალიტეტის ქონების  აუქციონის  ფორმით ვადიანი სარგებლობის უფლებით გადაცემის ორგანიზება 1.  ახმეტის მუნიციპალიტეტის   ქონების  სასყიდლიანი  სარგებლობის  უფლებით  გადაცემისას,  აუქციონში გამარჯვებულის გამოვლენის კრიტერიუმია აუქციონის პირობების სრულად დაკმაყოფილება (პირობებიანი  აუქციონის  შემთხვევაში)  და  ახმეტის მუნიციპალიტეტის   ქონების  ვადიანი  სარგებლობისათვის ყველაზე მაღალი ფასის გადახდა. 2. აუქციონში მონაწილეობის მიღება შეუძლია ფიზიკურ და იურიდიულ პირებს. 3.აუქციონის   პირობებს (პირობებიანი   აუციონის   შემთხვევაში)   ადგენს ახმეტის მუნიციპალიტეტის  გამგებელი გადასაცემი ქონების მდგომარეობისა და მნიშვნელობის გათვალისწინებით. მუხლი 22🔗. ახმეტის მუნიციპალიტეტის ქონების სარგებლობის უფლებით გადაცემის საერთო პირობები 1. ახმეტის მუნიციპალიტეტის   ქონების   უზუფრუქტის,   აღნაგობის,   ქირავნობის,  იჯარის,  თხოვების  ან საქართველოს    სამოქალაქო    კოდექსით    გათვალისწინებული    სარგებლობის    სხვა    ფორმებით სარგებლობის  უფლებით  გადაცემა  ითვალისწინებს  ფიზიკური,  საჯარო  ან/და  კერძო  სამართლის იურიდიული პირებისათვის ახმეტის მუნიციპალიტეტის ქონების სარგებლობის უფლებით გადაცემას. 2.  ახმეტის მუნიციპალიტეტის ქონების  უზუფრუქტის,  აღნაგობის,  ქირავნობის,  იჯარის,  თხოვებისა  ან საქართველოს  სამოქალაქო  კოდექსით  გათვალისწინებული  სარგებლობის  სხვა ფორმით გადაცემის ინიციატორი   სათანადო   განაცხადს   წარუდგენს   ახმეტის მუნიციპალიტეტის   გამგებელს, რომელიც,  თავის  მხრივ,  აღნიშნული  საკითხის  განხილვის  შემდგომ  იღებს  გადაწყვეტილებას  ახმეტის მუნიციპალიტეტის   ქონების სარგებლობის უფლებით გადაცემის შესახებ. 3. უზუფრუქტის, აღნაგობის, ქირავნობის, იჯარის, თხოვების ან საქართველოს სამოქალაქო კოდექსით გათვალისწინებული  სარგებლობის  სხვა  ფორმით  გადაცემული  ახმეტის მუნიციპალიტეტის ქონების  სარგებლობის უფლებით მიმღების მიერ სხვა პირისათვის სარგებლობის უფლებით გადაცემა დასაშვებია, მხოლოდ, ახმეტის მუნიციპალიტეტის  გამგებლის თანხმობით. 4. უზუფრუქტის, აღნაგობის, ქირავნობის, იჯარის, თხოვების ან საქართველოს სამოქალაქო კოდექსით გათვალისწინებული  სარგებლობის  სხვა ფორმით ახმეტის მუნიციპალიტეტის     ქონების სარგებლობის უფლებით  გადაცემისას,  ახმეტის მუნიციპალიტეტის   გამგებელსა   და ახმეტის მუნიციპალიტეტის   ქონების სარგებლობის  უფლებით  მიმღებს  შორის  ფორმდება ახმეტის მუნიციპალიტეტის  ქონების  სარგებლობის უფლებით   გადაცემის   თაობაზე   შესაბამისი    ხელშეკრულება (შემდგომში ­  სარგებლობის ხელშეკრულება). 5. ახმეტის მუნიციპალიტეტის   გამგებლის  გადაწყვეტილება (ინდივიდუალური ადმინისტრაციულ­სამართლებრივი   აქტი) ახმეტის მუნიციპალიტეტის   ქონების   სარგებლობის   უფლებით გადაცემის  შესახებ  უთანაბრდება  ამ  მუხლის  მე­-4 პუნქტით  გათვალისწინებულ  სარგებლობის ხელშეკრულებას დაინტერესებული პირის მიერ მისი გაცნობისთანავე. 6. ახმეტის მუნიციპალიტეტის   ქონება, რომელიც გადაცემულია უზუფრუქტის, აღნაგობის, ქირავნობის, იჯარის, თხოვებისა და საქართველოს  სამოქალაქო  კოდექსით  გათვალისწინებული სარგებლობის სხვა ფორმებით,   სარგებლობის   ხელშეკრულების   ვადის  დამთავრების   შემდგომ,   უნდა   დაუბრუნდეს ახმეტის მუნიციპალიტეტის , კანონმდებლობით დადგენილი წესით. მუხლი 23🔗. აუქციონის ორგანიზება ახმეტის მუნიციპალიტეტის   ქონების სარგებლობის უფლებით გადაცემისას, გამოიყენება ამ წესით დადგენილი ელექტრონული ან საჯარო აუქციონის ჩატარების წესები. მუხლი 24🔗. პირდაპირი  განკარგვის წესით ახმეტის მუნიციპალიტეტის ქონების  სარგებლობის უფლებით გადაცემის ორგანიზება 1.  პირდაპირი  განკარგვის  წესით  ახმეტის მუნიციპალიტეტის    ქონების  სარგებლობის  უფლებით გადაცემის თაობაზე ახმეტის მუნიციპალიტეტის   გამგებელი იხილავს შესულ  განაცხადებს  30  კალენდარული  დღის  ვადაში,  რის  შემდეგაც  იღებს  გადაწყვეტილებას  და  დადებითი  გადაწყვეტილების მიღების შემთხვევაში, ადგენს პირდაპირი განკარგვის წესით ახმეტის მუნიციპალიტეტის  ქონების სარგებლობის უფლებით  გადაცემის  პირობებს  (პირობებით,  პირდაპირი  განკარგვის  წესით, ახმეტის მუნიციპალიტეტის    ქონების სარგებლობის უფლებით გადაცემისას). 2.  პირდაპირი  განკარგვის  წესით  ახმეტის მუნიციპალიტეტის   ქონების  სარგებლობის  უფლებით  გადაცემის მიზანია მუნიციპალიტეტის ქონებაზე სარგებლობის უფლება გადაეცეს იმ პირს, რომელიც სრულად და კეთილსინდისიერად  შეასრულებს    ქონების  პირდაპირი  წესით  განკარგვისას დადგენილ  პირობებს (პირობებით,  პირდაპირი განკარგვის  წესით,ახმეტის მუნიციპალიტეტის     ქონების სარგებლობის უფლებით გადაცემისას). 3.  პირდაპირი  განკარგვის წესით ახმეტის მუნიციპალიტეტის   ქონების  სარგებლობის  უფლებით  მიღების მსურველი პირი,  განაცხადით   მიმართავს ახმეტის მუნიციპალიტეტის გამგებელს  და წარუდგენს: ა) განცხადებას; ბ) პირადობის დამადასტურებელი დოკუმენტის/პასპორტის ასლს (ფიზიკური პირის შემთხვევაში); გ)  ამონაწერს  მეწარმეთა  და  არასამეწარმეო  (არაკომერციული)  იურიდიული  პირების რეესტრიდან (იურიდიული პირის შემთხვევაში); დ)  სხვა დოკუმენტაციას,  რომელიც შეიძლება მოთხოვნილი იქნეს ახმეტის მუნიციპალიტეტის    გამგებლის  მიერ.  დამატებით  მოთხოვნილი  დოკუმენტების  წარდგენის  ვადაა  ორი კვირა. აღნიშნული ვადა აითვლება   მოთხოვნის მიღებიდან. მუხლი 25🔗. გარიგებათა გაფორმების წესი 1. ახმეტის მუნიციპალიტეტის   ქონების  პირდაპირი  განკარგვის  წესით,  სარგებლობის  უფლებით გადაცემის შემთხვევაში, სარგებლობის  ხელშეკრულება  უნდა გაფორმდეს ახმეტის მუნიციპალიტეტის  გამგებლის  მიერ  გადაწყვეტილების  მიღებიდან  არა  უგვიანეს  30  კალენდარული  დღისა,  მოქმედი კანონმდებლობით   დადგენილი    წესით.    ეს   წესი   არ    ვრცელდება    შემთხვევაზე,    როდესაც ახმეტის მუნიციპალიტეტის   ქონების პირდაპირი  განკარგვის წესით  გადაცემის თაობაზე გამოიცემა ინდივიდუალური ადმინისტრაციულ­ სამართლებრივი აქტი. 2. ახმეტის მუნიციპალიტეტის   ქონების აუქციონის ფორმით სარგებლობის უფლებით გადაცემის შემთხვევაში, აუქციონში გამარჯვებული ვალდებულია, ოქმის საფუძველზე, არა უმეტეს  30 კალენდარული დღის ვადაში,  აუქციონატორთან  გააფორმოს  სარგებლობის  ხელშეკრულება,  მოქმედი  კანონმდებლობით დადგენილი წესით. 3. ახმეტის მუნიციპალიტეტის   ქონების აუქციონის ფორმით სარგებლობის უფლებით გადაცემის შემთხვევაში, აუქციონში  გამარჯვებულ  პირს შეტანილი ბე/უპირობო და გამოუხმობი საბანკო გარანტია ეთვლება სარგებლობის ხელშეკრულებით გათვალისწინებული ბოლო წლის გადასახდელი ქირის ოდენობაში, ხოლო   აუქციონის   დანარჩენ   მონაწილეებს   ბე/უპირობო   და   გამოუხმობი   საბანკო   გარანტია უბრუნდებათ მისი შეტანის დამადასტურებელი ქვითრის წარდგენის საფუძველზე, მოთხოვნიდან 10 კალენდარულ დღეში. 4. მხარეთა შორის დასადებ სარგებლობის ხელშეკრულებაში შეტანილ უნდა იქნეს შემდეგი მონაცემები: ა) ახმეტის მუნიციპალიტეტის   გადაცემული ქონების დასახელება, ადგილსამყოფელი და  ქონების სხვა მახასიათებლები; ბ) ცნობები აღნიშნული ქონების გადაცემისა და მიღების შესახებ; გ) სარგებლობის ხელშეკრულებით დადგენილი ქირის ოდენობა, ასეთის არსებობის შემთხვევაში; დ) მხარეთა ურთიერთვალდებულებები ახმეტის მუნიციპალიტეტის     ქონების შემდგომი გამოყენების შესახებ; ე) სარგებლობის ხელშეკრულებით  ნაკისრი  ვალდებულებების შეუსრულებლობისათვის პასუხისმგებლობის ფორმები, საქართველოს კანონმდებლობით, მათ  შორის, ამ წესის  26-­ე მუხლით გათვალისწინებული პირობები; ვ) ახმეტის მუნიციპალიტეტის   ქონების გადაცემის პირობები და ვადები; ზ) ახმეტის მუნიციპალიტეტის   ქონებასთან დაკავშირებული სხვა მონაცემები. 5. ამ წესით გათვალისწინებული სარგებლობის ფორმებით ახმეტის მუნიციპალიტეტის   ქონების სარგებლობის უფლება  გადაეცემა  პირს  მოქმედი  კანონმდებლობის  შესაბამისად  გაფორმებული  სარგებლობის ხელშეკრულებით.  სსიპ  ­  საჯარო  რეესტრის  ეროვნული  სააგენტოს სარეგისტრაციო მომსახურების საფასურსა და სხვა აუცილებელი დოკუმენტების წარდგენისათვის გაწეულ ხარჯებს ფარავს ახმეტის მუნიციპალიტეტის   ქონების სარგებლობის უფლებით მიმღები. მუხლი 26🔗. ახმეტის მუნიციპალიტეტის ქონების სარგებლობის უფლებით მიმღების პასუხისმგებლობა 1. ახმეტის მუნიციპალიტეტის ქონების სარგებლობის უფლებით მიმღები ვალდებულია, მისთვის გადაცემული ქონების გამოყენებისას დაიცვას აუქციონის ან/და სარგებლობის ხელშეკრულებით განსაზღვრული პირობები, სარგებლობის  ხელშეკრულებით  ნაკისრი  ვალდებულებები  და  მათი შესრულების   მიმდინარეობის  შესახებ,  მოთხოვნისთანავე,  წარუდგინოს  ინფორმაცია ახმეტის მუნიციპალიტეტის  გამგებელს.    სარგებლობის   ხელშეკრულებით   მხარეთა   მიერ შესაძლებელია, გათვალისწინებულ იქნეს ინფორმაციის წარდგენის სხვა ვადა. 2. ახმეტის მუნიციპალიტეტის   ქონების სარგებლობის უფლებით მიმღებს უფლება არა აქვს, სარგებლობის უფლებით მიღებული ქონება, სარგებლობის ხელშეკრულების მოქმედების პერიოდში, სარგებლობის უფლებით გადასცეს (მათ შორის, გააქირაოს, იჯარის, თხოვების ფორმით გადასცეს) ან სხვაგვარად დატვირთოს ახმეტის მუნიციპალიტეტის   გამგებელთან  შეუთანხმებლად. ამასთან, იგი პასუხისმგებელია  მიღებული ქონების მოვლა­პატრონობასა და დაცვაზე. 3.   სარგებლობის ხელშეკრულებით ნაკისრი ვალდებულების შეუსრულებლობის შემთხვევაში, ახმეტის მუნიციპალიტეტის   ქონების სარგებლობის  უფლებით მიმღებს ეძლევა წერილობითი გაფრთხილება, რომელშიც მიეთითება დარღვევის გამოსწორების ვადა და პირგასამტეხლოს ოდენობა. პირგასამტეხლო განისაზღვრება სარგებლობის ხელშეკრულებით, სახელშეკრულებო პირობებიდან გამომდინარე, კერძოდ: ა)  ქირის  გადაუხდელობის  შემთხვევაში - გადაუხდელი ქირის 0.1%, დარღვევის  დღიდან  ყოველ ვადაგადაცილებულ დღეზე; ბ) საინვესტიციო  ვალდებულებების შეუსრულებლობის შემთხვევაში - დარჩენილი განსახორციელებელი ინვესტიციის 0.1%, დარღვევის დღიდან ყოველ ვადაგადაცილებულ დღეზე; გ) ახმეტის მუნიციპალიტეტის   ქონების სარგებლობის უფლებით მიმღების მიერ პირდაპირი განკარგვის წესით, აუქციონის ან/და სხვა სახელშეკრულებო ვალდებულების შეუსრულებლობისათვის პირგასამტეხლოს ოდენობა განისაზღვრება სარგებლობის ხელშეკრულებით. 4. სარგებლობის ხელშეკრულების პირობების შეუსრულებლობის განმეორებით გამოვლენის შემთხვევა და/ან დაწესებულ ვადაში პირგასამტეხლოს გადაუხდელობა მიიჩნევა სარგებლობის ხელშეკრულების ცალმხრივად  მოშლის  საფუძვლად ახმეტის მუნიციპალიტეტის   გამგებლის  მიერ. ახმეტის მუნიციპალიტეტის   ქონების სარგებლობის უფლებით მიმღებს არ უბრუნდება გადახდილი თანხა და არ უნაზღაურდება მის მიერ გაწეული სხვა ხარჯები. თავი V ახმეტის მუნიციპალიტეტის   საკუთრებაში არსებული აქციებისა და წილების მართვის უფლებით გადაცემა მუხლი 27🔗. ზოგადი დებულებები 1. აქციების   და   წილების   მართვის   უფლებით   გადაცემას  ახმეტის მუნიციპალიტეტის    გამგებელი, ახმეტის მუნიციპალიტეტის   საკრებულოს თანხმობით. 2.  აქციებისა  და  წილების  მართვის  უფლებით  გადაცემის  ინიციატორი  განაცხადს  წარუდგენს ახმეტის მუნიციპალიტეტის   გამგებელს,   რომელიც   თავის   მხრივ,   აღნიშნული   საკითხის განხილვის  შემდგომ,  ახმეტის მუნიციპალიტეტის   საკრებულოს  თანხმობით,  იღებს  გადაწყვეტილებას  მისი მართვის უფლებით გადაცემის შესახებ. 3.  აქციებისა  და  წილების  მართვის  უფლემით  გადაცემის  ვადას  განსაზღვრავს  ახმეტის მუნიციპალიტეტის   გამგებელი, ახმეტის მუნიციპალიტეტის   საკრებულოს თანხმობით. მუხლი 28🔗. აქციებისა და წილების მართვის უფლებით გადაცემის ორგანიზება და პირობები 1. აქციებისა და წილების მართვის უფლებით გადაცემა ხორციელდება აუქციონის ფორმით. აქციებისა და წილების მართვის უფლებით გადაცემის ფორმის (უპირობო ან პირობებიანი აუქციონი) შერჩევის შესახებ  გადაწყვეტილებას  იღებს  ახმეტის მუნიციპალიტეტის   გამგებელი, ახმეტის მუნიციპალიტეტის    საკრებულოს თანხმობით. 2. აქციებისა და წილების მართვის უფლებით გადაცემისას, აუქციონში გამარჯვებულის გამოვლენის კრიტერიუმია    აუქციონის    პირობების    სრულად    დაკმაყოფილება (პირობებიანი    აუქციონის შემთხვევაში) და ყველაზე მაღალი ფასის გადახდა. 3. აუქციონში მონაწილეობის მიღება შეუძლია ფიზიკურ და იურიდიულ პირებს. 4.  აუქციონის  პირობებს  ადგენს ახმეტის მუნიციპალიტეტის   გამგებელი, ახმეტის მუნიციპალიტეტის    საკრებულოს  თანხმობით,  მართვის  უფლებით გადასაცემი  აქციების  ან/და  წილების  მნიშვნელობის გათვალისწინებით. მუხლი 29🔗. აუქციონის ორგანიზება 1. აუქციონის ორგანიზებას ახორციელებს აუქციონატორი. 2.  აქციებისა  და  წილების  მართვის  უფლებით  გადაცემისას,  გამოიყენება  ამ  წესით  დადგენილი ელექტრონული ან საჯარო აუქციონის ჩატარების წესები. 3.  ამ  წესით  დადგენილი  ელექტრონული  ან  საჯარო  აუქციონის  ჩატარების  წესებით  დადგენილი გამოსაქვეყნებელი  ინფორმაცია,  დამატებით,  შესაძლოა,  შეიცავდეს  ინფორმაციას  აქციების  საერთო რაოდენობის შესახებ, ნომინალური ღირებულების მითითებით, ახმეტის მუნიციპალიტეტის   წილის ოდენობას სააქციო  ან   შეზღუდული   პასუხისმგებლობის   საზოგადოებაში,   საწარმოს   კრედიტორულ   და დებიტორულ დავალიანებებს. 4. საჭიროების შემთხვევაში, აუქციონის პირობებად შეიძლება განისაზღვროს სხვა პირობებიც, მათ შორის, დივიდენდების განაწილების წესი და ბიუჯეტის სასარგებლოდ გარკვეული თანხის გადახდა (პირობებიანი აუქციონის შემთხვევაში). მუხლი 30🔗. გარიგებათა გაფორმების წესი აქციებისა  და  წილების  მართვის  უფლებით  გადაცემის  შემთხვევაში,  გარიგებათა გაფორმებისას, გამოიყენება ამ წესის მე-­9 ან მე­-17 მუხლით დადგენილი მოთხოვნები. მუხლი 31🔗. აქციების ან წილების მართვის უფლებით მიმღების პასუხისმგებლობა 1.  აქციების  ან  წილების  მართვის  უფლებით მიმღები ახმეტის მუნიციპალიტეტის   გამგებელს, მოთხოვნისთანავე, წარუდგენს ინფორმაციას (ანგარიში) შესაბამისი ხელშეკრულების პირობებიდან გა­მომდინარე. 2. აქციების ან წილების მართვის უფლებით მიმღებს ახმეტის მუნიციპალიტეტის   გამგებელთან შეთანხმების გარეშე უფლება არა აქვს: საკუთრებაში ან სარგებლობის უფლებით გადასცეს სხვა პირს ან უფლებრივად  დატვირთოს  საწარმოს  საკუთრებაში  არსებული  ან  ბალანსზე  რიცხული  ქონება,  ან სარგებლობის  უფლებით  გადასცეს  სხვა  პირს  ან  უფლებრივად  დატვირთოს  აქციები  ან  წილები. ამასთან, აქციების ან წილების მართვის უფლებით მიმღები ვალდებულია, მოქმედი კანონმდებლობის შესაბამისად, უზრუნველყოს საზოგადოების ქონების მოვლა­პატრონობა და დაცვა. 3. შესაბამისი ხელშეკრულებით გათვალისწინებული პირობების დაუცველობის შემთხვევაში, აქციების ან   წილების   მართვის   უფლებით  მიმღები  იღებს  გაფრთხილებას  წერილობითი  სახით,  სადაც მიეთითება დარღვევის გამოსწორების ვადა და ეკისრება შესაბამისი პირგასამტეხლო. პირგასამტეხლოს ოდენობა განისაზღვრება აუქციონის ან/და სახელშეკრულებო პირობებიდან გამომდინარე, კერძოდ: ა)  წილების/აქციების  მართვის  უფლებით გადაცემის საფასურის არსებობის შემთხვევაში, რომელსაც იხდის   წილების/აქციების  მართვის  უფლებით  მიმღები,  წილების/აქციების  მართვის  უფლებით გადაცემის  საფასურის გადაუხდელი თანხის  0.1%, დარღვევის დღიდან  ყოველ  ვადაგადაცილებულ დღეზე; ბ) საინვესტიციო ვალდებულებების შეუსრულებლობის შემთხვევაში, დარჩენილი განსახორციელებელი ინვესტიციის 0.1%, დარღვევის დღიდან ყოველ ვადაგადაცილებულ დღეზე; გ) წილების/აქციების  მართვის  უფლებით მიმღების მიერ სხვა სააუქციონო ან/და სახელშეკრულებო ვალდებულების შეუსრულებლობისათვის პირგასამტეხლოს ოდენობა განისაზღვრება შესაბამისი ხელშეკრულებით. 4. თუ წილების/აქციების მართვის უფლებით მიმღები არ იხდის პირგასამტეხლოს და არ ასრულებს სააუქციონო ან/და შესაბამისი ხელშეკრულებით ნაკისრ ვალდებულებებს, ახმეტის მუნიციპალიტეტის  გამგებელს  უფლება   აქვს,   ზემოაღნიშნული   ხელშეკრულება   მოშალოს   ცალმხრივად. წილების/აქციების მართვის უფლებით მიმღებს ჩამოერთმევა აქციების ან წილების მართვის უფლება. თავი VI ახმეტის მუნიციპალიტეტის   ქონების პრივატიზებისას, საწყისი საპრივატიზებო საფასურისა და ახმეტის მუნიციპალიტეტის   ქონების სარგებლობის უფლებით გადაცემისას ქირის საფასურისა და ქირის საწყისი საფასურის განსაზღვრა მუხლი 32🔗. ახმეტის მუნიციპალიტეტის    საკუთრებაში  არსებული  უძრავი  ქონების პრივატიზებისას, საწყისი საპრივატიზებო საფასურის განსაზღვრის წესი ახმეტის მუნიციპალიტეტის   საკუთრებაში  არსებული  უძრავი  ქონების აუქციონის ფორმით პრივატიზებისას, საწყისი საპრივატიზებო საფასური განისაზღვრება არანაკლებ დამოუკიდებელი აუდიტორის (ექსპერტი) დასკვნის საფუძველზე დადგენილი ფასის ოდენობით. მუხლი 33🔗. ახმეტის მუნიციპალიტეტის   საკუთრებაში  არსებული  მოძრავი  ნივთის  საწყისი  საპრივატიზებო საფასურის განსაზღვრის წესი ახმეტის მუნიციპალიტეტის   საკუთრებაში არსებული მოძრავი ნივთის აუქციონის ფორმით პრივატიზებისას, საწყისი საპრივატიზებო საფასური განისაზღვრება ამ წესის 32-­ე მუხლის შესაბამისად. მუხლი 34🔗. ახმეტის მუნიციპალიტეტის   ქონების სარგებლობის უფლებით გადაცემისას, ქირის საფასურის და ქირის საწყისი საფასურის განსაზღვრის წესი 1.  ახმეტის მუნიციპალიტეტის   ქონების  სარგებლობის  უფლებით  გადაცემისას,  ქირის  საწყისი  საფასურის ოდენობას განსაზღვრავს ახმეტის მუნიციპალიტეტის    საკრებულო, ხოლო ქირის საფასურს ­  ახმეტის მუნიციპალიტეტის  გამგებელი ახმეტის მუნიციპალიტეტის   საკრებულოს თანხმობით. 2. ახმეტის მუნიციპალიტეტის   ქონების  სასყიდლით  სარგებლობის  უფლებით  გადაცემისას,  ქირის  საწყის საფასურს, ახმეტის მუნიციპალიტეტის   გამგებლის წარდგინებით, განსაზღვრავს ახმეტის მუნიციპალიტეტის   საკრებულო,  ამ  წესის  32­-ე  მუხლის  შესაბამისად  განსაზღვრული  საწყისი  საპრივატიზებო საფასურის არანაკლებ 5%­-ის ოდენობით. 3.   ფიზიკური  და  კერძო  სამართლის  იურიდიული  პირებისათვის  ახმეტის მუნიციპალიტეტის   ქონების სასყიდლით სარგებლობის უფლებით, პირდაპირი განკარგვის წესით, გადაცემისას, ქირის საფასური განისაზღვრება ახმეტის მუნიციპალიტეტის  გამგებლის მიერ, ახმეტის მუნიციპალიტეტის    საკრებულოს თანხმობით. მუხლი 35🔗.  წილების  და  აქციების  საწყისი  საპრივატიზებო  საფასურისა  და  მართვის უფლებით გადაცემის საწყისი საფასურის განსაზღვრის წესი 1. წილების/აქციების აუქციონის ფორმით პრივატიზებისას, წილების/აქციების საწყისი საპრივატიზებო საფასური აუქციონის ფორმით პრივატიზებისას, განისაზღვრება არანაკლებ დამოუკიდებელი აუდიტორის (ექსპერტი) დასკვნის საფუძველზე დადგენილი ფასის ოდენობით. 2.  წილების/აქციების  აუქციონის  ფორმით  მართვის  უფლებით  გადაცემისას,  მართვის  უფლებით გადაცემის საწყისი  საფასური, ყოველ  კონკრეტულ შემთხვევაში, განისაზღვრება ახმეტის მუნიციპალიტეტის   გამგებლის წარდგინებით, ახმეტის მუნიციპალიტეტის   საკრებულოს მიერ ამ მუხლის პირველი პუნქტის   შესაბამისად   განსაზღვრული   საწყისი   საპრივატიზებო   საფასურის   არანაკლებ 5%­ის ოდენობით. მუხლი 36🔗. საწყისი  საპრივატიზებო  საფასურის  და  სარგებლობის  უფლებით  გადაცემისას  ქირის საწყისი საფასურის შემცირება განმეორებითი აუქციონის დროს თუ   არ   მოხდება   აუქციონზე  გატანილი ახმეტის მუნიციპალიტეტის  ქონების  განკარგვა,  განმეორებით აუქციონზე აღნიშნული ქონების საწყისი საპრივატიზებო საფასური/ქირის საწყისი საფასური შეიძლება 50%-­მდე შემცირდეს, ხოლო თუ ახმეტის მუნიციპალიტეტის   ქონება განმეორებით აუქციონზეც არ განიკარგა, საწყისი    საპრივატიზებო   საფასური/ქირის   საწყისი   საფასური   შეიძლება   კიდევ   შემცირდეს ახმეტის მუნიციპალიტეტის   საკრებულოს მიერ.